الاسبوع اللي فات ع الهاشمي بين توتر و تخطيط فات ع ونيس من اجمل ما يكون فبعد توديع زوبا روح للفندق و قضي ليلته فيه و فاتت عليه ساعات الليل وهي ضيفة احلامه
و هي من لما روح و حاسة براحة عجيبة سكينة و هدوء و هالشيء اكيد لاحظه مصعب اللي بدوره فرح لاخته و اطمن عليها
و كل ما يتفكر حركات سجى و كيف كانت تغني يموت من الضحك ...
المهم روح ونيس و استقبله مصطفى واكيد موضوعه لا يحتمل تاجيل اكثر من هكي
بعد سلام و استقبال حار من الكل قعمز جنب جدته و الكل كان بينتظر في سبب طلبه ان يجتمع بيهم و يحكي معاهم ماعدا مصطفى و معتز و اكيد علياء
علياء فضلت الانسحاب لانها متوقعة ردة فعل قاسية من جمعية و ممكن من عبدالقادر و نظرا لحساسية وضعها انسحبت لشقتها و خذت معاها جسور ولد مصطفى
ونيس : احم نا جمعتكم ع شان نبلغكم بخبر سمح واااااااجد
جمعية بانتباه : احكي يا ونيس و فرحني و قولي عدي و اخطبيلي البنت اللي تلقيها مناسبة ليًا ونا عندي لك بنت تقول ايش
مصطفى و معتز شبحوا لبعض لان واضح الموضوع مش ح يكون وقعه سهل عليها
عبدالقادر : تي كنك مستعجلة يا ولية خلينا نسمعوا و نفهموا منه و عبدالقادر طمن ولده بعيونه و شجعه يحكي واهنئ المفاجاة ان عبدالقادر يعرف باللي صار لان ونيس اتصل بلعه ع طول من اول ما تم الزواج
ونيس : احم نا قريت فاتحة في مصر ع ....
جمعية باعلى صوت : ياناعلياااااااااايا بووووووي حيه عليك كشفة يا عليك فضيحة
فاطمة حذفتها بالريموت: ضمي فمك بتلمي علينا الناس يا منجوهة انكليزي خلاااص خلينا نسمعوا منه قبل عليك اللي طاحت قبل الضربة
ونيس : انا يا امي كنت ناويها خطبة بس يعني ناخذ موافقتهم وبعدين نحكيلكم بس صار كل شي فجاة و باتها لان مسافر طلب مني نقرا الفاتحة ع شأن وقت اللي نسافر يعني ما يقعد يخمم عليها والا ما نديرها من وراكم
جمعية مازال مصدومة : و منو تكون هضي اللي خلاتك تكسر كلمتنا لاول مرة
ونيس: تي اي كلمة اللي كسرتها يا امي مو انا حاكي معاكي ان وقت اللي بنتجوز نختارها بروحي
فاطمة : خلك منها و قولي منو هي و شنو شكلها سمحة او لا وبعدين تعالى جاي كيف صار في....
ونيس ابتسم ابتسامة ذات معنى
فاطمة صبت : ما تقولهاش يا منحوه ان شاء الله اللي في بالي
معتز لمصطفى: شوي اخرى و تبدا تفلم
مصطفى : معش اطول خلاص
ونيس : احم اهلها هي
فاطمة بدت ترقص برداها: رورورويييي هالنهار عليه ندور هالنهار ربيعه نور
أنت تقرأ
حجر صوان
Romanceرواية # اجتماعية وطنية و رومانسية و فيها دراما تحكي ع قصة بدايتها في فترة الأحداث فيها اقتباسات هلبة من الواقع ع فكرة و حتى بعض القصص للاسف صارت في ليبيا
