اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#وجوه_مستعاره 👥 جديد الحلقه الٱخيره ✍🏼 خلود سكرت علي روحها غرفتها وتهربت من ميلاد خوها يلي يحاول معاها عشان اتوافق علي موسى بس صعب والله صعب بالنسبه لها هو زوج صاحبتها المتوفيه 💔 يلي زي اختها كيف حاتتزوجه دموعها شلال نزلو ومش عارفه شنو حادير طلبها اكتر من مره ليش هالأصرار قعد هالشي مجننها اشويه وعقلها مشتت ولا عارفه مع من تفضفض خواتها متزوجات وقعدت بروحها ولو حكت لأمها مش حاتفهم عليها قررت تمشي وتصلي ركعتين
اما نعيمه دارت اختبار الحمل في الحوش وهي تدعي ان تطلع حامل وطلع خطين نزلو دموعها اول ما جاه ميلاد وهو مضايق من رفض خلود لموسى عدتله : ميلاد حبيبي ميلاد بحت فيها وشاف حالتها : كنك شنو سبب هالفرحه نعيمه : انا حامل والله حامل فرحانه واجد الحمدلله يارب ميلاد بفرحه : الحمدلله هضا احلى خبر نسمعه خلينا نمشو نتأكدو وناخدو معانا ساره وينها هي الفصعونه نعيمه وهي تمسح في دموع الفرح : في الدار تتفرج ميلاد عدالها : سرو السمحه هيا عندنا مشوار وتواا ساره تتفرج ومنسجمه : وين باهي خليها بعدين اشويه ميلاد يضحك : ريتي الفصعونه يا نعيمه تعالي شوفيها نعيمه جات ولقتها منسجمه تتفرج ولا معدله علي حد قعدت تبتسم : نجيها ياربي ملاك وربي يحفظها يارب ميلاد : امين خلاص بعد توافق الطشه حانمشو تمام نعيمه : والله فرحانه طاير عقلي نتمنه من كل قلبي ان يتبت الحمل ويجيني بيبي ونشوفه يكبر قدام اعيوني ميلاد ابتسم : يارب يجبر بخاطرنا وربي كريم يا غاليه نعيمه حضناته وفرحتها لا توصف علي نطت ساره وهي فرحانه : كملت الرسوم هيا وين نمشو 😍 هيا وهما انفجرو ضحك علي تصرفاتها وضحكها حضنوها مع بعضهم ونعيمه قالت : تحبي يكون عندك اخ او اخت ساره بحتت فيها وابتسمت : أختين زي زهره وياسمين واخ زي سند وهما انفجرو ضحك علي كلامها 😂 ميلاد : ان شاء الله يارب وغمز لنعيمه يلي فرحت
وليد في غرفته خشت عليه امه : شنو انديرو الغداء اليوم وليد : عليش تسألو فيا ديرو يلي تبوه انتن المسؤلات الحاجه منيره : نبو نديرولك حاجه خاطرك فيها وحنان ناويه اديرها قاعده تحت هيا تأخر الوقت يا وليدي وليد ابتسم : والله مش عارف ومسك وسام ولده : انت قول يا روح البابا شنو تبي غدانا اليوم وقعد يضحك لان وسام مزال صغير ومايحكيش بس يلعب ويدير في اصوات باسه وهو فرحان بيه : هو كل شي يا غاليه امه وهي تبتسم : ربي يحفظه لكم ما شاء الله يشبهلكم وليد : يشبه لأمه اكتر وعلي سيرة امه قوليلها ادير يلي تبيها وكأني انا نبيها عادي وانا خلاص بكرا حانمشي للشغل ليا فتره متريح سادني راحه حانتعود عالكسل امه : خايفه عليك علي الاقل امشي الاسبوع الجاي وليد تنهد : حاضر عشانك بس ولكن ادبالكم تغيرولي رأي امه : لا خلاص لو حاسس انك متريح وتبي تمشي مش حانمسكك اهم شي دير بالك علي روحك وسامحناا وليد بحت فيها : انا مش زعلان منكم صدقيني والماضي عدا خلاص نسيته وحنان هي نصيبي وانا قلتها لها من البدايه لكن مع الاسف فهمتني غلط وانا واجد انهرت وقتها من الظلم عديت لكن الحمدلله امورنا تمام حاليا امه : الحمدلله هضا المهم بالنسبه لنا هو راحتكم وعدت ماقدرتش تقعد حداه اكتر من هك خاصة ان بسببها هي والحاج تزوج حنان ولكن دابينه متريح هو وياها أطمنو
