اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#وجوه_مستعاره 👥 جديد الحلقه 29 ✍🏼 وليد في كتره وسام وكان سارح اشويه جاته حنان وهي تبتسم : نسيت انقولك خلود جاها عريس طلبها ويمكن اتوافق وحاليا اتفكر في الموضوع خليناها علي راحتها وليد بحت فيها وبتوتر : اها باهي مبروك ان شاء الله ومن يلي طلبها راه يطلع زي الاول هي ما تستاهل حرام حنان : لا واحد كويس صاحب الدكتور زوج اختك نجاح وليد هز راسه وقرر يطلع صبا وعطاها وسام : انا نازل وعدا بسرعه لعند خوه وائل لقاه برا : اسمع اخر اخبار وائل بحت فيه واستغرب : خير شنو في نسمع فيك وليد : خلود يا وائل جاها عريس واحتمال اتوافق عليه وائل : وانت راضي عالموضوع وحاتتحمل يلي حايصير وليد : نصيب يا خويا بس زواجها حايشيلها من قلبي وائل : ادبالك يا وليد هذي اخت زوجتك افطن ولو حد سمع هالكلام صدقني كلهم حايفهمو بجوهم ويحتقروك وليد : صدقني عارفهم وان شاء الله يجيها نصيب خير مني اصلا انا الغبي تأخرت واجد وصار يلي صار وائل : القصه مش في تأخيرك انت نصيبك حنان مش خلود وصدقني حنان كويسه وباين انها اتحبك واضح وليد : عارفها والله لكن العيب فيا وان شاء الله خير وائل : بأذن الله خير انت طلعها من راسك خلود وانساها وليد : ان شاء الله نتمنى من كل قلبي اني ننساها هي مش ليا وحنان هي حياتي توا ومستحيل نخونهاااا وائل : اصيل يا خويا بس بعد عرس اسراء خود حنان وعدو لرحله مع بعضكم ماتخدش حد انت وياها بس وليد : حاضر وشكرا يا وائل لولاك يمكن انفجرت من الكتمان بس انت عليش مصبي هنا في حاجه ؟ وائل : كنت مع عيلتي فوق ونزلت اشويه لكن لقيت حسام وضعه مش تمام قعدت انبحت فيه من بعيد تعال نشوفوه كنه مافيش حد معاه حاسس ان مضايق بكل وليد بحت في حسام : خير ان شاء الله هيا نمشوله وعدو
الدكتوره بحتت في نجاح : مبروك انتي حامل نجاح فرحت : الله يبارك فيكي شكرا بارك الله فيكي الدكتوره : ولو اهم شي في الشهور الاولى حاولي ما اتعبيش روحك وتريحي واهتمي بصحتك كويس نجاح : بأذن الله حاضر توا نقدر نمشي صح الدكتوره : طبعا وتفضلي كتبتلك ادويه وعالوقت خوديهم نجاح : تمام وطلعت وهي فرحانه وطاير عقلهاا منير صبا وقرب منها : هاا طمنيني شنو صار جوا نجاح : انا حامل يا دكتوري حامل فرحانه واجد منير ابتسم وفرحته لا توصف : الحمدلله يارب هضا احلى خبر نسمعه في حياتي كلها ومن اليوم ادبالك اتعبي روحك وانا حانعطل شهرين نقعدلك في الحوش نهتم بيك نجاح فرحت : لو نندري انك حاتعطل كنت من زمان فكرت في الحمل لان بجديات القعده بروحي تخنق فيا منير ضحك : حاتملي مني صدقيني شهرين مش اشويه نجاح : لا اطمن مش حانحس بالملل ولا حانقولك امشي منير : حانشوفو وغمزلها وعدو مع بعضهم وهما فرحانين
