#وجوه_مستعاره 🎭 جديد الحلقه 12 ✍️
رهف حابسه روحها في الغرفه يلي ورتها لها نجاح وطول الوقت تبكي ومش عارفه شنو ادير ولا حاتقدر اتسافر بروحها تفكيرها في وائل يلي حتى اتصال ما أتصلش فيها ولا طمنها عليه قررت تحكي مع أسيل اتصلت بيها : الو كيف حالك / اها انا جيت امس / لا كويسه بس في موضوع صار بين العيله ووائل مختفي طلع مسافر لروما مره تانيه ووضعه مش تمام لان يلي سمعته صدمني وماعش فهمت شي ونزلو دموعهاا
اسيل : لا حول ولا قوة الا بالله باهي قوليلي وينك انتي عشان انجيك وانشوفك رايفت عليك واجد
رهف : حتى انا رايفت عليكي وقاعده في فيلا الطاهر تعالي والله تعبانه واجد ونفسيتي زادت بعد سمعت يلي صار مع وائل هو كل شي في حياتي 😭
وليد عدا لباته في الفيلا وقمعز مقابله : حانقولك موضوع مهم جدا ولازم تعرفه وتواااا فاضي تسمعه ؟
الحاج بحت فيه : احكي هالكلام يلي من امس تلمح عليه شنو في فهمني وعليش تبحت فيا هكي ؟؟
وليد بهدوء : تعرف اشخاص واسمهم حليمه ووائل ؟
الحاج ارتبك اشويه : لالا من هضوما وقعد يكح
وليد : سلامتك يا حاج تفضل وعطاه اميه وقمعز مره تانيه واعيونه عليه : انا نعرف كل شي مافيش داعي للتهرب من سيرتهم للهدرجه ماتبيش تعترف بيهم ولا تبي اتعرفنا علي خونا وائل يمكن متحشم او عشان متشوه ؟ او يمكن خايف تحكي وتزعل امي منك صح
الحاج صبا وعصب عليه : احترم نفسك شنو اتقول انت كيف تحكي معايا هك انا باتك فاهم تعلمني شنو اندير وشنو عرفك بيهم انت وجاي اتحاسب فياا ؟
وليد : لا حاشه انا ما حاسبتك بس حكيتلك يلي درته في وائل حتى الشوف ما شفته وامه حليمه المسكينه ماتت من قهرها علي ولدها وهي تتحسب عليييييك
الحاج انصدم من خبر وفاتها كالصاعقه ماحكش حرف
وليد : وائل بعد وفاة امه تعرف علي ليث ولدك الطيب المحترم يلي انت وكلنا مستغربين ليش تغير هالانسان تبي تعرف شنو صار حابب تعرف يلي كنا متعقدين من تصرفاته وطلعاته وخشاته علي راحته ولسانه الطويل هو مش ليث هضا وائل ولدك يلي دار عمليه طبق الاصل وقعد يشبه ليث خداه اسمه وشكله وجاه هنا قدام عيونك والمسكين شافك وانت تحب عويلك واحفادك لو يطلبو اييش تعطيهم وناسيه ولا مدوره ولا سائل فيه يعني وائل هو يلي غلط بسببك انت وتزوج رهف بس اطمن زواجه من هالبنت خلاه يتغير 180 درجه مش كيفك درت علاقه مع امه وخليتها بعد حملت بيه يا حاج يا كبير يا واعي الله يسامحك
باته مصدوم وضرب وليد كف علي طريقة حديثه معاه وفي نفس الوقت مش قادر يستوعب يلي سمعه كيف وليش صار هكي قمعز عالكرسي وهو مصدوم ويرعش
الشرطه شافت كاميرات المراقبه متع المطعم وخدت الشهود يلي شافو الحادث بالكامل وكتبو رقم سيارة ليث وعدو يدورو عليه في كل مكان قعدو ساعات عشان يشوفوه في الطريق عند اشارة المرور وقفوه علي جنب : ممكن بطاقتك الشخصيه يا شاب وانزل
ليث نزل وعطاهم البطاقه وعلي اساس حايمشي بس مسكوه : تفضل معانا للمركز وحاتعرف شنو داير غادي وقتها سكت ليث وفهم كل شي رضاه بمصيره وعدا معاهم حققو معاه حكالهم يلي صار : انا درت يلي لازم انديره هذي بنت عمتي عارف شنو معناها حط نفسك مكاني يا شرطي هذي حاتكون زوجتي هو دمرها وابتزها تبيني نسكت ونتفرج بسببه كانت حاتموت لا والله وحياتك مانسكتش حتى لو عدمتوني علي الاقل انموت راجل دافع علي بنت عمته وحاسب يلي دمرهاا
الشرطي بأعجاب فيه : باهي انت عارف ان الشاب لما ضرباته السياره وسعفوه في الطريق مات دغري ؟؟
ليث بحت بعيد عن عيون الشرطي : الله لا يرحمه ولا يسامحه خليه يمشي قبل ما يدمر بنت تانيه ويلعب عليها انا اكبر منه ولا عمري غلطت ولا عمري ضحكت علي بنت ولا درت العار عشت سنين في دوله اجنبيه وشايف يلي ما ينشاف ولكن ما غلطت ايماني قوي
الشرطي صبا : تمام انا حانسمع كلام بنت عمتك شهادتها كبيره لو حكت يلي انت حكيته صدقني مش حاطول عندنا بس حط في بالك انك حاتدفع لعيلة الشاب مبلغ هما يقدروه علي روح ولدهم وحاتطلع
ليث ببرود : والله هالكلام اتقوله لعيلتي مش ليا لو هما دفعو تمام مش مشكله ولو ما دفعوش الحبس للرجاله
الشرطي ضحك علي برود ليث : علي فكره شخصيتك عجبتني اول مره نتلاقه مع واحد زيك ربي يحفظك
