Stolen Heart

16

"မင်း ဒီမှာ ဘာလုပ်နေတာလဲ"

မှန်တင်ခုံရှေ့မှာ ထိုင်နေပြီး မှန်ထဲက တစ်ဆင့် လှမ်းကြည့်နေတဲ့ Lin ZiHong က ဘာမှ ပြန်မပြော။ ကြားထဲက ဝင်လာတဲ့ Evan က သူ့ပခုံးကို ကိုင်ရင်း အနားကပ်လာတယ်။

"YU... ငါပြောပြမယ်"

ထိုအချိန် Hair Stylist တစ်ယောက် အဝတ်လဲခန်းထဲ ရောက်လာပြီး Lin ZiHong ကို စတင် ပြင်ဆင်ပေးနေတော့ သူ Evan ကို နားမလည်နိုင်သလို ကြည့်လိုက်တယ်။ ဘာတွေ ဖြစ်နေတာလဲ။

သူ့ကို မှန်တင်ခုံနဲ့ ဝေးရာ အခန်းထောင့်ကို ဆွဲခေါ်သွားတဲ့ Evan က။

"မင်း Lin ZiHong နဲ့ တစ်စုံစာတော့ တူတူရိုက်‌ပေးရမယ်"

"ဘာ..."

သူတကယ်ကို နားမလည်နိုင်တော့။ အဆက်အစပ်မရှိ Men Watch ကြော်ငြာရိုက်နေတဲ့ Photoshoot ရိုက်ကွင်းကို ရုတ်တရက် ရောက်ချလာတဲ့ Lin ZiHong နဲ့ တူတူ တွဲရိုက်ပေးရမယ်တဲ့။

"ဘာတွေလဲ Evan... ရုတ်တရက်ကြီး... ဒီကောင်က ဘာလို့ ပါလာတာလဲ"

သူ သဘောမကျတာကို သိတာကြောင့် ရိုက်ကွင်းပျက်မှာကို စိုးရိမ်နေတဲ့ Evan က။

"တကယ်တော့ ဒီ Product က Label မတူပေမဲ့ Lin Group အောက်ကပဲ... အစကတော့ Couple ရိုက်ဖို့ အစီအစဉ်မပါဘူး... ဒီမနက်တင်မှ Photographer နဲ့ ကြော်ငြာရှင် စိတ်ကူးပေါက်ပြီး ဒီလိုတွေ ဖြစ်သွားတာ..."

Evan စကားကို နားထောင်ပြီး သူ သက်ပြင်းသာ ချလိုက်မိတယ်။

"မင်း ဝင်မတားဘူးလား..."

"မလွယ်ဘူးလေကွာ... ပြီးတော့ ငါက Lin ZiHong မရိုက်လောက်ဘူး ထင်နေတာ... သူကလည်း Photographer ဖုန်းဆက်တာနဲ့ ရောက်ချလာတယ်... Photographer Ray က Lin ZiHong နဲ့ အသိတွေတဲ့"

သူ ဘာပြောရမှန်းတောင် မသိတော့။ Lin ZiHong တို့က ချည်ပြီး တုပ်ပြီးကို အပိုင် လုပ်တာပဲ။

"တစ်စုံပါပဲကွာ... ဒီတစ်စုံပြီးရင် ပြီးပြီပဲ... Co Actor လို့ပဲ သဘောပြီး ရိုက်လိုက်ပါကွာ"

ခခယယပြော‌နေတဲ့ Evan ကို စိတ်ပျက်လက်ပျက် ခေါင်းညိတ်ပြလိုက်တယ်။ မှန်ထဲကတစ်ဆင့် မြင်နေရတဲ့ Lin ZiHong ကို ဘုကြည့်ကြည့်လိုက်တော့ Lin ZiHong ဆိုတဲ့ကောင်က အောင်နိုင်သူလို လှောင်ပြုံး ပြုံးပြနေတုန်းပဲ။