الحلقه السادسه...(6)
سالم: نبي نحكيلك موضوع ممكن تضايق من كثرة ما حكينا فيه
لكن الله غالب لازم نحكو فيه
نبيل: احكي يا باتي شن في واللهي خوفتني
سالم: جدك قال .... وسكت
نبيل: كنه جدي شن قال تي احكي يا باتي شغلتني
سالم: جدك قال أن يبي ......... و حكاله شن قال جده
نبيل ضحك وطبس راسه
سالم: كنك تضحك
نبيل: لا شي غير حسيت موضوع زواجي كل حد قعد
يصرف ابــ جوه
سالم: باهي كيف الراي
نبيل: يالي تبوه ديروه يا باتي ابــ جوكم لكن أهم حاجه أمي
راهي تزعل لأنها كانت تبي شيماء بنت عمي
سالم: لالا أمك شوري
وصبى نبيل وخش جوا قبلاته أمه لكن مابش يحكي أمعاها ولا كلمة
وخش الدار و سكر الباب
علي خشت سالم
مسعوده: كنه نبيل راقيله
سالم: شن رايك أنتِ
مسعوده: علي موضوع باتك صاح
سالم: اهاا
مسعوده: ما قتلك العيل مش لعبة في إيدينا شن قالك
سالم: قالي يالي تبوه ديروه
مسعوده: عليك قصةة هي
سالم: خلاص أهم حاجه وافق بيش ما ننحرج مع باتي
مسعوده: أنت مش هامك أولدك أهم شي رضى باتك
سالم ابــ عصبيه: باهي شن تبيني أندير يا مسعوده شن
تبيني أندير أنتِ عارفه باتي ما نقدر أنردله طلب
و بعدين أكيده بنات خليل اكويسات وبعد ايتريح مع مراته
تو يعرف أن أختيار باتي كان صاح
مسعوده: يستر الله واللهي يستر الله
سالم: هيا أنا طالع تبي حاجه
مسعوده: لالا سلامتك
و عدى سالم طلع و مسعوده ردت اتكمل في شغلها
........
عند نبيل
خش للدار و وتى أدبشه و خش دوش و بدل أدبشه
و جا يبي يرقد علي رنة فونه بحت لقاه رقم غريب
نبيل رد: ايوا السلام عليكم
شيماء: وعليكم السلام نبيل امعايا
نبيل بــ ستغراب: اهاا انشاء الله من امعايا
شيماء: أنــا شيماء بنت عمك
نبيل: اهاا اهلين كيف حالك
شيماء: تمام الحمدالله أنت كيف حالك و شن داير
نبيل: تمام الحمدالله ابــ خير
شيماء: أكيدة أستغربت لما قتلك شيماء
نبيل: عليش استغربت
شيماء: قصدي استغربت رنتي عليك
نبيل: لا عادي أنتِ بنت عمي و اي خدمه في اي
وقت اتفضلي
شيماء ابــ تسمت: فيش أدير أنت توا
نبيل: واللهي هذي الترويحه من الجامعه دوشت و نبي نرقد
شيماء بــ ستغراب: بس علي حد علمي أنت متخرج
نبيل: لالا ما نقرش أنا أستاذ فــ جامعه
شيماء: اهاا تمام ربي ايعاون انشالله
نبيل: انشالله
شيماء: باهي ما انضايقك توا انخليك ترقد
نبيل: ما تبي شي ما ناقصك شي
شيماء ابــ تسمت: لالا شكراً
نبيل: هيا سلام
شيماء: باي
نبيل سكر و حط فونه سايلنت و حطه فــ الشحن
و خش الفراشه و رقد
........
عند رزان
طلعت هي و أرياف و سندس من المحاضره
و عداً للكفيتيريا و اقعداً ايهدرزاً
رزان: ايوا سفيان
سفيان: كملتي
رزان: اهاا كنك
سفيان: هيا أنا جنب الجامعه اطلعاً
رزان: كيف بابا وين
سفيان: توا أنتِ مالك و مال باتي هيا اطلعي
رزان: تي باهي بلاش اعياط خزي
و سكرت عليه
رزان: رفوفه هيا سفيان جا
أرياف قلبها دق ابــ سرعه: سفيان
رزان: اهاا شكله بابا مش فاضي دزلنا سفيان
سندس ابــ زعل: خزي عليكاً واللهي مزلت ما شبعت منكاً
رزان: خلاص ياروحي واللهي الأسبوع الجاي ح انجو نقرو عندك
سندس: وعد
رزان و أرياف: وعد
سندس: باهي تمام
رزان: هيا باي
و سلماً رزان و أرياف علي سندس و طلعاً
لقاً سفيان يرجى فيهن ركباً و روح بيهن سفيان
للحوش أرياف كانت طول الطريق اتحاول
تلفت انتباه سفيان لكن هو ما كان عطيها اهتمام بكككل
بعد أشوية وصلو للحوش
رزان: سفيان مش هذي سيارة عيت عمي
سفيان: وين
رزان: اهي درس قدام الحوش
سفيان أعيونه أقلوب: اهاا هما
رزان: اهاا صااح هو بابا عازمهم ع غداء شكلهم جو
سفيان ابــ فرحه: هيا انزلاً فيسع
نزلاً رزان و أرياف و في جرتهن سفيان
سفيان: مرحب مرحب ابــ عيت عمي
و سلم سفيان علي عمه و مرات عمه
سفيان: كيف حالك انشالله ابــ خير
خيري و أمل: تمام الحمدالله
رزان: هلا عمو
و سلمت عليهم
سفيان: خشو تفضلو
و رفع سفيان أعيونه علي خديجه لقاها اتبحت فيه
سفيان ابتسملها وهي تحشمت و طبست راسها
خشو كلهم استقبلوهم عيت رزان
رابحه: اهلاً شرفتونا خشو تفضلو
و خشو كلهم جوا
سفيان: عمي خش تفضل
خيري: لالا يقعد الخير عندي عمل تو انجي ع غداء
سفيان: باهي ابــ راحتك سند جاي
خيري: اهاا حتى هو عنده عمل ايكمل و ايجي
سفيان: باهي تمام انتلاقو
خيري: هيا سلام
سفيان: مع سلامه
و طلع خيري و سكر الباب و سفيان خش جوا
لقاهم كلهم امقعمزين فــ الصاله
سفيان أو ما جت عينه في عين خديجه
سفيان مع ابــتسامه و أعيونه عند خديجه: عمتي كيف حال عبد العزيز و سند
أمل: الحمدالله اكويسين أنت شن داير لكي زمان ما جيت عندنا
سفيان: واللهي حال العمل نطلع من الصبح و معش انرد الا فــ أخر الليل
أمل: باهي ربي يعطيك الصحةة
سفيان: سلمك ردينه دريلي قهوه
ردينه: باهي حاضر
و عدى سفيان خذى أدبشه و خش دوش و بدل أدبشه
ومشط شعره و لحيته و بخ عطره وطلع سمع حس البنات فــ المطبخ
حصلها فرصه و عدى شور المطبخ
....
لمياء: رودي شن دايرة فــ الجامعه
ردينه: اهو ماشيه تمام لكن القنه في مواد نار الله الموقده
لمياء: الله غالب تحملي عشان الشهادة
رزان: دوجي شن صار قبلوك فــ المعهد ولا مزال
خديجه جت تبي تحكي علي خشت سفيان اسكتت
رزان: نعم سفيان تبي حاجه
سفيان: القهوه
ردينه: هييييييي انسيتها ع نار
و عدت ردينه تجري طفت ع قهوه و صبتها الــ سفيان
سفيان كان سارح في خديجه وهي ميته من الحشم
و وجها قعد حمرررررر
ردنيه: سفيان هاك
سفيان في عالم ثاني
ردينه: سفيااااان نحكي امعاك
سفيان: آه نعم
ردنيه: شنو نعم هاك القهوه
سفيان: اهاا تمام
و خذى منها القهوه و برم طلع و خديجه أعيونها امعاه
طبعاً فيش حد كان أملاحظ نظرات سفيان و خديجه إلا
شخص واحد يالي هو أرياف كانت فاطنه الكل حركه بين
خديجه و سفيان و حست أنها غمتلها
المهم سفيان طلع للعمل و البنات اقعداً ايهدرزاً و ايديراً
في عقاب الغداء
........
مشى الوقت
تحديداً الساعه 2 ونص
عند نبيل
كان راقد و ناض علي دقت باب الدار
نبيل ابــ صوت ناعس: ايوا
مسعوده: أنا
نبيل: تعالي يمي خشي
مسعوده فتحت الباب و خشت و جت قعمزت ع كنبه
يالي جنب نبيل
مسعوده: جيت نبي نحكي أمعاك
نبيل: نعم يمي
مسعوده: أنت مضايق
نبيل بــ ستغراب: من شنو مضايق
مسعوده: من قصة جدك و عشان كل مره حد يدخل فــ القصةة
نبيل: لالالا عادي يا أمي الجو تمام أهم حاجه عندي أنتِ راضيه
ع موضوع و أنا قلتها حتى الــ باتي أمي اموافقه تمام أمي
مش اموافقه الموضوع يسكر أهم حاجه عندي أنتِ الباقي فــ ساس
مسعوده ابــتسمت: نجك ليا اوليدي الغالي
نبيل حب علي يد أمه: ربي ايخليك ليا و ما يحرمني منك
و ايطولي في عمرك يا غاليةة
مسعوده: أمين يارب و أنشوف أعويلتك انشالله
نبيل ضحك: انشالله انشالله
مسعوده: أسمعني بكره عرب صاحب جدك و باتك جيين
ع عشاء و أنا أنفكر أنتعشو كلنا مع بعضنا عشان اتشوف البنات
و تختار منهن
نبيل بــ ستغراب: كيف مع بعضنا
مسعوده: يعني بدل ما أنتم الرجاله برواحكم و نحن برواحنا
أندير الطاوله الكبيرة برا السور و انتعشو كلنا مع بعضنا
هو أساساً مافيش واجد هما جاي صاحب جدك و مراته
و أولده و مراته و عندهم شاب واحد و ثلاث بنات
و نحن جاي جدك و باتك و أنا و أنت و خواتك و عصام
مش جاي زارد مع أصحابه برا
نبيل: باهي علي راحتك يا مي كيف ما تبي
مسعوده: خلاص شوف البنيات و أختار منهن و طول
نمشو نحكو فيها
نبيل: خلاص انشالله خير
مسعوده: هيا صبي تعال تغدى الغداء واتي
نبيل: هيا نغسل وجي و أنجي
مسعوده: باهي نرجو فيك
و صبت مسعوده طلعت برا و نبيل خش غسل وجه
و طلع لقى هله يرجو فيه ع غداء قعمز و قعد ايتغدى امعاهم
.........
عند رزان
حتى هما حطو الغداء و قعمزو ايتغدو
طبعاً صالة عيت رزان كانت مقسومة اثنين نص
امقعمزين فيه الرجاله و نص امقعمزين فيه الصبايا
ردنيه: بابا حس فونك ايرن
خليل: جبيه ليا
ردينه صبت تجري و جابت فون باتها و عطاته لاه
خليل: ايوا سالم
سالم: مرحب بو صاحب كيف حالكم وحال الحاج
خليل: تمام الحمدالله أنتم شن ديرين و عمي فتح الله شن داير
سالم: في نعمة و الحمدالله قتلك
خليل: نعم
سالم: بكره بيش اتفضلو أنتم و العيلة و الحاج و الحاجه
ع عشاء في حوشي
خليل: أكيده نشرفو
سالم: خلاص يعني بكره نعبو بيكم
خليل: بإذن الله
سالم: هيا سلمي ع أهل
خليل: يوصل مع سلامه
سالم: مع سلامه
و سكرو هما الأثنين
خليل: هذا سالم افلان ولد عمي فتح الله عرفته
خيري: اهاا عرفته
خليل: بكره عازمنا ع عشاء
خيري: اهاا كنه في حاجه
خليل: لالا غير يبي الأهل ايتعرفو علي بعضهم
خيري: اهاا
خليل ابــ صوت عالي: رابحه بكره عازمينا
عيت سالم ع عشاء بيش اتوتو روحكم و اديرو حاجه
نمشو بيها
رابحه: باهي حاضر
و ردو ايتغدو و ايهدرزو و سفيان و خدجيه كملوها بس نظرات
و بــ تسامات و أرياف كانت أمركزه امعاهم
أنت تقرأ
مغرورتي
Romanceرواية عاطفيه رومنسيه أتوريك أن مهما كانت الفروق بين شخصين في شخصياتهم فـ أن الحب قادر يجمعهم للكاتبةة: أودي الفرجاني##
