اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#وجوه_مستعاره 👥 جديد الحلقه 28 ✍🏼 حنان لقت وليد متصل بيها من وقت طويل عاودت الاتصال فيه : ايوا وليد في حاجه ؟ لقيتك ران عليا امبدري وليد تنهد : اها نبي أنقولك أقعدي عند عيلتك اليوم حنان : تمام أصلا مزال في حوسه عندهم صعب نمشي وليد : اقعدي الوقت يلي تبيه وبعد تكملي اتصلي انجيك حنان : حاضر بس كنه صوتك في حاجه حسيتك مش تمام وليد : لا بس راسي واجعني اشويه حانمشي نتريح وانتي ديري بالك علي روحك انتي ووسام بوسيه ليا الحنطوش حنان : سلامتك ان شاء الله وحاضر حانبوسه لكي وليد خداه نفس : تبي حاجه ناقصتك نجيبها لك حنان : لالا مانبيش شي غير سلامتك دير بالك علي روحك وليد : حاضر وسكر الخط واعيونه عالنجوم سارح فيهم وفي نفسه كل نجمه لها سر كبير رغم التقارب ببعضهم ولكن الغموض عنوانهم والشبه الكبير بينهم يحيرك تعرف من يلي واخد عقلك ولكن القمر مضوي عليك وموريك نجومه كاشفلك كل نجمه ولونها وضيها يساعدك تختار طريقك وانا طريقي هي زوجتي وولدي وسام وعيلتي فقط بحت في حوش الحاج حسين وعدا بسيارته وهو في عالم اخر بعد وصل للمزرعه عدا للجناح امتعه وتمدد علي فراشه من التعب بصعوبه رقد بعد يلي صار معاه ومجننه اشويه من التفكير
خلود بحتت في حنان : كنه وليد ليش متصل بيك واجد حنان : يا حنه قالي اقعدي عند عيلتك الوقت يلي تبيه خلود استغربت : بس غريبه ليش هالكرم ان شاء الله حنان بحتت فيها : كنك تحكي هكي ووليد كويس وماعمره قساه عليا قالي اقعدي الوقت يلي تبيه شنو كفر ؟؟؟ خلود : لالا مش قصدي ومعليش علي تدخلي اسفه وجات تبي تمشي وقفتها حنان : استني في حاجه كنك مضايقه خلود : لا ما فيا شي بس تعبانه وراسي حاينفجر حانمشي نرقد تصبحي علي خير وعدت لغرفتها وكان واضح عليها الضيقه مش فاهمه يلي صار اليوم وليش خله حنان هناا
اسراء تحكي مع عمران وتبتسم : امك من امبدري وهي تبحت فيا وفرحانه واجد اني اتخرجت ويطلع العرس عمران : امي حباتك خاصة اني قتلها رايدك من زمان اسراء ابتسمت : امممم باهي ما قلتلي امتى حددته ؟ عمران : حاتعرفي بكرا خوك ميلاد حانقوله ويقوللكم اسراء : خايفه تصدمني والوقت ضيق عالأستعجال عمران : انا خلاص مانقدرش نقعد ثانيه بدونك مستعجل اسراء ضحكت : بس بالطريقه هذي انا يلي حانتعب ونجري من هنا وهنا وحايكون في ضغط عليا واجد وانت متريح عاد عمران : ومن قالك متريح تي انا بدونك ميت تدريجيا اسراء : مش للهدرجه هههههه حاننغر بعدها 🙈 عمران : وانغري يحقلك تنغري يا نور اعيوني انتي اسراء ابتسمت وماقدرتش تحكي حرف واحد من كلامه وهو حاسس بيها ويبتسم : نحبك واجد يا خريجتي ههه اسراء : هههه وانا انحبك يلا تصبح علي خير حانرقد عمران : وانتي بخير نوم العوافي يارب هيا باي اسراء : باي والابتسامه ما فارقتها طاير عقلها وفرحانه
