الحلقه العاشرة...(10)
وصلت رزان للقاعه و دقت ع باب
نبيل: ايوا
رزان من ورا الباب: أستاذ ممكن دقيقه
نبيل: تفضلي
رزان فتحت باب القاعه و خشت لقت نبيل امقعمز ع مكتب
و امطبس راسه
طبعاً رزان ما عرفت نبيل لأن كان امطبس راسه
رزان: أستاذ نبي ناخذ منك أذن عشان بكره ما نقدر أندير أمتحان
المحاسبة لأن عندي ضروف فــ ممكن أتعاوده ليا يوم ثاني
نبيل رفع راسه: شن أسمكــ .....
و قبل ما ايكمل كلامه شاف رزان استك
رزان بعد نبيل رفع راسه أقعدت اتبحت فيه أشوية وبعدها
رزان بعد شافت انصدمة
نبيل: أهلاً و سهلاً
رزان: أنت فيش أدير هنا
نبيل ضحك: كيف فيش أندير أنا أستاذك المحاسبة
رزان مزالت مش مستوعبه يالي قاعده اتشوف فيه ويالي
حيرها أنها معقوله الفترة هذي ما شفاته ولا طنتله
نبيل: كنك مستكه
رزان برمت تبي تطلع
نبيل حب يقهر رزان
نبيل: تعاليلي بعد ساعة بيش انقولك قراري هل ح انأجلك
الأمتحان ولا لا أنشوف جوي قبل
رزان رقالها و ردت عليه
رزان ابــ عصبيه: معش نبي منك شي أساساً كان نندري عليك
أنت هو الأستاذ ما كنت جيت الواحد متخلف كيفك
نبيل ابــ عصبيه: أحترمي نفسك و معش اتقولي متخلف
رزان: أنا حرة
نبيل: أنا مش عارف عليش مزلت نحكي مع وحده كيفك
مغرورة و رافعه خشمها و ريت هــ الحاجه الكبيرة
رزان خبطت يدها بــ قوة ع طاولة
رزان ابــ عصبيه: معش اتقول مغرورة
نبيل ابــ برود: مغرورة
رزان اضغطت علي أسنونها: قتلك معش اتقول مغرورة
نبيل: مغرورة شن تبي اديري يعني
رزان نفرزها أسلوب نبيل و معش اعرفت شن ادير
بحتت قدامها لقت كاس أميه مسكاته و كباته عليه
نبيل صبى ابــ سرعه: ينعن ##$ يا بنت الــ## الله يلعنك
رزان: هه هيا سلام
و طلعت رزان و سيبت نبيل يالي كان مليان اميه و جميع
الأوراق و الملفات و الكتب يالي ع مكتبه حتى هنا تعباً أميه
نبيل ابــ عصبيه: خزي الــ مغرورة المعاقه خزي الــ ##$
و قعد نبيل ايحول فــ الأوراق و الدنيا المبلوله علي رنة فونه
نبيل و هو غمتله: ها يا أمي ها شن تبي
مسعوده: الستر كنك بسم الله أقريب تاكلني
نبيل قعد يمسح في راسه: أستغفر الله سامحيني يا أمي غير راقيلي بس
مسعوده: وين قاعد
نبيل: فــ جامعه
مسعوده: تي فيش ادير فــ جامعه اهناك واحد فاتحته البكره
و ايعدي للجامعه
نبيل: باهي يا أمي شن تبيني اندير
مسعوده: سيب يالي في يدك كلا و تعال بيش نمشو انجيبو الدبلة
نبيل: عليش الدبلة
مسعوده: باتك قال لبسو بــ المره
نبيل: يا عليك قصة هي كل مره طالعين ابــ حاجه
خليني ناخذ البنت بالمره و خلاص
مسعوده: غير تعال و أسمع راه بكره تبي اتشوفها و اتلبسها
نبيل: لالالالا فكيني يا أمي لبسو أنتم أنتِ عارفه أنِ ما انحب السريب هذا
مسعوده: كيف ما أتحب السريب هذا البنت تبي اتشوفك بلاش نوطرة
و خش لبسها ولا بلاش تلبيستها خليك بعد التلبيسه شوفها و احكي امعاها
نبيل: أمي هي كلمه وحده مانبيش يعني ما نبيش
مسعوده: و جدك و باتك شن انقوللهم
نبيل ابــ عصبيه: خلاص يا أمي قولي يالي تبي اتقوليه
تي هو من يالي يبي يزوج أنا ولا باتي و جدي خلاص أنا حر
و البنت ما نبيش انشوفها لبسو أنتم و ديرو كل حاجه أنتم
مسعوده: باهي باهي خلاص راك تاكلني بس
و سكرت مسعوده علي نبيل و هو لم حاجته و طلع شور الحوش
و هو راقيله بككككككككل من رزان
.......
عند رزان
طلعت من عند نبيل و هي راقيلها للألف و عدت شور سندس
لقت أرياف أمعاها
رزان جت خذت شنطتها و شيتاتها و جت تبي اتعدي
أرياف: مزلتي ما تبيش تحكي أمعايا
رزان صبت و اقعدت عاطيه أرياف ابــ ظهرها
أرياف: خلاص يا رزان واللهي ما واخذه عليك هكي قاسيه
امعايا و اتعامليني هكي
رزان: أنتِ عارفه روحك شن درتي
أرياف: أنــا .......
رزان قاطعتها: أنتِ شنو أنا أعتبرتك كيف أختي و صبيت أمعاك
و كنت نبيك تقعدي فرد من العيلة لكن أنتِ خدعتيني و عديتي رديتي
عند خالك و مرات خالك يالي عايشه عندهم في جهنم أنا كنت
نبيك اتعيشي امعانا .....
أرياف قاطعتها
أرياف ابــ صوت عالي و تبكي: أنقولك عليش عديت تبيني أنقولك
عليش لأني في كل للحظه كنت انتمنى أنِ أنكون فرد من عيلتكم
كنت كل ما انشوف معاملتكم البعضكم انتحسر علي روحي
لأنِ عمري ما حسيت روحي في عيلة و كنت ندعي أن
ربي يحفظكم البعضكم و يحميكم من عيني تعرفي شن كنت
أنتمنى , كنت أنتمنى أن خوك سفيان ايحبني و اتصير بيناتنا
قصة حب كيف قصص الحب يالي فــ رويات البطل
الحنون و الغني أيحب بنت الفقيرة اليتيمه و أن بعد قصة
حب كبيرة يزوجو و ان انعيشو مع بعضنا و أن نقعد من عيلتكم
و نقعد فرد فيها أنــا عديت عشان الأحلام هذين معش نحلم بيهن
مره ثانيه عشان معش يكبراً امعايا و فــ الأخير تصدمني النهاية
أنت تقرأ
مغرورتي
Romanceرواية عاطفيه رومنسيه أتوريك أن مهما كانت الفروق بين شخصين في شخصياتهم فـ أن الحب قادر يجمعهم للكاتبةة: أودي الفرجاني##
