#وجوه_مستعاره 👥 جديد الحلقه 18 ✍️
خلود بحتت في امها ومش عارفه كيف حاتحكيلها عالكارثه يلي صارت : امي نبي نقولك موضوع وخايفه عليكي لان يلي صار حايصدمك وما تخافيش مش باتي ولا اختي هما كويسين وصحتهم ابخير الحمدلله
الحاجه سميه خافت : باهي شنو في احكي بسرعه
خلود : ااااا خالي الطاهر دار حادث وخبطه بطاح تسبب في شلل نصفي لخالي وامها انفجعت : يانعليا امتى صار الحادث عليك قهره لا حول ولا قوة الا بالله
خلود مسكت يدها : اليوم الضحى صار الحادث وبصراحه ليث عزق روحه علي سياره تجري وهو في العمليات توا هو والبنت يلي اسمها فرح مع بعضهم
الحاجه انصدمت من يلي سمعاته من خوها وولده وفوقها زوجها وبنتها مزالت ما تريحت عليهم قعدت تبكي وحالتها حاله وخلود مسكينه تهدي فيها ومش قادره تطلع من الحوش تحسبت علي سالم طليقهااا
وائل صبا وبحت في غرفة العمليات : انا السبب لو ما خشيتش لحياتكم كان ليث وباتكم اكويس وحتى اسراء كويسه وجودي دمر عيلتين بحالها وانا السبب وفرح ورهف بسببي حتى هما يعانو ودمرت حياتهم
وليد صبا وبحت فيه : يا وائل مش وقته هالكلام ادعيلهم بالله عليك اعصابي خلاص ما تزيدهاش
حسام : ماعش اتقول انت السبب هضا قدر مكتوب علي جبينك مافيش حد يعرف شنو مكتوبله غير ربي
نعيمه مسحت دموعها : ولا في حد يضر نفسه بدون سبب يعني ليث ويلي داره في روحه من حبه لهاا للهدرجه مستعد يموت معاها بعيد الشر عليهم
وائل : ليث يعشقها مش يحبها وبس مستحيل حايتحمل يشوفها قدامه هكي ويقعد ساكت هو حساس بكل وطيب ويلي داره يوجع وقعد يبكي
خالد : خلاص يا شباب ماتبكوش وخلينا نسألو شنو صار معاهم مش معقوله توا لهم ساعتين جوا وعدا يدق عليهم : وينكم طمنونا علي الاقل حسو فيناااااا
دكتور منير بحت في جهت الباب وقال : ممكن تقوليلهم يمشو لمكان اخر الهرجه والصوت يوتر فيا
الممرضه : حاضر بس ماعش في اكياس دم كملوو
دكتوره نسرين : لا هذي مشكله ياريت تسأليهم نبو دم نزفو واجد يعني بالكتير محتاجين لكل شخص كيسين
الممرضه هزت راسها وطلعت عليهم كلهم قربو منها وخايفين : لو سمحتو ياريت تصبو في مكان تاني او تسكتو لانكم توترو في الداكتره جوا وهما انضغطو واجد لان هما الاتنين حالتهم صعبه ومحتاجين لدم ضروري كل فرد كيسين علي الاقل + A- / B
وليد : انا +B جاهز نعطي حتى لو دمي كله
ميلاد : وانا +B زيك نتقاسمو ونعطوهم المهم يعيشو
نجاح صبت وكانت منهاره ودموعها شلال وهي تعرف شنو فصيلة خوها : حانعطي من دمي لفرح -A
الممرضه : مافيش متبرع اخر ضروري كيسين لكل فرد
خشت رهف وهي تبكي بعد علمت يلي صار : انا حانعطي فرح هي نفس فصيلتي -A
وائل بحت فيها : لا انتي حامل ماتقدريش تتبرعي
ممرضه : لا اسفه الحامل لا نبو متبرع اخر وياريت يلحقنا واشرت للمتبرعين ولحقوهاا للغرفه
وائل قرب لعندها : من جابك هنا وكيف علمتي
رهف تنهدت : اتصلت بنجاح وهي حكتلي وجابتني اسيل توا اتجي قاعده تحت وقعدت تبكي عليهم
وائل : خلاص اهدي ماعش تبكي وتريحي عالكرسي
حسام اتصل علي زوجته : انتي فصيلتك -A صح
نور استغربت : اها عليش تسأل في حاجه ؟
حسام : وتي روحك حانجي توا ناخدك وحانحكيلك في الطريق تمام وسكر الخط : انا زوجتي زي فرح توا نعدي نجيبها وانجي بسرعه وعدا وكلهم خايفين عليهم
