مغرورتي

#تنوية: يالي يسأل علي أسم الرواية و ليش ما نكتب فيه
أنا نكتب فيه ع صورة الرواية أسمها (مــغــرورتــي)
دمج الحلقه...(9,8)
عند نبيل
وصل للجامع درس سيارته فــ الباركي و نزل خش
سمع حس هرجه و شاف ناس ملتمه
نبيل بــ ستغراب: شنو في
و عدى شورهم
رزان ابــ صوت عالي: أنت معش تبي اتحشم علي وجك ولا كيف
لم روحك يا أستاذ و تحشم علي وجك
الشاب: غير كنك اتعيطي
رزان ابــ عصبيه: أنعيط ونص كنك عندك أمعايا حاجه
سندس ابــ خوف: زيزو خلاص فوتيه تعالي انعدو للمحاضره
رزان: سندس حولي يدك و خليني انتفاهم أمعاه
نبيل قرب و قعد ايخش بين الناس نين و صل و شاف رزان
نبيل بعد شاف رزان انصدم بكككككل
نبيل ابــ صدمه: هذي شن جابها هنا
رزان ابــ عصبيه: هو الواحد معش عرف ياخذ راحته
في اي مِكان كل مره طالعلي واحد و اينابش كيف معش في
حد ايتحشم ولا كيف
سندس ابــ خوف: رزان هيا نمشو الناس التمت علينا
خلينا نمشو قبل لا ايجي الأمن
نبيل جاء يبي يدخل لكن في لحظه أذكر لما أدخل فــ المصيف
و رزان كيف هزباته
نبيل: تي لالا فوتها الجالطه هذي تو تحرجك قدام الناس
علي جيت الأمن
الشرطي: كنك يا أختي شن في
رزان: واللهي تعالو شوفو الأشكال المعفنه يالي معش تحشمت من حد
الشاب قدم عليها ابــ عصبيه: أحترمي نفسك و سكري فمك
رزان قدمت عليه: غير أنت أحترم نفسك و أساساً أعرف شنو معنى الأحترام
و بعدها تعال أحكيلي
الشاب قدم يبي يحكي الشرطي أمسكه
الشرطي: اتهجم ع بنت قدامنا
الشاب: أنت شايفها كيف تحكي
الشرطي: سامحينا يا أختي و أنت تعال أمعانا
و خذت الشرطه الشاب و عدت أما رزان عدت هي و سندس
و خشاً للقاعه و الدنيا فضت و نبيل عدى شور القاعه يالي عنده
فيها محاضره و طول الوقت ايفكر في رزان و هل هي طالبة
عنده ولا لا
.........
عند أهل رزان
رابحه كانت اتسيق فــ الجنان علي نوضت خليل
خليل: صباح الخير
رابحه: صباح النور وين ع نوم يا حاجه
خليل: واللهي أنحس في روحي تعبان وين البنات
رابحه: ردينه فــ المعهد و ريناد فــ جامعه و رزان توا عدى
سفيان ايجيب فيها
خليل: اهاا قتلك
رابحه: نعم
خليل: سالم طلب رزان الولده نبيل
رابحه ابــ فرحه: امتى صار الكلام هذا
خليل: أمس بعد العشاء ........
رابحه: بس غريبه مسعوده ما قالت شي ولا حتى لمحت
خليل: لالا الصبايا ما عندهن علم كلام رجاله
رابحه: اهاا باهي و أنت شن رديت عليه
خليل: الشاب مهما دورت مش ح نلقى كيف البنتي لكن
لازم ناخذ راي رزان قبل ما انرد عليهم
رابحه: اهاا بس والله بنتك ما انضني اتوافق
خليل بــ تسغراب: عليش
رابحه: راسها امسكر و تو اتقولك اقرايتي ما اقرايتي
خليل: أكيده اقرايتها أهم حاجه ولو وافقت أول شرط
ح انحطه هو القرايه
رابحه: باهي امتى تبي تحكي امعاها
خليل: غير اتروح بس تو نفتح امعاها الموضوع
أساساً أنا من الصبح قتلها نبيك في موضوع بعد اتروحي
من الجامعه و كان وافقت انرد ع عرب لأنهم مستعجلين
رابحه: باهي انشالله خير
خليل: انشالله
.........
مشى الوقت
و طلعت سندس و رزان من محاضره
رزان: أرياف وين اليوم ماجت ع محاضرة
سندس: مش عارفه أنا ابــ روحي انشغلت عليها رني عليها كذا
رزان: لالا رني أنتِ
سندس: عليش كنك
رزان: هكي راقيلي منها ع يالي دراته
سندس مسكت الفون و رنت علي أرياف لكن ما ردت عليها
سندس: ما ردتش
رزان: كذا رني من جديد
رنة سندس من جديد لكن برضو ما ردت عليها
سندس: ما ردت
رزان: سيتر الله و خلاص المهم أنا توا نبي انروح
لأن الصبح بابا قالي نبيك في موضوع أنتِ اقعدي
رني عليها نين اترد و طمنيني
سندس: تمام هيا سلام
رزان: سلام
و طلعت رزان لقت سفيان يرجى فيها ركبت فــ سيارة
و عدو شور الحوش
أما سندس عدت شور الكفيتيريا و اقعدت اترن علي أرياف
.........
عند رزان
بعد ساعه من ادعاك الطريق وصلو للحوش و نزلت
لقت باتها و أمها ايهدرزو برا الجنان
رزان: السلام عليكم
خليل و رابحه: وعليكم السلام و رحمة الله
رزان قعمزت: شن ديرين الغداء
رابحه: أنتِ أول ما اتخشي تسألي علي بطنك
رزان: أكيده بطني أهم حاجه
رابحه: غير تعالي باتك يبي يحكي أمعاك في موضوع
رزان: اهاا صح يا بابا شن الموضوع يالي تبيني فيه
خليل: رابحه ديريلي طاسة شاهي
رابحه: باهي حاضر
و صبت رابحه خشت جوا الحوش و اقعدت رزان و باتها
رزان: نعم يا بابا
خليل: يا بنتي أنتِ كبرتي و قعدتي تفهمي و اتفرزي في الصح من الغلط
و ما في حد يقدر ازرك علي اي حاجه أنتِ ما تبيها
رزان: أكيده يا بابا
خليل: يا بنتي في حد متقدملك و القنننننننننه شاب امسقم و راجل
بمعني الكلمة هله ناس أجواد و من الأخير راجل ما يتعوض
رزان بــ ستغراب: من هو
خليل: ولد صاحبي سالم أمس حكولي عليك و عجبتني أن كلام رجاله
و جوني من قدام لكن مهما كان و مهما أن الناس عاجبيني يبقى
رايك هو الأهم و أنا قتلهم كان عليا عاطيكم في نفس اللحظه
لكن راي بنتي أهم حاجه و نقسملك بالله العظيم لو توا
اتقوليلي ما نبيه مستعد انرن عليهم قدامك و نرفض
حتى لو كان صاحبي و ايعز عليا لكن تبقى بنتي أهم حاجه في حياتي
رزان ابتسمت و قدمت وحبت باتها علي راسه و علي خده
رزان مبتسمه: نجك ليا يا أعيوني و نجيلي كلامك العسل يا روحي
خليل حب رزان علي خدها
رزان: باهي يا بابا أنت عاجبك الراجل
خليل: القنه لا قوة إلا بالله عليه راجل ما ايتعوض
رزان: باهي يعني يستنو نين انكمل القرايه
خليل: هما الحق مستعجلين و يبوها الشهر الجاي
رزان: باهي و القرايه
خليل: عادي اتكمليها عنده ولو وافقتي شرطي
أنا هو أن أنتِ اتكملي اقرايتك
رزان اقعدت ساكته و اتفكر
خليل: طبعاً الشاب مواليد 93 و عنده شهادة أقتصاد
رزان أقعدت ساكته
خليل: ها شن قلتي
رزان: باهي خليني انفكر
خليل: باهي فكري و بكره قوليلي قرارك
رزان: باهي تمام
و صبت رزان خشت جوا وهي اتفكر فــ الموضوع
........
عند نبيل
روح للحوش خش سمع حس هرجه قبلاته عائشه
نبيل ابــ صوت واطي: اعويشه اعويشه
عائشه بحتت لقاته نبيل عدت شوره ابــ سرعه
عائشه: نعم
نبيل بــ ستغراب: من في جوا
عائشه شقلبت أعيونها: عيت عمك
نبيل ضحك: و كنك اتقولي فيها
عائشه: أصلاً درهولي كبدي من الصبح و هما قاعدين
و يالي سماها الله شيماء هذي فصعتلي أرقبتي
نبيل: كنها
عائشه: كملتها اتلصق و تحكي عليك و خلاص
نبيل بــ ستغراب: تحكي عليا
عائشه: اهاا هــ الباردة هذ
نبيل يضحك: خلاص يا طشه أعصابك عليش راقيلك
و لف يده علي أرقبتها
عائشه مبتسمه: تبي اتخش اتسلم
نبيل: لالالا فكيني توا يمسكوني مسكه شينه بعد بنات عمك
دوتهن واجده أنا نبي انخش اندوش أنتِ وتيلي الغداء و حطيه
ليا في داري نبي اتغدى و نرقد
عائشه: من أعيوني
نبيل: يسلملي أعيونك و كان أمي سألت عليا قوليلها تعبان رقد
عائشه: حاضر
و عدى نبيل خش للدار و عائشه عدت شور المطبخ
........
عند رزان
خشت دوشت و بدلة دبشها طلعت لقت خواتها امروحات
رزان: هاي بنات
ردينه و ريناد: هايات أمتى روحتي
رزان: مالياش ساعه امروحه
ردينه: عارفات ميته جوع
ريناد: أشر منك
رزان: توا خلاً الوكال عنكاً و تعالاً نحكيكاً موضوع
ردينه: شن في
رزان: في واحد تقدملي
ريناد فتحت أعيونها عشرة عشرة: أحلفي
رزان: واللهي العظيم
ردينه: ومن هو ولد من و شن أسمه و كم مواليده و شن يشتغل
رزان تضحك: غير اهدي كنك عالقه بــ الأسئله
ريناد: تي أحكي فيسع
رزان: باهي و سعاً بالكاً
رابحه اتنادي: بنات هيا الغداء واتي
البنات: هيا هي جايين
رزان: خلاص خلنها بعد الغداء تو نحكيكاً
ردينه: يييييييييي عليك قصةة
ريناد: باهي هيا صباً انتغدو
رزان: انتاً عداً اسبقني أنا نبي نحكي مع سندس و انجي
ردينه و ريناد: باهي تمام
و عداً البنات ايتغداً و رزان رنة علي سندس
سندس: ايوا زيزو
رزان: ايوا يا قلبي شن صار في أرياف
سندس: اهاا حكيت امعاها قالت مريضه اشوية هذا عليش
ما قدرت اتجي
رزان ابــ خوف: كنها من شن مريضه
سندس: ما اتخافي ما فيها شي اشوية احتقان و قالتلي بكره ح اتجي
رزان: باهي تمام قتلك كانك اليوم فاضيه تعالي هدرزي عندي
نبيك في موضوع
سندس: زيزو حبي تعاليلي أنتِ واللهي ما عندي من ايجيبني
رزان: خلاص تمام تو ع ساعه 5 نقعد عندك
سندس: تمام يا قلبي انتلاقو
رزان: سلام
سندس: سلام
و سكرت رزان و عدت اطلعت اتغدى مع هلها
.........
عند نبيل
كان فــ الحمام(حشاكم) ايدوش
عائشه حطت الغداء و خذت السفره و طلعت من المطبخ
قابلتها شيماء
شيماء: هذا غداء من
عائشه بدون نيه: نبيل
شيماء اعيونها أقلوب: هو نبيل جا
عائشه: اهاا
شيماء: غريبه ما خش علينا
عائشه: تعبان يبي ايتغدى و يرقد
شيماء: اهاا هو وين توا
عائشه: ايدوش
و عدت عائشه و سيبت شيماء
خشت عائشه حطت غداء نبيل ع طاوله و طلعت و سكرت الباب
شيماء كانت اتراقب فــ الدار من بعيد نين شافت نبيل طالع و خش للدار
اقعدت اشوية و عدت شور دار نبيل
...
عند نبيل فــ دار
خش نشف جسمه و لبس سرواله و قعد بدون ماليه
و صبى ع المرايه و قعد اينشف فــ شعره علي فتحت
باب الدار خشت شيماء و سكرت الباب
شيماء مع ابتسامه: هلا نبيل
نبيل ابــ صدمه: أنتِ فيش اديري هنا
شيماء: شي جيت انشوف فيك
نبيل ابــ عصبيه: هو الناس ادق الباب قبل لا اتخش
مش اتهد هكي و خلاص هذي دار ما هيش زريبه(حشاكم)
توا تخايلي حد شافك هنا و أنا بــ المنظر هذا
شيماء قربت و قعمزت ع سرير: اهدى كنك فاصل عليا
و بعدين محد شافني و أنا خاشه هنا
نبيل ابــ عصبيه و صوت عالي: شيماء صبي اطلعي برا
شيماء خافت: نبيل وطي حسك كنك
نبيل ابــ صوت عالي و كان راقيله بكل: اطلعي برا و رد بالك مره
ثانيه تجرئي و اتخشي عليا بــ طريقه هذي للدار ولا انقولك رد بالك
اتخشي داري مره ثانيه سوى أنا قاعد ولا مش قاعد
شيماء جت تبي تدوي نبيل قاطعها
نبيل غمض أعيونه: صبي من السرير و اطلعي برا
شيماء: بس ....
نبيل ابــ صوت عالي: اطلعي براااااااااااااااااااااا
شيماء صبت و هي راقيلها و فتحت باب الدار و طلعت
نبيل رقاله من الحركه يالي دارتها شيماء و رد ايدل في ادبشه
و تغدى و كلم عائشه خذت السفره و خش السريره و رقد
.........
عند رزان
كملت الغداء غسلت هي و خواتها الماعين و ضماً الحوش
و خشاً للدار
ردينه: تي هيا تعالي أحكيلنا
رزان: يا حناتي عرفتنه سالم صاحب بابا
ردينه: اهاا
رزان: اولده ......
ريناد: اهاا قصدك اولده يالي تعشى امعانا يومتها
رزان: اهاا شكله هو لأن سمعته قال عصام الصغير زارد
فــ أكيده هو يالي تعشى امعانا
ردينه: اها عسول بككككل شفتيه
رزان: أتصدقاً مش كان امقعمز قدامي لكن واللهي ما رفعت عيني فيه
ريناد: أنا شفته ايجنن و عسول والله
ردينه: باهي أنتِ شن رايك فــ الموضوع
رزان: مش عارفه حسني متردده و عقلي امشوش
ريناد: باهي صلي استخارة
رزان: اهاا بعدين ح انصليها و انشالله خير
ردينه و ريناد: انشالله
هدرزاً البنات اشويه و بعدين خشاً رقداً
.........
مشى الوقت
تحديداً الساعه 5 ونص
عند نبيل
وعى من نومه سمع هرجه و صوت صبايا
نبيل ابــ نعس: تي شن في القيامة قمت ولا كيف
و مسك فونه و رن علي عائشه
نبيل: ايوا اعويشه
عائشه: نعم
نبيل: تعاليلي فــ داري
عائشه: هيا جايه
و سر نبيل من عائشه و بعد اشوية دقت ع باب وخشت
عائشه: نعم
نبيل: تي شن الدنيا الشايله برا
عائشه: عمامك ملتمين عندنا
نبيل: كنهم شن المناسبه
عائشه: كساد ايهدرزو
نبيل: عليك قصة باهي كيف ايصير فــ الحمام(حشاكم)
عائشه: ما فيها الا تطلع للحمام(حشاكم) البراني
نبيل: عليك موال الزف باهي شوفيلي الطريق
عائشه: باهي حاضر
وطلعت عائشه امنت الطريق الــ نبيل لأن ما كان يبي حد ايشوفه
طلع نبيل للحمام(حشاكم) غسل وجه و توضى و طلع بدل ادبشه و صلى
العصر و عدى شور الكفي
(معلومة طبعاً نبيل عنده كفي خاص بيه و يشتغل فيه
يعني الصبح فــ جامعه و باقي يومه فــ الكفي)
........
عند رزان
حتى هي ناضت توضت و بدلة دبشها وصلت
و كلمت سفيان عشان ايشيلها الحوش سندس
و بعد نص ساعه جا سفيان و شالها الحوش سندس
....
بعد اشوية وصلت رزان الحوش سندس و نزلت و دقت ع باب
سندس: منو
رزان: أنــا
سندس فتحت الباب: يا قلبييييييي
رزان سلمت علي سندس و خشت هي وياها جوا دارها
رزان: كيف هلك مش قاعدين
سندس: اهاا قاعدين عمتي دايرة عمليه
رزان: اهاا لابس عليها
سندس: الله لا ايوريك باس باهي تعالي احكيلي
واللهي من بدري و أنا انفكر فيك
رزان: يا حنه ...........
سندس أعيونها أقلوب: يعني ح نقعد صحبت العروس
رزان: سكري فمك مزال ما صار شي
سندس: توا مش عمو خليل اموافق و قال راجل اكويس
هيا وراس قلبي وافقي
رزان: يا سمحه هذا زواج مش لعبة لازم انفكر قبل وبعدين انقرر
أنتِ و خواتي فرحانات بــ الفرح لكن الراجل من يبي يبتلى فيه
لالالا خليني انفكر و انصلي استخارة و بعدين ساهل
سندس: باهي خليني اندير قهوه و انجي انكملو كلامنا
سندس صبت و عدت شور المبطخ وبعدين ردت
سندس: زيزو شن رايك انكلمو أرياف اتجي
رزان: لالا أنا متخاصمة امعاها خليها ما اتكلميها
سندس: حرآم عليك يا زيزو
رزان: سندس كلمة وحده
سندس: باهي تمام
و عدت سندس شور المطبخ
........
عند أهل رزان
رديناد كانت تقرى و ردينه امقعمزه مع أمها برا الصاله
علي خشت ريهام أخت رزان
ريهام: السلام عليكم
رابحه و ردينه: و عليكم السلام
ريهام سلمت علي أمها و ردينه و قعمزت
رابحه: كنك وجك أسود
ريهام بدون نيه: شي
رابحه: تي كنك احكي
ردينه: كيف العاده حرجانه
ريهام ابــ عصبيه: ردينه سكري فمك
رابحه: معناها كلامها صاح أنتِ حرجانه
ريهام: اوووووف واللهي ماني حرجانه لكن مضايقه بس
رابحه: باهي كنك
ريهام: هكي اضايقت قتله شيلني انبات عند هلي
رابحه: متأكده
ريهام: اهاا والله
ردينه أعيونها أقلوب: سمعتي
ريهام بــ ستغراب: شنو
ردينه: في واحد تقدم لِــ زيزو
ريهام ابــ فرحه: تحكي جديات
رابحه: طبعاً أنتِ ما تنبل في فمك فوله
ريهام: تي شكله الموضوع جدي احكولي احكولي
و بدت ردينه تحكي الــ ريهام
....
فــ دار عند ريناد
كانت تقرى علي رنة فونها بحتت لقاته مؤيد
ريناد: ايوا حبيبي
مؤيد: مرحبتين يا روحي شن جوك
ريناد: تمام الحمدالله يا عمري أنت شن داير
مؤيد: الحمدالله شن جو الجامعه
ريناد: توا قاعده نقرى
مؤيد: باهي مش ح انعطل عليك تو نحكو بعدين
لكن نبي انقولك أن حكيت مع أمي في موضوعنا
و هي قالت أنها تبي رقم أمك عشان تحكي امعاها
ريناد من الصدمةة نين معش اعرفت تحكي
مؤيد بــ ستغراب: حبيبي وين رحتي
ريناد مزالت مصدومه: قاعدة قاعدة
مؤيد: سمعتي شن قلت
ريناد: اهاا سمعت
مؤيد: باهي كيف ايصير
ريناد: خليني نحكي الــ خواتي و انشوفو شن انديرو و انقولك
مؤيد: يعني ما تقدري تحكي الأمك مباشرتاً
ريناد: لالالا ماما واعره و ما أتحب المواضيع هذين
مؤيد: بس أنا ما نلعبش عليك أنا راجل و نبيك بــ حلال
ريناد: عارفه يا روحي لكن مهما كان أنا ماما نعرفها
ح تاكلني لو حكيتلها خليني بس نحكي مع خواتي وبعدين
انرد عليك
مؤيد: باهي بس ما اطولي عليا
ريناد: باهي تمام
و سكرت ريناد وهي مزالت مش مستوعبه أن
مؤيد طلبها للزواج و هي قاعده في حالة صدمة خشت
عليها ريهام
ريهام: هيا رنود
ريناد: تعالي جيتي و ربي جابك تعالي
ريهام ابــ خوف: كنك شن في واللهي ما ناقصني فجايع
ريناد: غير تعالي قعمزي
ريهام جت تجري قعمزت علي خشت ردينه
ردينه: شن فو يا فرخات
ريناد: ماما وين
ردينه: جتها جارتنا عدت امعاها فــ المربوعه
ريناد: تعالي قعمزي
و جت ردينه قعمزت جنب ريهام و اقعدت ريناد تحكيلهن
ريهام ابــ صدمةة: قصدك مؤيد يالي بكاك دم و حرق دمنا امعاك يبي
ايتقدملك و يزوجك
ريناد ابــ فرحه: اهاا يا ريهام أنا ابروحي مش امصدقه و قسماً
بالله طايرة من فرحتي
ردينه: بس يا حلوه كيف تبي تفتحي الموضوع مع ماما
ريهام: أنتِ عارفه ماما ما اتحب المواضيع هذين
ريناد: هذا عليش كلمتكاً أنا نبيكاً اتفكراً شن اندير
ريهام: ما فيها الا حل واحد
ريناد: شنو هو
ريهام: نحيك مع متي
ريناد بــ ستغراب: و عمتك شن دخلها فــ نص
ريهام: انقوللها أنها ع ساس هي تعرف أم مؤيد
و هي يالي دلتها عليك
ردينه: فكره حلوه
ريناد: خلاص انكلم مؤيد و انقوله
ريهام: لكن قوليله يصبر عند انشوفو شن ايصير في موضوع رزان
ريناد: باهي تمام
و خذت ريناد الفون و كلمت مؤيد و حكلته شن قررت وقالتله علي موضوع
رزان وقالتله ان يصبر نين ايشوفو شن ايصير و هو وافق
.......
مشى الوقت
و روحت رزان من سندس و لقت هلها يستنو فيها ع عشاء
قعمزو العيلة كلها و تعشو مع بعضهم و طبعاً ريهام كانت
بايته و كملاً الليل كلا هدريز
.....
أما عند نبيل
روح من الكفي و حتى هو تعشى و دوش و بدل ادبشه
و خش كسد ع صوني اشوية هو و عصام وبعدها
خش الداره
نبيل فرد جسمه ع سرير علي رنة فونه
نبيل: ييييييييي عليك قصةة تي من يالي ايرن توا
و مسك نبيل الفون لقاها شيماء
نبيل: خرف هذي شن تبي توا
و رد نبيل عليها
نبيل: ايوا
شيماء: انشالله ما انكون زعجتك
نبيل: تبي الحق اهاا زعجتيني نعم تبي حاجه
شيماء: نبيل كنك تحكي امعايا هكي
نبيل: من الأخير القنه الحركه يالي درتيها امبدري ما عجبتني
بكل و القني رقالي منك من الأخر قولي يالي عندك يا بنت الناس
شيماء: واللهي آسفه أنا رنيت عشان نعتذر منك و انقولك مش قصدي
نبيل: باهي تمام قبلت اعتذراك تبي حاجه توا
شيماء: نبيل كنك اتعامل فيا هكي
نبيل: شيماء اسمعيني أنتِ بنت عمي و كيف أختي و علي
عيني و راسي و اي خدمه اعيوني لكي أعتبريني كيف خوك
لكن كان في راسك موضوع آخر ياريت اطلعيه تم
شيماء صدمها كلام نبيل لأنها ما كانت اتوقع أن ايقوللها
الكلام هذا
نبيل: تبي حاجه توا
شيماء: لالا سلامتك
و سكر نبيل علي شيماء و طفى فونه و لف رقد
........
عند رزان
هدرزت مع خواتها وبعدين خواتها رقداً وهي قرت وبعدين صبت
توضت و لبسة عباية الصلاة و فردت الصلايه و بدت اتصلي فــ الأستخارة
رزان رفعت ايديها الــ ربي
رزان: يارب طول عمري الكل كان ايشوف فيا مغرورة و شايفه روحي
و كلهم كانو ايشوفو فيا قاسيه و ما نعرف الحب بس أنت الوحيد يالي عارف
أن طول عمري كنت انتمنى أن أنحصل أنسان ايحبني و أنحبه و يحميني
من الآم الدنيا و ايكون امعايا وقت نزعل و وقت فرحتي اول واحد
انخبره هو لكن سلمت أملي لكي أنت و قتلك ياربي نستنى منك في عوض كبير
علي صبري و كنت ديماً نعدي أنك ترزقني ابــ راجل ايحبني و انحبه
و ايكون الملجئ و المأمن ليا فــ لو كان الشاب يالي المتقدملي هو العوض
يالي أنت تبي اتكافيني بيه و هو الخير ليا فــ قربه ليا أكثر و أكثر
ولو كان مش العوض يالي نستنى فيه و هو شر ليا فــ بعده عليا