#وجوه_مستعاره 👥 جديد الحلقه 20 ✍️
رهف تسكت في نور تبيها تسكت ولما سكتتها قعدت فرح تبكي : يانعليا راسي حاينفجر خلاص وو اسكتو
اسيل جات وشالت فرح : اهدي يا عمري خلاص
رهف بحتت فيها : ووو راسي وجعني وتعبوني واجد
اسيل : وسعي بالك يا رهف توا يجي وائل وحايسكتن
رهف : هو عودهم عالشيل ويمشي ومستحيل يقعد هنا طول الوقت وانا تعبت ماعش درت شي بسببهم
نعيمه جات وسمعتها : امممم لو تحبي ناخد وحده منهم ونساعدك فيها تقعد حتى في الحوش عندي
رهف ماعرفتش شنو اتقول وفي نفس الوقت لو قالت لا مانقدرش نقعد بدونهم حاتزعل نعيمه يلي مزالت ما حملت لعند هاللحظه بعد وفاة جنينها في بطنهاااا
نعيمه لاحظت سكوت رهف وفهمت : براحتك انسي اني حكيت وقمعزت خدت فرح وباستها نجك لياا
رهف : لا انتي فهمتيني غلط وخودي فرح معاكي بس اكيد توا اتعبك عارفتها انا ولو تعباتك جيبيها باهي
نعيمه حضنت فرح وهي فرحانه : حاضر توا بعد نروح بعدين ناخدها معايا وتيلها دبشها وحجاتها وقعدت تلعب في فرح ورهف ماحبتش تكسر بخاطرها ووافقت رغم انها مش متعوده تكون بعيده علي بناتها 🥺 يلي عمرهم 5 شهور حاليا واسيل حاسه عليها وزعلت علي نعيمه يلي خاطرها تحمل وأتكون أم هالشي يوجع
حنان خشت للغرفه لقت وليد راقد مع ولده وسام ومنضرهم يجنن مع بعضهم قعدت تبحت فيهم وتبتسم حست عليه فتح أعيونه وبحت فيها : الساعه كم وقعد يتاوب ويتكسل وهي ماردتش وسارحه فيه
وليد قمعز وبحت فيها : هههه كنك سألتك عالساعه ؟
حنان : اااه توا الساعه 4 والعصر اذن توا هيا نوض
وليد صبا وبحت فيها : حاضر واهو صبيت وعدا وهو يبتسم علي تصرفات حنان وبعد توضا وصلى طلع من جناح امتعه ونزل تحت لقاه بنات حسام يلعبن ومعاهم ولد خالد اسمه سند : خيرات يا كتاكيت كنكم منكلبين
سند : فرحانين واجد يا عمي لان عايشين مع بعضنا
زهره بنت حسام : وحانعيشو ديما صح يا عمي ؟
وليد : اممم مزبوط بس الله اعلم يمكن بعد نكبرو كل واحد يستقر في حوش بروحه افضل شي 😁
ياسمين اخت زهره : ليش ما نقعدو ديما وديما اخرا
جاه باتها وسمعها : علي شنو تحكو انتو وقمعز
وليد : يا سيدي بناتك والسيد سند يبو اللمه هذي علي طول يعني نعيشو مع بعضنا في المزرعه يلي أنتقلنا فيها قبل سنه مع انها كبيره وواسعه بس اكيد مش حانقعدو ديما ولا شنو رايك انت الكبير وعارف يعني
حسام : اكيد انا عندي بنات حاليا زهره 7 وياسمين 9 وانا بناتي حايكبرن وعويلكم حايكبرو يعني مش حانخليهم في نفس المكان وهمسله خايف عليهم
وليد ضحك : والله انت تفكيرك عدا بعيد ههههه
سند ولد خالد عمره 8 سنين رقيتله عشان مش حايقعدو ديما مع بعضهم ومسك يد زهره : تعالي نلعبو في الجنينه وهي طلعت وتضحك معاه ولما لحقتهم ياسمين تعقد سند ومايبيهش تكون معاهم بكل هههه
وليد ضحك : ريت ولد خالد الفصعون ما يطلع منه
حسام : وانت تسحبني مانحقش فيه غار توا صغار مش معدل لكن يا ويله لو استمر يمسك يد بنتي بعد يكبرو نوريه عليها وبعدين ولدي صغير بكل عمره شهرين توا يكبر ويوريهم كلهم ههههههههه
ووليد من امبدري وهو يضحك وحالته حاله
خالد كان يصلي وجاهم : خير كنكم تضحكو هكي
حسام : ولدك راقيتلي منه طول الوقت لاصق في زهره
خالد انصدم : جنيت انت تي صغار يا راجل من توا مضايق منه عليك حاله وخلاص وقلب وجه ما يتحمل في شي في ولده سند ولا في بنته الصغيره حلا 😂
وليد بمكر : انا بعد يكبر ولدي وسام حانقوله يلزق في بنتك حلا هههههه ونقعد اشر من حسام اخرا هههه
خالد : والله يا وليد نلقا ولدك الفصعون لاصق فيها نوريه ووليد منفجر ضحك وحنان لما سمعت صوته قعدت تراقب فيه من بعيد وفرحانه وطيرت عقلها ضحكته وفي نفسها : ربي يدوم يا نور اعيوني ❤
