#وجوه_مستعاره 👥 جديد الحلقه 24 ✍🏼
وائل خش جوا بعد كلموه يبو يشوفوه ويسلمو عليه خاصة اخته نجاح : عليش تبكي ما فيا شي يا هبله
نجاح : والله خفت عليك واجد لو سمحت دير بالك علي روحك وحافظ علي صحتك فاهم اسمع كلامي
وائل كر وذنها : وتتأمري اخرا ههههه اسكتي خلاص بلاش هبال ونبي بناتي جيبيهم نبي نشوفهم وتوااا
نجاح بمكر : لانك كريت وذني مش حانجيبهم كلم زوجتك رهف خليها تجيبهم لكي بباي وعدت وهي تضحك وهو انفجر ضحك عليها : يا رهف تعالي
رهف جاته : عيونها لرهف همممم في حاجه
وائل بأبتسامه : نبي انشوف بناتي جيبيهم ليا
رهف ردتله البسمه : من عيوني الاتنين حانجيبهم لكي حاضر وعدت تجري وهو يضحك : والله هالبنات حايجنوني معاهم وبحت في نعيمه جاته وسلمت عليه هي وساره : الحمدلله علي سلامتك يا غالي كيف حالك
وائل : الله يسلمك كويس واشر بعيونه علي ساره كنها الاموره زاعله ومسك يدها وباسها وهي تبحت هههه
نعيمه : تتعارك مع بنات حسام يغارو من بعضهم
وائل : معناها الله يستر بعد يكبرن بناتي يتكن عركه
نعيمه ضحكت : اه منك انا وين وانت وين ههههه
وائل : شنو ندير ههههه وبحت في بناته وحده عند رهف ووحده عند فرح شال بالوحده : نجكم ليا وخلاص وباسهم وحضنهم وهو فرحان واعيون رهف عليه ❤😻 وهو شافها ودار روحه مش شايف 🔥
الدكتور منير قاعد في حوشه ويرجا بفارغ الصبر ليلة عرسه مع نجاح : زعما حاتطلع اشر من سلوى ولا اخف منها خايف تستفزني من اول ليله وانا نبيها علي هداوة كم يوم ويبدأ اللعب الصح وقعد يدخن ويبتسم شنو ورانا نستنو وخلاص وحط علي فيلم يتفرج عليه
كل يوم يمر كان حلو عالجميع خاصة ميلاد ونعيمه فرحتهم بساره فرحه لا توصف كل يوم يطلعو يدهورو ويغيرو في جو وهي طاير عقلها من الفرحه وتعلقت بيهم واجد وحبتهم حب كبير ولكن كرهت المزرعه عشان بنات حسام ما يحبوهاش ويضربو فيها 💔
اما اسراء لاهيه في مشروع التخرج امتعها واذكرت بعد حكت لعمران غلطها 🔥 بحت فيها بعد قعد ساكت ل5 دقايق : شوفي يا اسراء مافيش حد ما يغلطش وكلنا نغلطو لكن في ناس عندهم ان البنت لما ادير حاجه غلط معناها خلاص لازم تنقتل وهالشي غلط ولكن بالنسبه ليا انا حبيتك من كل قلبي ومزلت نحبك بعد صارحتيني بالموضوع هضا حانقولك انا راضي فيكي ومستعد نتزوجك اليوم قبل بكرا انتي بس وافقي عليا وحانعيشك ملكه صدقيني نحبك ولو انا كنت مكانك حاتخليني ؟ لاني غلطت حاتمشي وتخليني واتقولي لا ما نبيكش انت غلطت وكذا خلاص ما نبيك
اسراء : اكيد لا مش حانقولها بس حانفكر اكتر وانت ما فكرتش لوقت طويل سكتت 5 دقايق وقلت يلي عندك
عمران : لان مش مستحق تفكير يا اسراء بالعقل هي قتلك نحبك ونبيك مانبيش غيرك وافقي عليا لو سمحتي عطيني فرصه انا ما صدقت شفتك بعد 5 سنين تبيني ننسى اني شفتك ونمشي معقوله هكي
اسراء : لا مش هك قصدي بس خايفه من المستقبل
عمران : ما تخافيش خليك واثقه فيا نحلف عالمصحف عشان تصدقيني لو تبي انجيب مصحف ونحلف عليه
اسراء : لا عيب مستحيل نديرها ومسحت دموعها
عمران : انا والله ما نتحمل نشوف دموعك ريحيني وقولي راضيه عليك يا عمران قوليها وفرحيني يلا
اسراء : بعد يلي قلته وتبيني نرفضك انا ندمانه لأني زعلتك زمان رغم يلي درته فيك مزلت تحبني 😔
عمران : حانقعد نحبك ونحبك لأخر يوم في عمري
