وجوه_مستعاره 🎭 جديد فبراير 2022 ✍️
الحلقه 6 🌻
مش مخيفه هي دراما ولغز كبير فقط لا تفوتوهاا /
في المستشفى /
ليث عصب : قلت خلاص يا بنى ادم رقيتها ليا راه
ميلاد انصدم وعطاه نضره وطلع شاف رهف تبي اتخش لعند ليث بحت فيها : ننصحك تردي لغرفتك لان معصب بكل وربي يصبرك يا اختي وعده وخلاهااا بس رهف كانت عنيده وخشت عليه لقاته يبي يصبي بحت فيها : تعالي ساعديني نبي الحمام يا مدامي الحلو
رهف : في الاحلام وانا نبي نطلق طلقني وريحني
ليث ضحك : والله جديات ههههه من قالهاا ؟
رهف عصبت : انا ما نضحكش قتلك طلقني مانبيكش ماحدش قاللكم تضحكو عليا علي اساس نتزوج خوك وليد لقيت وجهك انت يلي مش طايقته متقززه منه
ليث صبا بهدوء وايديه علي بطنه المجروحه وصبا قريب منها واجد وبحت فيها : طلاق مافيش وزواجك من واحد من خوتي احلمي بيها فاهمه يا عسل انتي
رهف : حانشكي فيك للشرطه وخليهم يتفاهمو معاك
ليث : لو انك بنت فعلا ديريها عشان نقوللهم علي سر
رهف بحتت فيه ! : اي سر مافهمتش شنو تحكي ؟
ليث قرب وهمسلها : سرك انك كذابه وأكبر كذابه اخرا
رهف عصبت : احترم نفسك انت الكذاب مش انا 🙄
ليث ضحك : ويلي جات لعندنا للفيلا مرتين والمره التالثه بشخصيتها الحقيقيه مش هي انتي ؟ حانقولك كيف عرفتك اذكرت ان عندك وشمه صغيره في يدك اليمين بين صوابعك واول بنت جاتنا عندها وشمه وتاني بنت سألت عليها عيلتي وعندها وشمه وانتي الثالثه وعندك وشمه ومسك يدها وباسها من عند الوشمه : بس يلي مشتت عقلي من اتكون اول وتاني بنت لان اكيد دايره حاجه ماحدش يعرفك فيهااا
رهف وجها انقلب الوان وارتبكت : علي شنو تحكي ؟
ليث بخبث : يا مدام رهف ما تلعبيش عليا ادبالك تجربي وتحاولي تلعبي مع ليث الطاهر قبل ما تعضيه بسنونك السامه هو يحرقك بعيونه فاهمه وما تتحديني قوليلي شنو درتي او نشكي فيك بالكذب
رهف وخرت من حداه وتعقدت لان كشفها : يلي ربتني عندها وحده عايشه برا تشتغل وتصمم في اقنعه بناتيه طلبت منها تقوللها ادزلي كم قناع ولبستهم مع باروكة شعر وغيرت ستايلي وجيتك وطبعا صوتي غلضته
ليث يبحت فيها ويبتسم : مره تانيه ماعش اتغلضيه لان هكي احلى بس لو عرضت عليك عرض توافقي
رهف ببرود : وشنو هالعرض عشان نعرف نوافق او لا
ليث جاه لعندها : نبيك تسافري معايا حابب تشوفي حد ولو عرفتيه نوعدك نكتبلك حوشنا بأسمك وحتى السياره وانطلقك اخرا ولو ماعرفتيش كل شي بأسمي ومافيش طلاق شنو رايك ونتحداك توافقي يا حلوه
رهف انصدمت وقعدت اتفكر وهو يبحت بأنتصار عليها
اسراء كرهت رهف بزياده عشان ضربتها للانسان يلي اتحبه ولكن فجأه قالت : مش حانزعل علي واحد كيفه ويستاهل اها صح يستاهل قهرني فخدت حقي رهف
خلود خشت عليها ولقتها سرحانه : كنك شنو صايرلك
اسراء : مضايقه اشويه وضغوطات الكليه زايده علياا
خلود : تريحي وماترهقيش نفسك ربي يهونها يا عمري
اسراء : باهي نسألك هما يبو يحبسوها لرهف هذي ؟
خلود : وعليش خالي يبي يحبس زوجة ولده مستحيل
اسراء : بس كانت حاتقتله ولو مات حايخسروه للأبد
خلود : لا الحمدلله مافيش شي وخوك ميلاد كان عنده وشافه هو كويس بس مغرور ومتكبر ربي يعين خالي
اسراء : بس هو ماكنش هكي زمان انتي عارفه هالشي
خلود : كل الناس تتغير مافيش حد يقعد علي حاله
اسراء : بس ليث كان محترم ومافيش كيفه والله
خلود : شنو يا اسو الواضح تبي تحكي علي ليث وخلاص شنو قصتك شكله عاجبك صح ؟ وهانك !
اسراء ارتبكت : شنو عرفك معناها شفتيه بعيونك
خلود : لو شاف البنت مش حلوه واجد حايهينها ولو شافها حلوه حاتحقي انسان اخر عارفته كويس لان قبل زواجي حاول ينابشني بس هزبته وقتله يتحشم علي وجه وانا اكبر منه وقلت ليش ما اتزوج خيرلك وتزوج اختي اسراء يلي هي انتي بس صدمني من كلمته وقال : اختك لو تزوجتها يرقد كل واحد في دار احسن ما نحلم بالافلام المرعبه وانا نخاف منهم
فنبيك يا اختي يا عيوني انتي اطلعي ليث من راسك لو اني نبي مشاكل كنت حكيت هالكلام لخوك ميلاد وحاسبه بس سكتت لعند هاللحظه لما حسيتك تبيه وتحكي عليه انسيه وخودي يلي يحبك نصيحه مني وعدت وخلتها مصدومه مش قادره تستوعب ليش ليث يحكي عليها هكي بحتت في المرايه وشيرت علي نفسها : كني انا شنو ناقصني ليش ماحبنيش وليش يقول عليا في كلام يوجع فيا حرام عليك يا ليث 💔 وزمان يحبني ومدلعني وكان محترم بكل ليش تغير
