مغرورتي

قبل لا تقرو الحلقه صلواْ على رسول الله أجر ليا و لكم♥️
و ياريت شي ثاني الفيديو شوفوه بعد الحلقه تصميمي
لِــ رزان و نبيل ياريت اتشوفوه كلا لأن
الفيديو و الأغنية توووووحفه ...
_______

الحلقه الأربعون...(40) و الأخيرة
تقوى كانت امصبيه قدام باب المربوعه و أقريب اطير
من فرحتها و تسمع فيهم يقرو فــ الفاتحه
فــجأة انفتح الباب الوسطي للحوش و ايخش ......
تقوى رفعت راسها و بحتت و هنا كانت الصعقه
تقوى ابــ صددددددددمه: أُ أُ أُ أُ أُ ســـااااااامههه
أسامه خش طول شور المربوعه و فتح الباب و خش
أسامه: وقف يا شيخ
كلهم بحتو فــ الباب و شافواْ أسامه
نبيل بعد شاف أسامه كأن نزلت عليه صعقه
نبيل ابــ صدمه: أســامه
أسامه: نبيل انهي كل المسخره يالي قاعده اتصير
الشيخ: عيب يا أبني هذي فاتحه علي سنة الله و رسوله
شنو مسخره
أسامه: سامحنا يا شيخ تفضل عدي معش نبو نقرو فاتحه لا شي
سالم صبى: أنت فيش تحكي
أسامه: عمي اهدى ح انفهمكم كل حاجه و أنت يا شيخ
توكل عدي
الشيخ صبى و طلع  تقوى مزالت مسكته و اصبيه عند باب المربوعه
و برضو نبيل امصبي و ايبحت في أسامه و ساكت من الصدمه
تقوى بحتت فــ الباب خشت رابحه و أرياف و سندس
و خش عصام و ردينه و ماهر و ريناد و ريهام و محمد
و أدهم و مراته و خشو كلهم فــ المربوعه
سالم و فتح الله و نبيل كانواْ ايشوفو في أهل رزان كلهم
خاشين و كأنهم قاعدين فــ حلم
أسامه: عصام كلم عقاب هلك
عصام: تم
و صبى عصام خش جوا شفاته مسعوده انصدمة
من جيته و اقعدت تضبط فيه و اتحمدله ع سلامه
مسعوده: ردينه وين
عصام: أمي تعالي أنتِ و البنات
مسعوده بــ ستغراب: وين تعالي
عصام: تعالي بس
البنات طول اعرفاً أن رزان جت
طلع عصام و في جرته مسعوده و البنات
خشو للمربوعه اقعدت مسعوده مستكه و مش فاهمه يالي
قاعد ايصير خشت هي و البنات و قعمزو كلهم و تقوى عند الباب
اتبحت فيهم و مزالت مصدومه و قلبها ايدق ابــ سرعه من الخوف
تقوى حست حد خش للحوش رفعت راسها شافت رزان و سفيان
خاشين
فتح الله: ما تبيش اتقول شن يالي قاعد ايصير يا أسامه
أسامه: مزال في أثنين ما جو
علي خشت رزان و سفيان
سفيان: اهو جينا
نبيل رفع راسه شاف رزان و سفيان خشين
أسامه بحت في تقوى: خشي أنتِ
تقوى ابـ صوت يرعش: أُأُسـ سـ سـامهه أنـا
أسامه ابــ صوت عااااااااااالي: خشيييييييييييييييي
تقوى خشت و هي ميته علي روحها من الخوف
أسامه: قعمزي هنا و توا و قدام الكل تحكي كل يالي عندك
تقوى: أسامه
أسامه معش قدر يمسك روحه و طبس مسكها من شعرها
أسامه ابــ عصبيه نين اعروقه برزو من ارقبته
أسامه: توا تحكي ككككككل حاجه توا اتقولي اللعبه يالي
كنتي تلعبي فيها من 7 أشهور احكي خير ما نذبحك و نفتك من وجك
قوليلهم هيا قوليلهم أن العيل مش ولد نبيل قوليلهم أن العيل يالي
درتيه ولد حرــ## يطلع ولد خوك يا حقيره قوليلهم هيا قولي
عليش درتي هذا كلا
كلهم بعد سمعو الكلام يالي قاله أسامه استكو و بحتو في نبيل
يالي بعد سمع الكلام حس قلبه نقبضضضضضض بــ القووووة
و صبى علي حيل حيله
سفيان قدم علي أسامه و قعد ايفك في تقوى منه
سفيان: أسامه استهدي بالله كنك اهدى أشوية
نبيل: شن الكلام يالي قاعدين اتقولو فيه أنتم
سفيان: نبيل سألت بالله تهدى و اتقعمز مِكانك و خلي البنت تحكي يالي عندها
نبيل قدم علي تقوى
نبيل ابــ عصبيه و صوت عالي: تي كيف الكلام هذاااااااااا قولي كيف
فتح الله: نبيل
نبيل بحت في جده: يا جدي تي أنت ما تسمع فــ يالي قاعدين ايقولو فيه
فتح الله: نبيل قعمز و اهدى خلينا نسمعو و نفهمو
سفيان: سألتك بالله و راس الغوالي أتقعمز و تسمع ابــ هدوء بلا العياط
نبيل غمض أعيونه و غرس صوابعه فــ شعره: اوووووووف أستغفر الله
و رد نبيل مِكانه و قعمز
و وخر سفيان و امعاه أسامه و صبو رزان و سفيان و أسامه
جنب بعضهم و الكل كان امقعمز و مش عارف شن الكلام يالي انقال
قدامهم تقوى امقعمزة في نص المربوعه و كلهم امقعمزين حواليها
تقوى ادموعها يذرفو: طول عمري كنت بنت عاديه كيفها كيف أي بنت
قاعده عايشه مع هلها تاكل تشرب تطلع اتخش تقرى متريحه و الحمدالله
لكن الحياة ديماً ما اتكملها علي حد توفو باتي و أمي و قعدت أنا و أسامه
برواحنا بعد وافتهم كل شي تغير حياتنا كلها تغير 1000% تغير
سيبت القرايه ابــ حكم أن ما عندنا قدره علي دفع المصاريف
أسامه خويا يالي كان ما يعرف حاجه أسمها شغل و 24 ساعه نوم
و دهوره مع أصحابه قعد يشتغل ليل نهار عشان فــ أخر اليوم نلقو
حاجه انسدو بيها جوعنا الكل حاول ايساعدنا لكن أسامه كان رافض
اي مساعده من اي حد و أنت أكثر واحد عارف الشي هذا
و بحتت تقوى في نبيل يالي كان يسمع فيها و قاعد علي أعصابه
تقوى: بعد فترة تعودنا خلاص نحن ما أنسينا بس تعودنا ع حياة بدون
هلنا الحالتنا الماديه اسقمت أشوية و بدنيت حتى أنا نشتغل فــ البيوت
و انساعد فــ أسامه يالي كان رافض فكرة شغلي بكل لكن بعد أصرار
مني اقنعته أنِ نشتغل الحمدالله اشتغلت و قعدنا انحطو فــ القرش ع قرش
و بدينا انأسسو في حياتنا الخاصه نا بين فترة و فترة نمشو الخوالي
برا ليبيا لأن هما مش ليبيين و بعدين انردو هنا المهم في هذك الفترة
أسامه حب بنت خالتي و قرر أن يزوجها و ايأسس أمعاها حياة
و اتدي خالتي و راجلها ايعيشو امعانا هنا قدام بنتهم الوحيده
يالي ح يزوجها أسامه لكن كيف ما قلت الحياة ديماً ما اتكمل فرحة حد
توفى صاحب أسامه ربيع و ردت حياتنا أنقلبت من جديد أسامه من بعد
توفى ربيع و هو كل يوم ايجي للحوش شارب و كان نبيل ديماً امعاه
و يشربو مع بعضهم كان همهم كبير ابــ فقدة صاحبهم صح نبيل
كان ايجي يشرب في حوشنا هو أسامه خويا لكن يشهد الله
أن لا عمره جا شوري ولا حتى لمسني نبيل كان ايعد فيا كيف
أخته و وين ما ايشوفني كان ايطبس في راسه و من ثقة
أسامه الكبيره في نبيل كان لما ايباتو مع بعضهم في حوشنا
مرات أسامه يطلعله عمل فــ صبح ايعدي و ايسيب فيا
فــ الحوش مع نبيل يعني ان ايعد في نبيل كيف خوه و نبيل
فعلاً كان قد الثقه يالي بينه وبين أسامه و كان كيف خويا
و لعند توا هو كيف خويا يشهد الله أن لا لمسني لا جا شوري
و اقعدت تقوى تبكي و الكل ساكت و يسمع
تقوى تمسح فــ ادموعها: بعد فترة من وفاة ربيع قرر أسامه
انسافرو و انسيبو البلاد بكل و قال أن ما يبي ايقول الحد و خصوصاً
نبيل لأن كان عارفه لو نبيل عرف أن يبي ايسيب لبلاد ما كان ح ايسيبه
و أسامه كان مش طايق يقعد حتى دقيقه فـ البلاد المهم جا يوم الرحيل
و لمينا دبشنا و عدينا البلاد خوالي قعدنا عند خالتي فترة طووووووويله
أقريب السنه بيش أسامه لم جرحه و رد يشتغل و يطلع و ايخش
طقت علي موتت ربيعه سنه و امعاها قلنا خلاص لازم اسامه يزوج
و نتفكو من هم و نكسرو الحزن فعلاً تزوج أسامه بنت خالتي
و عشنا مع خالتي وراجلها فــ الحوش بعد زواج أسامه الحياة
ضحتلنا و قعدولنا خالتي وراجلها كأنهم باتنا و أمنا فعلاً حياتنا كانت
حلوه الفترة هذكِ بعد فترة طلعت مرات أسامه حامل و كلنا فرحنا بكككككل
و أسامه قال لو جاني عيل ح انسميه ربيع علي أسم المرحوم قعدنا
هذك الفترة بس نحو ع الــ بيبي و دبش الــ بيبي و أسم الــ بيبي
نين وصلت للشهر التاسع و جا يوم ولادتها عدينا نجارو بيها للمستشفى
و خشت للعمليات لكن معش طلعت
كلمهم انصدمو من كلمة تقوى
تقوى: اهاا هي ماتت وهي اتجيب
أسامه ان امصبي و أدموعه شلال من أعيونه
تقوى: مش ح انقوللكم أسامه شن صار فيه لكن تعرفو معنى
كلمة تحطم نفسياً يعني أنسان فقد باته و أمه و بعدين فقد صاحبه
يالي كان كيف خوه و بعدين سيب ابلاده هج برا منها و بعدين
مراته اتموت و هي اتجيب في اولده يعني أكيده ح ينهار
فعلاً أسامه انهار نفسياً و علقياً خلاص بعد موتت مراته
هو سلم الحياة و قعد كل يوم جاي للحوش و هو مغمى عليه
من الشرب انسى اولده و نساني و نسى الدنيا كلها قعد بس
كل يوم يمشي عند قبرها يكي امعاها و ايعيط و يبكي و يطلع
يشرب و ايروح للحوش و هو فااااااااااقد خالتي و راجلها
حتى هما ياما صار فيهم من موتت بنتهم لكن يالي صبرهم ولدها
يالي سيباته اقعدت خالتي مهتمه بــ العيل يالي سميناه ربيع
كيف ما كان أسامه و مراته يبوه و راجل خالتي قعد ايعاني
مع أسامه و كل مره كنه انقولو كلها فترة و تمشي كلها فترة
و أسامه ينسى لكن أسامه لحد نهار اليوم ما نسى و كل يوم يقعد
أسوء مشاً السنين و توفى راجل خالتي و بعده ابــ فتره توفت خالتي
و أسامه كل يوم ايزيد ازياده ع يوم يالي قلبه اولده قعد فــ أرقبتي
لأن خلاص معش في امصبي امعايا هي خاله وحده و عدت عند ربي
كنت كل يوم نحكي مع أسامه عشان ايغير من حاله عشان اولده
لكن أسامه ابداً ما تغير ولا حاول أن ايتغير عشان اولده معش
عرفت شن أندير يعني بلاد غريبه و معش عندي فيها حد صح نحن
قعدنا فيها أسنين لكن ما تعودت عليها و لاحبيتها لأن أبلدك هي
أبلادك و مافيش ابلاد ثانيه تاخذ مِكانها
قررت أنتواصل مع أقارب باتي مع أن أسامه كان امحظرني
أن انلكم اي حد من ليبيا لكن بعد القيت الوضع هكي  حاولت
انتواصل مع اي حد لكن ما القيت حد انتواصل امعاه
قعدت كل يوم نحكي مع أسامه عشان انردو الــ ليبيا
و قتله مش مهم انردو الــ بنغازي عادي انردو الـأي مدينه
أهم شي في ابلادنا المهم بعد فترة من دوه وافق أسامه أن نحن انردو
و يالي زره ع رده أن ربيع كان مريض بــ صدر و غادي
واجهنا مشاكل لأن نحن ليبيين فــ هذا يالي رز أسامه ع رده
بعد ردينا درنا تحاليل الــ ربيع و بدينا نعطو فيه فــ البخار
و أسامه اهو وضعه اسقم أشوية قعد يشتغل عــ سيارة
و كان ايشيل في ناس الأماكن بعيده فــ جتني فرصه أن أنا
نطلع من الحوش و انجي الــ بنغازي بدون ما يندري
و في يوم كان عنده خط المغرب و قال أن ح يقد يومين
أنا هنا حصلتها فرصه و جيت الــ بنغازي لكن بعد جيت
ما قدرت نمشي الحد ولا انكلم حد هكي مش عارفه ليش
حسيت روحي غريبه فــ بلادي عديت الحوشنا شفت جارتنا
سلمت عليه و هدرزة امعاها و حكيتلها كل يالي صار امعايا
و هي حكتلي يالي صار بعد مشينا من هنا و من ضمن الكلام
قالتلي أن في بنت كانت اتجي هنا يومياً و كانو ايقلولها أن نحن امهاجرين
من قبل و محد عالم علينا حاجه فــ هي سيبت رقمها و قالت لو اي حد جا
عطوه رقمي و قولوه ايرن عليا أنا أستغربت و معش عرفت هي من
و شن تبي منا المهم خذيت رقمها و شفت حوشنا و بتت هذك الليله فيه
و أسترجعت كل ذكرياتي فــ الحوشنا ثاني يوم سلمت علي جرتنا ووصيتها
أنها ما اتقول الحد أنِ جيت ولا اتقوللهم أنها شافتني و خذيت حافله و ردت
للحوش في ## كنت طول اليوم انفكر و عندي فضول نعرف من البنت هذي
و هي شن تبي فينا و بعد تفكير طوييييييل قررت أنرن عليها بالك تقعد
وراها مصلحه اكويسه ليا و الــ ولد خويا كتبت رقمها و رنيت عليها
ردت عليا قتلها أن أنا البنت يالي كنتي اتجي الحوشنا و عطيتي جارتنا رقمك
هي بعد سمعت الكلام هذا فرحتت بكككككككل و ما صدقتني من كثرة الفرحه
قعدت نسأل فيها هي من و شن تبي فينا قالتلي كلمه وحده أنتِ مستحقه افلوس
أنا استغربت منها و قتلها كيف عرفتي قالتي يعني مستحقه قتلها اهاا
قالتلي أنا مش عارفه أنك مستحقه لكن نبيك في مصلحه و قلت انجرب حظي
مرات تقعد مستحقه افلوس و تشتغل امعايا أنا بعد قالتلي عمل فرحت كل
و قتلها اموافقه نشتغل بس شنو هو العمل و هي عرضت عليا أن انجي
و انجيب امعايا عيل عندكم و انقول الكلام يالي قلته لما جيتكم
كلهم😳
تقوى طبست راسها😔: أنا أستكيت مع عرفت شن أندير أساساً
أنا مش فاهمه الموضوع قتلها فهميني الموضوع من البدايه
لأنِ مش فاهمه شي ولا فاهمه هي شن تعرفني
وليش اخترتيني أنا تحديداً عشان اندير المهمه هذي
من بدت تحكيلي وقالتلي أنها تبي تاخذ واحد من مراته لأن هي
احق منها بيه وقالتلي أنا أخترتك أنتِ لأن ح ايصدقو لو أنتِ
طلعتي البنت قتلها كيف مش فاهمه قالتلي لأن نبيل كان ايجي يسكر عندكم
فــ الحوش هو و خوك و أنا نبيك اتقولي واحد أثنين ثلاثه و هو اعتدى عليك
لما كان في ليله من الليالي يالي ان سكران فيهن أنا بعد قالتيلي الكلام هذا
انصدمة و سألتها كيف عرفت القصه هذي لأن محد يعرف بيها الا نبيل وهله
و أنا و أسامه خويا قالتلي لو وافقتي تشتغلي امعايا ح انقولك امنين عرفتها
قتلها ليش ما اتقوليلي توا قالتلي لأن شن يبي ياضمني بعد انقولك ترفضي
و تمشي تحكي الــ نبيل كل شي قتلها خليني انفكر و انرد عليك
و سرت عليها قعد اقريب الــ سبوع و أنا أنفكر فــ يالي قلاته ليا
اهاا أنا فكرت فيه الموضوع و وافقت اهاا وافقت تعرفو ليش
لأن أنا و ولد خويا ما ان عندنا ما ناكلو لوا نشربو كنه نرجو
أسامه نين ايجي بيش انشوفوه شن جايب امعاه و مرات الفلوس
يالي كان ايطلع فيهن كان يشري بيهن فــ السم و يشرب
و نحن نقعدو هكي راه نحن الحياة ظلمتنا شن تحسابو حياتنا
كيف حياتكم لالا مش كيفكم راه أنا وافقت عشان الفلوس رضيت
أنخرب بيت الراجل يالي كان ايقولي يا أختي عشان نلقى ما ناكل
أنا و ولد خويا رنيت عليها قتلها اموافقه قالتلي أن لازم انجي الـ بنغازي
بيش تعطيني عيل اصغير  تحليل امزور و جاهز و ايدل أن العيل ولد نبيل
قتلها متأكده أن محد ح يفطن أن امزور قالتلي تأكدي أن محد ح يعرف
أن دايرته عند واحد مختص و محد ح يعرف أن امزور قتلها تمام بس
مافيش داعي للعيل لأن عندي عيل يقعد ولد خويا عمره 5 سنوات
قالتلي اووووكيييييييي ميه فــ الميه أحسن حاجه قالتي امتى اتجي الــ بغازي
حكيتلها قصة أسامه و اولده كيف عنده الصد و كيف هو مش مقتنع بــ الرده الــ بنغازي
قالتلي قوليله أن اولده معش يستجيب للعلاج هنا ولازم نمشو بيه الــ بنغازي
عشان ياخذ العلاج من غادي قتلها تمام بس لازم نعرف هي من و شن تعرف نبيل
و يف عرفت كل الحاجات هذين علينا قالتلي اتجي الــ بنغازي انقولك
المهم بعد روح أسامه حكيتله و قعدت نقنع فيه عشان نمشو الــ بنغازي
و ربيع ياخذ العلاج و بعد امعاناه وافق بس قالي أن مش ح ايجي امعانا
بس ما فرحت لأن أساساً نت عارفه لو ح ايوافق مش ح ايجي امعانا
و وقضني قبل ما انجي هنا أن ما نمشي الــ حد ولا انكلم حد
و لا حد يعرف أن نحن ردينا و قاعدين في ليبيا قتله تمام و بعد ثلاث
أيام تقريباً خذيت تحاليل ربيع و لميت دبشنا و جينا الــ بنغازي
رنيت ع بنت قالتلي انتلاقو فــ ## عديت القيتها ترجى فيا قعمزة
حكيت امعاها و بعد قالتلي هي شن تعرف نبيل انصدمةةةةة بكل
و اسكتت تقوى
نبيل: كملي كملي من هي قولي
تقوى اقعدت ساكته و مابتش تحكي
نبيل: ..........
...........
عند شيماء
بعد طلعت من حوشهم خذت تكسي و عدت شور حوش
عيت نبيل و بعد ساعه تقريباً وصلت و انزلت ابــ سرعه خشت للحوش
لقت عرم كنادر(حشاكم) قدام الباب خافت أن الفاتحه تقعد انقريت
خشت جوا شور المربوعه تجري
...........
انردو للمربوعه
نبيل: تي احكي انطقي من هذي يا تقوى
تقوى جت تبي تحكي علي فتحت باب المربوعه وخشت شيماء
كلهم بحتو فــ الباب و شافو شيماء
....
شيماء خشت تجري شور المربوعه
و ما كانت متوقعه يالي ح اتشوفه
فتحت شيماء الباب وخشت ابــ سرعه و بعد شافت
الكل قاعد و تقوى امقعمزة فــ النص و أعيونها منفوخات من البكاء
استكت و طول عرفت أن في حاجه
شيماء😳
تقوى اقعدت اتبحت في شيماء و ساكته
نبيل قعد ساكت و ايفكر فــ الماضي و أذكر لما شيماء
كلامته بعد فرحه و حاولت اتقرب منه لكن هو صدها
كم مره و بعد هزبها أخر مره هي معش كلماته و هو أستغرب
أن حتى الجي معش جتهم بكل ولا عاد ردت كلماته و أذكر الرقم
الغريب يالي دزله صور رزان ع وتس و هو يالي نفسه دزله رساله
علي رزان و أن هي أتخون فيه
نبيل صبى علي حيل حيله و وجه قعد حمرررررر من العصبيه
كلهم اقعدو ايبحتو في نبيل
نبيل ايبحت في تقوى و ايشير علي شيماء
نبيل: هي صاح😡😡
تقوى اتبحت فيه و ساكته
نبيل ابــ عصبيه و صوت تعاااااااااااالي: ردي عليا هي صااااااااااااااااااااااح
تقوى انهارة من البكاء😭: اهاا هي هي شيماء هي يالي كلمتني وقالتلي أندير كل
هذا هي يالي عطتني افلوس عشان اندير هكي هي تبي تنتقم منك و من هلك
لأن عشان هلك كانو ح ايزوجوها لكِ لكن أنت أزوجة رزان و ما ازوجتها
هي سمعت خواتك يحكاً مره علي قصة شربك أنت و أسامه خويا و هي
حاولت اتفرق علي رزان و دزتلك صور رزان عند حوش ناس غرب و قالتلك
اتخون فيك بس بعد أنت و رزان ما تفارقتو بعد القصه هذي هي بدت اتخطط و اتفكر
فــ خطه اكبر نين استجمعت كل يالي عندها في خطه وحده يالي هي كنت انفذ فيها امعاها
جيتك و كلمتك و قتلك أن هذا اولدك و عطيتك التحليل و خربتلك حياتك
نبيل ايبحت في شيماء😡
شيماء ابــ خوف: نبيل أنا أنا
نبيل قدم عليها و مسكها من شعرها
نبيل ابــ صوت عاااااااااااااالي: أنتِ شنو كذا قولي أنتِ شنو
أنتِ وحده مريضه نفسياً أنتِ وحده كافره العمل يالي درته
محد ايديره غير الكافر
و هوووووووب يعطيها نبيل كف نين راسها خبط
ع ساس و طاحت ع أرض
نبيل نزل عليها يبي يضربها جو جده و باته يجارو و فكوها منه
سالم ماسك نبيل: خلاص اهدى راك تقتلها
نبيل من عصبيته أعرقوه كانو بارزين من ارقبته و راسه
نبيل: حول يا بااااااااتي حول اطلقني عليها خليني نذبحها
شيماء ابــ صوت عالي و تبكي: أنا درت هكي عشان أنحبك
فتح الله: و مزلتي تحكي با ينت الــ ##
و يضربها جدها كف من قوته خشمها قعد يذرف دم
فتح الله: اطلعي قدامي يا ## طلعي نعرف كيف انخلي باتك
يعدمك يا ##
و خذى فتح الله شيماء طلعها و هو يضرب فيها كالشوات
عند السيارة و رها من شعرها و ركبها فــ سيارة و عدى
بيها الحوش باتها
أما الباقي ردو خشو للمربوعه و قعمزو
طبعاً الكل كان يحكي و مش امصدق اللي صار
الا رزان امصبيه و ساكته بدون ولا كلمه
أسامه: هذين التحاليل و هنا يالي يثبتاً أن ربيع مش اولدك يا نبيل
نبيل خذى التحاليل من يد أسامه و قعد يقرى فيهن و بعدين مدهن الباته
و للشباب الخرين
أسامه يبكي بدون صوت😢: سامحني يا رفيقي كل يالي صار من تحت
راس يالي تسمى أختي و اولدي هما يالي خربولك حياتك
نبيل ان امقعمز و حاط امصفظ ايديه علي كرعيه و امطبس راسه لوطى
أسامه ادموعه شلال: آسف يا رفيقي طول عمرك امصبي امعايا ع مره
قبل الحلوه لكن أنا شن رديتلك جمايلك امعايا خربتلك حياتك
نبيل كان امطبس راسه و ساكت و ما يبي يحكي ولا كلمه
أسامه بحت في تقوى: صبي لمي حاجتك و جيبي العيل وطلعي قدامي
تقوى صبت بدون ولا كلمه خشت جوا لمت دبشها و دبش ربيع ولبسة
عبايتها و خذت ربيع وطلعت
أسامه قعد ايبحت في نبيل وبعدين برم طلع ماهر صبى يبي يمشي
في جرته نبيل وقفه
ماهر بحت في نبيل: نبيل
نبيل: ماهر خليه يمشي
ماهر: بس ....
نبيل: ماهر كلمه وحده خليه يمشي
ماهر مابش يكسر كلمة نبيل و رد قعمز
اقعدو كلهم يحكو و ايشوفو فــ التحليل و فرحانين أن
الحقيقه انكشفت و الحق بان و المظلوم انتصر
رزان برمت وطلعت من المربوعه و ركبت فوق الشقتها
سالم: تي معقوله يطلع هذا كلا من شيماء معقوله بنت خويا
يطلع منها كل هذا لا حول ولا قوة الا بالله علي العظيم
مسعوده: الحمدالله يالي انكشف الحق و الحقيقه
سالمه صبت: بس تعرفو هذا كلا ابــ فضل من
كلهمب بحتو في سالمه
سالم بــ ستغراب: من ؟
سالمه: ابــ فضل رزان
نبيل لما سمع أسم رزان رفع راسه و بحت في سالمه
سالمه: اهاا ابــ فضل رزان فــ الوقت يالي كلكم كنتو
امصدقين أن العيل ولد نبيل و أنت اولهم يا نبيل فــ الوقت يالي كنت
قاعد و ما اصرفت اي تصرف كانت رزان ادور ع حقيقه عشان تكشفها
نبيل ابــ صدمه: يعني رزان ما كانت امصدقه
سالم: اهاا ما كانت امصدقه عليك يالي قلاته تقوى فــ اللحظه يالي أنت
كنت امصدق نفسك أن داير الشي هذا رزان كلمتنا
أنا و عائشه و سندس و قالتلنا ...........
و حكتلهم سالمه ل يالي صار و كيف دارو التحليل
كلهم😲😲
نبيل كان مش امصدق يالي قلاته سالمه
سفيان: برضو أنا جتني أنا و حكتلي
كلهم بحتو فــ سفيان
سفيان: قعدت نبحث علي أي معلومه علي عيلة تقوى و .......
و برضو سفيان حكالهم كل شي
سفيان: امس كلمني ولد عم باتهم و قال أن أسامه كلمه
عشان يسأل علي تقوى لو جتهم لأن فونه القديم خرب
و هو ناسي رقمها و خايف تبي حاجه و ما اتحصله
و أنا كنت اموصيه لو عرف اي حاجه علي أسامه
ايقولي و بعد كلمه اسامه كلمني و قالها ليا و عطاني
رقمه و أنا جيت خذيت رزان و رنيت عليه و حكيتله
و قتله أن نبوه ضروري و هو قالي وين قاعد و مشينالا
و حكينا امعاه و قنالا لازم ايجي امعانا و فعلاً اهو جا امعانا
الكل كان مش امصدق أن رزان ادير هكي لأن هي في طبيعتها
أنسانه عصبيه و ما اتحمل لو صار امعاها موضوع كيف هذا
و مستحيل اتصدق و توثق في اي حد بس بان فعلاً أن رزان
أتحب نبيل مووووووووووت و أنها واثقه فيه و كانت حاسه أن
هو مستحيل ايدير هكي حتى لو ما كان في وعيه و حتى لو كان
ما يعرفها
كلهم كانو يحكو و فرحانين رابحه صبت و عدت شور نبيل
و قعمزة جنبه و حطت يدها علي يده
نبيل رفع راسه و بحت فيها
رابحه مبتسمه: صبي عديلها قاعده ترجى فيك
نبيل: مزلت خايف اتصدني
رابحه: صدقني بنتي أول مره أنشوف العشق فــ أعيونها
و هي لما اتكون أمعاك حبها لكِ يقعد وااااااضح هي دارت
كل هذا عشانك خلاص داسكم الفترة هذي كلها و انتو ابعاد
عن بعضكم هيا صبي عديلها والله عرفتها تلقاها قاعده علي نار
ترجى فيك
نبيل ابتسم: هكي رايك
رابحه: اهاا عدي سلم اوليدي
نبيل حب رابحه علي راسها و صبى طلع من المربوعه و ركب فوق
أما الباقي الرجاله طلعو برا الجنان و صبايا خشاً جوا الصاله و اقعداً
ايوتاً فــ الغداء لأنهم ح ايتغدو مع بعضهم و الحوش كان عامم بــ الفرح
............
عند رزان
كانت امقعمزه فــ صاله و فعلاً كانت ترجى في نبيل ايجي
....
نبيل ركب ع دروج و بعد وصل للشقه لقى الباب مردود
و مش امسكر حط نبيل يده ع يد الباب و افتحه بــ شوية
رزان كانت امقعمزه ع كنبه و حاطه يدها علي خدها
علي فتحت باب الشقه بــ شوية رفعة رزان أعيونها
فــ الباب شافت نبيل خش للشقه
رزان حولت يدها من خدها و اقعدت اتبحت فيه
نبيل خش و سكر باب الشقه و صبى امقابل رزان وقعد ايبحت فيها
اقعدو رزان و نبيل ايبحتو في بعضهم و أعيونهم كانت مليانه أدموووووع
🥺❤️❤️❤️❤️❤️
صح كانواْ الأثنين ساكتين لكن أعيونهم و أقلوب كانن يحكاً و ايناجاً في بعضهن
نبيل حرك راسه الــ رزان يعني خلاص
رزان غمضت أعيونها و الدموع نزلاً خط واحد مع أبتسامه يعني اهاا
نبيل جا شور رزان و ابــ خطوات سريعه و .....

يتبع ...
لأن الحلقه طويلة و الفيس مابش يستقبلها قسمتها أثنين♥