كان كل مره أيوب يتحمس يروح لدروس التقويه عشان يقابل رويد، اللي هو بدوره كان يتحمس اكثر عشان يقابل أيوب. بدت صداقتهم تقوى اكثر و اكثر الى ان انتقلت من صداقة بمركز التقويه الى اكثر من مجرد صداقة مركز تقويه. صار رويد كل مره يروح لبيت أيوب عشان يلعب معاه ويتشاركو اسرارهم اللي ما يدري عنها غير أيوب و رويد.
من كثر حب رويد لأيوب كان دايم يتكلم عنه عند اهله الى ان الاهل بدأوا يحسو بفضول بهالشخص اللي رويد ما يسكت عنه لذا عزموا أيوب واهله لبيتهم مره من المرات. اخت رويد اللي تكبره بثلاث سنوات رفيده تعلقت كثير بأيوب بدأت تتضارب مع رويد كونها الاخت الكبيره وهي اللي لها الحق في أيوب تاخذه لها. واغبى من عذرها ماله مثيل "الكبير قبل الصغير" بسبب تملكها الزايد بالاشياء صارت مهووسه فيها لدرجه تسوي المستحيل عشان تبقى لها هي فقط...
طبعا حيكون شي غريب كونها السبب في وفاة اهل أيوب وهي طفله. لكن بالنسبه لاهلها هذا مو شي غريب رفيده رح تعمل المستحيل عشان أيوب يحتاج لها. لكن ما اكتفت بعد ما سببت لأيوب الصغير فجوه واضطر يعيش بمأساه طول باقي السنوات بالميتم...
بفضل مروان وصديقتهم فآريا الفجوه اللي يحس بيها أيوب ما عاد يحس بيها... امتلئت بأجمل هديه ارسلها له ربه وهي هدية الصداقه الاخويه اللي لقاها بالاثنين وطبعا الانسه اسماء ملت فجوه احتياجه للام في كل زياره لها للميتم أيوب كان اول من يستقبلها
وبعد فتره من بقاء أيوب بلمأتم تبناه احد الرجال اللي كان يزور فيها المأتم بأيام معدوده واكتشف بعدها انه كان احد اعظم تجار البلد.. ما اجاه نصيب بان يخلف له اطفال والنصيب كان يتبنى احد الاطفال... زوجته ما كانت راضيه بطفل مو من دمها او طفل قذر مثل ما كانت تحب تقول.
ما اهتم لها ولكلامها. واكتمل امتلاء الفجوه باحتياج الاب واللي ملاها له والده بالتبني. علم أيوب كل حاجه ممكنه من الالف الى السين الى الياء، خطوه ورا خطوه الى ان أيوب تعلم كل ما يخص الشغل وغير الشغل ليكون الوريث الوحيد لأعظم التجار.
كانت حياته اجمل من كثير اشياء يتمناها. حب والده بالتبني له كان حب يفوق حبه لزوجته اللي كانت تناظر لأيوب باحتقار كل ما كان يجلس بجنب والده بغرفة الطعام و يتشاركو قصصهم من المدرسه الى الشغل او لرحلات والده...
علاقته بوالده كانت مثل الخيط على الابره من دون بعضهم مالهم حياه.
وبكل هذيك الاوقات طبعا أيوب ما نسى مروان وفاريا... أيوب اجتمع بمروان مره ثانيه لكن فاريا كان مالها اي اثر بعد ما رجع لهم للمأتم عشان ياخذهم معاه. مروان اعطاه خبر ان فيه عيله تبنتها وهو اللي بقى.
ومو بس مروان اللي رجع اجتمع مع أيوب ولكن رويد... و رفيده.
اللي للمره الثانيه رجعت ورجع لها هوسها وجنونها بأيوب. في احد الايام مسكت أيوب على جنب وقالت له بصوتها الرقيق العذب "تدري لو مو كنت احبك ما كنت رح تكون يتيم اليوم" وبعدها مشت وتركت ايوب والحيره والاستعجاب من جملتها تدور حوله زي البعوضه .
بنفس الشهر بصباح يوم ميلاد ايوب وصلت له رساله "اذا ما احتجتني المره الاولى، هذي المره رح تركع فيها تحت رجولي... كل سنة وانت لي، احبكك3>" وكالعاده ايوب ما كان فاهم قصدها الى ان وصل له خبر وفاة والده بالتبني.
كان بنفس الطريقه اصطدام شاحنه بالسياره. حادث مروري يسبب بوفاه اعظم تجار البلد!!
انهيار أيوب للمره الثانيه كان عاصفه مو فجوه وهو يستوعب كل شي بسببه... بسبب هوس. تغير أيوب لميه وثمانين درجه أيوب المرح، أيوب اللطيف، أيوب اللي يحب بقلبه ما عاد له وجود...
حب؟ ما كان يعرف وش هو الحب نسى معناه بالحياه صار جسد بلا روح. شاكر اللي كان موجود بكل لحظه بجنب أيوب كونه اليد اليمين المعين خصيصا لأيوب. هو اللي بدا يطلع أيوب من دوامته هو اللي اخذ دور الاب بعد وفاة والده.
وبمساعده من مروان رجع أيوب مثل ما كان لكن ببعض الاشياء العالقه. أيوب ما عاد صدقاً يشارك مشاعره لاحد. الثقه بالناس وخوفه ان يرجع يتعلق بأحد وينسلب منه بلمح البصر كانت تلازمه طول الوقت الى ان صارت عاده. وبسبب كتمانه كان يبكي كل ما ينام .
مو أيوب اللي انفجر من الكتمان لكن جسده اللي بدا يبكي تلقائيا كل مره ينام فيها ويحلم بالكوابيس اللي ملازمته طول الوقت. رغم كوابيسه كان يعتقد شاكر ان أيوب راح يصيبه الارق... لكن أيوب كان يعشق كوابيسه، نوعا ما كانت كوابيس لكن بنفس الوقت كانت الطريقه الوحيده اللي يقدر فيها يعبر عن مشاعره من غير يحتاج يشرحها لشخص معين وتنتهي باستغلالها بصالحه
هذا كان سبب دموع أيوب كل ما غمضت له عين، وهذا سبب عدم ثقة أيوب بعناد وتميم، ما يبي يتعلق فيهم ما يبي يكلمهم طول الوقت وبالنهايه ينسلبو منه بأسوء الطرق اللي ما تخطر على البال .
وما يبي يخيب ظنه فيهم، يتوقع الاسواء من الجميع، يتخيل مرارة صداقته معاهم الى وين رح توصله م راح يقدر يثق فيهم، ما يبي ينجرح... ما يبي يخسر احد ثاني ما راح يقدر يرجع نفسه ما راح يقدر يعيش اكثر.
مجرد الفكره تصيبه تصيبه بدوامة كآبه، قلق، توتر، و غثيان.
أنت تقرأ
قريب لكن بعيد.
Romance(قريب لكن بعيد) فقدانه لاعز الاشخاص في حياته كسر في ماضيه ، وحاضره يخاف من الفقدان و الوحده اكثر من اي حاجه بالحياه ** القصه بين رجل و رجل اخر تحتوي على شابترات فيها زائد ثمنطعش **
