مغرورتي

الحلقه الثامنه و العشرون...(28)
عصام بربش فــ فيس أشوية وبعدها خش ع أنستا
لقى أشعارات قعد ايشوف فيهن نين طق في ردنيه
عصام بــ ستغراب: من هذي
و خش ع ايميل و انصدم بعد قرى أسم ردينه و شاف صورة باتها
عصام أعيونه أقلوب أقلوب
و طول بدون تفكير خش ع خاص و دزلها
..........
عند ردينه
كانت فــ المطبخ هي و ريناد
ريناد اتزين فــ الكيكه: رودي صوري الكيكه بيش اندزوها
الــ رزان
ردينه: باهي
و فتحت الكميرا و جت تبي اتصور
ريناد: صوري بــ السناب يا بنت
ردينه: اوووووف باهي
و فتحت ردينه النت و حلت السناب تبي اتصور
جاها أشعار ع الأنستا
ردينه ابــ خوف: ريناد شكله هو واللهي شكله هو
ريناد: تي من يالي هو رعشتيني
ردينه: الأنستا اااا قصدي عصام شكله دز
ريناد قدمت شورها: مدي كذا
ردينه مدتلها الفون و ريناد طول خشت ع الأنستا لقت
عصام داز رساله
ريناد ابــ فرحه: دز رساله دز دز
ردينه ابــ صدمه: احلفي
ريناد: و قسماً بالله
و فتحت ريناد الرساله

عصام ( هلا )

ريناد اقعدت تكتب
ردينه: هيييييييي فيش اديري
ريناد: اسكتي خليني نصرف
ردينه: باهي باهي كملي

ردينه ( اهلين مساءك حلو )

عصام ( مساء الورد كيف الحال )

ردينه ( تمام الحمدالله أنت كيف حالك )

عصام ( الحمدالله ماشيه الحياة )

ردينه ( دوم ياربي )

عصام ( دوم نبضات قلبك )

ردينه ( تسلم ياربي )

عصام ( ردينه يالي في بالي ولاااا وحده ثانيه )

ردينه ( من ردينه يالي في بالك )

عصام ( ردينه أخت مرات خويا )

ردينه ( اهاا هي أنــا )

عصام ( نورتي والله )

ردينه ( انشالله ما انكون ضايقتك )

عصام ( لا عادي ولو أساساً أنــا فرحت بعد شفت الأشعار )

ردينه ( عليش فرحت قصدي شن يالي خلاك تفرح )

عصام ( تبي الصراحه )

ردينه ( أكيد )

عصام ( من فترة و أنــا اندور كيف نوصل فيك لكن ما عرفت )

ردينه ( القلوب عند بعضهن )

ردينه: هييييييييييي رينااااااااد شنو القلوب عند بعضهن تو
ايقول هــ البنت الفانص
ريناد: سكري فمك كيف تبي اتجيبيه كان قعدتي ماده وجك هكي
ردينه: دز دز شوفي
ريناد بحتت لقاته دزلها أقلوب
و اقعداً البنات يحكاً مع عصام و هو علي أساس يحكي مع ردينه
..........
عند نبيل
كان امروح شور الحوش علي رنة فونه بحت لقاها تقوى
نبيل: أستغفر الله ياربي العظيم
و مسك نبيل الفون و رد
نبيل: ايوا
تقوى: ها وينك ليش ما اترد عليا
نبيل: شن تحسابيني فاضيلك أنا عندي وليه و حوش
و عمل و مشاغل
تقوى: باهي باه
نبيل: المهم خفي توا شن تبي في ## أمي
تقوى: أنت توا وين
نبيل: خرفي عليش تسألي
تقوى: أنت قولي بس
نبيل: امروح شور الحوش ها شن تبي
تقوى: باهي أنا وصلت الــ بنغازي
نبيل ابــ صدمه: شن جابك هنا
تقوى: كيف شن جابني
نبيل: قصدي مش قلتيلي تبي اتجي الشهر الجاي
تقوى: و جيت توا شن يبي ايصير يعني
نبيل: الصبر ياربي الصبر و خلاص
تقوى: ها كنك رقالك يعني لما غلطة ما فكرت فــ اللحظه هذي
نبيل ابــ عصبيه: سكري فمك يا حقيرة علي أساس كنت ابــ وعيي
أنــا و بعدين من أنتِ عشان تحكي امعايا هكي
تقوى: المهم تعالي توا أنا قاعده فــ فندق ##$%
نبيل جا يبي يحكي تقوى سكرت في وجه
نبيل و هو غمتله: القنك تافها
و لف نبيل و عدى شور الفندق
..........
عند رزان
كانت اتهدرز عند عمتها تحت
رزان صبت: هيا ما تبو شي
عائشه: خليك مزال بدري
سالمه: خليك واللهي مزلنا ما شبعنا من الهدريز
رزان: لا يمل والله لكن خلاص شوفي الساعه كم توا
أقريب الــ 2 نبيل أكيده أقريب ايجي
عائشه: عادي خليك انديرو عشاء و انتعشو مع بعضنا
سالمه: اهاا والله لنا زمان ما تعشينا مع نبيل
عائشه: أساساً بابا و ماما من بدري تعشو و رقدو
سالمه: اهاا و عصام اقريب ايروح خلينا انتعشو مع بعضنا
رزان: معناها خلني نركب انبدل و اندير العشا و ننزل
عائشه: لالا تعالي تو انديروه هنا مع بعضنا
رزان: تمام ربع ساعه و انجي
البنات: تمام نرجو فيك
رزان: تمام
و عدت رزان ركبت فوق خشت للمطبخ فتحت الفريز
طلعت أشكارت بطاطا امجمده و برقر امجمد و خبزه
شاميه امجمده و طلعت عصير و مشروب غازي
و بعدين عدت بدلة دبشها لبسة توته و حطت ويشاح علي راسها
و خذت الحاجات و نزلت تحت لقت البنات ايديراً في بيتزا
خشت اتساعد فيهن
...........
عند خوات رزان
ريناد: شفتيه كيف انسجم فــ الهدرزه و صدقيني
من دوته شكله معجب بيك
ردينه: ازعما
ريناد: اهاا والله جديات أصلاً دوته هكي اتقول
ردينه: اوووف كنه معش دز
ريناد: بسم الله الكريم هو قالك خليني انروح للحوش
و انردو نحكو امتى حله روح الراجل
ردينه: باهي هيا جيبي الكيكه و خلينا نطلعو ناكلو مع ماما و سفيان
ريناد: ماما رقدت من امبدري و سفيان قال امطول مع شباب
و القطعه يالي قاعدين فيها ما فيها تغطيه قالي كان رنيتي
و القيتيني خارج التغطيه ما اتشيلي في بالك
ردينه: يعني ح ناكلو ابروحنا
ريناد: ياريته ريهام و رزان قاعدات
ردينه: اهاا والله تو انتفقو علي يوم ايجاً ايباتاً امعانا
و نسهرو مع بعضنا كيف قبل
ريناد: هي هذ تعالي بيش انتفقو شن انشيلو امعانا للبحر
ردينه: اهاا واللهي خطرتي عليا هيا تعالي
و خذاً البنات الكيكه و جاً يباً يطلعاً سمعاً بابا الحوش ايدق
بــ القوه و صوت راجل ايعيط ابــ صوت عالي
ريناد و ردينه ماتاً علي أرواحهن من الخوف
..........
عند عصام
روح للحوش و خش و هو ايغني
سالمه: انشالله خير امروح بدري و أتغني
عصام: يعني الواحد كان طول برا الحوش اديرولا
موضوع و كان روح لاوي وجه اديروه نكدي
و كان روح بدري و جوه سمح اتقولوله أنشالله خير واللهي
الواحد وحل فيكم و قسماً بالله
عائشه: هاي أنت وياها وطو حسكم بابا و ماما راقدين
عصام: ها سكتنا
عائشه: نبيل جا
عصام: لالا مزال
و عدى عصام شور المطبخ لقى رزان اتوتي فــ العشاء
عصام: اوووو مرات خويا امنوره
رزان برمت: اهلين عصام نبيل جا
عصام: هو كلكم فـ الحوش هذا تسألو علي نبيل و كنه عصام
رزان اضحكت: لا واللهي ما هكي غير طول قلقة عليه
عصام: لالا مزال ما جا اشوية تو تلقيه خاش
رزان: باهي هيا عدي غير ادبشك علي ما حطينه العشاء
عصام: ع سريع بس لأنِ ميت جوع
رزان: تمام
و طلع عصام شور داره و البنات برا ايوتاً فــ سفره
و رزان اتحط فــ العشاء
..........
عند خوات رزان
رابحه سمعت صوت الباب و العياط ناضت من نومها مفجوعه
طلعت تجري لقت البنات امصبيات ع باب الوسطي و خيفات
رابحه ابــ خوف: بنات شن في
ريناد تبكي: حي عليا يا ماما هذا شكله مؤيد طانها طنه سمحه
و جاي يبي ايديرلي ليله سوده
رابحه: هييييييي يستر الله
ردينه ترعش: الجيران وين كنه مافيش حد طلع
رابحه: رني علي خوتك ابــ سرعه
ريناد خذت الفون و رنة علي سفيان لكن لقاته خارج التغطيه
ريناد: حي عليا خارج التغطيه
رابحه: رني علي أدهم ابــ سرعه
ريناد اقعدت اترن علي أدهم لكن مابش ايرد عليها
و اقعداً البنات ايرنن علي خوتهن لكن بلا فايده يالي ما ايرد
ويالي خارج التغطيه و مؤيد كان ايعيط برا و ايدق ع باب
ريناد ابــ خوف: ماما شن انديرو راه ايخش علينا هذا هبل
عارفته ايديرها
رابحه: في وحده منكاً عندها رقم نبيل
ردينه فكرت اشوية وبعدها: اهاااااا أنا عندي يومتها
رزان كلماته من عندي لأن ما كان عندها رصيد
رابحه: باهي عليش ساكته لعند توا رني عليه فيسع
ريناد: رني ابــ سرعه يا ردينه واللهي ميته خوف
ردينه: هيا هي
و فتحت ردينه ع سجلات و اقعدت ادور علي رقم نبيل نين
لقاته زرت ع خضره و رنة عليه
...........
عند نبيل
وصل للفندق و جا يبي ينزل علي رنة فونه بحت لقاها ردينه
نبيل رد: ايوا ردينه
ردينه ابــ صوت يرعش: نبيل أنت وين
نبيل: ردينه كنك عمتي فيها حاجه
ردينه: لالا ماما تمام بس مؤيد .....
نبيل: هيا هي أشوية و نقعد عندكم أنتم ما اتخافو
و خشو للدار و سكرو علي ارواحكم حتى لو خش عليكم
تقعدو في أمان نين أنجي
ردينه: تمام اوكي
نبيل: هيا جايكم
و سكر نبيل و رد ركب السيارته و علق شور حوش
أهل رزان
نبيل حس روحه مزال بعيد بكل الحوش و خاف مرات مؤيد
ايخش عليهم و ايدير حاجه طول خطر عليه ماهر رفع فونه و رن عليه
ماهر رد: ايوا نبيل
نبيل: ماهر وين قاعد أنت
ماهر: فــ طريق امروح للحوش
نبيل: نبيك في خدمه
ماهر: ولو ادلل شن تبي
نبيل: عدي الــ ........
ماهر: ريته فرخ الــ ## هيا ماشي
نبيل: ماهر الله يسترك راه ايديرلهم حاجه هذوم آمنة رزان
ماهر: ولا ايهمك خمسه و نقعد عندهم ما تشغل بالك شي
نبيل: هيا و أنا مسافة الطريق و نقعد عندك
ماهر: تم اوكي
نبيل: اوكي
و علق ماهر ابــ سرعه شور حوش أهل رزان
...........
عند أهل رزان
خشاً البنات و رابحه جوا الصاله و هنا خيفات بكككل
و ايرنن علي خوتهن لكن برضو ما حصلاً حد فيهم
مؤيد ابــ صوت عالي: نبي مراتي طلعوها ليا ريناااااااااااااد
اطلعييييييييييييي
ريناد تبكي: تسمعو فيه واللهي ما ح ايخليني في حالي
رابحه: اهدي يا بنتي ان شاء الله نبيل ح ايجي
ردينه ابــ خوف: انشالله ياربي يلحق علينا
اقعداً البنات ايحوساً و خيفات و رابحه كانت خايفه علي بناتها
لأن لو مؤيد خش عليهم ح ايريحو فيها
بعد أشوية سمعو باب الحوش انقفع و طاح ابــ صوت عااااااااااالي
رابحه و البنات بحتاً في بعضهن
مؤيد ابــ صوت عالي: ريناااااااااااااااااااااااااااد
و خش مؤيد جوا ابــ سرعه
رابحه ابــ خوف: حي عليا خش علينا فيسع تعالاً خشاً للدار
خشت رابحه تجري و وراها ردينه و وراها ريناد و قبل لا ريناد
اتسكر باب الدار مؤيد طق فيها و فتح الباب و كرها من شعرها
و طلعها من الدار
رابحه اتعيط ابــ صوت عالي: حي عليا بنتييييييي
ردينه اقعدت اتعيط ابــ صوت عالي علي أمل حد من الجيرآن
ايخش ينقضهم
مؤيد و هو يدعدع: صار هكي يا بنت الكلب(حشاكم) تبي تطلقي
مني و اتسيبيني و تاخذي مني أولدي
ريناد تبكي: مؤيد اطلقني
مؤيد زاد ضغط علي شعرها
مؤيد: سكري فمك يا بنت الــ ##
و ضربها كف نين طاحت ع أرض
ردينه طلعت ابــ سرعه و اقعدت ادف فــ مؤيد من ريناد
ريناد تبكي ابــ صوت عالي: ردينه حولي و خشي سكري
علي روحك انتِ و ماما هذا سكران و مش ابــ وعيه
مرات ايديرلكم حاجه
ردينه تبكي: كيف نبي انسيبك بين ايديه يا ريناد
مؤيد دف ردينه ابــ قوه و قدم مسك ريناد من شعرها
و قعد يضرب فيها بدون وعي
رابحه طلعت تجري من الدار و اقعدت اتفك في ريناد
من ايدين مؤيد و كل ما ايدفها اترد عليهم من جديد
و ردينه طلعت برا تجري و اقعدت ادق علي جيرآنهم عشان ايجوهم
مؤيد بعد ما موت ريناد من الضرب قعد ماسكها من شعرها و ايكر فيها
رابحه جت تجري تبي اتفك ريناد منه برم عليها مؤيد و ضربها علي
وجها نين طاحت ع أرض و اغمى عليها
ريناد تبكي ابــ صوت عالي: مااااااااامااااااااا
مؤيد رد مسك ريناد من شعرها و قعد ايجر فيها برا
و طلع بيها للجنان و قعد ايكر فيها من ع دروج
علي خشت ردينه بعد شافت حالة أختها اقعدت اتعيط و بس
...........
عند ماهر
كان يجري بــ أقصى سرعته و بعد نص ساعه وصل
الشارع أهل رزان و لقى الناس ملتمه و اتفرج و ردينه
امصبيه و اتعيط ماهر نزل من السياره يجري و عدى
شور الحوش ابــ سرعه خش شاف مؤيد ايجر في ريناد
و هي مش باينه من الدم
ماهر قدم ابــ سرعه علي مؤيد و عطاه بوني نين طاح ع أرض
ماهر ابــ عصبيه: أنت مش رجاله يا فــ ## اتحقو فــ البنت
هكي بين ايديه و مادين فساخيكم
و برم ماهر بحت في مؤيد
ماهر: تعالي أنت يا ولد الــ ##
و طبس عليه و قعد يضرب فيه و ايفش في غله كله فيه
ردينه تبكي: الله ايربحك سيبه هذا توا أهم حاجه أختي
خلينا ناخذوها للمستشفى شوفها كيف تنزف
ماهر رفع راسها و شاف الــ ريناد لقاها تنزف فــ دم
و الدم كله مالي المِكان
ماهر صبى ابــ سرعه و طبس علي ريناد يالي كانت فاقده الوعي
شالها و طلع بيها ابــ سرعه علي جيت نبيل
نبيل شافهم نزل ابــ سرعه
نبيل ابــ صدمه: ماهر شن صار
ماهر ايحط في ريناد فــ سيارة: ولد الــ ## القيته خاش عليهم
و ضربها و يبي ياخذها تنزف البنت ناخذها للمستشفى و أنت
امسحلي كبدي فيه الــ ## يالي قاعد جوا
ردينه طلعت تجري نبيل مسكها
نبيل: ردينه وين ماشيه
ردينه تبكي: نبي نمشي مع أختي
نبيل: اهدي يا بنت وين تبي تمشي مش وقته توا
ردينه ابــ صوت عالي: اطلقنيييييييييي نبي نمشي
نبيل بحت في ماهر: عدي أنت و أنا تو نلحقك
ماهر ركب للسيارة و علق شور المستشفى
ردينه اقعدت اتعيط و نبيل ايهدي فيها يبيها اتخش لكن هي سكرت راسها
نبيل ابــ عصبيه: هو شكله كساحت الراس وراثه فــ العيله
خشي جواااااااااااااااااااااااا
ردينه خافت من صوت نبيل وخشت جوا ابــ سرعه
و نبيل جا يبي ايخش علي تدريسة سفيان نزل و هو مفجوع
سفيان ابــ فجعه: كنكم شن في
نبيل ايحك في راسه: يالي صار ...........
سفيان ابــ عصبيه و صوت عالي: تي و قسماً بالله نقتلك يا ##
نبيل: اهدى يا راجل كنك اهو قاعد جوا تو نمسحلك كبدك فيه
سفيان: وينه ولد الــ ## الــ ## والله انوريك يا ##
و طلع سفيان الموس من جيبه و خش جوا
نبيل: سفيااااااااااااان
و خش وراها ابــ سرعه و امسكه قبل ما ايطبس علي مؤيد
يالي كان فاقد بكل
سفيان ابــ صوت عالي: نبيل اطلقني يا نبيل خليني نقتل أمه و فتك منه
نبيل ابــ صوت عالي: تي وسع بالك يا راجل شن تقتله ما يستحق تخسر
حريتك عشان واحد كيف هذا
سفيان: يا نبيل اطلق خليني ناخذ حق أختي حول يا راجل
نبيل: سفيان قتلك اهدى و بلاش اتكبر الموضوع أكثر من هكي
تو انكملو الشرطه اتجي تاخذه
سفيان جا يبي يحكي فجأة
ردينه عيطة: مااااااااااااااااماااااااااااااااااا
سفيان و نبيل خشو جوا يجارو
..........
عند ماهر
ماهر كان ايسوق ابــ سرعه و ايبحت لاورا خايف أن
ريناد ايصيرها حاجه
و بعد أشوية وصل للمستشفى نزل ابــ سرعه و فتح باب السيارة
الوراني و نزل ريناد يالي كانت اتقاطر دم
خش ماهر يجري و ريناد بين ايديه
الممرضه شفاته جت تجري
الممرضه: انشالله خير كنها
ماهر ابــ خوف: مش عارف الحقيها بس راه ايصيرلها حاجه
الممرضه عدت تجري كلمت الدكتورة و جاً
الدكتورة: كنها شن صايرلها
ماهر ابــ صوت عالي: مش وقت اسأله الحقوها بس
الدكتورة: باهي نحن كيف نبو نلحقوها و مش عارفين كنــ ..
و قبل ما اتكمل الدكتورة كلامها جت عينها فــ بطن ريناد
و طول عرفت أنها حامل
الدكتورة: ابــ سرعه جهزي غرفة الكشف اجري ابــ سرعه
خشاً الممرضات ابــ سرعه جهزاً غرفة الكشف و جابو سرير
ماهر حط ريناد ع سرير و جت عينه في وجها وشافها
الممرضات خذاً السرير و عداً بيها ابــ سرعه للكشف
و ماهر قعد برا يستنى لكن في عقله كان سؤال أن هو شايف
ريناد من قبل لكن مش مذكر وين
...........
عند نبيل
خش هو و سفيان جوا ابــ سرعه
لقو رابحه طايحه ع أرض و ردينه امصبيه و تبكي
سفيان شاف امه طبس عليها ابــ خوف
سفيان: أمي أمي تسمعي فيا أمي
نبيل: سفيان ابـ سرعه خليني ناخذوها للستشفى
سفيان ابــ خوف: هيا هي
و طبس نبيل و سفيان و اقعدو ايشيلو فيها نين وصلو للسيارة
حطوها و ركب سفيان ولع السيارة و نبيل مسك فونه و رن علي عصام
...........
عند عصام
كان امقعمز فــ المطبخ و امسكد ع بنات اينابش فيهن
عصام يضحك
سالمه: اوووووووف ياربي مبرد دمك اطلع برا
رزان اقعدت تضحك: خليه كنك
سالمه: هــ البارد هذ
رزان: حرآم عليك واللهي حانط
عائشه: هيييييييي حناط امنين جاته الحناطه بس
عصام: تي بيش تعرفو مرات خويا كيف عندها ذوق
القنك أصليه يا مرات خويا
رزان اقعدت تضحك
سالمه: بردك يا بارد رن علي نبيل شوفه
عصام: زمر علي سي نبيل قطعنا معش جا
علي رنة فون عصام بحت لقاه نبيل
عصام: ها الطيب عند ذكره اهو ايرن
و رفع الفون و رد عليه
عصام: ايوا نبيل وينك الزف نبو انتعشو
نبيل: عصام جيب رزان الحوش هلها و خليك غادي
نين انجي
عصام صبى علي حيله: كنك شن في
نبيل: غير دير كيف ما قتلك و رد بالك باتي و امي
يعلمو ما نبيش نفجعهم و رزان حاول ما اتخليها
ترقالها لأن كان فتحت فمها شن يبي ايلمها
عصام: باهي تم اوكي
نبيل: هيا تم
و سكر عصام و بحت في رزان
رزان: كنك شن في كنه نبيل
عصام: رزان اركبي فيسع البسي و انزلي
رزان ابــ خوف: عليش شن في نبيل صيرتله حاجه
عصام: ابــ سرعه ما اطولي
و طلع عصام بدون ولا كلمه ولع السيارة و رزان ركبت
ابــ سرعه فوق لبسة و نزلت
سالمه ابــ خوف: رزان ما عرفتي شن في
رزان: لا والله انا ابروحي ميته خوف و نبيل انرن عليه ما يبي ايرد
عائشه: يستر الله ياربي
عصام خش: رزان هيا و أنتاً رد بالكاً أمي و باتي يعلمو ابــ حاجه
أني قلت ايوا راه واللهي نعلم أنكاً وعيتهوم و حكيتولهم اتشوفاً شن ايصير
و طلع عصام و في جرته رزان
عائشه: رزان رني طمنينه شن في
رزان طالعه تجري: تمام حاضر
و طلعت رزا ركبت مع عصام فــ سيارة و عدو شور حوش هلها
...........
عند نبيل
بعد كلم عصام خش علي ردينه
نبيل: ردينه رد بالك تطلعي من هنا أشوية و اتجيك رزان
ردينه هزة راسها يعني باهي
و طلع نبيل ابــ سرعه ركب للسيارة مع سفيان و عدو بــ رابحه
شور المستشفى
...........
عند ماهر
كان يستنى برا علي طلعت الدكتورة
ماهر: ها دكتورة شن صار ليش طولتو جوا أكويسه هي
الدكتورة ابــ حزن: انتأسف ع يالي نبي انقوله
ماهر ابــ خوف: شن صار أحكي
الدكتورة: حاولنا انساعدوها لكن ما قدرنا
ماهر انصدم لأن فهم من كلام الدكتورة ان ريناد ماتت
الدكتورة: انشالله ربي ايصبركم و ايعوضكم خير
ماهر: كيف
الدكتورة: يعني خسارة الجنين صح صعبه و تقهر لكن الحمدالله
صحت الأم اكويسه و انشالله ح اترد تحمل من جديد عادي
ماهر انصدم مره ثانيه بعد عرف أن ريناد ما ماتت و أنها كانت حامل
و نزلت الــ بيبي
الدكتورة: نحن فتحنا محضر عشان نعرفو سبب الأجهاض
لأن على جسم الأم فيه كدمات و أثر ضرب
ماهر هز راسه وبرم طلع الفون من جيبه و رن علي نبيل
...........
عند نبيل
وصل هو و سفيان للمستشفى نزلو رابحه
و خششوها للكشف و قالولهم أن عندها دوخه بسيطه و هبوط
فــ سكر و أن ركبولها تغذيه و اقعدت اكويسه و تقدر تطلع
نبيل و سفيان كانو ايطلعو في رابحه علي رنة فونه
نبيل: ايوا ماهر شن صار عندك
ماهر: البنت كانت حامل
نبيل: اهاا عليش
ماهر: نزلت العيل
نبيل: لالالا لا حول ولا قوة إلا بالله باهي كيف ايصير توا
ماهر: يبو يفتحو محضر
نبيل: باهي اشوية تو انجو اشوية بس
ماهر: جيب امعاك حد من خوتها لأن يحسابوني
راجلها خايف يفطنو للموضوع و اتصير قصه
نبيل: خلاص هيا هي
ماهر: وينه المسخ هذك
نبيل: حطيناه عند جارهم و كلمنه الشرطه أكيده جت خذاته
ماهر: باهي هيا تعالو ابــ سرعه
نبيل: هيا مسافة الطريق بس
و سكر نبيل و عدى عند سفيان لقاه امطلع أمه للسيارة
و ركبو و عدو شور الحوش
..........
عند رزان
وصلو الحوش هلها نزلت ابــ سرعه خشت جوا
لقت ردينه تبكي فــ صاله قعمزت و اقعدت تسأل فيها
شن في و ردينه حكتلها شن صار
رزان ابــ خوف: ياربي ازعما شن صار فيها
ردينه: واللهي ما نعرف حسه روحي قاعده في حلم والله
رزان: استهدي بالله و انشالله خير
ردينه: انشالله ياربي
بعد أشوية جت ريهام و جوهم عيت عمهم و جا جدهم و جدتهم
و جنهم جاراتهم و بعد أشوية جو نبيل و سفيان جابو رابحه
و كانت صحتها اكويسه بس كانت امكلتها ابكاء علي بنتها
رزان كانت امقعمزه جنب أمها و اتهدي فيها و الصبايا
كلهن امقعمزات امعاهم
ردينه خشت: رزان
رزان: ايوا
ردينه: نبيل برا يبيك
رزان صبت: هيا هي جايه
طلعت رزان برا لقت نبيل امصبي فــ الجنان
رزان: حبيبي
نبيل رفع راسه: أعويناتي
رزان جت شوره
رزان: شن صار مع ريناد بالي مشغول عليها
نبيل: مؤيد خذاته الشرطه و ريناد صحتها اكويسه بس ...
رزان ابـ خوف: بس شنو
نبيل: خسرة الجنين
رزان حطت ايديها علي وجها: يارووووحي أنا
نبيل: خلاص حبيبي اهدي أشوية
رزان: ياربي كيف نبي انقولها الــ ماما هي ابروحها تعبانه
نبيل: اسمعي خشي قوليها الخواتك و هنا يصرفاً و أنتِ تعالي
خلينا نمشو للمستشفى انتمو امور المحضر ما محضر
و انطلعو ريناد
رزان ابــ حزن: باهي قلت الــ سفيان
نبيل: اهاا قلتها لاه ياما صار فيه مسكين زعل بكل
رزان: آآآآآه ياربي خلاص خليني انخش انقول الــ ريهام و ردينه و انجي
نبيل: خلاص نرجى فيك
خشت رزان و حكت الــ خواتها و زعلاً بكككككل علي أختهن
لأنها ماتهنت بكل مسكينه و طلعت رزان و خواتها خبراً
جدتهن و هي قالتلها الــ رابحه و حتى هيا ياما صار فيها
مسكينه و اقعدت تبكي و خلاص
أما رزان طلعت مع نبيل و سفيان و عدو شور المستشفى
............
عند ماهر
كان امقعمز و يرجى في أهل ريناد ايجو
علي جيت الشرطه خشو علي ريناد هما و الدكتورة
و بعد أشوية طلعو عليه
الشرطي: هذا
الدكتورة: اهاا هو
و جا الشرطي شور ماهر
ماهر صبى: تفضل يا فندي شن في
الشرطي: تفضل امعانا
ماهر بــ ستغراب: وين انتفضل
الشرطي: أنت متهم بــ الأعتداء على مراتك و عرضتها
للضرب و هذا يالي خلاها تجهض
ماهر: تي حول يدك اين مرا و اين ضرب أنت فيش تحكي
الدكتورة قدمت شوره: بلاش كذب أنت راجلها و أنت يالي جبتها
الشرطي امسكه من يده: هيا تفضل امعانا ما اتخليني نستخدم العنف
ماهر ابـ عصبيه: تي حول يدك عنف عينك أنت فيش تحكي
و أنتِ فيش اتهرسي أنا مش راجلها أنا نقعد صاحب راجل أختها
الشرطي و الدكتورة بحتو في بعضهم
الشرطي ابــ عصبيه: بلاش كذب و اطلع امعايا
و قعد الشرطي و ماهر ايتعاركو و ماهر ما يبيش يطلع
و الشرطي ايدف فيه و يبيه يطلع علي جيت سفيان و نبيل
حزو بيناتهم و فهمو الشرطي القصه و قالوله أن سلمو مؤيد للشرطه
و بعد حلو القصه عدو عشان ايتمو أوراق الخروج و رزان خشت علي ريناد
............
عند رزان
خشت لقت ريناد تبكي جت شورها وق قعمزت جنبها
رزان أعيونها امتلو أدموع: خيتي ربي ايعوضك خير
ريناد تبكي: آآآآه يا رزان النار هنا شاعله
و حطت يدها علي قلبها
رزان: اتمر يا خيتي اتمر سلمي أمرك الــ ربي
ريناد: رزان نبي نطلع
رزان: توا مشو ايديرو في أوراق الخروج
ريناد غمضت أعيونها و ادموعها اقعدو ينزلو
رزان حطت يدها علي خد ريناد و اقعدت تمسح في ادموعها
نين غفت ريناد رزان حست نبيل و سفيان طولو صبت اتشوف فيهم
طلعت رزان اقعدت ادور فيهم فجأة حست الدنيا لفت بيها صبت و انسندت
ع ساس الممرضه شافتها جت شورها
الممرضه: آنسه أنتِ أكويسه
رزان جت تبي تحكي لكن ما لحقت تحكي و داخت ع ممرضه
رزان فتحت أعيونها لقت روحها راقده ع سرير و امركبيلها تغذيه
رزان: أنا وين
الممرضه: أنتِ دختي و جبناكِ هنا الدكتورة دارتلك تحاليل عشان تطمن عليك
رزان: عليش التحاليل هي مجرد دوخه بسيطه
الممرضه: آسفين كان درنا حاجه بدون علمك لكن عشان نطمنو بس
رزان صبت و هي امعصبه لأنها امسيبه ريناد ابــ روحها و عطتها
العلم بعد اطلعت
رزان فكت التغذيه و جت تبي تطلع علي جيت الدكتورة
الدكتورة: لاباس عليك
رزان: الله لا ايوريك باس
الدكتورة: وين طالعه
رزان: كيف وين طالعه
الدكتورة: آسفه قصدي يعني أرجي تاخذي نتيجة التحليل قبل
رزان: أنا أساساً جايه عشان انطلع أختي مش جايه اندير
فــ تحليل جتني دوخه بسيطه نضت القيت روحي هنا
و تحاليل ما تحاليل
الدكتورة: نحن آسفين أن درنا تحاليل بدون علمك
بس التحاليل بينة أخبار حلوه
رزان بــ ستغراب: أخبار شنو
الدكتورة: مبروك أنتِ ح تقعدي ماما
رزان أنصدمة: حااامل
الدكتورة ابـتسمة: اهاا حامل مبروك
رزان فتحت باب الغرفة و اطلعت و هي ساكته
شافها نبيل جا شورها ابــ سرعه
نبيل: تي وين كنتي قلبنا عليك الدنيا
رزان ابــ صوت هادي: كنت هنا شن صار في ريناد
نبيل: خلاص تمينا الأوراق و سفيان من نص ساعه قاعد امعاها
جوا الغرفه و توا طلع ركبها فــ سيارة هيا خلينا نطلعو
رزان: تمام هيا
وطلعت رزان ركبت هي و نبيل فــ سيارة مع ريناد و سفيان
و عدو شور الحوش و ماهر ركب سيارته و لحقهم
بعد أشوية وصلو للحوش نزلت ريناد و رزان خشاً
جوا و سفيان خش عند جده و عمه و راجل ريهام و أدهم خوه
و قعد يحكيلهم ع يالي صار
نبيل امصبي فــ الجنان خش عليه ماهر
ماهر: نبيل
نبيل بحت فيه: ايوا
ماهر: شنو مزلت قاعد
نبيل: اهاا رزان تبيني انردها للحوش تبي اتجيب دبش
ماهر: باهي أنا نبي انروح ما نبيش أمي توعى ما تلقاني
نبيل: هي الساعه كم توا
ماهر: أقريب الساعه 9
نبيل: باهي تمام عدي بارك الله فيك ما قصرت
ماهر: ولو واجبي يا غالي هيا انتلاقو
نبيل: سلام
و طلع ماهر ركب سيارته و روح و نبيل امصبي
يرجى في رزان أشوية و جاته رساله من تقوى
نبيل: زمري عليك صبح هو
و فتح نبيل الرساله
تقوى (نبيل تعال ضروري بككككككككل التحليل طلع)
نبيل طول حط ع الأتصلات و رن علي عصام
نبيل: عصام وين قاعد
عصام: اقريب نوصل للحوش
نبيل: تعال رد خوذ رزان أمعاك غير أنا عندي موضوع
ضروري نبي أنتمه
عصام: باهي تم
و سكر نبيل و كلم رزان و قاللها أن عصام هو يالي ح ايروح
بيها و أن هو عنده عمل ضروري و هو يالي ح ايرد عند هله
و ياخذها الحوش هلها و رزان قالتله باهي طلع نبيل و مشى شور
الفندق و عصام جا خذى رزان و عدى بيها شور الحوش
...........
عند رزان
بعد ساعه وصلو للحوش خشت لقت عيت عمها
يفطرو سلمت عليهم و قعمزت حكتلهم يالي صار من الأول
مسعوده: تؤ تؤ تؤ لا حول ولا قوة إلا بالله
سالمه: ريناد كيف حالها توا
رزان: الصراحه زعلانه واجد
مسعوده: امعاها الحق هذا ضناها يا مينه
عائشه: انشالله ربي ايعوضها خير
رزان: انشالله
واقعدت رزان ساكته اشويه و بعدها
مسعوده: رزان
رزان: نعم
مسعوده: كنك فيك حاجه
رزان اقعدت ساكته
مسعوده: كنك يا بنتي أحكي شن في
رزان طبست راسها ابــ حشم: عمتي أنــا ...
مسعوده: احكي أنتِ شنو
رزان: عمتي أنا حامل
مسعوده و البنات: لوووووووووووووولي
مسعوده ابــ فرحه: امتى عرفتي أنك حامل
رزان: اليوم .........
مسعوده: الحمدالله ياربي الحمدالله قلتيها الــ نبيل
رزان: لالا ما لحقت ندويله
سالمه أعيونها أقلوب: يعني و أخيراً ح يقعد عندنا بيبي فــ الحوش
عائشه: ح نقعدو عمات يا سلومه
مسعوده و رزان اقعداً يضحكاً
علي طلعت سالم من الدار
سالم: كنكم تضاحكو ضحكونا امعاكم
مسعوده: أفرح يا حاج أقريب تقعد جد و بحتت في رزان
سالم فــ الأول استك لن ما فهم وبعدين فهم
سالم ابــ فرحه: ماشالله ماشالله ع بركه انشالله
كلهم: انشالله ياربي
علي فتحت باب الوسطي للحوش كلهم بحتو فــ الباب
خش نبيل و ماسك ساكوين في يده
مسعوده صبت ابــ فرحه: نبيل تعــ ....
و قبل ما اتكمل مسعوده كلامها فتح نبيل الباب
و خشت وليه و امعاها عيل اصغير
كلهم كانو ايبحتو و مستغربين
خش نبيل و الوليه و العيل و راه قعمزو كلهم و اقعدو ساكتين
مسعوده بــ ستغراب: نبيل من هذوم
نبيل امطبس راسه و ساكت
سالم: نبيل احكي من هذوم
نبيل و هو امطبس راسه: باتي هذوم مراتي و اولدي😔
كلهم😳😳
رزان😳💔

يتبع...
أودي الفرجاني##