#وجوه_مستعاره 🎭 جديد في الحلقه 7 ✍️
رهف بحتت في الخادمه : لو سمحتي ممكن نعرف من وائل ومن ليث راه راسي حاينفجر زوجي يشبه حد اخر ومايبيش يحكيلي شنو الموضوع فهميني ارجوكي
ردت : انا اسفه يا مدام مانقدرش نحكيلك شي اسفه
رهف عصبت : يا ليث تعال هنا وفهمني وينك تعال
وائل جاه بداله وربع يديه : نعم ناديتي عليا ؟
رهف زادت عصبت : بلاش سماطه انت وائل وين ليث
وائل بأبتسامه : لا انا ليث وهو وائل هضا يلي نقدر نقوله لك وهو وافق عليه يعني انا ليث وهو وائل
رهف مصدومه وبحتت فيه جاه توا وحول طقيته يلي علي راسه : انا اسمي وائل مش ليث يا مدامي الحلو
رهف : جننتوني ماعش فهمت شي وقربت منه يعني انت زوجي واسمك وائل صح ليش كذبت وقلت ليث
وائل ابتسم : لو مادرتش هكي ماكنتش حتى تعرفت عليكي ولا شفتك ولا قعدتي زوجتي توا وغمزلهااا
ليث ضحك : خفها عالمسكينه يا كبير جننتها راه
رهف بحتت في ليث : انت اصغر منه وليش تشهبو بعضكم فهموني ليش انت تشبه وائل او ليث
وائل : اعرفي بروحك ولكن عرفتي شي واحد وهو انا الكبير وهو الاصغر مني ب6 شهور 😎🔥
رهف فتحت فمها : شنو ومن ايكون هو خوك ؟
وائل : مزبوط هو خويا وانا خديت مكانه لا اكتر
رهف : كيف هذي ؟ من هو ولد الطاهر بينكم ؟؟
ليث بأبتسامه : انا ليث الطاهر وامي منيره ووائل استعار كل شي يخصني وهو شقيقي من الاب
وائل بحت فيها : انا يتيم الام زيك بس كان الناس يقولو عليا ولد حرام ونزل راسه عليش ماكنتش مصدقك لما قلتي انك يتيمه وتبناتك اسيل رباتك
رهف مصدومه اول مره تشوفه مكسور هكي
وائل : لو تبيني نحكيلك كل شي اوعديني انك ما تخليني ولا تطلبي الطلاق لو سمحتي خليكي معايا
رهف ترعش ولكن فضولها يبي يقتلها : تمام نوعدك
وائل ابتسم وحس بفرحه لا توصف ومسك يدها : تعالي لغرفتنا نحكو علي انفراد نستأذن منك يا خوبا
ليث : خود راحتك وفهمها كل حاجه وبهدوء تمام
وائل : حاضر وعدا هو وياها للغرفه وسكر الباب
رهف : هيا نسمع فيك احكيلي كل حاجه وتوااا
وائل ضحك : فضوليه انتي يا نحله ناعليا منك
رهف تأففت : هيا احكي راه جننتني ماعش فيا علي اساس شايلني لشهر عسل لقيت روحي في دوامه
وائل بخبث : توا مش انتي نحله خلاص العسل يجي من النحله يا عسل انتي وقبل ما تقول حرف باس خدها بهدوء ، توترت ووخرت اشويه : نسمع فيك
وائل : تمام وعدا شور الروشن وفتحه وقعد سارح اشويه وكأن يدس في نضارته يلي تقطع القلب 💔
شوفي انا نكره الطاهر كره لا يوصف حانقولك ليش قبل 28 سنه كان يعرف امي حليمه هي ارمله حباته عشمها بالزواج وهي عشان اتحبه سلماته نفسها وبعد حملت منه كان معصب وقتها بس عطاها 100 ألف بشرط تختفي من حياته هي والطفل وخلاص وافقت ولكن ماصرفتش قرش واحد منهم دستهم ليا ولما انولدت جيت طفل متشوه وعندي صوره حانوريها لك يا رهف وبحت فيها كان وجهي مخيف بكل عانيت واجد بعد كبرت اشويه كانو الناس والاطفال يضحكو عليا ويقولو ولد حرام ومتشوه اطرت امي تتصل بالطاهر وحكتله وضعي الصحي والنفسي تأثرت من كل شي صار معايا بس هو رفض ومايبيش طفل متشوه يكون ولده ولا يبي يشوه سمعته ولا يعترف بياا وامي وجعها يلي صار وندمت ندم شديد حكتلي كل شي صار بينها وبين الطاهر كان عمري وقتها 22 سنه قعدت ساكت وما حكيتش شي بس تأكدت ان كلام الناس صح انا ولد حرام فعلا مش يتيم علي قولتها الله يرحمها مرضت من الزعل عليا وعلي كل شي داره فيها الكلب طاهر وتوفت جاتها ازمه قلبيه وقتها حسيت روحي وحيد بكل وكل الناس عليا حتى بعد نمشي في الشارع يجرو ورايا الاطفال ويقولو وائل العفريت ونزلو دموعه قعدت نلبس في طقيه ونضاره حتى التعليم ماقدرتش نتعلم بسبب الناس كرهت روحي وخاصة بعد حبيت بنت جارنا نشوف فيها ديما ولما اعترفت بحبي لها شيرت عليا من فوق لتحت وقالت : ومن قالك اني حانوافق علي واحد زيك شوف وجهك في المرايه مفروض اتحب وحده زيك وضحكت وعدت
وقتها كرهت بنات حواء لمست وجهي يلي كان كبير واعيوني صغار بكل وكل شي فيا كرهته بسبب الناس لقيت رساله في صندوق امي بعد قررت نبيع الحوش عرفت ان هالصندوق في 100 ألف ولقيتها كاتبه اسم ولد الطاهر يلي اسمه ليث حكتلي عن صفاته وانه اصغر مني ب6 شهور طلبت نتواصل معاه وحايسعدني عطتني عنوان الفيلا ومابيتش انبيع الحوش دغري عديت للعنوان كانت فيلا فخمه بكل شفت الطاهر عرفته من صورته كانت عند امي بحتت فيه بحقد ولكن لما شفت شخص الحقد بح واختفاء هالشخص سبحان الله يا رهف لما شفته كيف ساعد طفل يمشي وتعتر في شارعهم صباه وعطاه فلوس ابتسم الطفل وبسمته خلتني نبتسم سمعته قاله : شكرا يا عمو ليث
وقتها عرفت ان هضا ليث بعد عدا الطفل هو شافني كنت مصبي مع الجنب عند الشارع قعد يبحت فيا وبعدها قرب في اتجاهي وبحت فيا اول مره نشوف شخص كيفه لا خاف من شكلي ولا شي بالعكس حط يده علي كتفي وقال : ربي يحفظك ليش حزين ؟؟
وقتها الكلام طار ومش عارف شنو صارلي عديت نجري وسيبته قعدت في الحوش اسبوع نقرا في رسالة امي وكلامها علي ليث بذات كيف تعرفه قعدت حاير واجد في الموضوع هضا عديت في اليوم التاني علي نفس الوقت والمكان شافني ليث وجاه لعندي مره تانيه بحت فيا : لو سمحت نقدر نساعدك احكيلي ؟؟
بحتت فيه : تعرف وحده اسمها حليمه وريته صورتها
هو شاف الصوره وعرفها : اها نعرفها كنت نشوف فيها في الشارع هضا قالتلي ان عندها شاب من عمري وطلبت ندعيله يكون بخير ويتريح وانا من وقتها وانا ندعيله وتوا كنت في الجامع ودعيتله بس انت منين تعرفها ؟ حسيت بأحساس لا يوصف وقلت : هي امي
ليث انصدم : يعني انت نفسه ولدها وابتسم انا فرحت عشان شفتك حاولت نوصل فيها ونطلب نشوفك بس لها فتره ماجتش بكل والمهم اني شفتك تشرفت فيك
انا بحزن قتله : امي ماتت لها كم يوم ونزلو دموعي
ليث وجعه يلي سمعه زعل علي امي واجد ومسك يدي وشد عليها بلطف : ربي يصبرك وانا اعتبرني خوك
انا قطعته وبدون تفكير قلت : بس انا خوك فعلا
