مغرورتي

الحلقه الثالثه و الثلاثون...(33)
كلهم كانواْ ايبحتو فيه و تقوى اتبحت و مبتسمه ابــ خبث
و في لحظه ما كان حد ايتوقعها انفتح الباب الوسطي
نبيل رفع راسه و بحت فــ الباب
نبيل فنص أعيونه ابــ صدمه
رزان خشت و خششت امعاها ساكواتها
كلهم بحتو فــ الباب و بعد شافو رزان و امعاها دبشها
اقعدو مش امصدقين يالي صاير
رزان جابت ساكواتها و خشت شورهم
نبيل حط ربيع في جنبه و صبى شور رزان
نبيل ابــ فرحه: رزان
رزان و هي أعيونها فــ الأرض: سفيان برا يبيك
نبيل ابـ صدمه: سفيان
رزان خشت و سيبت نبيل و هو برم بحت فيها و بعدين
طلع برا عند سفيان و هو في باله مية سؤال شن ح ايقول
الــ سفيان و كيف ح ايبررله يالي صار
نبيل: صباح الخير
سفيان مع ابتسامه: صباح النور كيف حالك يا نسيبنا
نبيل ابــ صدمه: تمام الحمدالله أنت شن داير
سفيان: ميه ميه اهو جبتلك الجالطه هذي قتلها خلاص روحي
ملينا منك قالتلي أساساً أنا امروحه قالتلي جيبني جبتها قبل
لا نطلع للشغل
نبيل ضحك ضحكه صفره: ربي ايصبرني عليها
سفيان ضحك: من الناحيه هذي القنه ربي ايصبرك
هيا تبي حاجه
نبيل: خش افطر امعانا
سفيان: صحتين عندي عمل واللهي
نبيل: باهي ربي يعطيك الصحه
سفيان: سلمك هيا سلام
نبيل: سلام
و طلع سفيان عدى و نبيل خش جوا و في عقله
رزان كيف ردت و سفيان باين أن مش عارف
حاجه من يالي صار و خش نبيل عشان يفهم شن يالي صاير
نبيل خش لقى رزان مش قاعده
نبيل: رزان وين
مسعوده: خذت ساكواتها و ركبت فوق قتلها اقعدي
قالتلي ماتبيش تحكي مع حد
سالم: سفيان شن قالك
نبيل: سفيان جوه تمام و مش باين عليه أن عنده علم
ابــ حاجه بس كيف رزان مستحيل اترد هكي و خلاص
مسعوده: خواتك اركباً امعاها بالك اتقوللهن شي حاجه
نبيل قعد يبرم: تؤ تؤ تؤ لالالا رزان جيتها مش طبيعيه
أكيده في حاجه أنا نعرفها اكوووووويس مستحيل اترد هكي
و خلاص أكيده صاير حاجه
تقوى ابــ عصبيه: و أنت عليش امتعب روحك خليها
شنو كان جت يعني
نبيل برم عليها: أنتِ سكري فمك و مالكش دخل فهمتي
سالم ابــ عصبيه: نبييييييل اسكت
نبيل طلع و هو راقيله و قعد امصبي ع دروج
يرجى في خواته ينزلاً عشان يفهم منهن يالي قاعد ايصير
أما تقوى كانت قاعده علي نااااااااار و راقيلها من يالي صار
و بعد أشوية خذت فونها و صبت خشت للدار
...........
عند رزان
خشت للشقه و اقعدت اتخشش في ساكواتها و البنات
ايساعداً فيها نين خششن كل حاجه جوا الدار
رزان: شكراً بنات
سالمه: رزان ما ادريش روحك مش فاهمه حاجه
رزان بــ ستغراب: كنكاً
عائشه: رزان أنتِ شن يالي في راسك
سالمه: فيش قاعده اديري أنتِ احكيلنا فهمينا
و اللهي خليتينا في دوامه
رزان: تبني انفهمكاً صااح
سالمه و عائشه: اهاا اكيده
رزان: تمام أنا ح انقوللكاً كل حاجه بس ابــ شرط
سالمه: اوكي احكي شنو الشرط
رزان: يالي نحكيه نبيه بيني و بينكاً و رد بالكاً حد يعلم
عائشه: اوكي اموافقين قولي شنو
رزان: توا مش ح نحكي ولا حاجه تعاللي بعدين
بعد المغرب انقعمزو و نحكو ابــ هدوء تمام
سالمه و عائشه: تمام
رزان: كان حد سألكاً عليا قولاً أنِ ما حكيت
ولا كلمه و ياما زريتاً عليا مابيتش نحكي
سالمه: تمام و انقولو تو نركبولها بعدين تقعد هاديه
بالك تحكيلنا حاجه
رزان: اييييييوا تمام
سالمه و عائشه: هيا اوكي
رزان: اوكي
و طلعاً البنات نزلاً و رزان سكرت الشقه
و خشت لِــ دار النوم
............
عند نبيل
كان امقعمز ع دروج و يستنى علي نزلت البنات
نبيل صبى ابــ سرعه
نبيل: ها شن صار حكيتاً امعاها
سالمه: تعال جوا
و خشاً البنات و نبيل جوا عند هلهن
مسعوده و سالم: شن صار امعاكاً حكت
عائشه: ماحكتش ولا حرف
نبيل: كيييييف
سالمه: زرينا عليها لكن قالت خلني ابـ روحي
و محد ايزرني علي حاجه
نبيل: لا هكي ما ايصير شي نبي نركبلها نفهم منها
يالي قاعد ايصير
و برم نبيل يبي يركب
سالمه: نبيل نبيل تعال
نبيل برم: كنك شن تبي
سالمه: خليها البنت نفسيتها زفتةة بكل و حالتها حاله
توا خليها اتريح و بعد المغرب نركبلها أنا و عائشه
أقل حاجه تقعد هاديه و متريحه بالك تحكيلنا شن يالي صار
مسعوده: كلام خواتك صاح يا نبيل خليها تهدى توا و بعدين ساهل
سالم: خلاص يا نبيل خلي البنت في حالها توا
نبيل برم بدون ما يحكي ولا كلمه و عدى طلع برا الحوش
أما أهل نبيل قعمزو و اقعدو ايحلولو عليش رزان ردت من جديد
و ليش لعند توا ما حكت الــ هلها ولا حاجه طبعاً البنات ما حكاً
ع الحديث يالي دار بينهن و بين رزان
...........
عند تقوى
كانت جوا الدار و تحكي بــ الفون
تقوى ابــ عصبيه: أنتِ كنك ما اتردي
.......... : ها كنت مش فاضيه شن تبي صار امعاك جديد
تقوى: طبعاً أنتِ شاطره بس تسألي شن يالي صار و تاخذي
الأخبار أسمعي أنا مليت راه خلاص معش عندي نيه أنكمل
في هــ القصةة الجربةة هذي ديريلي حل
......... : توا أنتِ رانه عشان اتقولي هكي بعدين أنتِ
تاخذي في حقك يا ماما مش قاعده هكي و خلاص
تقوى: اسمعيني توا توا نبي انشوفك عندي ما انقولك
......... : شن عندك حاجه جديده
تقوى: اهاا الجربه هذكِ ردت
........... : نعممممممم شن قاعده اتقولي أنتِ
تقوى: كيف ما انقولك حتى أنا اقريب انجلطت بعد شفتها
........... : ياربيييييي شن تبي جايه
تقوى: اسمعي مش وقته توا مانبيش نحكي خايفه حد يسمعني
أنا ح نسبل ابــ ربيع و نطلع بيه علي أساس للمستشفى
و انشوفك فــ ##$%
........... : خلاص افهميلي عليش ردت
تقوى: باهي هيا اوكي
........... : اوكي
و سكرت تقوى و خذت ربيع و اقعدت اتلبس فيه
و بعد كملتله اقعدت تلبس هي
...........
عند نبيل
بعد طلع من الحوش ركب سيارته و قعد يبرم فــ البلاد
نين ضاقت بيه علق شور البحر و بعد وصل نزل و قعمز
ع شط و قعد ايبحت فــ البحر و هايم و ايفكر
............
عند رزان
كانت امقعمزه فــ دار و تذكر في أيامها مع نبيل
و كيف كانت هي وياها ناق و انقير كيف قطوس و الفار
رزان اضحكت و اعيونها مليانه ادموع: جديات رآيفت عليه
لكن يالي صار مش ساهل يا نبيل واللهي ما ساهل بس مع
هذا كلا أنا نعرف شن اندير و كيف نصرف
و صبت رزان حطت دبشها فــ دولاب و خشت دوشت
و لبسة توتتها و مشطت شعرها و خذت فونها و رنة علي سندس
............
عند تقوى
خذت ولدها وطلعت من الحوش و طبعاً مافيش
حد سألها وين ماشيه كلهم شافوها طالعه فاتوها
و مابوش يسألوها
طلعت تقوى خذت تكسي و عدت شور الكفي ##$%
بعد نص ساعه وصلت نزلت هي و ولدها خشت للكفي
و خذت طاوله و قعمزة و اقعدت ترجى أِشوية و خشت .....
و جت شورها و كرت الكرسي و قعمزة
تقوى: و أخيراً يا حلوه شحات و يشرط تبيني انلملك
الأخبار و اتجيني متأخر أخر عليك صحة وجه
( تبو تعرفو من يالي تحكي امعاها أكيده كلكم عرفتوها شيماء)
شيماء: اوووووووف أنتِ 24 ساعه تحكي ماتبيش تسكتي بكل
تقوى ابــ عصبيه: تبي اتسقمي اسلوبك امعايا ولا واللهي اسيبلك حوش
عمك هذا ابــ كبره و انخليها لكِ واسعه
شيماء: لالالا الله يسترك أنا ما القيتك نين طاح اسعدي
تقوى: معناها احترميني اشوية يا حلوه
شيماء: باهي هيا قوليلي شن يالي صاير و الجربه
هذي شن ردها من جديد بعد ما قلت افتكيت منها
تقوى: يا حنه اليوم الصبح ........
و بدت تقوى تحكيلها فــ يالي صار