مغرورتي

الحلقه الواحد و الثلاثون...(31) الجزء الثاني
ردينه طلعت فونها من جيبها و مداته الــ عصام
عصام خذى الفون و سجل رقمه و مده الها
عصام: خلاص راك تنسيني رني عليا اليوم
ردينه: تمام خلاص
عصام: نرجى فيك
ردينه: تمام
و عدت ردينه تبي اتخش قبل لا اتخش برمت بحتت في
عصام و اضحكتله
عصام ضحك
...........
عند ريناد
كنت هي و سندس ايهدرزاً فــ الدار
ريناد: قصدي شن تباً اديراً
سندس: مش عارفه رزان قالتلي أن اليوم لازم انجمعو
سفيان و أرياف في مِكان و حدهم
ريناد: باهي أنتاً متأكدات أن الأثنين ايحبو بعضهم
سندس: كيف يعني
ريناد: قصدي أنا نظملك أن سفيان ايحب أرياف لكن أرياف
متأكدات أنها أتحبه
سندس: اهاا أرياف أتحبه موت من قبل بكل بس بعد
أعرفت أن هو و خديجه ايحبو بعضهم سكرت ع موضوع
ريناد: اهاا
علي خشت رزان
سندس: بس كيف تضمني أن أن سفيان ايحبها كيف
عرفتي أن هو ايحبها
ريناد: هكي عرفت و خلاص
سندس: كيف عرفتي و خلاص
رزان: كنكاً شن في
سندس: توا ........
رزان بحتت في ريناد: كيف عرفتي و خلاص
ريناد: اووووف منك عرفت و خلاص
رزان: ريناد احكي خيرلك
ريناد: تي باهي خلاص هو يالي قالي تريحتي توا
رزان و سندس بحتاً في بعضهن و قدماً علي
ريناد ابــ سرعه
ريناد: بسم الله فجعتني كنكاً
رزان: توا احكي كيف هو يالي دوالك و امتى دوالك
ريناد: من فترة أقريبه قبل ما ايصير موضوع طلاقي مع هذكِ
ابــ 4 أيام تقريباً جاني فــ الحوش و هدرز امعايا و حسيت
أن هو فيه حاجه قعدت انزر فيه نين حكالي وقالي أن هو معجب
ابــ أرياف و أن مش ناسي وقفته امعاه في عزاء بابا و هكي يعني
من كلامه عرفت أن هو ايحبها أشوية قتله أحكي الــ رزان
لأن أرياف صحبتها و أقريبه منها واجد و هي أتقولك كان أرياف
شايله شي اتجاهك أو لا خلاص قالي ان ح ايجيك و بعدها صار
الموضوع و معش نندري شن صار
رزان طول أذكرت يوم يالي جاها سفيان فــ الشقه و قاللها
أن يبيها فــ موضوع لكن هي قالتله نبيك في موضوع قبل
موضوعك يالي هو موضوع ريناد و مؤيد و طول أعرفت
أن سفيان جاها هذك اليوم عشان يحكيلها علي أرياف
رزان: اهاا صح أذكرت سفيان جاني يوم ......
لكن بعدها صاراً القصص هذين و معش حكينا بكل
سندس: معناها خلاص هكي ضمنا أن هما الأثنين عشاق
يعني انفذو الخطه اليوم
رزان: اهاا خلاص يوم ينتهي كل الأمر
ريناد: حمستوني الصراحه
البنات اقعداً يضحكاً علي خشت ردينه ابــ سرعه
ردينه: بنات أرياف دت اسسس
البنات سكتاً و أرياف خشت
رزان: عمتي مزالت قاعده
ردينه: اهاا درنالهم قهوه و سفيان جا حتى هو قاعد
مع عصام برا
أرياف اتبحت فــ البنات
ريناد: أرياف كنك
أرياف: لا شي بس حاسه أن في حاجه ماتبنش اتقولنها ليا
ردينه: لا شن يبي يقعد في يعني
رزان: لا ما في شي كنك درنالك حاجه
أرياف: لا بس هكي حسيت
سندس: لالا أحساسك خطأ
أرياف: باهي انشالله
و جت أرياف و ردينه قعمزاً و اقعداً ايهدرزاً
سندس اتوشوش لِــ رزان: كنها عمتك
رزان ابــ صوت واطي: جايه عشان اتساول علي ريناد
سندس: اهاا خفت نحسابها تبي تحكي يالي صار
رزان: حتى أنا لكن بعد عرفت أنها جايه عشان ريناد تريحت
بعد أشوية خشت مسعوده حمدت لِـــ ريناد على سلامتها
و بعد نص ساعه تقريباً روحت مسعوده و عصام و سفيان
خش الــ داره و البنات امقعمزات فــ دار و ايهدرزاً
و رابحه قاعده في دارها
..........
عند رزان
كانت اتهدرز مع البنات و كانن ايحاولاً ايغيراً جو ريناد
عشان ما اتفكر فــ يالي صار و اتنكد من جديد
رزان غمزت الــ ردينه يعني خوذي أرياف برا
ردينه غمض أعيونها و فتحتهن يعني تمام
بعد أشوية
ردينه: بنات من تمشي امعايا انديرو قهوه
أرياف صبت: هيا تعالي تو نمشي امعاك
ردينه: هيا
و طلعاً ردينه و أرياف للمطبخ و البنات جوا الدار
رزان: أنا من بدري انفكر و طلعت امعايا الخطه هذي
ريناد: باهي احكي هيا
رزان: اسمعني أرياف عندها مسلسل تحضر فيه الساعه 3
خلاص انعدي .......
ريناد و سندس أعيونهن أقلوب
رزان: ها تمام
ريناد: اهاا ميه ميه
سندس ابــ حماس: متحمسه عشان نبدو تنفيذ الخطه
رزان صبت: معناها خليني نمشي انجس نبض سفيان
البنات: تمام
و عدت رزان شور سفيان و دقت علي باب الدار
سفيان: ايوا
رزان: سفيان نايض
سفيان: اهاا تعالي
رزان فتحت الباب و خشت
سفيان: كنك تبي حاجه
رزان: لا غير نبي انقولك كان الساعه 2 ما عندك شي
نبي ناخذ الــ TV امتاعك نبي نعلق ديجي فيلم
سفيان: لالا عندي فيلم الساعه 2 ما ايصير شي تبيه خوذيه الساعه 4
رزان ابــ فرحه: خلاص تمام
و طلعت رزان تجري
سفيان بــ سستغراب: كنها هذي فيش اتحس
سفيان استغرب حركات رزان لكن ما عدل و در
ايبربش في فونه
........
مشى الوقت
و شرباً البنات القهوه و هدرزاً واجد بكل و ضحكاً
نين قالاً يانا و مشى أحلى جو رزان خذت ردينه
و حكتلها شن ح ايديراً و ردينه قالتلها تمام