#وجوه_مستعاره 👥 جديد في الحلقه 17 ✍🏻
خلود اتصلت علي ميلاد : طمني كيف حال باتي ؟؟؟
ميلاد : الحمدلله كويس وطمني امي عليه باهي
خلود تريحت : حاضر واسراء كيف حالها كويسه ؟
ميلاد : اسألي اختك حنان انا مش شوري ماعنديش اخت اسمها اسراء ولو صار فيه حاجه صدقيني ما نرحمها ونقتلها ونتخلص منها يلي دراته كبييييير
خلود تنهدت : بس هذي اختك نسيت اسو هذي دلوعتك ومافيش حد ما يغلطش سامحها ارجوك
ميلاد : مش حانسامحها الا بعد يجي نصيبهاااااااا
خلود : ههه يعني لما تشوفها تزوجت حاتسامحها
ميلاد : اكيد الزواج ستره ويلي دراته مش عارف من يلي يستر عليها وصدمني ليث اليوم قال انها زي اخته
خلود انصدمت : اخته ؟ معقوله باهي خلاص توا نحكي معاها ونعرف الموضوع كله تمام هيا باي
فرح سمعت الجرس يرن خافت كان الوقت متأخر حوالي 11 في الليل مابتش تفتح ولكن الجرس مابش يوقف وسمعت الباب يدق قربت من عند الباب : من ؟؟
رهف : انا رهف افتحيلي هيا سقع بكل دددددددددددد
فرح فتحت وهي تضحك علي شكلها ترعش من البرد وربعت يديها : من جابك في هالوقت وبروحك اخراا
رهف خشت لعند الدفايه وهي ترعش ووجها احمر من البرد : جابني سلفي حسام وعدا تعرفي تعبانه بكل
فرح : باهي تريحي واضح انك تعبانه نحطلك عشاء
رهف : لالا تعشيت في المستشفى نبي نرقد بس تصبحي علي خير وعدت لغرفة وائل كانت واضحه انها غرفته رقدت علي سريره وتغطت وهي تفكر فيه وتبتسم وطاير عقلها ان بكرا حايطلع واخيرااا 💘
وليد عدا هو وخالد لغرفة وائل يدورو علي ليث ولقوه عنده : انت يا فرخ شنو يلي قلته لميلاد كيف هذي معقوله اسراء زي اختك طلعت علي اساس تبيهاااا
ليث تأفف : بدينا عاد وانتو بروحكم قلتوها علي اساس نسحب روحي نبيها ولكن انا نعزها ونحبها زي اختي عمركم شفتو واحد يتزوج بنت زي اخته مستحيييل
وليد : معقوله مش قادر نستوعب صدمتني الحق
وائل : لا استوعب طلع ميت في فرح وغمزله ههههه
وليد : فرح نفسها ما شاء الله ومن امتى هالكلام ؟
ليث : مش مهم المهم اني عرفت من البنت يلي سارقه قلبي مني ليا 6 سنين نعرفها للبنت هذي وما شاء الله عليها كل شي فيها حلو وخاصة بعد طلعت تحبني وتغار عليا طيرت عقلي من مكانه وانتهيت خلاص
خالد : هالكلام قوله لأمك نحنا مش شورناااا
ليث : اطمن حانروح ونحكي معاها وبأذن الله كم اسبوع وتكون زوجتي واعذرني يا وائل لازم نروح ونحكي لأمي فرحان واجد وحايقعد معاك الليله واحد من خوتي انا اسف مره تانيه ما تزعلش مني تمام
وائل ضحك عليه : بلا اهبال وامشي يا عيني هيااا
ليث ابتسم وخوته يضحكو عليه : هيا تصبحو علي خير وعدا وهو فرحان وخوته مصدومين اول مره يشوفوه هكي تغير ليث فجأه ووائل يضحك وخلاص خاصة لان واضح حبه لفرح بشكل كبير ومنضره يضحك وهو يحكي عليها 😂 ويفكر فيها كل شويه
وليد : لا حول ولا قوة الا بالله وانت تضحك عاجبك الجو عاد وانا بصراحه مصدوم يلي قدامي مش ليث يلي قبل راه تطلع ساحرته هذي يلي اسمها فرح لان من امبدري وهو فرحان والحب واضح في اعيونه الهبل
وائل انفجر ضحك : لا وحياتك صدقني فرح كويسه ومستحيل تسحره هي اصلا رفضت وقالت خود بنت عمتك خير وافضل مني بس اسراء رفضاته وقالت ليث زي خويا يعني هما الاتنين نفس المشاعر ولقاه روحه يحب فرح بشكل لا يوصف وانا متأكد من مشاعره وانتو بروحكم شفتوه كيف فرحان وطاير عقله بفرح
خالد يضحك : باهي ربي يدوم هههه ومتأنق اخرااا
وليد : طبعا عشان الكبيده متعه لابس ومتأنق وريحة عطره معبيه الغرفه ريت الحب شنو يدير معقوله ليث ينقلب هكي ومحلق اخرا راسم لحيته هههه مجنون
وائل : بس شخصيه ربي يحفظه وفرحتله واجد
وليد : شنو نبو اكتر من هكي المهم فرحان وربي يدوم
