#وجوه_مستعاره 🎭 الحلقه 2 وليست مرعبه 🥰
الحاجه منيره شافت البنت : بسم الله من انتي ؟؟
لحظتها كلهم بحتو فيها وكانو مصدومين
الحاج طاهر : من انتي يا بنتي وكيف تخشي هكي !
ردت ببرود : خشيت لان هضا حوش جد ولدي
الكل انصدم من كلمتها كيف جد ولدها وزوجات حسام وخالد أنصدمن توقعو أزواجهم يعرفوها للبنت هذي
ردت بضحكه مستفزه : لا ما تخافوش ولدي باته اصغر عوايلك يا حاج هو ليث ولدك وبحتت فيه
ليث انصدم وصبا دغري من الكرسي : هذي كذابه والله اول مره نشوفها ولا عمري شفتها من قبل يا باتي
الحاج طاهر : شنو اتقولي انتي ولدي ما يديرهاش
ردت برفعة خشم : لا يديرها ليش انت ما عندك علم بالشاليه امتعه يجيب في بنات ويضحك عليهم بكلامه
ليث : سكري فمك واطلعي برا وعده يجري لعندها ويبي يلزها لكن وقفاته امه : ليث هالكلام صح ؟؟
ليث بحت فيها : غلط لكن انا عندي شاليه جديد
الحاج طاهر : يعني كلامها صح وتضحك عليهم ؟
حسام : خساره وخلاص هضا من دلعكم خربتوه
ليث عصب : صدقوني تكذب عليا افهمو وكر البنت يلي قعدت أتعيط طلعها برا عند بوابة الفيلا : تكذبي عليا يا حقيره انا ما نعرفك ولا عمري شفتك امشي دوري الشخص يلي ضحك عليك مش انا وبحت فيها من فوق لتحت وبنضرة خبث : بس انقنك جمال والله
ردت بكل قوتها : انت حقير ومقزز وضرباته كف قوي
قبل مايرد عليها هربت وركبت في سيارتها هو لحقها لكن خلاها تمشي وقعد يفكر : شنو عرفها الحقيره بالمعلومات هدينا مانعرفها انا ولا شايفها من قبل 🤔
حنان بحتت في اسراء السرحانه : انتي يا قمر كنك
اسراء : لا مش حاسه روحي قمر توا انا شينه صح ؟
حنان انصدمت : شنو أتقولي انتي وبعدين من قالك انك شينه يلي قالك هو الشين وما شاء الله عليك ألف واحد يتمناك خليك واثقه في نفسك ياعمري
اسراء سكتت وقلبها يوجع فيها اصعب حاجه أنك تحبي شخص ومش شايفه غيره وهو يهين فيكي
حنان حضنت اختها وعدت لأمها : اليوم في برد برا
الحاجه سميه : اها يا بنتي دفي روحك كويس
حنان لاحظت بسمة امها : دوم البسمه احكيلي من يلي مفرحك لان فرحتك فرحه لا توصف ما شاء الله
سميه : مش توا انقولك بعد ينوض باتك نحكي معاه قبل وبعدها نحكيلك سبب فرحتي انتي واختك
حنان : اكيده زوجة خالي حكتلك حاجه من اول ما اتصلت بيك امبدري وانتي فرحانه وطاير عقلك
سميه : قتلك بعدين تعرفي بلا عناد يا بنت وعدت
خالد : مش قادر نصدق ان ليث عنده شاليه بالسر ويضحك علي بنات الناس معقوله يا باتي وتسكتله
الحاج : مش ساكتله هو طلع وماعش جاه عشان نحكو
حسام : يبي تربايه من اول وجديد والبنت يلي ضحك عليها واضح مش تمام ومش لابسه حجاب علي راسها
نور زوجته : لو هي مش معطيته وجه راه ما صارش معاها هكي يعني ليث مش بروحه غلطان يا عمي
الحاج : ربي يهدي وطارة نيتي في الغداء ماعش نبي
نعيمه : لا يا باتي عشان خاطري تغدا وما تزعلش
الحاج : كيف تبيني ما نزعلش وخوك قهرني بعملته
الحاجه منيره : وسع بالك يا حاج خلينا نفهمو منه قبل
خالد : هو هرب اصلا مايبيش يعترف بحقيقته خزي عليه وعلي وجه مفروض تعاقبه وتزوجه البنت هذي
نجوى زوجته : حتى انا هكي رأي زوجوه خير يا عمي
الحاج تنهد : بأذن الله نفهمو منه قبل كل شي 😔
