#وجوه_مستعاره 🎭 الحلقه 3 ✍🏼
رهف بحتت في البنت يلي ربتها وحكتلها يلي صار معاها هي ارمله عمرها 28 سنه اسمها أسيل تبنت رهف لانها عقيمه وخدتها من الميتم كان عمرها 13 سنه
حست عليها انها زعلانه قربت منها : يا غاليه كنك
اسيل : زعلانه وعشانك ساكته ومتحمله لو تخليني نشكي فيه للشرطه خير بس انتي تبي تنتقمي منه
رهف : ارجوكي انا نبي ندير يلي ليا فتره نخطط له
اسيل : يلي اديري فيه وهم انتي توهمي فيهم راه
رهف : مش مهم يلي يهمني ان يتحاسب علي كل شي داره فيا وفي بنات الناس صدقيني هالأنسان حقير ومريض نفسي مغرور برزقه وبجماله يسحب الرجوله هكي نبي ننتصر عليه مش يعرف من اتكون رهف
اسيل حضنتها ورهف مسحت دموعها وحضنتها زين
في اليوم التاني كانت صدمه كبيره عليهم بعد شافو بنت تالثه في الحديقه وتبحت في الفيلا بدموع شلال من عيونها وماعش فهمو شي ولما نوضو ليث وشافها انصدم لان يلي شافها هي البنت يلي عطاها حبة منوم هي رهف قعد مصدوم خاصة بعد خوه وليد عدا يحكي معاها ويفهم منها شنو في زاد خاف اكتر
وليد : عليش تبكي وكيف نقدر نساعدك ؟
رهف بحتت فيه : خود حقي من خوك وحسبي الله ونعم الوكيل فيه خوك دمر حياتي وكذب عليا حبيته من كل قلبي ووعدني بالخطبه والزواج الحلال بس هو شنو دار كان ممثل شاطر حطلي منوم وخداه يلي يبيه وعزقني ولا دور عليا خوك وسخ ومش مسامحته
وليد مصدوم : وشنو عرفني يمكن تكذبي عليه ؟
رهف ضحكت وهي تبكي : للهدرجه شايفينه ملاك يا حرام والله شيطان هضا مش ملاك يخوف وينخاف منه لكن انا بذات مش حانرحمه وعندي دليل تفضل شوف صورته في تليفوني وشوف رقمه وحاضرني
وليد شاف تليفونها وتأكد من كلامها انهم علي علاقه مع بعضهم كانو بحت فيها : انتي متوضيه يا اختي ؟
رهف : اكيد متوضيه وجاهزه لأي شي تطلبه بس خود حقي من خوك انت وعيلتك الله يربحك وما كملتش كلمتها من جيت ليث : اطلعي برا شنو جيبك هنا انتي
وليد : وقفي ماتمشيش وكر خوه علي جنب بالقوه : لحظات فقط وحاتشوف شي مش حايعجبك راجينا هنا بس واشر لرهف تلحقه وعدت وهي تبتسم بأنتصار قدام ليث يلي خاف خوف لا يوصف عارف عيلته كويس مش حايرحموه ويلي قاهره عرفت رهف كيف تلعبها صح وتقهره اكتر واكتر لحقهم يجري وقعد مصدوم لما شافها حاطه يدها عالمصحف قدام عيلته بالكامل من امه وباته وخواته قعد يرعش
وليد : احلفي ان كل حرف قلتيه ليا حقيقي
رهف بدموع شلال : اقسم بالله وربي شاهد علي كلامي ولدكم ليث خدعني ودمرني وكل حرف قلته لكم حقيقي ولو كذب نلقاها في صحتي بمرض مميت
الحاج قعد يرعش واعيونه علي ليث حط يده علي قلبه كلهم خافو علي باتهم يلي ماعمره حد كسره جاه يلي كسره هو ولده واما رهف عدت وهي زعلانه عالحاج الطيب وشمتانه في ليث المقزز بس لحقها وليد : لو سمحتي باتي يبيكي تعالي بسرعه
رهف لحقاته وهي ترعش مسحت دموعها وبحتت فيهم وفي ليث يلي منزل راسه زي الطفل الصغير
الحاج : قربي يا بنتي تعالي نبيكي جنبي اشويه
رهف قربت وقعدت جنبه وترعش قلبها يدق بسرعه
الحاج : ولدي زي ما غلط حايصلح غلطته وحايتزوجك
رهف قطعاته : بس انا مانبيش نتزوج واحد مش راجل
ليث عصب : راجل وغصبا عليك يا حيوانه فاهمه
الحاج : ليث اسكت ولا كلمه ويلي حكاته حقهاا
رهف : انا نبيك تعاقبه وتحاسبه ولو تبي تستر عليا يا عمي زوجني حد اخر من عويلك مش ليث لاني كرهته
وليد انصدم ونزل راسه مافيش حد مش متزوج غيره هو وليث يلي مش طايقته وهو مايبيش الا خلود 😔
