حجر صوان

تشويق

تتامل فيه في ضحكته لبسته اول مرة تشوفه لابس رسمي لبسة كاملة هكي بقرافة و راسم اللحية تفاصيل طالما تخيلتها بس مش مع غيرها
سحن كبدها سحن و حرقها حرق
في الوقت هذا بس تفكرت كلام فنارة و تاكدت ان عندها حق
كان صعب عليها تحضر و الاصعب تغيب اضطرت تكون موجودة اصلا شن عذرها في الغياب

في طرف ثاني

في ناس عندهم المبدا اهم من اي شي
اهم من المشاعر
اهم حتى من العيلة
و انا من الناس هادي بعد اللي انعرض عليها في القنوات و بعد الرسايل اللي قريتهن في تيليفونها مستحيل الانسانة هذه تكون ام صغاري كان معاي حق من البذاية مش عارف كيف انذهبت شيرتي و مشيت وراء كلام طول عمري ضده
نشوف للانسانة اللي اخترتها تناسبني بنت منطقتي نفس تفكيري نفس تربيتي خوها يكون صاحب خوي المغدور مش وحدة زيها من نفس المدينة و الطبع لهذا انا مش حًنعاود قصة عمر اليوم لا اخترت نعيش قدر مختلف نعيش مرتاح مع انسانة تناسبني و بنت بيتية مش خاينة !!!

و هنا سؤال يطرح نفسه ! شنو هي الخيانة يا هاشمي؟! يوم اللي تقدر تحطلها تعريف وقتها تقرر اذا البنت هذه خاناتك او لا ؟! او اذا الانسانة اللي اخترتها بعناية ع شان تكون رفيقتك هي اللي خاينة!!

بينما في طرف ثالث

كانت بكامل زينتها تستنى تنزف لشخص ما تعرف عنه شي غير اسمه و بعض المعلومات اللي اعطاهالها ع التيليفون .. كلها خوف و رهبة و لكن جاها في وقت صعب جدا ترفض فيه وافقت و مش عارفة كيف ح تكون حياتها معاه

الطرف الاخير

نحق فيها قدامي ماسكة السلاح ع راسها و عيونها واضحة انها ناوية و مصرة ع تنفيذ اللي في بالها

تصرخ عليهم : يقرب مني واحد نفضيه في راسي و نريحكم لاني مليت خلااااااااااص خلوني في حالي

شخص مقابلها ينظرلها بتوسل : لا بالله عليك انا وعدتك خلاص ح نطلقها و نتزوجوا و طز في بوي و في بوها المهم انت

هي : وخر وخر

الطرف الاخير نا خلاص ما عاد قعد عندي عقل جيت من وراها و خذيت السلاح منها و

انتظروني

كلمات الاغنية

خذني إليك قد حار نبضي في الهوى بين يديك
قد سال الورد دمعاً مراً شوقاً إليك
موتاً حياةً لا أبالي فقلبي لديك .. خذني إليك

أرتشف النور وأعتصر الرحيق من ثغر الشذى
يعانق روحي وردٌ أحمر فيه الردى
يا ضحكةً أشيح عنها ظل الندى .. خذني الييك

خُذني إليك إني ظلام يرتجى وجه الضحى
حنين هام كهمس سراب بوهم قضى
يسابق وهج صحوةٍ فيها الرجاء .. خذني إليك

هَبني السماء ملاك أضناه النوى ووأد الهوى
يعاند طيف لذةٍ فيها الحياة
ينتظر وعداً من زلالٍ فيه النجاة .. خذني اليك

مارية علي الخمسي ❤️❤️❤️❤️❤️