#وجوه_مستعاره 👥 جديد الحلقه 19 ✍️
خالد شاف الفيديو مره تانيه وهو زعلان بس لاحظ شي وقال وهو يبحت في وليد : هذي طريق الرئيسيه متع شارع الحاج محسن يلي عديتلهم وحكيت معاهم
وليد بحت فيه واستغرب : وليش ليث وفرح غادي ؟
خالد : اها اذكرت هو اتصل بيا في الصبح وخداه العنوان استغربت بس اصر عليا وقال نبي نحكي معاه
وليد : وليش خداه فرح وعدت تجري شي غريب
خالد : توا ينوض ونسألوه اكيده في شي بينهم
وائل ينعس وهو عالكرسي بس قاوم وصبا وقعد يمشي في نفس المكان وكل اشويه يبحت في الزجاج كان واضح التعب والأرهاق فيه حس راسه يبرم والدنيا دارت بيه طاح عالارض وفقد الوعي ومنضره وهو طايح يوجع 💔 ومؤلم جدا خطمن ممرضات وشافوه وحده منهم منعجبه بيه انصدمت لما شفاته طايح علي ضهره قربت منه : تسمع فيا يا ناري مسكين كلمي الممرض يشيله يا نوران وانا حانقعد معاه لعند ما اتجي
نوران هزت راسها : تمام وعدت كلمت الممرضين ولحقوها جابو معاهم الناقله ورفعوه وعيون سجى عليه لحقتهم وبعد طلعو هي يلي شافت حالته وقعدت تتلمس فيه وتبتسم وحرارته نار خشت عليها نوران بحتت فيها : شنو اديري يا مجنونه حسيتك مهتمه بيه واجد وبعدين انعميتي متزوج لابس دبله خليه في حاله وخلينا نمشو ولكن سجى مابتش : لا حانقعد معاه
نوران تأففت : مش شوري بيك انا حانمشي باي وعدت
سجى سكرت الباب وركبتله التغذيه وقمعزت عالكرسي سمعت تليفونه يرن طلعاته من جيبه ( رهف حبيبتي )
سكرت التليفون علي وجها وقعدت تبحت فيه وتبتسم
رهف انشغلت عليه : غريبه ليش سكر عليا الخط
نعيمه بحتت فيها : انتي اتصلتي علي وائل
رهف : اها لان قتله حانطمن عليك بعدين وقال باه
نعيمه : اكيده نعس ما تخافيش عليه وائل قوي
رهف : هو قوي ولكن ما يتحمل يفقد ناس يعزهم
نعيمه : ولا نحنا حانتحملو وان شاء الله خير يارب
رهف : ان شاء الله وعاودت تتصل عليه لقاته مقفل في نفسها وينك يا وائل ياريتني قعدت معاك بس انت عنيد وماتبيش انتعب روحي معاك اه ياربي 😔
وائل فتح اعيونه لقاه روحه عالسرير والتغذيه واصله فيه حولها من يده بعصبيه وصبا علي جيت سجى لعنده : وين ماشي خليك انت تعبان وبحاجه للراحه
وائل هزبها : وانتي شنو دخلك من سمحلك تجيبيني هنا وانا قلت مانبيش نخلي خويا وخداه تليفونه وطلع وهي رقيتلها ولحقاته : يلي ادير في غلط واضر في نفسك ليش عنيد هكي انت ريح روحك واهتم بصحتك
وائل عطاها نضره خلتها تسكر فمها وتمشي وشاف ساعة التليفون ولقاه وضع طيران : من التافه يلي داره هكي وبحت في سجى يلي تمشي وكل شوي تبحت فيه ورد بحت في التليفون عدله وهمس : وحده تافها تسحبني مانندريش علي نضارتها قليلة ادب خزي واتصل برهف : الو اهلين ياعمري لا كويس انا اطمني
رهف : اتصلت بيك من نص ساعه اشويه سكرت علياا
وائل : والله مانندري وانتي متأكده اني سكرت عليك ؟
رهف : اها بس مش مشكله اكيده نشتها المهم دير بالك علي روحك قلبي معاك يا عمري نحبك وانموت عليك
وائل ابتسم : وانا قلبي معاكي وانحبك يلا ليلتك طيبه
رهف : وليلتك وان شاء الله نتصبحو عالأخبار الحلوه
