حجر صوان

Part 37

الهاشمي دار شي قطع بيه اي امل عندها مع انها ضمنيا عارفة ان الشيء هذا مستحيل فتح الخط ع عبير: يا اهلا سامحيني ما عرفتش رقمك انت عارفة قبل نكلم فيك ع رقم الوالد

زوبا بلعت ريقها و متفاجاة بالحركة اللي دارها

و عبير مستغربه كلامه و اللي مستغرباته اكثر اسلوبه: احم لا عادي انت اللي سامحني خذيت رقمك بدون اذن بس كان لازم نكلمك لاني الليلة بنحني

الهاشمي كان مش طايقها بس مصر ينتقم من بنت موسى ع قولته:اي حاجة تديريها انت تعجبني اكيد حني و كثري

عبير قريب طلعتله من التيليفون من فرحتها

اما زوبا لعنت نفسها مية مرة لانها ضعفت و حاولت تصارحه بحقيقة اللي صار معاها ما كان منها غير تلم ما تبقى من كرامتها و تطلع ع شان ما تسمع اكثر

بس و هي طالعة بسرعة الهاشمي شدها من ذراعها بقوة و يتحدى في عيونها و نظراتها و يتكلم: زي ما قلتلك ديري و كلها ساعات و تنوري حياتي و حوشي

زوبا تهمس لنفسها ..ما تبكيش ما تنهاريش و لا تضعفي خلااااااص صفحة وطويتها و الحمدلله اني ما كتبت فيها هلبة كلمات

عبير قريب تدوخ: نحبك

هو انصذم وفنص عيونه و سكر الخط

طوط
طوط

عبير قريب ماتت من حركته حست ان هازي عليها لكن اللي مجننها حالته المزاجية مش فاهمة سببها

زوبا ع وضعها : ممكن تقيم ايدك عني و تخليني نمشي

الهاشمي فاق من صدمة عبير و رجع لحالة الحقد و الانتقام مع زوبا: ليش وجعاتك ايدك و الا ان كلها ساعات و نجيب البنت اللي تستاهل تكون حرم الهاشمي

زوبا بكل قوتها نفضت ايدها منه و بعنجهية كبيرة تكلمت: 

معاك حق انت اللي قلتها كلها ساعات
و بعدها تعرف ذنوبك و تعرف الغلطات
لكن وقتها يا ولد جمعة يكون الوقت فات
تدور عليا مش ح تلاقي مني غير سرابات
سرابات روح و قلب و معاهن شوي ذكريات
وقتها تعرف ان اللي قلت عليهم كلها ساعات
كان ممكن تكون فرح و تعنيلي و تعنيلك حياة

(كلماتي)

كلماتها كانوا زي الكفوف ع وجهه مصدوم من المعنى شنو قصدها مش متاثر بتهديدها المبطن بالندم قد ما تاثر بمعنى كلامها ان يعنيلها شي خاص قعد شاخص البصر وبس

وهي: مبروك ياولد جمعة من بنت موسى زي ما تقول و خليك متذكر هاليوم في هالساعة و في المكان هذا بالذات اني حاولت و نسيت كل شي معاهدة بيه نفسي اني ما نذلها اكثر بس وقت حطيت احتمال واحد ان الكلام اللي قلته عليا يومها ما سمعه حد و انك درت هكي مجرد تنتقم مني ع شيء انا بريئة منه و وقت شفتك قدامي ما حبيت انضيع الفرصة ع شان ما يجي يوم و نندم اني ما تصرفت صح بس توا نقولهالك لو الروح معلقة فيك يا ولد خالي نقوللها بالسلامة و نعيش من غيرها