مغرورتي

دمج الحلقه...(37_38)
عند أرياف
طلعت من الحمام(حشاكم) خشت للدار لبسة عبايتها
و ويشاحها وطلعت برا ورا الفيله و بعد وصلت شاف
سفيان و خديجه
......
سفيان جا يبي يحكي
خديجه شافت أرياف جايه نزلت سفيان من سوريته
و حباته من فم .....
سفيان قعد مصدوم من حركة خديجه
و أرياف رقااااااااااااالها بكل من يالي شفاته
سفيان دفر خديجه و بعدها من عليه
سفيان ابــ عصبيه: تي أنتِ شن قاعده اديري يا ##
خديجه: اسسس عارفتك زعلان منِ بس برضو عارفه أن
أنت أتحبني و ما تقدر تستغنى عليا
طبعاً سفيان ما شاف أرياف لكن خديجه كانت عارفه أنها
أمصبيه اتبحت فيهم
خديجه ردت قربت من سفيان و مسكت سوريته من جديد
أرياف معش تحملت يالي قاعده اتشوف فيه و عدت شورهم
سفيان جا يبي يحكي شاف أرياف جايه شورهم
خديجه دارت روحها مصدومه
خديجه ابــ صوت واطي: شفتنا يا سفيان
أرياف وصلت فيهم
خديجه ابتسمت ابـ خبث و في عقلها: هه تحسابي غير
سايبه هي تاخذيه منِ بــ سهوله هذي
سفيان ابــ توتر: أرياف أسمعي واللهي كل يالي شفتيه ....
و قبل لا ايكمل سفيان كلامه قدمت أرياف و فكت ايدين
خديجه بــ القوة من علي سفيان
خديجه انصدمة من ردت فعل أرياف
أرياف جت صبت قدام سفيان و خلاته هو ورا ظهرها
سفيان معش عرف أرياف شن فهمت و شن ح ادير
و برضو خديجه اقعدت اتبحت فيها و ترجى فيها تحكي
و هنا جت ردت فعل أرياف يالي لا سفيان ولا خديجه
كان متوقعها
أرياف رفعت يدها و صفعت خديجه كففففف نين خدها نمل
من قوة الكف
سفيان فتح أعيونه عشرة عشرة من الصدمه
خديجه حطت يدها علي خدها وهي مصدوووووووووومه
أرياف وجهت صبعها ابــ تهديد شور خديجه
أرياف ابــ صرامه: أنا طيبه و هاديه و في حالي و مهما درتيلي
ما عندل عليك ولا انشيل منك الا في حاله وحده
يالي هي حاجتي اتجي شور حاجتي تحملي يالي ايجيك منِ
سفيان خط حمرررررررر فاهمه شن معنى خط حمر
بنت عمه علي عيني وراسي لكن اتخطي احدودك لااااااااااا
سفيان انصعق صقعه كبيرة من كلام أرياف و ردت فعلها
لأن أول مره ايشوفها بــ شراسه هذي
خديجه استجمعت روحها
خديجه ابــ خبث: حبيبتي أقبل لا ايكون حاجتك كان حاجتي
أنــا قبلك يا حلوه يعني أنا المفروض أنقول الكلام هذا
أنا حبه الأول و القديم يا رفوفه
أرياف اضحكت ابــ هزوة: هه لو كان القديم مزال عنده مِكان
راه ما سموه قديم يا عمري
خديجه اقعدت امبلمه أعيونها في أرياف
أرياف مسكت سفيان من يده و عدت هي وياها شور باب
المطبخ الخلفي
و خديجه اقعدت اتبحت فيهم و معش اعرفت حتى كيف تحكي
......
أرياف وصلت هي و سفيان أقريب من باب المطبخ
صبو هما الأثنين امقابلين بعضهم
سفيان: أرياف ......
و قبل ما ايكمل سفيان كلامه أرياف صبت علي
أطراف أصابعها و حباته ع فم ...
و حتى هو شاركها فــ البوسه
بعد خمس دقايق أرياف وخرت من سفيان
أرياف مبتسمه: لو كان الـحـب مافيش ثقه فــ بلاش منه الـحـب بكل
سفيان: يعني امصدقتيني
أرياف هزة راسها يعني اهاا
سفيان ضحك وطبس حبها في خدها
أرياف ابتسمت و برمت تبي اتخش سفيان جاها
من الخلف و جا عند وذنها و همسلها
سفيان ابــ صوت هادي: أنـحـبـكـ
أرياف بحتت فيه من الجنب: أنموت فييييييييك
..........
بعد ساعات من الحوسه و الدنيا الحايسه
بدى الحوش يفضى من الناس و اقعداً البنات ايلماً
فــ الماعين و يغسلاً فيهن و طبعاً خديحه من بعد يالي
لمة كشاشها و قالت الهلها هيا انروحو و فعلاً لمو هلها
حاجتهم و عدو روحو .
..........
الساعه 1:00
كان حوش أهل رزان فاضي و مافيش حد
الا رزان و خواتها
رابحه: ريهام بايته الليله
ريهام: لالا توا جايني محمد نبي انروح للشقه
بره جاييني عمال فــ صبح
رزان: كنك شن تبي اديري
ريهام: عندي حوض الحمام حشاك يبي تغيير الميه بعد اندوشو
تنزل علي الجيرآن يالي تحت مني هذا عليش نبو انغيروه
رزان: اهاا
رابحه بحتت في رزان
رابحه: و أنتِ مش نوايه اتروحي
رزان: لالا قاعده عليش كنك
رابحه: رزان أنتِ صاير امعاك حاجه
رزان ابــ توتر: لا شن يبي ايصير امعايا يعني
رابحه: لالا أنا متأكده أن في حاجه معقوله لكِ أقريب الشهر
عندنا ولا روحتي ولا سألتي علي راجلك ولا هو سأل عليك
خاطي عمتك و صبياتك يالي ايرنن طول اليوم ما عبرك حد
رزان ابــ توتر: لا شي غير هكي مضايقه من الحوش
رابحه: يعني ما في شي
رزان: اهاا ما في شي
رابحه: انشالله ما في شي
و برمت رابحه طلعت و سكرت الباب
رزان بحتت فــ خواتها لقتهن كلهن ايبحتاً فيها
رزان: كنكاً اتبحتاً هكي
ريناد: رزان أنا شاكه أن في حاجه من فترة طويييييييييله
لكن مابيتش نسألك قلت بالك تحكي ابروحها
ردينه: برضو أنا حاسه لأن حتى عصام بعد نسأله عليكم
يقعد ايتهرب و ايغير فــ الموضوع
ريهام تي شن في يا بنت في حاجه بين وبينك وبين نبيل
رزان: شن يبي ايكون في يعني لا ما في شي
ريهام: على فكرة في حد قالك أنك ما تعرفي تكذبي أحكي
خيرلك واللهي لو ما تحكي انرن علي نبيل نسأله
رزان ابــ خوف: لا شن اترني علي نبيل
ريهام: معناها احكي بــ طيب خير ما واللهي انرن علي نبيل
و نفهم منه كل حاجه
رزان: نحكي بس ابــ شرط رد بالكاً ماما تعلم ابــ حاجه
البنات: تمام احكي
و بدت رزان تحكي الــ خواتها ع كل يالي صار من البدايه
للنهاية و هنا يسمعاً و مش امصدقات
ريناد ابــ صدمه: باهي هي شن مصلحتها من يالي دراته
رزان خنقتها العبره: مش عارفه هل هي أتحب نبيل ولا
في عقلها شي ثاني مش عارف مش عارف
ريهام: باهي توا شن تبي اديري
رزان: قاعده نرجى فــ تحليل يطلع و سفيان قاعد
يسأل ع خوها بالك ايحصله
ردينه: باهي ليش ما اتواجهيها بــ الوراق يالي عندك
رزان: الأوراق يالي عندي مش دليل كافي عشان نواجهن بيها
أنقولك البنت خبيثه و ملعوبها أكبر من أنها اتحب نبيل
ريناد: لعند توا مازلتي ما مسكتي عليها شي ثاني
رزان: لالا كل يوم انكلم فــ البنات و ايقوللي ما تطلع من الحوش بكل
و 24 ساعه تسأل علي نبيل و تبي نبيل لكن هو مش امعدل عليها
حتى سفيان كان امخطط أن الشهر الجاي ايطلع فرحه لكن بعد عرف
قصتي أجل كل شي مسكين
ردينه: اهااااااااا هذا عليش كل ما انقول الــ عصام خلونا انحددو الفرح
يرفض و ايقولي مزال
ريناد: برضو أنا ماهر مش راضي ايحدد الفرح و هذا يالي شخشبني
و خلاني أنسك أن في أن فــ الموضوع توا عرفت عليش
رزان: بس أنا مانبيش حد ايوقف حياته عليا أنا و نبيل توا نبي نمشي
نحكي مع سفيان و انقوله ايطلع فرحه و برضو عمي نبي نحكي امعاه
و نقنعه أن ايخلي عصام ايطلع الفرح و برضو ماهر أنا مانبيش
حد ايوقف حياته عشاني
ريناد: ما تحكيش هي يا قلبي أنتِ اختنا و برضو نبيل يف خونا
ولازم انراعو الظروف يالي انتم اتمرو بيهن
ردينه: حبي كلام ريناد صح خلينا نستنو نين تنكشف الحقيقه
و ربي يجمعك مع نبيل و بعدين انطلعو فرحنا و نفرحو مع بعضنا
رزان: لالالالا أنا يالي عندي قلته و مافيش حد ح يستنى و توا ماشيه
نحكي مع سفيان
و صبت رزان طلعت من الدار و عدت شور دار سفيان و دقت
............
عند سفيان
كان هايم يحكي هو و أرياف علي دقت باب الدار
سفيان: حبيبي أشوية خليك ع خط
أرياف: تمام يا عمري
سفيان ابــ صوت عالي: ايوا
رزان من ورا الباب: أنا نبي نحكي امعاك
سفيان: حبي دقيقه رزان تبيني اشوية و انرد عليك
أرياف: تمام حبيبي نرجى فيك
سفيان سكر و صبى فتح باب الدار لقاها رزان
رزان: فاضي نحكي امعاك أشوية
سفيان: أنا اساساً كنت بعد اشوية جايك نبيك فــ موضوع
تعالي خشي
و خشت رزان و سفيان سكر الباب و قعمزو هما الأثنين ع كنبه
سفيان: شنو احكي
رزان: لا قولي أنت قبل
سفيان: مش قلتيلي نسألك علي عيلت بنت الــ ## هذي
رزان: اهاا شن صار
سفيان: بعد سألت نين طاح اسعدي لقيت واحد يقعد ولد عم باتهم
رزان ابــ تشوق: باهي
سفيان: المهم سألته قالي بعد موتت باتهم و أمهم قعد
أسامه و أخته برواحهم و بعد فترة مات صاحب أسامه
وياما دار عليه
رزان: اهاا ربيع
سفيان: ايوا المهم قال بعد موتت صاحبه ابــ فترة لم حاجته
هو و أخته و سافرو برا ليبيا عند خوالهم
رزان بــ ستغراب: كيف خوالهم عايشين برا هما
سفيان: لالا طلعو خوالهم مش ليبيين
رزان: الله
سفيان: وقسماً بالله
رزان: باهي ما عرفت ليش عدو بدون ما ايقولو الحد
و معش ردو بكل
سفيان: لا قالي أن أسامه قاله أن معش عندهم هنا حد و معش
طايق قعد فــ المكان و يالي ايحبهم كلهم عدو و سيبوه
رزان: بس نبيل كان صاحبه الروح بــ الروح ليش ما قاله
سفيان: الراجل لما حكالي قالي أسامه حكى الخويا و قاله
أن مايبيش ايقول الحد أن هو ماشي عشان ما يمسكوه و ايزروه
ع قعده هنا لأن مش متحمل يقعد
رزان: اهااا هذا عليش ما قال الــ نبيل اي شي
سفيان: شكله اهاا
رزان: باهي ما عرفت هو وين توا
سفيان: لالا الراجل قالي من بعد سافر معش يندري عليه
لكن أنا وراه و راه نين نلقاه
رزان ابتسمت: ربي ما يحرمني منك
سفيان ابتسم: ولا منك يا غاليه لولاك ما كنا تخطينا شي
من الكل يالي صار امعانا
رزان ابتسمت و سكتت
سفيان: باهي قوليلي شن تبي اتقولي
رزان: نبي نطلب منك طلب و ياريت ما اتردني
سفيان: ما ايعيش يالي ايردك أمريني
رزان: سفيان نبيك ..........
سفيان ابــ صدمه: رزان أنتِ فيش تحكي كيف انطلع فرحي
و أنتِ قاعده هكي و مشكلتك مزالت ما انحلت
رزان: سفيان أنا سيورها مشكلتي منحله يا روحي
بس أرياف خلاص لازم تطلع من حوش خالها
سفيان ابـ عصبيه: كيف هما دارولها حاجه
رزان: لالالالا ما درولها شي لكن تبي ترجى نين
ايديرولها
سفيان: تي يالي يقربها ولا ايزعلها و قسماً بالله نقتله
رزان: غير وسعلي بالك و أنت ما شاطر غير فــ القتل
أسكت خليني نحكي
سفيان: احكي
رزان: بدل ما ترجى نين أرياف يندارلها حاجه خلاص حدد
الفرح بداية الشهر الجاي يعني بعد أسبوعين و خوذها
بروضو ردينه و ريناد فرحهن ح ايتحدد الشهر الجاي
خلاص هنا كملاً بتاتهن و دبشهن عندهن عليش يرجاً
و أنا هكي انتريح و تقعد نفذت الوعد يالي وعدته الباب
و أن كلكم تقعدو متريحين
سفيان: بس باتي لو كان عايش ما كان يرضى انطلعو فرحنا
و أنتِ مزلتي ما حليتي مشكلتك
رزان ابــ حزن: أساساً لو بابا عايش ما كان صار كل هذا
لكن حكم ربي الل غالب
سفيان حط يده علي يد رزان
سفيان: باتي عدى لكن أنا قاعد و نوعدك أن مش ح انتريح
نين تنحل مشكلتك و أتردي أنتِ و نبيل كيف قبل و أحسن
رزان: انشالله ياربي يعني خلاص اموافق ادير يالي قتلك عليه
سفيان هز راسه يعني اهاا
رزان ابتسمت و صبت طلعت من الدار و عدت شور خواتها
قالتلهن شن صار امعاها مع سفيان
رابحه فتحت باب الدار و خشت
رابحه: ريهام راجلك جا و قاعد يرجى فيك برا
ريهام بحتت فــ الفون لقاته ران عليها 5 مرات
ريهام: هيييييييييييي ران عليا ما فطنلته
و صبت ريهام تجري اقعدت تلبس
رابحه: و أنت رني علي راجلك و قوليلى ايجي ايروح بيك
رزان ابــ صدمه: بس أنا مش امروحه
رابحه: كلمه وحده هي كلمي راجلك ايجيك ولا في حاجه بيناتكم
رزان: لالالالا ما في شي
رابحه: معناها خلاص روحي كيف امخليه الراجل ابــ روحه
أقريب الشهر
رزان بدون نيه: باهي تو انكلمه
و برمت رابحه طلعت و ريهام سلمت علي خواتها وطلعت
سلمت علي أمها و طلعت روحت مع راجلها و رزان صبت
لمة دبشها و لبسة عبايتها و ويشاحها
ردينه: كيف تبي اتروحي
رزان: اووووووف اهااا خير ما ماما اتشك فيا
و خذت رزان فونها و حطت علي رقم نبيل و اقعدت اتبحت فيه
............
عند نبيل
كان امقعمز جنب باب الحوش هو و ماهر
ماهر رن فونه بحت لقاها ريناد
ماهر أعيونه أقلوب
نبيل بحت فيه: شكلها الكبيدة
ماهر بحت فيه: آه
نبيل: صار آه عدي عدي راه عقلك ايطير ولا ياربي
هو طاير و خالص
ماهر صبى رد ع فون و عدى بعيد من نبيل
نبيل قعد امقعمز ابــ روحه
فجأة رن فونه
نبيل: زمري أكيده الفرخه يالي أسمها تقوى تؤ عليك موال امعفن
و طلع نبيل الفون من جيبه و بحت لقاها حبي تتصل بك
نبيل قلبه قعد دلي دف دلي دف دلي دف زر ع خضره و رد طول
نبيل: ايوا
رزان: انشالله مش راقد بس
نبيل: لالا قاعد كنك تبي حاجه
رزان: تعال خوذني من حوش هلي
نبيل أعيونه أقلوب أقلوب: توا انجيك
رزان: اهاا نبي أنروح لأن ماما شاكه و ما نبيها تعرف
حاجه هذا ليش قتلك تعال كان هذا راه رنيت علي عصام
نبيل: هيا هي جايك
و سكر نبيل الفون و صبى
نبيل: تي ما ايهمني عليش امروحه أهم حاجه اتروحي
و تقعد قدام أعيوني يا عمري
و عدى نبيل ابــ سرعه ركب السيارة و ولعها و علق شور حوش
أهل رزان و قعد يجري ابــ سرررررررعه نين وصل الحوش
و نزل دق ع باب فتحتله رزان
رزان فتحت الباب لقت نبيل امصبي و حاط ايديه فــ نصه
و داهش بكل
رزان اقعدت اتبحت فيه و هو ايبحت فيها و أعيونهم
ملياااااااااااااااانه شوق و أرياف و حب و غرام و عشق
رزان نزلت أعيونها: ليش ما رنيت عليش نازل ادق
نبيل: قلت ننزل انسلم علي أمك بيش الشك ايعدي
رزان: تمام خش علي ما كلمتها لكِ
نبيل خش قعمز فــ الجنان و رزان خشت كلمت أمها وجت
نبيل شاف رابحه صبى شورها و سلم عليها وحب علي يدها وراسها
رابحه: كيف حالك يا اوليدي انشالله ابــ خير
نبيل: الحمدالله يا عمتي أنتِ انشالله اكويسه و صحتك اكويسه
رابحه: لا الحمدالله غير خفت تقعد صايره شي حاجه بينك وبين رزان
نبيل: لا ما صاير شي غير مضايقه من القعده فــ الحوش و تبيكم قلت
خليها اتغير جوها
رابحه: اهاا يعني جوكم تمام
نبيل: لا تمام الحمدالله
رابحه: باهي دوم انشالله
نبيل: سلمك يا عمتي
و بحت نبيل في رزان و مسك يدها
نبيل: حبيبي هيا
رزان انصدمة من حركة نبيل و هزة راسها يعني هيا
نبيل: هيا عمتي ما تبي شي
رابحه: لالا سلامتك سلم علي ميمتك
نبيل: يوصل مع سلامه
رابحه: مع سلامه
و طلع نبيل و هو ماسك في يد رزان و فرحان
لأن حصل فرصه كيف هذي عشان يقرب منها
و خذى نبيل النشطه ابــ يده الثانيه و  طلعو من الحوش
و سكرو الباب و نبيل مبتسم و فرحان
رزان فكت يدها بــ القوة منه
رزان ابــ عصبيه: شن تحساب روحك أنت ليش الحركات
هذين يعني استغليت ضعفي قدام ماما عشان ادير هكي
نبيل: آسف مش قصدي أن نستغل ضعفك بس ...
رزان: لا بس لا شي معش تقرب مني لا تقربني فهمت
و قعدت رزان ركبت فــ سيارة و نبيل حتى هو ركب
و عدو روحو شور الحوش بعد نص ساعه وصلو نزلو هما الأثنين
خشت رزان جوا لقت عيت عمها حتى هما دوبهم امكملين حوستهم
لأنهم برضو كانو دايرين عشا خشت سلمت عليهم و هدرزة جنب
عمتها و صبياتها اشوية لكن ما لقت تقوى قاعده لأنها كانت فــ المستشفى
شايلها سالم عشان ولدها ياخذ بخار و حكت رزان اشوية امعاهم و باركتلهم
و ركبت فوق و نبيل ايراقب فيها من بعيد نين خشت و سكرت علي روحها الشقه
............
ثاني يوم
حكت رزان مع عمها و اقعدت تقنع فيه ع ان ايطلعو الفرح
و ما اقتنع الا بــ طلوع الروح و برضو حكت مع نبيل
و قالتله أن يحكي مع ماهر أن ايطلع الفرح و ما ايأجله
عدى نبيل و قعد ينقع في ماهر يالي كان امسكر راسه أن
ما يفرح و صاحبه حالته هكي لكن نبيل قعد ايزن فوق
راسه نين وافق أن ايطلع الفرح و أخيراً تحقق هدف رزان
و اتفقو كلهم أن ايطلعو فرح 6 مع بعضهم و أن ايديرو
ليلة وحده مشتركه يفرحو فيها مع بعضهم و حددو أن
يوم 1\6 ح ايكون الفرح
مشاً الأيام
و كل وحده من البنات فرشت شقتها طبعاً عصام
كان ساكن مع هله لكن في جناح ابــ روحه مش فوق رزان
أما ريناد كانت ساكنه مع عمتها يعني هي بس فرشت دارها
و أرياف كانت ساكنه فوق أهل رزان
و بعد التفرشيه ابــ 3 أيام شالو العرسان اسياقهم الــ عرايسهم
و ما قعد ع فرح الا يومين وبس
............
يوم الفرح
تحديداً الساعه 8 فــ قاعه
عند رزان
كانت تبرم فــ القاعه و اتسلم ع ضيوف لأن هي بس
يالي قاعده و أختها ريهام قاعده مع خواتها هي و سندس
و سالمه أخت نبيل
عائشه شافت رزان تبرم بين الطاولات عدت شورها
عائشه ابــ صوت عالي: زيزو
رزان برمت عليها نعم اعويشه
عائشه: قعمزي يا بنتي تتعبي بعدها
رزان ابــ صوت عالي: الله غالب ما فيش حد ثاني قاعد
و ماما امصبيه علي الطباخه هي و عمتي هنيه و أمك
عائشه: باهي تعالي قعمزي أشوية تو نبرم أنا مِكانك ع ناس
و نستقبل امعاك
رزان: تمام قتلك
عائشه: نعم
رزان: تقوى فــ الحوش
عائشه: اهاا تعاركت هي و نبيل و قالتله أنا مراتك لازم نحضر الفرح
و نبيل هزبها و اقريب ضربها و ماما حزت بيناتهم وقالتلها ما ايجي
اتجي الفرح الناس بعد اتشوفك تسأل عليك شن نبو انقوللوهم عارفه
سالمه مسكتها بــ الغصب رقتلها الـها تقوى قالتلي خليني انقوللهم كل شي
و نفتكو من هــ القصه المعفنه مسكتها بــ سيف و قتلها عدي للكوفيره فكيني منك
رزان: يا نا عليا الحمدالله يالي مسكتيها كان هذا راه فضحت بينا و خربت كل شي
عائشه: مش غيييييييير
...........
عند البنات فــ الكوفير
ريهام: ها شن كملتاً
سندس: خلاص قاعده اتسقم الــ أرياف فــ ميك آبها
ريهام: مش منها أرياف من بدري وهي غير ادمع
سندس اقعدت تضحك
ريهام مسكت الفون و اقعدت اتصور فــ البنات
و برضو سالمه الفون ما نزل من يدها بكل وهي اتصور
لحظه ابــ لحظه نين كملاً البنات و كانن الــ 3 طالعات خيااااااااااال
لبسهنن البنات الكبات و اقعداً يستنن فــ أدهم ايجي ياخذهن و بعد أشوية
جا أدهم و رن علي ريهام قاللها أن ينزلاً و انزلاً البنات و اركباً فــ سيارة
طبعاً السيارة كانت كبيره عشان اتسدهن ركباً كلهن و علق أدهم شور القاعه
............
عند تقوى
كانت فــ الحوش هي و ولدها و كانت راقيلها بكل
علي رنة فونها بحتت لقتها شيماء رفعت الفون و ردت عليها
تقوى: ها
شيماء تضحك: وسعي بالك كنك راقيلك
تقوى: شي ما دخلكش بيا أنتِ وين قاعده
شيماء: وين نبي نقعد يعني فــ الحوش
تقوى بـ ستغراب: كيف ما مشيتي للفرح
شيماء: لالا هلي عدو بس
تقوى: كنك
شيماء: كيف كني تبيني انشوف الحقيرة رزان و ننقهر
أنا ابروحي خايفه منها ادير شي حاجه و تكشف القصه
تقوى: باهي أنتِ كنك ما اتحركي يعني أنا ليا هنا فوق من
ست أشهور و اهو خشينا ع سبع أشهور و مزلت ما درت شي
خاطي أنِ جبت العيل و قتلهم هذا ولدكم ما درت حاجه ثانيه
شيماء: شن تحسابيها تبي تقعد هكي ديماً لالا خلاص غير يكمل
الفرح نبي ندبى اللعب علي أصوله و كل حد يعرف مِكانه يا ماما
أنا مش بنت أصغيره ايقولولي نبوك الولدنا و بعد انرد من السفر نلقاهم
امزوجينه تي واللهي يشعفو كلهم ع يالي داروه فيا والله اندفعهم الثمن غالي
و بذات يالي أسمها رزان تي واللهي انشعفها ع يوم يالي رضت فيه تزوج
نبيل و تاخذه مني
تقوى: شن تبي اديري
شيماء: كلها أسبوع أسبوعين و تعرفي و اتشوفي
ابــ عينك شن نبي اندير
تقوى ابــ خبث: حمستيني يا بنت
شيماء ابــ خبث: ولو نعجبك
...........
انردو فــ القاعه
كانت الفرقه أتغني و جو خيالي بكل
بعد أشوية ريهام رنة علي رزان و قالتلها أنهن وصلاً
صبت رزان و عائشه ولعاً فاسوخ و امسكت كل وحده بخاره
و اقعدت عند باب الأستقبال أما مسعوده و رابحه وهنيه طلعاً برا
استقبلاً البنات و سلحهن الكاب و سقمنهن و خشاً مع بعضهن
طبعاً رابحه كانت مع أرياف و اتسقم فيها و فرحانه بيها و أرياف
نين أعيونها دمعاً من معاملة رابحه لأنها كانت كيف أمها خايفه عليها
و اتسقملها في شعرها و تمسحلها فــ ادموعها
و مسعوده كانت فرحانه ابــ ردينه
و هنيه أقريب أطير ابــ ريناد
خشاً البنات علي أغنية خليجيه { يا غاليه أدخلي و سمي بــ اليمين }
عائشه و رزان كانن وراهن و ماسكات البخارات
كانن طالعات ولا أميرات ديزني أيهبلاً بككككككل
الكل كان ايبحت فيهن و ايصلي علي النبي من جمال خشتهن
مع بعضهن ركباً البنات ع مسرح و قعمزاً و البنات ايساعداً
فيهن رزان ركبت و اقعدت اتسلم و تبضبط فيهن بــ الوحده
بــ يالي كانت غير عندها و يالي أول ما شافتها بــ الفيلو رف قلبها
هي أرياف لأنها كانت أعز عليها من أختها مش لأنها أتحبها أكثر
من خواتها لا بس لأن أرياف يتيمة الأب و الأم و ياما عانت في حياتها
و ديماً كانت تدعي أن ربي يرزقها بــ ولد الحلال يالي ايفكها من عيشتها
مع خالها و ايريحها من عذاب السنين يالي فاتو و الحمدالله ربي رزقها
بــ سفيان
اقعدت الفرقه اتغني و المصوراتيه اتصور و جو ايهبل بكل
و بعد ساعه تقريباً قالو أن العرسان وصلو و أن أول واحد
ح ايخش هو ماهر
خشاً أرياف و ردينه الــ غرفة المصوارتيه و ريناد صبت
و نزلت الطرحه و اقعدت ترجى فــ ماهر ايجي
بعد أشوية ولعت أغنية لا تروح