#وجوه_مستعاره 👥 جديد الحلقه 23 ✍️
رهف رقدت بناتها التؤم ونزلت تحت حست بأحساس شين لما عرفت انه حنان ونجوى ونور زارو عيلتهم اليوم ويشوفو في باتهم وامهم بس هي لا 😔 بحتت في فرح يلي شافتها وحست بيها : رهف ليش ما عديتي وزرتي اسيل ليش هالحزن يلي في عيونك
رهف قمعزت جنبها : حتى لو عديت وشفت اسيل في الاخير هي مش امي ولا باتي انا مرايفه عليهم واجد
فرح : وانا مرايفه علي عيلتي بس حانشوفوهم في الجنه خليكي قويه زي ما نعرفك ماتضعفيش
رهف : لما قعدت بدونهم خلاص الضعف سكن فيا
فرح ماعرفتش شنو ادير واضح انها مرايفه عليهم وحزينه بكل هي مش قادره تصبر نفسها حاتقدر علي رهف اكيد مش حاتقدر تنهدت وشافت وائل جاه من الشغل فحبت تمشي للغرفه وتخليهم بروحهم اشويه
وائل جاب مستلزمات بناته ولما شاف رهف مقمعزه ومضايقه عزقهم من ايديه وجاها وقعد يبحت فيها قعدت تتهرب تبحت فيه ومسحت دمعتها قمعز جنبها واعيونه عليها : رهف كنك ليش مضايقه في حاجه ؟
رهف : مافيش شي بس رايفت علي عيلتي واجد 🥺
وائل لمعو اعيونه ومسك يدها : انا عيلتك انا باتك وأمك مش شايفتيني هكي ؟ انا معتبرك أمي وروحي وكل شي في دنيتي بدونك يا رهف صدقيني ما تلقيني عايش مع خوتي انا عشانك قاعد هنا ونشوف في الحاج يلي دمر حياتي والله عشانك ومسح دموعها يلي نزلو : انا مانقدر نتحمل نشوف دموعك لو تحبيني ماعش تبكي ولا تزعلي خليكي قويه وينها يلي لبست اقنعه عشان تهزني ولمس وجها بيديه قوليلي وينها يلي جات للفيلا وبسببها غيرت حياتي كلها مش انتي ؟
رهف ابتسمت وحضناته : انا نحبك واجد وانموت فيك
الحاج طاهر لما شاف وائل جاه وخش للحوش قعد يحرك في عجلة الكرسي امتعه ولما وصل للباب شافه عدا لرهف وحكاه معاها وكان في مسافه ماسمعش شنو في ولكن واضح ان زوجته كانت مضايقه واجد
قعد يبحت فيهم وبصوت مسموع : لعند امتى يا وائل ماتبيش تحكي معايا متجاهلني ولا شايفني قدامك حنيت عالكل وانا لا عارف اني قسيت عليك واجد وكنت السبب في كل شي صار معاك بس سامحني وعطيني فرصه اخيره قبل ما نموت ونتحاسب علي كل شي درته في حياتي تبيني نموت وانت مش شايفني ولا تبحت فيا خاطري نمسك بناتك 💔
وائل بحت فيه ورهف مسكت يده شدت عليها : هضا باتك شوفه كيف ندمان ومضايق لو سمحت سامحه
وائل قعد يبحت في الحاج وساكت اول مره يشوفه هك يتعذب عشان متجاهله ومش معبره ولا مسك بناته نزل راسه ورهف تحاول معاه : عشاني امشيله
وائل بصوت يوجع : وانا العذاب يلي شفته وموت امي كيف تبيني ننسى هالأنسان دمرني وقهرني وقتلني
رهف : بس هو ندمان هضا باتك لو كنت مكانك حانسامحه يا وائل اها ماتبحتش فيا هكي ما تنصدم فيا لاني ما غلطت حانمشيله وما نقاطعه انتو عايشين في نفس المكان وادير فيه هكي حرام عليك بكرا لما يصيرله حاجه ويموت حاتندم طول عمرك يا وائل وعدت وسيباته مصدوم وهو يبحت فيها اول مره تحكي معاه هكي حس روحه صغير قدامها بحت في الحاج يلي نزل راسه ووخر كرسيه سمعه يبكي حط ايديه علي كرعيه حسهم متجمدات مش قادر يصبي ويشوف الحاج بعيونه وهو يبكي شد عليهم وبصعوبه صبا وخطواته بطيئه جدا كل خطوه يقدمها اتوجع
