محمد حس باوصاله ارتعدت وقف و هو ميت خوف مش عارف مني اللي خبط وقف جنب الباب و بعد تردد فتح و يفتح فمه مع فتحت الباب كان قدّامه بالحرف جيش
يتقدمهم الهاشمي اللي حرص هو واللي معاه يحطوا اللثام ع وجوههم بس ما قدم منهم حد الا هو
محمد يرعش : خير شن في؟! لو تدوروا ع خوي موسى راهو ما عندي عليه اي معلومة و انا اصلا ضده من الاول مش كانه خوي تحاسبوني ع عمايله
الهاشمي في سره اه يا وسخ و انت كنت لاصق فيه زي القرادة : احم لا مش جايين ع شان موسى جايين ع شان بنته يا ريت تقوللها تلبس و تطلع
محمد مش مستوعب كيف جايين يدوروا فيها و لأي سبب : انت شن تقول ؟! و بعدين بنته انت قلتها يعني معاه
الهاشمي بصوت عالي : و لو طلعت هنا
محمد خاف ينكشف : هوا تبي الحق كانت اهني و اليوم عرس ولدي فالعيلة كلها طلعت و خليناها اهني هي و الخدامة بس لما روحنا لا لقيناها هي و لا لقينا الخدامة و انا مش عارف وين ندورها
الهاشمي مش فاهم ليش قلبه انقبض من هالكلام : كيف مش عارف وين مشت ؟! و مسمي روحك راجل بين التريس
اوس اللي كان في سيارته و يستنى الوقت يتاخر ع شان يقدر يدخل سرقة و يشوف زوبا شاف منظر السيارات العسكرية ما جابله عقله الا ان بوه دارها من وراه و سلمها نزل زي المجنون جاي في توتة و عيونه حمر وصل فيهم
محمد متفاجأ بسبب جيته و كيف سيب عروسته ..
اما الهاشمي شافله باشمئزاز
اوس لبوه: ضحكت عليا خليتني تورطت في بنت ال### و جايب كلابك يقيموها
و يجيه بوكس من المنتصر صاحب الهاشمي جابه لوطا : ع شان تعرف ع من تقول كلاب مرة ثانية
طبس عليه محمد بخوف : معليشي سامحوه غير فزع في بنت عمه
الهاشمي بتهكم: و اللي يفزع في بنت عمه يدير فيها هكي
اوس مسح فمه و وقف بصعوبة : من انتو و شن علاقتكم ببنت عمي
الهاشمي تجاهله : وين ممكن تمشي ماعندها معارف والا اصحاب
اوس مستمع و مش فاهم
محمد : لا ما عندها حد الا احني و خوالها في ال### مستحيل تمشيلهم اصلا
الهاشمي بتهديد : و الله العظيم تطلع عندك و داسها الحوش انفجرهلك هيا شباب
طلع و وراه جماعته
و هما برا
المنتصر : المفروض فتشنا الحوش
الهاشمي بنفي : لا مش حاب انكثر دوشة لو عنده غدوا من الفجر بيطلعها من الحوش و لو مش عنده ح يتصرف عادي
أنت تقرأ
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
