مغرورتي

الحلقه الرابعه...(4)
خليل ابــ عصبيه: أنت ما ......... و بعدين سكت
سالم ابــ عصبيه كبيرة: شن هــ تدريسه العوجه يا ......
و قعد ايبحت في خليل
خليل ابـــ صدمةة: سالم
سالم ابــ صدمةة: خليل
خليل: يالي قاعد انشوف فيه صح ولا كذب
سالم ضحك: لالا صاح يا صاحبي
خليل فتح ايديه: تعال تعال
و قدم سالم علي خليل و اضبطو بعضهم و اقعدو ايسلمو
علي بعضهم
سالم: كيف حالك شن اخبارك انشالله ابــ خير
خليل: تمام الحمدالله كيف حال العيله و العيال
سالم: تمام الحمدالله تؤمن بالله
خليل: لا الله إلا الله محمد رسول الله
سالم: اليوم هذ باتي كان يسأل فيا علي عمي مرعي و عليك
خليل: قصدك عمي فتح الله روح من ألمانيا
سالم: اهاا أمس كيف روح
خليل: كيف حاله و شن أخباره
سالم: تمام الحمدالله اهو قاعد جوا الجامع كنه جيين نحضرو
فاتحت حفيد صاحب باتي
خليل: معناها بعد تطلعو من الفاتحه لازم تمشو امعايا
الحوش باتي
سالم: باهي تمام هيا تعال خش شوف باتي أكيده ح يفرح
ابــ شوفتك
خليل: هيا تعال
و خش خليل و سالم للجامع و فتح الله أول ما شاف خليل
أنصدم بككككل و في نفس الوقت فرح للمليون لأن ولد صاحبه
المقرب يالي ايعد فيه كيف خوه
ع عموم اقعدو ايهدرزو و صلو العصر و حضرو الفاتحه
مع بعضهم و بعدها طلعو من الجامع و عدو شور حوش مرعي جد رزان
.........
عند رزان
كانت هي و ردينه و أرياف فــ المطبخ ايديراً في كيكه
أرياف: بنات ريناد وين
ردينه: شكلها مزالت راقده
رزان: تو نمشي انوضها
و عدت رزان طلعت من المطبخ و خشت للدار لقت ريناد
امقعمزة و ماسكه الفون في يدها و منصدمه
رزان بــ ستغراب: كنك
ريناد بحتت فيها: مؤيد
رزان: كنه
ريناد: رن عليا
رزان قدمت شورها: احلفي
ريناد: وحق المصحف رن عليا توا و قالي كنك معش
رنيتي عليا قتله كيف ما قلتيلي
رزان: شن قلتيله بــ ضبط
ريناد: قتله يالي غلطان هو يالي ايكلم و يعتذر و أنا ما غلطة أمعاك
رزان ابــ تشويق: باهي
ريناد: قالي هذا كلامك فــ الأول خفت وبعدين قتله اهاا عاجبك
باهي مش عاجبك هذي حاجه اتخصك
رزان: باهي
ريناد: بعدين قال حاجه صدمتني يا رزان و عمره ما دارها
ليا طول فترة علاقتنا
رزان: شن قالك
ريناد: أعتذر مني و قالي آسف أنا يالي غلطة
رزان: مش قتلك أنا مؤيد من نوعيته افوتيه ايطب للطريق
ريناد: توا سكر و قالي تو بعد انكمل شغلي انرن عليك
رزان: و أخيراً انحلت هــ زحره هذي
ريناد: بس حسيته طول ازعما أنرن نطمن عليه
رزان: خرررررررررررررفي تي أنا فيش كنت نخرط
ليا يومين أنتِ تبي اتخربي كل يالي درناه في دقيقه
ريناد: باهي شن أندير
رزان: يالي اديريه أنك اتسكري فمك و اتخليه نين ايرن ابــ روحه
و من يوم و غادي أنتِ رد بالك أترني يبيك تو ايرن عليك الثقل
أكويس يا بنت و الخفه عمرها ما جابت حاجه
ريناد: اووووف باهي باهي
رزان: هيا تعالي امعانا فــ المطبخ
و صبت ريناد هي و رزان و عدت شور المطبخ
.......
عند رابحه
كانت امعمزة فــ المربوعه علي خشت سفيان
سفيان: السلام عليكم
رابحه: وعليكم السلام
سفيان قعمز جنب أمه: آآآآآآه كيف حالك يا أمي
رابحه: سلامتك من الآه كنك
سفيان: القني تعبان و جسمي مدقدق
رابحه: بسم الله عليك يا أوليدي خش دوش و تو انحطلك
غداء تغدى و أرقد
سفيان: لا وين نرقد هيا وتو روحكم بيش انشيلكم
الحوش خالتي فوزية محمد قالي تعبانه
رابحه: هييييييييييي أختي كنها
سفيان: اهدي يا أمي ما فيها شي غير تعبانه من السكر
رابحه: باهي هيا نوض شيلنا
سفيان: باهي دقيقه انخش الحمام(حشاكم) وبعدين تو انشيلكم
و طلع سفيان و وصل عند الباب و سمع صوت غريب
سفيان رد: أمي في حد جوا
رابحه: اهاا صاحبة رزان قاعده عندنا من أمس
سفيان بــ ستغراب: كنها في حاجه
رابحه: مسكينه خالها ......
و حكتله قصة أرياف كلها
سفيان: لا حول ولا قوة الا بالله باهي هيا قولي
للبنات ايوتاً ارواحهن علي ما طلعت
رابحه صبت: باهي
و عدت شور البنات و حكتلهن
رزان: باهي انتو عدو أنا نقعد مع أرياف
أرياف: لالا عدي يا رزان
رزان: تي شن انعدي و أنتِ مع من تبي تقعدي
خالتي تو نمشيلها بعد الأمتحانات
أرياف: رزان ما اتخليني نندم أن قعدت عندك
واللهي لو ما مشيتي أنا اليوم هذ نطلع من الحوش
رزان: بس .....
أرياف قاطعتها: لا بس لا شي عدي و أنا تو انقعمز نقرى
علي ما جيتي مش ح ايصيرلي شي
رزان: متأكده
أرياف: اهاا متأكده
رابحه: معناها هيا وتاً ارواحكاً علي ما سفيان طلع
و خشاً البنات و رابحه يلبساً و أرياف قعمزت طلعت شيتاتها
و اقعدت تقرى
........
عند نبيل
كان دوبه واعي من نومه و يشرب في قهوه علي رنة
فونه كان رقم غريب
نبيل رد: ايوا
محمود: نبيل أفلان
نبيل: أنعم اهاا نبيل من امعايا
محمود: أنا محمود افلان
نبيل: ابــسلامتك واللهي ما عرفتك
محمود: أنا يالي حكتلك عليا أنوار بنت خالتك
نبيل: اهااااا اذكرت مرحبتين أستاذ محمود
محمود: كيف حالك شن أخبارك
نبيل: تمام الحمدالله أنت شن داير
محمود: اكويس الحمدالله
نبيل: دوم انشالله
محمود: أجمعين انشالله
نبيل: انشالله
محمود: قتلك أنا رنيت عشان انقولك ع عمل
نبيل: اهاا
محمود: شنو وافقت ولالا
نبيل: اهاا انشاء الله
محمود: خلاص معناها جيبلي أوراقك و انشالله
كل حاجه ح اتكون تمام
نبيل: خلاص شنو الأوراق يالي تبيهن
محمود: تو اندزهن لكي في رساله و جيبهن ليا
في حوشي اليوم
نبيل: تم يا معلم
محمود: هيا مع سلامه
نبيل: سلام
و سكر نبيل و كمل شرب القهوه و جاته رساله فيها الأوراق
المطلوبه و عدى وتاهن كلهن و شالهن الحوش محمود
و بعدين عدى شور أصحابه
........
عند أرياف
بعدت عدت رزان ولهلها عند خالتهم هي اقعدت تقرى
أرياف كانت تقرى سمعت الباب ايدق
أرياف: حس الباب ايدق
و صبت أرياف ابــ سرعه شور الباب
أرياف: ايوا من
بس محد رد
أرياف: منو
برضو محد رد
أرياف جت تبي اترد اتخش الباب دق مره ثانيه
أرياف ردت: منو
خال أرياف: حلي أنا خالك
أرياف ابــ صدمه: خالي
و قدمت ع باب و فتحاته
خال أرياف خش و سكر الباب
أرياف ابــ خوف: خالي أنت شن جابك هنا
خال أرياف: كيف شن جابني جاي ناخذ فيك
أرياف: أنت كيف عرفت مِكاني
خال أرياف: لما طلعتي من الحوش لحقتك و شفتك خشيتي هنا
أرياف: و شن خطر عليك أتردني توا بعد ما لزيتني
خال أرياف: أنتِ بنت أختي مهما كان مش ح انتخلى عليك هيا
خشي لمي ادبشك و هيا
أرياف: هه علي أساس عندي دبش بيش انلمه وبعدين أنا
عارفه عليش تبي أتردني عشان أنرد نقعد خدامه المراتك و اعيالك
خال أرياف ابــ عصبيه: كلمة وحده و رد أغطاها هيا لمي
حاجتك و أطلعي أمعايا
أرياف: ما نبيش نمشي امعاك
خال أرياف شد أعصابه: أرياف أخر مره أنقولك أطلعي قدامي
أرياف تبكي: خلاص خليني في حالي واللهي مليت منكم و من معاملتكم
الزفته ليا اتعاملو فيا و كأني خدامه عندكم خلاص اطلعو من حياتي و خطوني
خال أرياف: أنتِ شكلك تبي اتعبيني
و قدم عليها و مسكها من يدها و قعد ايجر فيها برا الحوش
......
عند سفيان
حط هله في حوش خالته و قاللهم يمشي ايدوش و ايتغدى
و ايبدل و ايجي ايروح بيهم و ركب سيارته و عدى شور حوشهم
بعد نص ساعه وصل نزل و فتح باب حوشهم و انصدم بعد لقى
خال أرياف ايكر في أرياف
سفيان ابــ عصبيه: هااااااااااااي تي شنو يالي قاعد ايصير
أرياف تبكي: يبي ياخذني بــ الغصب
سفيان ابــ عصبيه: أنت منو و شن خششك هنا و أنتِ منو
(طبعاً سفيان أن صحبة رزان قاعده عندهم)
خال أرياف: أنا جاي ناخذ بنت أختي و نبي نمشي
أرياف تبكي: حول أنا ما نبيش نمشي أمعاك حول
سفيان استجمع معلومات و أذكر يالي حكاته لاه أمه علي
أرياف و قصتها مع خالها
سفيان قدم وفك أرياف من خالها
سفيان ابــ عصبيه: حول يدك من عليها و عدي اطلع من الحوش
خال أرياف ابــ عصبيه: و أنت من عشان تمنعني عشان ناخذ بنت أختي
و قدم يبي يمسك أرياف سفيان دفه بــ القوة و أرياف جت ورا سفيان
و اقعدت ماسكه في ماليته و تبكي
سفيان ابــ عصبيه: أسمعني مزلت محترمك و ساكت لأنك راجل كبير
و ما نبيش نغلط فيك
خال أرياف: تي أنا ما عندي ما نبي فيك أنا نبي ناخذ أرياف و نمشي
أرياف تبكي و شاده في سفيان زييييييييييين
سفيان: أستغفر الله تبي تطلع برا الحوش ولا واللهي أتشوف
حاجه عمرك ما شفتها
خال أرياف: ما شي الأيام بيناتنا و ناخذك ناخذك يا فــ ###
و طلع خال أرياف و طربق باب الحوش بــ قوة
سفيان برم شاف لِــ أرياف لقاها مزالت ماسكه فيه و تبكي
سفيان لف يده و فكها من عليه و جابها امقابلته
سفيان: أنتِ صحبة رزان
أرياف هزة راسها معناها اهاا
سفيان: هذا خالك صاح
أرياف هزة راسها معناها اهاا
سفيان: باهي خلاص اهدي أشوية و تعالي قعمزي هنا
و جابها سفيان و خلاها اتقعمز ع سور و عدى جابلها أميه
و عطاها الها
سفيان: كنه خالك شن مشكلتك أمعاه
أرياف كانت و كأن تستنى في حد يسألها و حكت قصتها كلها لِــ سفيان
أرياف و هي ماسكه العبرة: و أخر حاجه أول أمس لزني من الحوش
سفيان: عليش لزك
أرياف: عشان رفضت نزوج ولد أختها
سفيان بــ ستغراب: ولد أخت من
أرياف: ولد أخت مرات خالي
سفيان: باهي أنتِ ما عندك خوال أخرى و لا خالات و لا عمام
أرياف: عمامي برا بنغازي و عمرهم ما سألو عليا خالي هذا هو الأخ الوحيد
الــ ماما الله يرحمها
سفيان: اهاا تمام
و في لحظه اقعدو ساكتين هما الأثنين
سفيان كان امطبس راسه و امشبك ايديه في بعضهن
و برضو أرياف كانت امطبسه راسها لكن جاها فضول
أنها أتشوف سفيان لأنها مش شايفته و حتى بعد فكها من خالها
كانت مش امركزه و بعد كان يحكي امعاها كانت امطبسه راسها
أرياف رفعت راسها بشوية و شافت لِــ سفيان
أرياف في لحظه نست أدموعها و نست همها و اقعدت هايمه
في جمال سفيان يالي كانو أعيونه زرقه و أشعره نازل علي  أعيونه
و لحيته يالي كان لونها كستنائي نفس لو الشعر و شفايفه يالي كان
لونهن وردي
سفيان: توا أنتِ حاولي اطلعي الموضوع من راسك معش اتفكري
فيه لأن تقريباً عندكم امتحانات فــ الطريق فــ أنسي و خليك شاقيه
بــ أمتحاناتك و بعدها ايحلها ربي
أرياف ساكته و أتشوف لِــ سفيان
سفيان رفع راسه و بحت فيها
سفيان: سمعتيني
أرياف لما سفيان شافلها أقريب ماتت
سفيان بــ ستغراب: تسمعي فيا
أرياف: آه اهاا تمام
و طبست راسها و صبت تبي اتخش جوا و قبل ما اتخش
سفيان: ممكن نعرف أسمك
أرياف خذت نفس: أرياف
و خشت جوا ابــ سرعه و برضو سفيان خش في جرتها
و خش دوش و تغدى و بدل ادبشه و عدى ايروح ابــ هله
أما أرياف أول ما خشت فــ دار سكرت علي روحها
و قعمزت و قلبها ايدق ابــ سرعه غريبه و نفسها عالي بككككل
اقعدت عشر دقايق علي نفس الحاله وبعد سمعت باب الحوش
اسكر صبت اشربت اميه و ردت للدار تقرى
........
تسريع الأحداث
روحو عيت رزان من خالتهم لكن أرياف ما حبت تحكي
الــ رزان شن صار أمعاها و أرياف كانت طول الوقت
اتفكر في سفيان
خليل عدى هو و سالم و فتح الله الــ مرعي
و بعد شافو الأصحاب بعضهم ياما صار فيهم و كانو
مش عاطيين فرحتهم الحد و هدرزو مع بعضهم و سهرو
و اتفقو قريباً ح ايديرو طلعه العيلتين مع بعضهم عشان
صباياهم ايتعرفاً علي بعضهن
أما عند نبيل
كلمة محمود و قاله أن قبلوه كــ أستاذ فــ الجامعه
و أن من بكره يقدر ايباشر فــ الدوام
.........
صباح يوم جديد
عند رزان
ناضت هي و أرياف و افطراً و وتاً أرواحهن
و شالهن خليل للــ جامعه
أما عند نبيل
حتى هو ناض و دوش و بدل و فطر و طلع شور الجامعه
.........
عند أهل نبيل
كانو امقعمزين يفطرو
مسعوده: سالم قتلك
سالم: نعم
مسعوده: نبي نمشي بكره نخطب الــ نبيل
سالم بــ ستغراب: من تبي تخطبيله
مسعوده: شيماء بنت خوك
سالم: شيماء بنت خويا
مسعوده: اهاا كنك مستغرب
سالم: لا غير استغربت كنت متوقع ح تخطبيله وحده من بنات
خواتك و لا بنات خوتك
مسعوده: لالا مافيش بنت من بنات خوتي ولا خواتي تستحق
نبيل كلهن جلط و اللسناتهن أطوال أنا أوليدي نبيله وحده هاديه
تسمع كلامه و أتريحه مش وحده جالطه و شايفه روحها
اتشعفه في حياته
سالم يضحك: و شيماء بنت خويا هاديه
مسعوده: اتهبل اتقووووووول ايييييش
سالم: باهي و نبيل عارف أنك تبيله شيماء
مسعوده: اهاا و شافها حتى الشوف و قالي يالي تبيها حاضر
سالم: باهي توكلي أمغير خليني أنشوف باتي قبل و كان
قال بكره تمام معناها بكره نمشو نحكو فيها رسمي
مسعوده: خلاص تمام بس عمي أمتى تحكي امعاه
سالم: توا هذا انكمل فطوري و انعدي شوره
مسعوده: باهي
سالم: بعد خطرها
مسعوده: شنو
سالم: وتي روحك فــ اليومين الجيات جيين عرب
مسعوده بــ ستغراب: عرب شن دوتهم
سالم: تذكر مرعي صاحب باتي زمان
مسعوده اقعدت اتفكر اشوية وبعدها: اهاا مش ولده خليل صاحبك
سالم: ايواااااا عليك نور
مسعوده: اهاا كنهم
سالم: باتي عزمهم هما ولهلهم ع عشاء عندنا
مسعوده: باهي مرحبتين بيهم بس أمتى بــ زبط
سالم: توا ماشي شور باتي نفتحله موضوع نبيل و بــ مره نسأله
مسعوده: باهي انشالله خير
و بعد اشوية صبى سالم و عدى شور باته
.........
عند رزان
وصلت هي و أرياف للجامعه
خليل: أمتى امروحات
رزان: اليوم محاضرة وحده يعني الساعه 10 طالعين
خليل: باهي تمام هيا انزلاً
أرياف: يعطيك الصحةة عمو تعبناك امعانا
خليل ابتسم: ولو ما فيش بات يتعب مع أبنياته
أرياف ابتسمت و نزلت هي و رزان و خشاً للجامعه
قابلتهن سندس
رزان: سيسوتي حبي
سندس ماده بوزها
أرياف: حبها كنها زعلانه
سندس: خزي يا خاينات معقوله لكاً يومين مع بعضكاً
و أمس كيف نعلمها ولا كلمتني ولا حكيتلي شن صار
و شن يالي صاير خزي اتقول ماني صحبتكاً
رزان تضحك: واللهي يا روحي ما حصلنا فرصةة بكككل
أسألي رفوفه
أرياف: اهاا واللهي جديات ما حصلنا فرصه بكل
سندس: اهاا اتحصلاً فرصه اتباتاً مع بعضكاً و تقراً
مع بعضكاً و أنا ولا كأني موجوده
رزان: واللهي أنتِ فاهمه غلط
سندس: شن يالي فاهمته غلط
أرياف: سيسوتي أنا ما كنتش عندها عشان كساد
خالي لزني من الحوش فــ أول حوش خطر عليا حوش زيزو
سندس خبطت ايديها علي وجها: هييييييييييييي شنو لزك
أرياف ابــ حزن: اهاا والله
سندس: باهي تعالي احكيلي كيف صار
رزان: حبوباتي أنتاً المحاضر خمسه و تبدى توا تلقي القاعه مليانه
و مافيش مِكان انقعمزو فيه  صباً خلينا نحضروها و بعد نطلعو انكملو هداريز
سندس: باهي هيا و احكيلي حتى اشوية فــ طريق
رزان: ريت هــ طريق الطويلة اهي القاعه
سندس ابــ نص عين: أسكتي أنتِ
أرياف اقعدت تضحك
و عداً شور القاعه وبعد خشاً لقاً القاعه مليانه
رزان: هييييييييي شن قتلكاً شفتاً القاعه كيف مليانه
سندس: خلاص بلاش أشورخ و خلينا نمشو انقعمزو لاورا
رزان: أنا ما نفهمش لما انقعمز لاورا
سندس: تي اووووووف غير بلاش سماطه فوتيها المره
هذي و بعدين اليوم الأستاذ الجديد أول محاضره
أرياف: هييييييي صاح أستاذ محمد حول مش عارفه من جابو مِكانه
رزان: يستر الله خشاً خشاً
و خشاً البنات لِــ نهاية القاعه و قعمزاً يحكاً علي قصة أرياف
.........
عند نبيل
وصل للجامعه وخش خذى الشيتات امتاعات المنهج
و سأل على قاعة المحاضرة و عدى شورها
نبيل فتح باب القاعه وخش
نبيل ابــ صوت عالي: السلام عليكم
كلهم ابــ صوت عالي: وعليكم السلام
طبعاً من أول ما خش نبيل و البنات كلهن أعيونهن عليه
نبيل ايخبط ع طاوله: ممكن تلتزمو الهدوء يا طلبة
كلهم سكتو
نبيل: أنا أستاذكم الجديد بدل أستاذ محمد أسمي نبيل أفلان
تخصص أقتصاد و ح نعطيكم مادة المحاسبة
رزان كانت امطبسه راسها و أتراجع فــ شيت لأنها خافة
الأستاذ يسأل و أول ما قعد نبيل يحكي خاصتاً بعد حكى ابــ صوت
عالي حست روحها سامعه الصوت هذا اكوييييييس
و رفعت رزان راسها عشان اتشوف للــ أستاذ
رزان😳

يتبع....
أودي الفرجاني##