زوبا تفاجئت ببنية جميلة و ناعمة لابسة قفطان قصير وردي طالعة زي الاميرات متاع ديزني و الشعر داراته ضفرة واسعة نازل منه خصلات بمكياج بسيط و ناعم حتى كعب مش لابسة كانت شوزها فلات ...
اكيد عرفتوا مني
ييسً سليمة ..
طبعا القفطان كان هدية من جهاد و بعثهولها مع مريم فرحت هلبة صح ما عبرت لجهاد ع الفرحة هادي حتى وقت جابها للصالة بس جديات مفرحها اهتمامه ممكن كل خوفها ان الاهتمام هذا تخسره فجاة لان خسارتها لفرج سببتلها عقدة.. و باعتبار نفخلها راسها بزوبا و كيف علاقتهم حلوة و قوية تولد عندها شعور سلبي اتجاهها و زاد الشعور هذا وقت شافتها جميلة جدا ... مع انها لا تقل عنها جمال ان لم تكن اجمل بس هي هكي تعودت الشخص اللي يخصها تبيه يكون ليها هي فقط ..
وقفت عليها رمقتها بنظرات مش مفهومة
و زوبا مازال مش فاهمة مني هادي راحت من بالها مرة وحدة ..
لعند
سليمة مدت ايدها بتسلم عليها و زوبا كذلك و تستنى فيها امتى تعرف بنفسها
سليمة بابتسامة خبث : سمعت عليك واجد من العيلة مع ان جهودي ما قالي عليك شي سالت عنك اكثر من مرة حسيت ان مش مهتم
هي ع طول عرفتها و ضحكت: هههههه اهلين بيك سليمة سبحان الله مع ان انا حكالي عليك هلبة لعند زاد فضولي ناحيتك و استنيت نشوفك بفارغ الصبر
سليمة طارتلها من تلميحها : والله ؟! ما دوالي ان اتصل بيك اصلا
زوبا : اكيد يتصل و يطمن عليا جهاد نعتبر فيه اخ و وقف معاي هلبة وقت كنت في محنة
سليمة شافتلها بحدة : و الحمدلله في من يوقف معاك توا راجلك اكيد مش ح يقصر
زوبا ابتسمت : اكيد ربي يهنيكم و يسعدكم
سليمة : الحمدلله سعيدين و واجد
زوبا ابتسمت مجاملة و حست بيها قداش عدوانية بس قدرت اللي مرت بيه و تفكرت نفسها كيف كانت انسانة مغرورة و طبقية و ياما اذت ناس بلسانها زمان
نزلت سليمة و حاسة روحها دارت انجاز و كل ما اتذكر روحها كيف قالت جهودي تتحشم من روحها
فاطمة جت لزوبا : هيا بنتي تعالي معاي خليني نرقص معاك و نكيدو الحساد
زوبا ضحكت و جاملتها و وقفت بصعوبة مشت هي وياها ع الستيج
و بدو يرقصوا ع اغاني الفرقة اللي جايبينها
و هي مشت برداها عمتكم فاطمة و وشوشت للفرقة
كوتو موتو كوتو موتو و الحساد قريب يموتوا
و تدير في حركاتها الاستفزازية لجمعية اللي مش عاجبها لانهم متعاركات قبل ما يجو للصالة ع الكلام اللي قالاته جمعية لزوبا
و زوبا تضحك معاها وخلاص
علياء تضحك : تعرفي يا سهام جداي هذه راسها و راس مرة خالي
أنت تقرأ
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
