مغرورتي

تنوية: الحلقه ح اتكون من جزئين
__
الحلقه الواحد و الثلاثون...(31) الجزء الأول
عند أرياف
وصلت الحوش رزان و نزلت جت شور الباب تبي ادق
لقاته مفتوح فتحاته ابــ سرعه و هب يخبط بــ القوة
في حد قدامها كان ماسك سفره و انقلبت عليه
أرياف حطت يدها علي فمها: هيييييييييييييييييي
و شافت سفيان امصبي و يالي فــ سفره كلا عليه
أرياف ابــ خوف: آسفه واللهي آسفه
سفيان كان امغمض أعيونه و الطبيخه كلها علي وجه و ادبشه
أرياف ابــ خوف: ياربي أنا  شن درت
سفيان فتح أعيونه بــ شوية و بحت في أرياف
أرياف بعد سفيان فتح أعيونه أقعدت تبكي تضحك لأن منضره
كانن ايجنن و ايضحك في نفس الوقت
أرياف ماسكه ضحكتها و وجها نين قعد حمر من كثرة
ما ماسكه ضحكتها
سفيان: أضحكي أضحكي عليش ماسكه روحك
و أتقول أرياف بالك و اقعدت أرياف تضحك نين أعيونها دمعو
سفيان قعد يضحك
أرياف تمسح في أدموعها: آسفه واللهي ما قصدي لكن
فتحت الباب و مش عارفه أنك قاعد هنا
سفيان ضحك: لا عادي متعود عليك كل مره كابه عليا حاجه
مره قهوه و المره هذي اوكال يستر الله من المره الجايه
أرياف أضحكت: يستر الله و خلاص
سفيان: غير نطلع منها سالم مش مشكله
أرياف اقعدت تضحك
سفيان مبتسم و ايبحت فيها و في جمال ضحكتها
أرياف بعد شافت سفيان ايبحت فيها توترة و اسكتت
أرياف: خليني انلم السفره
سفيان: لالالا خليها الدنيا كلها ادهان تو انلمها أنا
أرياف: لا واللهي تو أنا أنلمها
و طبس أرياف اقعدت اتلم فــ سفره و سفيان برم خش جوا
ردينه كانت  طالعه من الدار و شافت سفيان
ردينه: هيييييييييييييييي شنو هذا
سفيان يضحك: الغداء انكب عليا
ردينه: تي كيف انكب عليك هكي
سفيان: كنت خاش سمعت ........
ردينه اقعدت ميته علي روحها من الضحك علي طلعت
رزان من الدار سألتهم كنهم يضحكو و حكولها
رزان: هيييييييي وينها أرياف
أرياف خشت من برا و شايله السفره
أرياف: أنــا جييييييت
سفيان عدى خش للحمام(حشاكم)
رزان: حبي أنا
و قدمت سلمت علي أرياف
أرياف: و خري خير ما انلبزك
رزان: هاتي عنك خليني نغسلهن
أرياف: لالا واللهي ما صارت أنا تو نغسلهن
رزان: باهي عدي و تعالي تلقينا فــ دار مع ريناد
أرياف: تمام
و خشت أرياف للمطبخ و ردينه و رزان عداً للدار
...........
عند سفيان
خش غسل و وجه و شعره و سلح ماليته و غسلها
و غسل جسمه و طلع لقى أمه فــ صاله تبي تقرى قرآن
سفيان: أمي
رابحه: نعم
سفيان: هذي انكب عليها طبيخه شن انديرلها
رابحه: مصمصها نين اتحول الطبيخه و حطها فــ الغساله و علق عليها
سفيان: باهي تمام
و عدى سفيان للمطبخ عشان ايحط الماليه فــ الغساله
(يالي يسأل الغساله فيش ادير فــ المطبخ في ناس اتحط فيها
فــ المطبخ)
...........
عند أرياف
كانت قاعده فــ المطبخ و تغسل فــ الماعين علي خشت
سفيان كان سالح الماليه و ماسكها في يده و شعره مبلول
و نازل ع جنب
سفيان قعد امصبي في مِكانه و ايشوف الــ أرياف
و أرياف حتى هي ماسكه الصحن و الشيشمه اتصب
و هي اتشوف الــ سفيان
و اقعدو ايشوفو البعضهم و ساكتين
و قطعت عليهم اللحظه رابحه
رابحه: رفوفه أنتِ هنا
أرياف انفجعت و فطنت الــ روحها
أرياف: اهلين اعميمه
و سكرت الشيشمه و عدت سلمت علي رابحه
أرياف: كيف حالك و حال صحتك توا
رابحه: لا الحمدالله احسن امتى جيتي أنتِ
أرياف: توا مالياش نص ساعه
رابحه: شن اديري هنا
أرياف: نغسل فــ الماعين
رابحه: هيييييييي عيب يابتي البنات وين ليش
أنتِ يالي تغسلي
أرياف: لا عادي يا اعميمه أساساً أنا يالي غالطه
فتحت الباب بدون ما نفطن الــ سفيان و قلبت عليه السفره
رابحه اقعدت تضحك: باهي خلاص اطلعي تو انكملهن أنا
أرياف: لا واللهي ما صارت خلاص اشوية و انكملهن أنا
سفيان كان ايبحت في أرياف و أمه كيف يحكاً و هايم في أرياف
رابحه: باهي ابــ راحتك بعد اتكملي تعالي هدرزي احذايا أشوية نبيك
أرياف: باهي حاضر انكمل بس
و برمت رابحه طلعت و أرياف ردت تغسل فــ الماعين
و سفيان قعد ايبربش و ايولع فــ الغساله
أرياف كملت الماعين لاحظة أن سفيان طول و هو ايولع
فــ الغساله و اقعدت اتشوفله أشوية و بعدها
أرياف: سفيان مش هكي اولعو فيها
و قدمت شوره و طبست اتولع فيها
أرياف رفعت راسها: ها اولعت
سفيان رفع راسه و خشمه لمس خشم أرياف و نفسهم
محسوس عند الأثنين و العيون جوا أعيون بعضهم
سفيان ابــ صوت هادي: صحيتي
أرياف بعد سفيان حكى أقريب ذابت لأن من كثرة قربهم من بعضهم
أنفسه كان ساخن و حاسه بيه على فم ...
اقعدو ايبحتو في بعضهم و هايمين أعيون أرياف يحكاً
في ألف كلمه و برضو أعيون سفيان كانن يحكاً في ألف قصة
أرياف ابــ صوت هادي: سفيان
سفيان ابــ صوت هادي: نعم
أرياف: عادي أنقول
سفيان ابــ صوت ذايب: قوليها قوليها
أرياف: أكيده
سفيان: كنت أستنى فيها قوليها
أرياف: سفــ ........
وقطع عليهم صوت رزان
رزان اتنادي: أريااااااااااف هيا تعالي كنك طولتي
أرياف قطعت كلامها و صبت علي حيلها وطلعت ابــ سرعه
سفيان حتى هو صبى و حط يده علي قلبه و قعد أشوية
و لف وطلع من المطبخ
..........
عند أهل نبيل
مسعوده: واللهي ما نعرف يا سالم أول ما حكت الدنيا حاست عندي
و معش فكرت ولا حسيت ابــ شي عليش أنت شاك في شي
سالم: البنت مريبه يا مسعوده نظراتها و حركاتها مريبه و مش
مريحه أبداً و القصةة يالي حكتها ما خشت عقلي و في حلقات
مفقوده من الموضوع
مسعوده بــ ستغراب: باهي شنو احكيلي شن يالي لاحظته
سالم: أول شي كيف راجلها ما ايجيب فــ اعيال و ازوجها قدام الناس
و سجل العيل بإسمه يعني أكيده الكل كان عارف أن الراجل ما ايجيب
فــ اعيال و حاجه ثانيه أسامه خوها وين
مسعوده: بس هذا مش دليل كافي عشان اتقول أن البنت تكذب
بالك محد عنده علم ابــ موضوع راجلها ان ما ايجيب فــ اعيال
و أسامه خوها قالت امبدري أن هو بعد زوجها عدى سافر برا ليبيا
و ازوج برا يعني هذين مش دلال موثوقه عشان انكذبوها
سالم تنهد و قعمز: واللهي الدنيا ضاقت بيا يا مسعوده و ماني عارف
شن اندير اولدك ساكت و مابى يحكي ولا كلمه و واجه الموضوع
كلمها بس ساكت و ما دافع علي روحه بكل هذا يالي امخليني
حاط احتمال 95% أن الكلام يالي قلاته البنت هذي صح
مسعوده: توا خلاص استهدي بالله و تعوذ من الشيطان و أرقد
و الصباح رباح اليوم كان يوم متعب للكل
سالم: امنين تبي اتجيني الراحه قوليلي بس الراحه امنين تبي اتجي
مسعوده جت تبي تحكي على دقت باب الدار
مسعوده: نعم
عصام: أمي باتي قاعد
سالم: تعال يا عصام خش
عصام فتح الباب و خش
سالم: كنك انشالله خير
عصام: حوسة اليوم نستني حاجه صارت أمس
سالم بــ ستغراب: شن في انشالله خير
عصام: أمس فــ ليل .........
مسعوده: هييييييييييييي ليش ما حكيت من امبدري يا عصام
عصام: هو كان في وقت امبدري
سالم: لا حول ولا قوة الا بالله عليك قصةة
مسعوده: سالم اتشيلني
سالم: ليل يا مرا
مسعوده: الله ايربحك عيب عاد خلينا نمشو ع سريع
نساولهم و نطمن عليهم و انروحو
عصام: هيا كان هذا تو انشيلك أنا
مسعوده: باهي هيا
سالم: معناها أنا خليني نمشي انشوف باتي و انقوله
ع يالي صار و نمشو عند عمي مرعي
مسعوده: باهي تمام
و صبت مسعوده لبسة و عدت هي و عصام شور حوش
أهل رزان أما سالم مشى خذى باته و عدو شور حوش
مرعي جد رزان
..........
عند نبيل
كان فوق فــ الشقه راقد وعى علي رنة فونه
ناض بحت فيه لقاه ماهر
نبيل ابــ صوت ناعس: ايوا ماهر
ماهر: ايوا نبيل كيف راقد
نبيل: لا والله هذي النوضه
ماهر: أشر منك ملياش نص ساعه كيف واعي
القنه أمس يوم عالمي يا راجل
نبيل: مش غير يوم عالمي
ماهر: كيف صار فــ تقوى
نبيل: شنو انقولك بس الدنيا انقلبت فوق تحت
ماهر بــ ستغراب: كيف صار طلعاً التحاليل
نبيل: اهاا طلعاً
ماهر: ها شن
نبيل: العيل اولدي يا ماهر
(طبعاً تقوى من قبل ما اتجي هنا دزت العينه من ولدها
ابــ حكم أن التحاليل ايطولاً ما يطلعاً و نبيل دار التحاليل
عنده و هذا وين اطلعاً)
ماهر خبط يده علي راسه: لالالالالا عليك موضوع امعفن
باهي شن تبي ادير توا تبي تحكي الــ هلك و رزان ولا شنو ايصير
نبيل ضحك ضحكت هزو: هه جبتهم ويالي صار صار
ماهر بــ ستغراب: كيف
نبيل: اليوم عديت و ........
ماهر ابــ صدمه: شن درت أنت يا نبيل شن درت بس
نبيل: درت يالي القيته مناسب
ماهر: تي معقوله يا راجل هكي كيف فن طب اتجيب
المرا و العيل للحوش و اتحطهم كلهم فــ الأمر الواقع
نبيل ابــ عصبيه: شن تبيني اندير يا ماهر تبيني انلف و اندور
كيف الشباب المراهقين أنت عارف أن ما عندي عليهن الحركات
هذين خلاص جيتهم من النهاية بكل عشان انريح راسي
ماهر: باهي رزان
نبيل: سيبتلي الحوش و عدت الهلها
ماهر: تي من حقها اتسيبه لكِ و تمشي باهي ما حاولت اتوقفها
و اتفهمها
نبيل: ما حكيتش ولا كلمه ولا فهمتها
ماهر: ليش يا راجل ليش ما فهمتها القصه منك خير
بالك كانت تفهمت و اقعدت
نبيل ابــ صوت فيه حرقه: شن نبي انقولوللها يا ماهر شن نبي
انبرر ولا انقول خفت نحكي نكسرلها قلبها نقوللها اعتديت
علي أخت صاحبي ولا انقوللها مشيت درت التحليل للعيل
و طلع اولدي يا راجل اسكت أنت ما شفتش نظرت باتي
يالي كلها مليانه استحقار و إهانه تي باتي يالي عمره
ما علا حتى صوته عليا اليوم ايقولي أنت مش راجل
واعره يا ماهر واعره ولا انزيدك فوق الصدمه صدمه
ثانيه
ماهر: شنو قول
نبيل: اليوم رزان عرفت أنها حامل و لما جيت للحوش
و امعايا تقوى كانو هلي و هي قاعدين فــ صاله يرجو فيا
عشان ايبشروني
ماهر: ييييييييييييييييي يي عليك موال امعفن
نبيل: عارفها مش ح تكمل امعايا أنا عارفها والله
أنت كان حقيتها كيف اتعيط و اتنطر واللهي كلتلي قلبي
يا راجل و المشكله ما قدرت انقول شي لأنِ غلطان
غلطان من ساس الراسي توا ها لمة دبشها و عدت
و دزتلي رساله قالتلي ماتبيش هلها يعلمو مش ناقصهم
قالت هي ح اتخبرهم فــ الوقت المناسب
ماهر: واللهي حالك يصعب ع كافر يا صاحبي و قصتك
موضوعها موضوع
نبيل: الله غالب هذا يالي مكتوب
ماهر: تي غير اصبر أشوية سألتها علي أسامه
نبيل: اهاا سألتها وقالت أن سافر برا و ازوج وحده من ##
ماهر: باهي ما حاولت توصل فيه
نبيل: نوصل فيه شن انقوله يا ماهر أساساً أنا بعد
خذى أخته و سافر بدون علم حد أنا برمت فــ ادبشي
و قعدت اندور ع سبب يالي خلاه ايسافر بدون حتى ما ايقولي
لكن شوف اهو السبب طلع ابــ روحه ابــ روحه
ماهر: باهي توا شن تبي ادير فــ قصتك
نبيل: واللهي ماني عارف الدنيا امسكرتها في وجي
من جميع تركينه يالي نعرفه توا هو أن تقوى مستحيل تقعد مراتي
ماهر: انشالله مزلت ما قريت فاتحتك عليها
ماهر: لا قريتها ولا ح نقراها أنا غير رزان مافيش وليه
تنكتب علي أسمي و انتهى الكلام
و قعد ماهر و نبيل يحكو مع بعضهم
..........
عند رابحه
كانت امقعمزه برا الصاله و تقرى فــ قرآن علي طلعت
أرياف من الدار جت و قعمزت جنبها
رابحه: صدق الله العظيم
و سكرت القرآن
أرياف: آسفه طولت عليك لكن كنت انهدرز مع البنات
رابحه: لا عادي غير نبيك في موضوع
أرياف: تمام اعميمه قولي
رابحه: اصبري دقيقه تو انحط المصحف فــ الدار و انجي
أرياف: تمام
و صبت رابحه خشت للدار
و أرياف اقعدت امقعمزه و اتفكر
أرياف: شن قصده بعد قالي قوليها نرجى فيها من زمان
هيييييييييييي ازعما كان عارف شن نبي نحكي لالالالالا
ما انضن انه عارف لأن كيف يبي يعرف و رزان أكيده
ناسيه الموضوع من زمان لأنِ دويتلها مره وحده هي
و سندس لالا أكيده كان يقصد حاجه ثانيه
رابحه جت و قعمزة جنبها
رابحه: أرياف ديماً انحس فيك كيف ابنيتي و أقريبه من قلبي
أنتِ ابنيه لطيفه و رقيقه و حساسه و متربيه و حشومه
يعني ماشالله عليك كامله امكمله
أرياف ابــ حشم: تسلمي أعميمه هذا من ذوقك
رابحه: نبي انقولك حاجه باهي
أرياف: تمام اعميمه قولي
رابحه: أرياف أنا انشوف فيك مرات اولدي سفيان
عادي لو خطبتك الــ سفيان
أرياف انصدمة و اقعدت ساكته
رابحه: عارفه مش وقته ولا الوقت المناسب عشان
نحكي الكلام هذا لكن هكي الكلام هذا في خاطري من قبل
ومعش نقدر نقعد ساكته
أرياف قلبها ايدق ابــسرعه و من كثرة الفرحه مش قارده حتى اترد
رابحه جت تبي تحكي قطع عليهم صوت الباب يالي ايدق
ردينه طلعت تجري: هيا هي
و عدت ردينه شور باب الحوش
ردينه: ايوا من
مسعوده: حلي
ردينه فتحت الباب لقتها مسعوده سلمت عليها
ردينه: خشي يا اعميمه تفضلي
مسعوده: ايزيد فضلك
و خشت مسعوده و عصام كان وراها
ردينه شفاته انجمطت في مِكانها
عصام ابتسم
مسعوده: أمك قاعده
ردينه: اهاا تفضلي خشي قاعده
و بحتت ردينه في عصام
ردينه: تفضل خش
عصام: سفيان قاعد
ردينه: توا كيف طلع اشوية و ايجي خش استناه هنا
عصام خش و سكر الباب و ردينه خاشه ورا مسعوده
و بارمه اتبحت فيه
عصام شيرلها يعني تعالي
ردينه شيرتله يعني انخشش أمك و انجي
و خششت ردينه مسعوده جوا سلمت علي رابحه و أرياف
و حمدت علي سلامة ريناد و قعمزاً يحكاً
......
أرياف خشت جوا
أرياف: رزان عمتك برا
رزان ابــ صدمه: عمتي مسعوده
أرياف اهاا من غيرها يعني
رزان بحتت في سندس و اقعداً مصدومات
رزان صبت ابــ سرعه و طلعت برا سلمت علي عمتها
و قعمزت امعاهن و كانت خايفه أن مسعوده جايه
تحكي في حاجه نين قالت مسعوده أن عصام هذا وين
قالها الهمه و هي جايه اتساول رزان تريحت
.........
عند ردينه
ردت طلعت عند عصام
ردينه: هلا
عصام مع ابتسامه: هلا والله
ردينه ابــ حشم: اهلين
عصام: وينه الحلو مختفي اليوم
ردينه: قاعده غير أنت شفت شن يالي صار
عصام: اهاا عارف غير آيفت عليك بس
ردينه تحشمت و اخدودها انحمرو
عصام ضحك: نا عليا عليك سماحه
ردينه ابــ حشم: خلاص نبي انخش
عصام: باهي غير اصبري اشوية نبي انهدرز امعاك
ردينه: سفيان طلع للصيدليا أكيده اشوية و ح ايخش علينا
عصام: معناها هاتي فونك خليني انسجلك رقمي رني عليا
ردينه طلعت فونها من جيبها و مداته الــ عصام
عصام خذى الفون و سجل رقمه و مده الها
عصام: خلاص راك تنسيني رني عليا اليوم
ردينه: تمام خلاص
عصام: نرجى فيك
ردينه: تمام
و عدت ردينه تبي اتخش قبل لا اتخش برمت بحتت في
عصام و اضحكتله😊❤
عصام ضحك😊❤

يتبع...
أودي الفرجاني##