حجر صوان

Part 22

(تنهك نفسك وانت تلملم اجزاء قلبك المكسور عمدا بسببهم لكنهم اجتمعوا واجمعوا العدة ع ان يهشموا اجزاءه تهشيما )

كلماتي 💔💔

علياء مصدومة في كلام سالمة اخت بالقاسم يعني هي عارفة ان بعد اللي صار مستحيل يجمعهم نصيب لكن علاش بالسرعة هادي خطب و علاش اصلا يخبروها بالطريقة المستفزة هذه لكن لانها بنت بوها واخت خوها ماتعودت تذل روحها لحد باعها بالرخيص : ربي يهنيه خوك يا سالمة و تكون البنت اللي اخترتوها تناسبكم

سالمة تفاجئت بردها و ضميرها يأنب فيها لكن زي ما اسلفت الذكر هي ظل لامها تنفذ اي شي تطلبه منها : احم ان شاء الله ربي يقوي سعدك

(قداش مستقزة الكلمة هادي مقصودها شي و دلالتها الحرفية شيء ثاني)

علياء بكبرياء : اكيد سعدي قوي باهلي و عيلتي و عزوتي

سالمة تشوف لامها و معش عرفت شن تقول
واهني قررت فجرة تزيد استفزازها : روروروي

علياء غمضت عيونها و دموعها ينزلوا زي النار
و سكرت الخط

طوط
طوط

شافت للمكان بوجع و اسرت دعوة صادقة لله: ربي انت اعلم بحالي عوضني خير يا رب

تنهدت و بدت تنفخ في هواء ساخن كان يطلع من قلبها مش من رئتيها قعمزت ع الكرسي و شدت فيه بكل قوة ع شان تتماسك

بينما في الاسطبل كانوا عيونها جمر و نار مع اللون الاخضر اللي مليان لمعة سببها مجهول ليه : اممم

الهاشي اشرلها بحواجبه و هو يهمس : انحول ايدي ما تعيطيش و تفضحينا

زوبا حركت راسها بايجاب

الهاشمي حول ايده من ع فمها و هي ع طول ضرباته بوكس ع بطنه
تالم منه و مش مستوعب تصرفها اللي داراته طبعا سهل عليه جدا يجيبها ع الارض لكن عنصر المفاجاة لعب دور رئيسي في اللي صار معاه : يلعن شكلك يا بنت ال#####

زوبا حركت حواجبها باستفزاز : ع شان مرة ثانية ايدك معش تحطها عليا

الهاشمي قرب منها و هو يفنص : و لو مديتها شنو بتديري

زوبا خافت و توترت و تشوف حواليها

الهاشمي : ما اتعبيش روحك لا في حاجة تساعدك ولا حد يقدر ينقذك مني

زوبا رفعت سبابتها في وجهه : رد بالك تفكر تقرب اكثر شني تبي مني اصلا بعد كلامك امس ارتاح خلاص انا قررت نسكن مع حنينة فنارة

الهاشمي ع طول : عينك وعين عينك تعرفي والا و لا تحلمي مازال تعتبي برا حوشنا

زوبا بتحدي : توا نشوفوا لما نكلم خالو و جدو انت شني تقدر تدير

الهاشمي بنبرة تهديد : بنت ما تستفزينيش لانك ما تعرفي شنو ممكن يطلع معاي

زوبا ع اساس مش هامها : اعلى ما في خيلك اركبه و بعدين شني تبي فيا مش قلت اني وحدة