اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#وجوه_مستعاره 👥 جديد الحلقه 21 ✍️ نجاح بحتت فيه : خير شنو في وليش جاه الدكتور ؟ ليث : اممم طالب يتزوجك وهو مطلق من 4 سنين نجاح أنصدمت : شنووو هضا مطلق ؟ يلي ما يحبش البنات هالمعقد الحاصل في روحه وليش يطلبني انا ليث انصدم : وانتي شنو عرفك بالكلام هضاا ؟؟ نجاح ارتبكت ورهف غطت عليها : لان سمعت الممرضات يحكن عليه طبعه صعب اشويه بس حنان : صح الكلام هو قالو صعب مع البنات لا اكتر ليث : اها بس هو كويس الحق انتي فكري تمام وعدا وقبل ما يمشي جات عينه علي فرح غمزلها والغمزه اترث فيها بشكل كبير حركاته وتصرفاته دايرهم من قبل معاها حطت يدها علي راسها وضغطت عليه بالقوه رهف شافتها وقمعزت جنبها : فرح ياعمري كنك في حاجه وراسك مزال يوجع فيك ولا كيف احكيلي فرح : انا تعبانه وين المكان يلي حانرقد فيه ونتريح الحاجه منيره : غرفتك تحت جنب نجاح شيليها لهاا نجاح : ههههه العزابيه تحت لكن لما تتزوجي حاتنتقلي في جناح بروحك مع ليث يلي غرفته مقابلتك ههههه فرح انصدمت : حانرقد معاكي في الغرفه وبروحي لا نجاح بخبث : شنو خايفه يخش عليك ولا كيف ؟؟؟ فرح قعدت تتهرب تبحت فيهم خاصة بعد اذكرت وجه
حمزه : علي فكره رايحه متغيره وزايده حلاوه واجد فرح : لو سمحت يا حمزه حط حدود بينا وماعش اتقولي الكلام هضااا ولا عاد تبحت فيا هكي مره تانيه حمزه ضحك : كنك يعني شنو فيها لو بحتنا وقلنا ولا انتي من جماعة ممنوع الكلام واللمس والنضر وغمزلها فرح ضرباته كف : للمره الاخيره انحذرك جرب قرب مني مره تانيه حانقولها لعمي فاهم وحانمشي معاهم المره الجايه مش حانقعد مع واحد زيك سخييييف حمزه : الكف يلي عطيتيه ليا مش حاننساه والكلام يلي قلتيه تأكدي انك حاتتحاسبي عليه والايام جايه فرح : هضا لو قعد في ايام جايه اصلا وعدت اتصلت بعمها : لو سمحت ياعمي تعال توا وضروري اخرااااا حمزه ضحك وقمعز وحط كرع علي كرع : حتى لو كلمتي قوم بحاله الجمال هضا مش حانتريح وانا قاعد معاه يعني لازم علي الاقل يكون في قرب بينا 😜 ههه فرح عصبت وخشت لغرفتها وسكرت بالمفتاح وفتحت الروشن وبعد وقت شافت عمها وزوجته وصلو عدت تجري وفتحتلهم الباب قعدو يبحتو ومستغربين كنهاا
حمزه دغري قال : واخيرا جيتو ست الحسن والجمال ليا نص ساعه واصل ولعند توا ما حطتلي الغداء ونحس فيها ماتبيش وجودي في الحوش وضربتني كف اخرا اهو صوابع يديها ملطعات علي خدي 🔥 فرح انصدمت : انت واحد حييواااان الله ياخدك عمها : بعيد الشر عليه احترمي نفسك حتى وانا قاعد اتقولي هكي هضا ولد عمك زي خوك اعتبريه شنو فيها لو حطيتيله الغداء وحكيتي معاه اشويه لازم في مشاكل بينك وبينه تحشمي علي وجهك وجعتي راسي زوجته : ولدي كويس كنا تمام بروحنا بعد جات هنا قعدنا في مشاكل 24 ساعه وقربت منها وضربتها كف وبحتت فيها : عشان مره تانيه اتمدي يدك عليييييه فرح بحتت فيه بحقد وهو يبتسم قربت منه : اتفيييه عليك وعلي وجهك 💦 يا حقييير وعدت لغرفتها تبكي زوجة العم مصدومه : ريت بنت خوك طح سعدها تفلت عليه ما اقواها وما تتحشم يا ناري يا وليدي تحمل فتره بلكي يجي نصيبها وتفتك منهاا المكلوبه عمها : حانزوجها حتى لشايب كبير المهم نتريح من المشاكل يلي ماعش اتفض وانت حاول ماتجيش بعد تكون بروحها في الحوش نحنا مانقدروش ناخدوهاا زوجته : ما احلاني وانا واخدتها معايا تقعد هنا غصبا عليها ومش حاتمشي معايا تحشم بيا قدام الناس فرح سمعت يلي انقال وقعدت تبكي وراه الباب الله ياخدك يا حمزه نكرهك يا حقير وانفجرت بكاء وينكم يا امي ويا باتي ليش ما خديتوني معاكم ليش 😭
