اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#وجوه_مستعاره 👥 جديد الحلقه 30 ✍🏻 ما قبل الٱخيره (( إن الله مع الصابرين ))
حنان عيطت عيطه خلت الكل يرد عليها مره تانيه ويدق الباب يلي مسكرته بالمفتاح قعدت ترعش ومنهاره كانت حالتها حاله عدت فتحت الباب : وليد افعى لداغته 😭 خوته الأربعه أنصدمو : شنووووو أفعى ؟؟؟؟ حنان : اها افعى وأتصل قبل اشويه وقالهاا ليا والله حسام : ما قالكش وين قاعد في اي مكان عشان نمشوله وائل قعد يتصل بوليد بس مافيش رد : مايردش بكل اذكري يا حنان بلكي قالك وين قاعد بسرعه لو سمحتي حنان تبكي : والله مانعرفش قالي هكي وسكر الخط رهف : دورو عليه راه يموت الافعى سامه 🥺 يمكن ليث : مستحيل نتفرج اصلا حانمشي نشوفه وطلع ولحقه وائل كل واحد عدا في سياره ومزالو مستمرين يرنو عليه
كان في شلة شباب زاردين ويبو يباتو ودايرين مخيم عدو 2 مع بعضهم يدهورو وجات عينهم علي سياره والعه تضوي وبابها مفتوح استغربو وبعد قربو منها لقوه واحد طايح وحاط يده علي يده التانيه وفاقد الوعي انصدمو واحد منهم قال : من هضا وشنو صاير معاه بسم الله صاحبه : مش عارف بس فوته مش ناقصين وجع راس رد بصدمه : شنو اتقول انت حرام عليك تخيل خوك في مكانه وحقه واحد ومابش يسعفه ومات تي كنك هكي انت لو ماتبيش تساعده مش شورك بيا وجات عينه عالافعى علي بعد 3 متر شافها بضي السياره انصدم معناها الافعى هي السبب : افطن يا صاحبي وخر اشويه صاحبه خاف : انت تبي تساعد داير روحك علي حساب ارواحنا تبينا نموتو ولا شنو ومابش يبحت في اتجاه الافعى يلي بعد سمعت الصوت ألتوت علي كرعيه ولداغته انصدم فارس وخر بهدوء وخداه اي شي قدامه وشاف الافعى خشت من حفره في الارض وبعدها طلعت عزق عليها حيطه بكل قوته علي راسها وطلع تليفونه وصورها كان ضروري جدا من التصوير عشان علاج الشباب ويعرفو نوع الافعى كلم باقي الشله وطلب ايجو للمكان هضا علي رنة تليفون وليد خداه ورد : ايوااا
ليث : من معايا ووين خويا وليد لو سمحت فارس : والله صاحب التليفون طايح في منطقة بنيناا ليث : انا قريب واجد منك خليك معايا عالخط حانجي فارس : تمام بس ما اطولش كلما اطول حاتسوء حالته وبحت في صاحبه يلي يتوجع ماطقش شي وصلو الشباب كانت صدمه بالنسبه لهم شالو صاحبهم سعد وفارس قعد يراجي في ليث بعد وصل : وليد يا غالي وبحت في فارس : ممكن تساعدني نحطه في السياره فارس : اكيد بدون ممكن وشالو وليد حطوه في سيارة ليث ويبي يمشي مستعجل لحقه فارس : لو سمحت انا حانجيك في سيارة خوك عندي صورة الافعى وحانوريها للدكتور في عياده متخصصه فاتحينها جديد في المنطقه توا نوريها لك قريبه واجد من هنا وانت خليك ورايا تمام ليث : شكرا هيا بسرعه عشان نلحقك ونلحقو عليه
