ايه نار سيارتك في من يطفيها ..
و نا ناري شن هو اللي يطفيها؟!
يا بو رفيق روحي شنو يهديها ؟!
و لوعتي من هو اللي يداويها؟
لمن خليتني ؟
لمن سيبتني؟
تعال ارجى جاوب العين وشاكيها
راهي بلاك خلاص ما في من يسليها
خلاص عديت
خلاص مشيت
اااااه يا ريت
رفقتنا نسيت
اااااه يا ريت
سيبتني
جافيتني
عاديتني
اااااه يا ريت
ما سمعتني
ما ودعتني
و ما وصيتني
(كلماتي💔💔💔😢😢)
الهاشمي كان مقعمز ع روس صوابعه و ضاغط بروس صوابعه ع عيونه و الايد الثانية شاد بيها توازنه ع الارض في المستشفى
و ناس تجري اهني و اهني
كل واحد يجري و عنده هدف بس هوا خلاص ضاع و ماعاد عنده لا هدف و لا مقصد ضايع بمعنى الضياع حاس بالعجز و بالذنب
لعند
شاف مجموعة لابسين عسكري و حاطين إعلام خضر ع أكتافهم
الجمرة اللي طاحت في قلبه وقت شاف اشلاء عمه صارت السنة نار ولهيب و حمم بركانية تدمر كل شي فقد لحظتها عقله و توازنه غابت الحكمة و الرزانة هجم عليهم زي المجنون يضرب و يضرب و يعيط : يا كلاااااااااااااااا ب قتلتوه و تضحكواااااا يا ازلااااااااااام يا حيوانااااااااات
تجمعوا عليه من كل تركينة قيدوه و بدو فيه ضرب و هو مازال يقاوم بكل قوته
بس تكاثروا عليه و طيحوه ع الارض و برجليهم عفسوا عليه
يرفع في راْسه فوق يحاول يشوف نظرة اخيرة لجثمان عمه و هما طالعين بيه بس خلاص ظلمت عنده و معش قدر يشوف شي
و ما هي الا لحظات و فيقوه بالميا و وقفوه بينهم و طلعوه مكلبش
مجرد ما فاق كان انسان ثاني تحول لشخص ثاني كان قاسي و جدي بس حاليا ممكن تجرد حتى من الانسانية غاب كل شي عنه نظرة عيونه الجريئة في لحظات المفروض يكون فيها في اضعف حالاته لكن اللي يركز فيها يشوف تهديد و وعيد يشوف وعد بالثار وعد بايااااااام سوداء و قاسية ما ليه فيها اي دنب و زاد الصوان تغلف بطبقات من صوان اكثر قسوة و صلابة ...
و هما طالعين بيه تلاقو مع جمعة
جمعة حاول يوصل فيه وهو يبكي من جهة خوه و من جهة ولده بكره و يعتبر وحيدة لان واحد مات و الثاني غارق في ملذات الحياة و الغربة بعيد عليه : هاشمي هاشمي وين واخذينه وين شن دار؟!
واحد منهم: حول غاااااادي يا حاج احسن ما نقيموك معااااااه
الهاشمي حاول يفك روحه: ضم فمك
واحد ثاني ضربه ع راْسه : انت اللي ضم فمك يا ج###
الهاشمي شاف لبوه بحزن و كسرة كان يبي يكون معاه في لحظات زي هده يبي يكون سند ليه و لجده و عيلته : خليفة مات يا بوي قتلوه خليفة كله من موسى كله منه هو السبب كله منه
أنت تقرأ
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
