#وجوه_مستعاره 🎭 جديد الحلقه 13 ✍️
ليث يبرم في الغرفه ومشغول باله علي اسراء سمع الباب انفتح وخش الشرطي قرب منه : بنت عمتك ناضت اليوم وماشي انشوفها بكرا ونحقق معاها وانت حاتطلع بكرا لو كلامها صح وطبعا لو عيلة الشاب وافقت وتقبل بالفلوس وما تنحبس تمام هكي !
ليث فرح لانها ناضت : شكرا يا شرطي بارك الله فيك
رد : ولو يا ليث وخوتك صبو معاك ربي يحفظكم
ليث تنهد واذكر وائل لحظتها اذكر يلي داره فيه
الشرطي طلع وخلاه بروحه مضايق وفرحان في نفس الوقت لان ناضت اسراء خاف اتموت مش حايتحمل
خالد : باهي هو وينه ليش اختفاء نبي نشوفه
وليد : عدا ولا عارف شنو صاير معاه تغير واجد حسيته مش طايقنا ولا بحت فيا تجاهلني بكل
حسام : اكيد في شي صاير معاه او خلاف بينه وبين ليث لان كان موجود في المستشفى وبعدها اختفاء
وليد انصدم وشك في الموضوع وهمس ليث وصبا بسرعه : توا انجي عندي مشوار مهم وحانجيكم
حسام : وين ماشي بس لو لقيت وائل عرفنا عليه
خالد : بس يا جماعه لازم تعرف امي وخواتي بسيرته
وليد : حايعرفو في الاخير لكن مش توا خلينا نجيبو وائل غصبا عليه ويعيش معانا وقدام اعيون الحاج هو يلي غلط وما اعترفش فيه بسببه صار هضا كله معاه
حسام : اي والله باتي غلطان وان شاء الله تلقا وائل
وليد : حانلقاه وانوريه وعدا يجري بسرعه لعند مركز الشرطه وخش عالضابط : السلام عليكم كيف حالك
الضابط : وعليكم السلام تفضل والحمدلله علي سلامة بنت عمتك وبكرا حايزورها الشرطي ويحكي معاها
وليد : الله يسلمك شكرا بس نبي انشوف ليث توا
رد : حاضر بس ما اطولش لان ممنوع واكتر من 10 دقايق مانقدرش نخليك تقعد عنده تمام ؟
وليد : مش حانطول وشكرا وعدا لعند ليث بعد فتحوله الباب وخش عليه : كيف حالك اليوم يا بطل
ليث بحت فيه : الحمدلله وانت شنو امورك
وليد : مش كويس لان وائل شفته امبدري وصدني وعدا مش فاهم كنه وليش تصرف هكي معايا
ليث : ليش هو جاه من روما وامتى علي اساس عداا
وليد جاه لعنده وبحت فيه : يعني انت تعرف بتصرفه وفوقها سافر اخرا ليش ! احكيلي كل شي صار وتوا
ليث ارتبك : لا مافيش شي بس يعني فشيت غلي فيه
وليد : فشيت غلك ولا حكيت كلام زعله او ضاربه لان وجه مجروح شنو داير لخوك احكي عليش ساكت
ليث بلع ريقه وبحت فيه : ماكنتش بوعي بصراحه حكيت كلام واجد وهو متعلق بيا وانا لزيته من حياتي
وليد : ما شاء الله عليك تستحق جائزه كبيره وضربته صح تي لزيته عشان بنت صح عشان اسراء درت فيه هكي تي هضا خوك لو اتشوف حالته خداه رهف وعدا
ليث عيونه حمر : قتلك مش بقصدي كنت معصب
وليد : لا هالكلام مايهمنيش احكي بالضبط شنو صار
ليث شرب اميه وخداه نفس وبدا يحكي من اول ما اتصلت خلود بيه وهزباته وليد انصدم من سيرة خلود بس قعد مركز في كل حرف حكاه ليث لوائل وانصدم
وليد : انت جنيت كيف تحكي معاه هكي تي كيف
ليث نزل راسه وماردش عليه ماقدرش يبحت فيه
وليد : هضا خوك يا ليث لو مهما كان السبب ما تقوله هكي راه كلامك كبير الله اعلم شنو ناوي يدير ووين حايمشي تي خداه زوجته وعدا اختفاه وين حاندور عليه وين وحتى مانندريش انه سافر اخرا او لا وخوتك يبو يشوفوه يبو يحكو معاه ويتعرفو عليه من اول وجديد وانت بكلامك وضربك له هججته ممتاز نهنيك وراه نزلت من عيني وعدا وسيبه خلاه مصدوم
