#وجوه_مستعاره 🎭 جديد في الحلقه 8 ✍️
في اليوم التاني سافر وليد وحنان لروما ووصلو للعنوان عالساعه 3 قبل العصر رن الجرس وليد
فتحتله الخادمه : اهلين تفضلو يراجو فيكم جوا
وليد : يزيد فضلك شكرا وشال الشناطي وخش
لحقاته حنان وهي تبحت في الحوش من برا فخم وحلو بكل كانت فرحانه وخشت مع وليد جوا لقوه ليث ورهف يرجو في خشتهم قرب ليث وسلم علي وليد وحضنه : الحمدلله علي سلامتك يا خويا رايفتلك
وليد ابتسم : الله يسلمك وانا رايفتلك الجو تمام
ليث : الحمدلله دابيني متزوج ملاك سبحان الله
وليد ضحك عليه وسلم علي رهف : كيف حالك
رهف بأبتسامه : الحمدلله ونورتو وسلمت علي حنان بالخد : الحمدلله عالسلامه كيف حالك كويسه
حنان : تمام وبنعمه والحوش خيال روعه والله
ليث : المهم عجبكم وتعالو نوروكم غرفتكم اكيد تعبانين اشويه ومزلنا ما تغدينا نراجو فيكم
وليد : جعان بكل الحق توا نمشي نحط الشناطي في الغرفه ونبي ناكل مش شوري هههههههه
حنان ضحكت معاه وركبو للغرفه يلي وراها ليث لهم
رهف شيرتله : وائل مش تمام بكل خايفته يطلع
ليث : لا مش ناسي هو راقد توا اطمني انتي
فرح جاتهم : انا حانمشي توا نستأذن خودو راحتكم
ليث لحقها ومسك يدها : وين ماشيه يعني عشان شفتي ناس جوه حاتمشي والله عيب زعلتيني
فرح طلقت يده بهدوء : لا مش قصة الناس بس انا من حقي ناخد عطله تعبت نجي هنا من الصبح ونمشي بعد العشاء يعني مرايفه علي شقتي ونبي نتريح لو ممكن
ليث ماحبش يكون اناني : تمام امشي وخودي راحتك
فرح هزت راسها وطلعت من الحوش وهي سارحه وتفكر بموضوع زواج وائل وجيت وليد واكيد ليث حايروح لعيلته وحاتفقده هالشي مزعلها اشويه فرح بنت ليبيه قصتها توجع اشويه تلاقا بيها وائل بعد جاه لروما وطلب تشتغل عنده بعد حكتله قصتها وكانت محتاجه لمكان تقعد فيه اجرلها شقه قصتها / هي عايشه مع عيت عمها كان واعر بكل ماتريحتش في العيشه معاه ولا مع زوجته قررت تخلي الحوش وتهرب عدت باتت في المدرسه وتتمشى في النهار ووضعها مش تمام من وفاة عيلتها وهي مش كويسه الدنيا ظالمه قعدت فقررت تسافر وأتهج وعدت هجره غير شرعيه مع ناس اخرا قعدت ايام طويله تعاني عشان توصل مع الناس يلي معاها للبلاد وبعد وصلو عدت بروحها علي كرعيها ودموعها ماجفوش بكل لساعات تمشي وادور علي مكان تقعد فيه عدت للبحر وقعدت عالكرسي المقابل تتفرج علي امواجه وخايفه تدعي تلاقي مكان تقعد فيه وشافها وائل كان يجري عالشط وحالاتها خلاته ايوقف بحت فيها وحول السماعات من وذنه وخداه نفس في هالبرد : خيرات واضح انك عربيه لان لبسك محتشم يا اختي كيف حالك تمام ؟
بحتت فيه وماردتش وقعدت ترعش اكتر واكتر
وائل قرر يمشي بس وقف وبحت فيها : انتي كويسه
ردت بخوف : لالا مش كويسه تعبانه وقعدت تكح
وائل قمعز عالكرسي وبحت فيها : لا باس عليك ليش تطلعي من الحوش لانك مريضه يا اختي برا برد قوي
فرح : انا ماعنديش وين نقعد جيت هجره غير شرعيه
وائل انصدم : هجره معقوله وين عيلتك ليش تهربي
فرح : عيلتي ميته انا عايشه مع عيت عمي كرهوني في عيشتي وهربت منهم وماعندي وين نقعد توا
وائل قعد ساكت لوقت يفكر شنو حايدير معاها : ااه خليك واثقه فيا وتعالي معايا اقعدي في الحوش عندي وانا حاندورلك علي شقه اجار قريب من عندي تمام
