مغرورتي

الحلقه الثالثة عشر...(13)
نبيل درس السيارة: هيا انزلي
رزان: وين ننزل أنت وين جايبني مش قتلك شيلني الهلي
نبيل: أستغفر الله أنا قتلك أنزلي
رزان ابــ صوت عالي: تي وين ننزل وين جا يبني أنت
نبيل بحت فيها: للمطار
رزان أقعدا أتبحت فيه
نبيل: نبو أنسافرو شهر عسل التركيا
رزان افتحت أعيونها عشرة عشرة: نعمممممممم
نبيل: كيف ما سمعتي أمسافرين شهر عسل
رزان ابــ عصبيه و صوت عالي: تي شهر عسل شن دوته
أنت تحكي من جدك
نبيل: اهاا نحكي من جدي
رزان حطت يدها علي راسها: لا أنت رسمي مش طبيعي
واللهي معش فهمت شن يالي قاعد ايصير
نبيل: أسمعيني الله يسترك واللهي مش متحمل اي كلمه من اي حد
و خصوصاً منك أنتِ لأن كلامك واجد فــ ياريت تسكتي و اديري
يالي انقولك عليه لأن مهما حكيتي يالي نبيه أنا ح ايصير و ابـكلامك
الواجد مش ح اتعبي الا روحك
رزان من عصبيتها أقريب اطير من مِكانها
رزان: تييي أنت كنك برود هكي احكي فهمني شن يالي قاعد ايصير
فهمني ولا أنقولك أنا تو انفهمك
و فتحت رزان باب السيارة و نزلت و نبيل نزل في جرتها و صبو هما
الأثنين قدام السيارة من قدام
رزان: أوكي فهمت كل يالي صار كان صدفة في صدفة
و أن الصدفة أول مره تجمع أثنين يكرهو بعضهم كره العمى
و فوقها الصدفة زوجتهم
و أقعدت رزان اتعيط ابــ صوت عالي
رزان: لكن خلاص الأمر توا في ايدينا طلقني خليني نفتك من هــ العيشه
خليني أنرد الحوش هلي تي ياريتني من الأول ما وافقت علي هــ زيجه السوده
أنا خلااااااااااااااص معش متحمله أي حاجه أنـــاااااا نكرهككك
تعرف معنى نكرهككك
نبيل خبط يده علي السيارة بــ القووووووووة
نبيل ابــ صوت عالي و من عصبيته نين أعروقه بارزه
من أرقبته و راسه
نبيل: تييييي حتى أنــــا نكرهككككككك فاهمه شن يعني
نكرهكككك مش قادر أنتحملك بككككل تمنيت روحي
قاعد في حلم و توا أنوض منه كان في يدي رآه من أمس
طلقتك في نفس الوقت يالي شفتك فيه لكن عارفه شن يالي ماسكني
آآآآآآآآآآآآه أحكي عارفه شن يالي ماسكني
رزان بعد شافت عصبية نبيل حست روحها خافت لكن
ما حبت اتبين و اقعدت ساكته و تسمع فيه
نبيل: يالي ماسكيني هما هلي ويلي جدي و باتي يالي يبو
اتبرو مني لو طلقتك و ويلي أمي يالي شفت في أعيونها الخوف
من أن جدي ايتبرى مني و ويلي خواتي يالي لما ح نطلع
من الحوش ولا قدر الله باتي صارله حاجه من ح ايقيم بيهن
عصام خويا مزال شاب اصغير و طايش ما يعرف المسؤوليه
قوليلي من يالي ح ايصبي جنبهن و من يالي ح ايكون سندهن
آه كذا قوليلي يالي امخليني نقعد مع وحده كيفك هما هلي
هلي هما يالي كاسرين أظهري عرفتي توا شن يالي امخليني أمعاك
و برم نبيل فتح باب السيارة و خش قعمز و سند راسه علي الكرسي
..........
عند أرياف
بدون أحساس سيبت فنجان القهوه من يدها و ايطيح
و ينكب كلا علي يد سفيان و كرعيه
سفيان غمض أعيونه و سكر أسنونه: آآآآآآآآه
أرياف ابــ خوف: آسفه آسفه واللهي آسفه
و عدت تجري جابت المنشف و اقعدت تمسحله
فــ القهوه من علي كرعيه و بعدين امسكت يده و اقعدت
تمسح فيها لاه و سفيان امغمض أعيونه و ساكت
أرياف تمسح علي يده و أتهف و في نفس اللحظه أتخش
عليهم خديجه للمطبخ و جت عينها علي أرياف و سفيان
خديجه أنصدمت بعد شافت سفيان و أرياف
أرياف فطنت ان حد امصبي ايبحت فيهم رفعت راسها لقتها
خديجه امصبيه أرياف استكت
سفيان فتح أعيونه: آآآآآه خلاص ساهله ساهله تو نغسلهــ ....
و قبل لا ايكمل كلامه فطن ان أرياف مش امعاه و اتبحت فــ باب
برم جيهة الباب شاف خديجه امصبيه
سفيان فــ اللحظه يالي شاف فيها خديجه سحب يده من يد أرياف
خديجه بدون ولا كلمه برمت وطلعت ابــ سرعه برا
أرياف ابــ أحراج: أنا آسفه والله مشــ ...
و قبل لا اتكمل كلامها سفيان صبى
سفيان و هو غمتله: لالا عادي
و طلع سفيان طلق السلام علي عيت عمه و عدى شور
داره و هو راقيله لأن خديجه شفاته في موقف محرج و مش حلو
صح ما فيش بينه وبين خديجه علاقه لكن الأعجاب أو بــ الأصح
حبهم البعضهم كان واضح
...
خديجه كانت امقعمزة و متوتره بكل و في عقلها هل
سفيان و أرياف ايحبو بعضهم
ريهام فطنت أن خديجه جت جوها مش تمام و سفيان حتى
هو طلع من المطبخ غمتله
ريهام اتوشوش لِــ خديجه: كنك في حاجه شن صار امعاكم
خديجه: نسأل اتجاوبيني ابـ صراحه
ريهام: شنو اسألي
خديجه: أرياف و سفيان بيناتهم حاجه
ريهام اضحكت
خديجه كنك تضحكي
ريهام: تي أنتِ فيش تحكي أرياف متربيه بيناتنا يعني انعدوها
كيف أختنا
خديجه: بالك سفيان ايعدها حاجه ثانيه
ريهام: لالا واللهي لا سفيان عادها كيف رزان بس أنتِ كنك تسألي
خديجه: لالا غير هكي احساس
ريهام: لا ما اتحسي يا حنا الجو تمام مافي شي بيناتهم بس
سؤال يعني لعند أمتى أنتِ وياه تبو تقعدو هكي
خديجه: واللهي حتى أنا مليت بكل من هــ القصةة
خاطري يحكيلي لكن هو ما يبي يفتح الموضوع
ريهام: واللهي يا حنا ما افتحه هو افتحيه أنتِ
خديجه: تحكي جديات أنتِ
ريهام: أسمعيني بلا حشم صبي توا عديلا و قوليلا كل يالي
في خاطرك و خليه ايقولك يالي ف خاطره كلا تقعدي هكي
واللهي العظيم قصتك مش ح تنتهي بكل
خديجه: بس خايفه يفهمني غلط
ريهام: صبي هو طلع برا عديلا و احكي امعاه و مش ح يفهمك
غلط لأن أنتم الأثنين عارفين أنكم اتحبو بعضكم
خديجه ابتسمت: خلاص تو نمشيله توا
ريهام: هيا عدي ابــ سرعه و تعالي قوليلي شن ايصير
خديجه: تمام
و بعد اشوية صبت خديجه وطلعت برا لقت سفيان طالع من داره
و امقعمز ايدخن
خديجه ابــ صوت واطي: هووووف بسم الله
و عدت قدمت شور سفيان
خديجه: سفيان
سفيان كان عطي باب الحوش بــ ظهره و لما سمع صوت خديجه
صبى علي حيله و بحت فيها
سفيان أعيونه أقلوب: نعم
خديجه: .........
.........
عند رزان و نبيل
رزان اقعدت امصبيه جنب السيارة و ساكته
بعد أشوية ردت رزان للسيارة فتحت الباب و قعمزة
اقعدو أقريب نص ساعه و هما ساكتين و بعدين
نبيل ابــ صوت واطي: هيا وقت ع طيارة
رزان نزلت بدون ولا كلمه و نبيل استغرب أنها ما حكت
ولا ناقشة نزل نبيل و فتح شنطة السيارة و نزل منها الشناطي
و سكر السيارة و خش هو و رزان للمطار تمو إجرائاتهم وبعد ساعه
تقريباً ركبو للطيارة
نبيل: كم رقم كرسيك
رزان: 5
نبيل: باهي خشي أنتِ هنا أنا رقمي غادي 23
رزان خشت قعمزة و نبيل عدى و قعمز لاورا
و كل واحد فيهم حط سماعته و ولع أغنيته المفضله و تكه راسه
ع كرسي و سرح بِــ أفكاره في قصتهم يالي حلها ساهل و صعب
في نفس الوقت و طارت بيهم الطيارة شور أسطنبوووووول😍😍
..........
عند أرياف
بعد يالي صار حست روحها منحرجه من سفيان
فــ قررت أنها أديرله قهوه بدل يالي انكبت و تعتذر منه
عدت أرياف دارت فنجان قهوه و خذاته وطلعت دقت
علي باب دار سفيان ما لقاته طلعت اتشوف فيه برا الجنان
و بعد وصلت عند باب الجنان شافت خديجه و سفيان يحكو
صبت اتبحت فيهم
خديجه: ممكن نحكي أمعاك
سفيان مع ابتسامه: اهاا أكيد تفضلي
خديجه سحبت الكرسي و قعمزت و برضو سفيان رد قعمز
خديجه: نبي نحكي أمعاك في موضوع
سفيان: اهاا تفضلي
خديجه ابــ توتر و مش عارفه تحكي: أنت أتحس
سفيان بــ ستغراب: كيف
خديجه: قصدي عندك احساس
سفيان ضحك: أكيده عندي أحساس أحكي اكويس
كنك تحكي هكي
خديجه: يالي نقصده يعني أنا انحس بيه أنت اتحس بيه
سفيان ابتسم: قصدك الأحساس بــ الحب
خديجه هزة راسها معناها اهاا
سفيان: اهاا
خديجه رفعة راسها ابــ فرحة: يعني أنت ... و سكتت
سفيان ابتسم و مسك ايديها: و ربي أنِ أنــحــبــكـ ومش من توا
أنا أنحبك من زماااااااان وياما حكيت لِــ أمي عليك قلتلها
أخطبيها ليا لكن كل مره كانت اتصير حاجه تأخر فيها
و لو قلتي ليش ما قلتها من قبل أنا ما أنحب حركات
المراهقه أنا راجل أنجي من قدام و نعرف يالي ايحب بنت
ايجيها جيه اتشرف و ترفع الراس و قلت أنجي من الباب
و نطلب يدك لأنِ أنحبك و نبيك تقعدي حلالي لِـــ أخر العمر
خديجه حست قلبها مش امعاها حساته طاااااااار فوووووق
و معش نزل
سفيان: أنتِ  شنو
خديجه: حتى أنــا أنحبك والله بس عمري ما توقعت
أنك أتحبني و تبني للدرجه هذي
سفيان: يعني لو أمي جت طلباتك ح اتوافقي
خديجه: أكييييييييييد
سفيان ابتسم: أنحبك
خديجه ابــ حشم: و أنا أنحبك والله
أرياف كانت تسمع و أدموعها كانواْ كيف المطر علي اخدودها
و قلبها قبض قبضه قوية و حست نفسها ضاق
لفت أرياف و خشت جوا حطت القهوه و ردت للحمام(حشاكم)
اقعدت تبكي تبكي تبكي لأنها كانت اتأمل أن سفيان ح ايحبها
كيف ما هي اتحبه لكن للأسف حب سفيان الــ خديجه كان
أكبر مما تخايلت غسلت أرياف وجها و طلعت للدار
لقت سندس أتلم في دبشها
سندس: رفوفه بابا جايني توا نبي انروح أنتِ مزلتي قاعده
أرياف ابــ صوت مخنوق: لالا نبي انروح توا مش قادره نقعد
سندس بحتت فيها لقت جرتها باكيه
سندس قدمت شورها: كنك كنهن أعيونك منفوخات
أرياف: طلع أيحبها جديات
و اضبطت سندس و أنهارت
سندس ابــ خوف: من يالي طلع ايحبها أرياف يا قلبي كنك
أرياف أقعدت تبكي و تحكي الــ سندس يالي صار
سندس: اووووووف أنا قتلك من الأول قتلك سفيان
ايشوف فينا كيف خواته طلعي الموضوع من راسك
لكن أنتِ يالي ما عدلتي
أرياف تبكي: الله غالب يا سندس مش مني قلبي ايحبه
قلبيييييي هو يالي ايحبه
سندس: باهي هيا صبي خليني انروح بيك مش ح انخليك
ابروحك هنا
أرياف صبت و اقعدت اتلم في دبشها و بعد رابحه
علمت أنهن امروحات ياما مسكتهن لكن هنا قالاً خلاص
يباً ايروحاً بعد أشوية جا بات سندس روح بيهن و حط أرياف
في حوشهم و روح هو و سندس
..........
عند نبيل و رزان
بعد مرور 3 ساعات فــ طيارة
نبيل كان غافي ع كرسي وخش في نومه خفيفه
بعد اشوية سمع حس هرجه أنفجع و صبى
نبيل: بسم الله شن في
طبعاً في بنت كانت امقعمزة جنبه
البنت: حس بنت متعاركه مع مشرفه
نبيل فنص أعيونه: رزان
و صبى نبيل ابــسرعه و عدى شور الهرجه يالي صايره
رزان ابــ عصبيه: كيف هي ابجوك كل مره امنطرتيني
في مِكان
المشرفه: يا آنسه أنتِ ليش كبرتي الموضوع أنا حولتك مرتين بس
رزان: و هذي الــ 3 أنا مش لعبة عند يالي جابوك
نبيل جا يجري: كنكم انشالله
رزان قلبت أعيونها: ها جا لاخر
نبيل: الآنسه زوجتي كنكم شن في
المشرفه: أنا أنرتب فــ الناس بــ الأرقام و الآنسه
واخذه رقم كرسيها غلط
رزان: رقم كرسيي ناخذه 3 مرات غلط
نبيل: احم معلش آسفين كم رقم كرسيها الجديد
المشرفه: 24
نبيل: تمام
و قدم مسك رزان من يدها و شالها عند كرسيه و قال
للبنت يالي جنبه ان في لخبطه و ان مِكانها غادي و هذا
مِكان رزان المهم انحلت القصه و كل حد رد مِكانه
رزان ابــ صوت واطي: عرف مره ثانيه تمسكني من
يدي و اتجرني هكي اتشوف شن ايصيرلك
نبيل: ما أنتِ كانك تفهمي من أول كلمه را ما هذا حالك
لكن ربي عاطيك كساحت راس سبحان الله
رزان: أنا الغلطانه يالي نحكي امعاك
و خذت رزان السماعات و ولعت أغنية و غمضت أعيونها
نبيل بحت فيها و هز راسه بـت معنى لا حول ولا قوه إلا بالله
و رد حتى هو رقد