#وجوه_مستعاره 👥 جديد الحلقه 25 ✍🏼
رهف قاعده مع اسيل في الخيمه وتهدرز معاهاا
اسيل : وائل قلتيله نتيجة التحليل يلي درتيه امس
رهف بتفكير : لا مزال اصلا مافضيتش ولا حصلت وقت انقوله أني حامل خايفته مايفرحش بالخبر
اسيل : وليش مش هو يحب بناته التؤم اكيد حايفرح
رهف : يحبهم بس خايف نسيتي ان انحرم من حنان الاب عنده خوف كبير لو كترو عويله مايقدرش يراعيهم ولا يبيهم يعيشو زي ما عاش هو مع الاسف
اسيل : يا رهف انتي احكيله شنو خاصره وزي ما خليتيه يوافق ويقتنع بحملك الاول حايقتنع في التاني
رهف : خير ان شاء الله وبحتت في بناتها وخايفه 😔
ليث بحت فيها : فرح ياعمري شوفي يلي شفته
فرح انصدمت : يعني شنو وقعدت ترعش احكي شنو
ليث وهو مستغرب : يعني أنتي مزلتي بنت سمعتيني
فرح : مش قادره نستوعب بس حمزه خدرني وقرب مني يا ليث والله قرب ما نكذب عليك بعيوني شفته
ليث : اهدي يا عمري وحاولي تذكري شنو صار بالضبط
فرح مسكت يده : والله وربي شاهد عليا حمزه قرب شنو تبي اكتر من دبشي يلي لقيته مش عليا 😭
ليث سكر فمها : اشششش خلاص ما تكمليش بس يلي صار يجننك هي وحده من الاتنين يا ما غلطش معاك او وبحت فيها وبأرتباك : او مش راجل اصلا ماقدرش
فرح انصدمت وعيون ليث عليها : الدليل الوحيد يلي يتبث كلامي اسراء بنت عمتي لازم يتم الكشف عليها
فرح : يعني هامتك اسراء ودغري جبت سيرتها 😭
ليث : بلاش هبال انتي قلبي وكل شي بس قتلك الكلام يلي قلته لك توا حانتأكدو منه عند اسراء اتصلي بكرا برهف وفهميها يلي صار وتمشي لعندها حاتتصرف
فرح سكتت ومش قادره تستوعب يلي صار بالضبط
منير راجه ساعه وما طلعتش بكل عدا لعند الغرفه ودق الباب عليها وهو راقيتله : افتحيلي الباب ودق اخرااا
نجاح فتحت وكانت مغيره دبشها : نعم شنو في ؟؟
منير بهزوه : نعم شنو في ؟ انا زوجك بس شكلها عيلتك ما فهماتك شنو يصير في يوم زي هضااا
نجاح ضحكت : لا انت هضا يلي هامك يعني اول شي تقول لابسه شوال وبعدها تفصل الضي واتقول حايطول وبعدها ايجيه دغري ومتأكده انك فصلته وفوقها ادفني وتبي اتخش معايا بالغصب وتشوفني
منير ببرود : انا زوجك ومن حقي انخش وانشوف
نجاح : اليوم اول يوم من امبدري وانا نحاول نسيطر علي نفسي وما نحكيش بس انت تخلي الواحد يحكي وما يتحشم حتى الصلاه ما صلينا ولا تعشينا اذا انت ماتبيش تتعشى براحتك بس انا نبي ناكل وجعااااانه
منير عطاها الطريق تمشي من قدامه وايديه علي لحيته يتلمس فيها : ما شاء الله وخلاص جعانه هههه ولحقها شافها خشت الحمام تنهد : اعوذ بالله من الشيطان الرجيم الواحد حتى الصلاه نساها وعدا للحمام التاني توضا للصلاه وطلع علي طلعتها شفاته يمسح في وجه بالمنشف تهزت بينها وبين نفسها وخشت لبست بدلة الصلاه وصلو مع بعضهم وخلاته يمشي علي طريق المستقيم 😂 ويتعشى معاها واعيونه عليها طول الوقت مستغرب يلي قاعد يصير
نجاح جات عينها في عينه : عليش تبحت فيا يا دكتور
منير : انتي غريبه الحق في حد يجوع في يوم زي هضا توقعت تليني معايا بس طلعتي صعبه اشويه
نجاح ضحكت : عندك الحق اتقول هكي تعرف ليش وصبت همست في وذنه لانك متزوج من قبل ومطلق وعايش حياتك من قبل ومتعشى في ليلة عرسك فحبيت تخرب عليا ولكن انا كاشفتك يا دكتور
منير بحت فيها ومن جرأتها مصدوم : يعني شنو
نجاح : يعني بصراحه شكلك متعقد من زواجك الاول
منير صبا دغري وبحت فيها : كملي كلامك تفضلي وفي نفسه هيا هيني وقولي كلام يعصبني عشان انوريك
نجاح شفاته صبا واعيونه عليها : كنك صبيت هكي ههه يلي يشوفك يقول عندي سلاح بس قولي ليش اخترتني انا وتزوجتني لان ماكنتش راضيه عليك 🙄
منير انصدم : مش راضيه عليا ليش شنو ناقصني ؟؟؟
