သူ့ နာမည်ကို ဆောင့်အော်လာတဲ့ Lin ZiHong ကို သူ ခပ်တင်းတင်းသာ စိုက်ကြည့်နေလိုက်တယ်။
"မင်း မတက်လို့ မရဘူး... ငါတို့က တရားဝင်လက်ထပ်ထားတဲ့ဆက်ဆံရေးပဲ... မင်း ငါ့အမျိုးသားအနေနဲ့ တက်ကို တက်ရမယ်"
သူ ဟက်ခနဲ တစ်ချက် ရယ်လိုက်တယ်။
"ဘာ ဆက်ဆံရေးပဲ ဖြစ်ဖြစ်... ငါမတက်နိုင်ဘူး..."
"Yang YuTeng... ငါ မင်းကို တရားဝင်လင်ယောင်္ကျားတစ်ယောက်အနေနဲ့ ဘာမှ မဖြည့်ဆည်းခိုင်းဘူး... ဒီလိုပွဲမျိုးတော့ မင်းနဲ့ တွဲတက်ပေးရမှာပေါ့"
"မင်း ဖြည့်ဆည်းခိုင်းတိုင်းရော ငါက ဖြည့်ဆည်းရမှာလား... ဒီအိမ်ထောင်ရေးက အပေါ်ယံဆိုတာ မင်းလည်း သိတယ်... ငါလည်း သိတယ်..."
Lin ZiHong စုပ်တစ်ချက်သပ်ကာ ထပ်အထွန့်တက်လာတယ်။
"ဒါပေမဲ့..."
"ဆက်မပြောနဲ့တော့... အဲ့ဒီနေ့က ကောမွေးနေ့ဆိုတာရော မင်းသတိရလား... ငါက ကောမွေးနေ့မှာ လူကြားထဲ မင်းယောင်္ကျား လုပ်ပြနေရမှာလား..."
သူ စေ့စေ့ကြည့်ပြီး မေးလိုက်တော့ Lin ZiHong ငြိမ်ကျသွားတယ်။ ကောနဲ့ ပတ်သက်လာရင် Lin ZiHong မှာ အားနာစိတ်တော့ တကယ်ရှိတဲ့ပုံပဲ။ Lin ZiHong ငြိမ်နေတာကို အခွင့်ကောင်းယူပြီး သူတစ်ဆက်တည်း ပြောလိုက်တယ်။
"မကြာခင် အဆုံးသတ်တော့မဲ့ အိမ်ထောင်ရေးပဲ... အဲ့လောက် ချစ်ပြနေစရာလည်း မလိုပါဘူး"
ပြောချင်တဲ့ စကားအကုန် ပြောပြီး Lin ZiHong ကို ကျောခိုင်းထွက်လာခဲ့တယ်။ သူ စိတ်ကောင်းထားချင်ရင်တောင် Lin ZiHong ဆိုတာ စိတ်ကောင်းထားမရတဲ့ သူမျိုး။
#_#_#_#
"ဒီအိမ်ထောင်ရေးကို ငါက အဆုံးသတ်ခံမယ် ထင်လို့လား Yang YuTeng..."
သူတစ်ယောက်တည်း ခပ်တိုးတိုး ရေရွတ်တာကို ကျောခိုင်းထွက်သွားတဲ့ Yang YuTeng တော့ မသိနိုင်တော့ဘူး။
လွန်ခဲ့တဲ့နှစ်နှစ် နှလုံးအစားထိုးပြီးကတည်းက သူ့ကို မုန်းတီးနေတဲ့ Yang YuTeng ကို တစ်ခါ လက်လျော့ခဲ့ဖူးတယ်။ အစ်ကိုအရင်းရဲ့ နှလုံးကို ယူခဲ့မိတာ၊ Yang YuTeng ရဲ့ ချစ်သူကို သေစေခဲ့တာ စသဖြင့် အပြစ်မကင်းစိတ်ကြောင့် Yang YuTeng ရဲ့ အမုန်းကို အသားကျအောင် ကြိုးစားရင်း လက်လျော့ခဲ့တယ်။
BINABASA MO ANG
Stolen Heart
Fanfictionတစ်ခါတလေ လူတစ်ယောက်ကို မုန်းဖို့အတွက် နှလုံးသားပါ ပေးဆပ်ရတယ် ‼️မှတ်ချက်။ ။ ဤဇာတ်လမ်းသည် တကယ့်လောကမှ မည်သူတစ်ဦးတစ်ယောက်ကိုမှ ထိခိုက်နစ်နာလိုစိတ် မရှိပါ။ စိတ်ကူးယဉ် Fan Fiction တစ်ပုဒ်သာ ဖြစ်သည်။‼️
