رواية تؤام شعلة الصعيد

البارت (٥١)

شهاب بصريخ
فهد فهد ..فوق مين اللى خطف روح ؟
فهد
مش عارف ..مش عارف ياشهاب  ..مرتى اتخطفت قدامى وانا واقف و مش عارف اعمل ايه ....
شهاب بجدية
فهد فوق اكدة وأمشى وراء العربية وابعتلى اللوكشن بتاعك ياله ....
-ليسوق بسرعة وراء العربية ......ويخرج من تبلوه العربية مسدسه ...
-ليسمع شهاب صوت فتح التبلوه ليعرف ما فعله أخيه.
شهاب
اوعى يافهد  تعمل حاجة ..افتكر أن روح معاهم ليعملوا فيها حاجة ...
فهد بصريخ
واسيبهم ياعنى ....ولاد الكلب لمسوها وخدوها معاهم وقدامى  ...عاوزنى اعمل ايه ياعنى  ...
شهاب بزعيق
اخلص وابعت اللوكيشن  ياله ...

-ليسوق فهد بسرعة ورائهم ويرفع موبيله بسرعة ليرسل لشهاب موقعه وهو ورائهم...
-لينادى شهاب على العمال الموجودين فى الموقع ويركبوا العربيات ويسوق على اللوكيشن اللى بعته له فهد ....

فى شقة يكن
-استيقظ يكن وحضر الافطار لعهد وذهب لكى يصحيها.....ليدخل عليها الغرفة .....ليجدها تغمض عينيها بقوة ليعرف أنها صحيت ولكنها ترفض مواجهته .....ليكتم يكن ضحكاته فاهو أمام ابنته ولكنه يحمحم .
يكن بقوة
عهد .قومى أنا عارف انك صاحية فوقى ياله ..
-لترد عهد من تحت الغطاء
عهد
يكن بطل استهبال أنت عارف انى خايفة  مش عايزا حقن أنا خفيت خلاص..
يكن
طيب قومى ياله علشان الفطار ومفيش حقن يادكتورة علشان الحقن مرة واحدة وبالليل...
ياله عايز افطر معاكى ....
-لترفع هى الغطاء عنها وتظهر رأسها ببراءة ...
عهد
بجد يايكن ولا بتضحك عليا ..
يكن بحنيه
عمرى ما هضحك عليكى تانى يادكتورة قلبى ياله  ...
-لتبلع هى ريقها فهى تعشقه ولكنه جرحها كثيرا وقلبها موجوع وليس ذلك فقط ولكن عليها أيضا أن تصارحه اولا قبل اى شئ....

-لتقوم هى ...ليضع هو الصنية على السرير ويأخذ مخدة ليضعها وراء ظهرها ...
يكن
ها أكدة مرتاحة ...
عهد بكسوف
اه .شكرا ...
يكن
طيب ياله كلى علشان علاجك .....

-لياكلوا وينظر لها أثناء اكلها ليقدم لها قطعة من الخبز عليها عسل .....
يكن
ها افتحى بوقك ....
-لتنظر هى له والى يده ...
-لتأخذها منه وتبلغ ريقها .....ليتحمحم هو لتنظر  له ...
يكن
ها ياعهد وافقتى ولا لع ..
عهد باستغراب
وافقت على ايه ؟
يكن
على الحديد اللى قولته امبارح ليكى ...
عهد بوجع
يكن انت وجعتنى قوى قوى وجرحت قلبى ..

-لينظر لها ..ليتوقف عن الأكل وينظر لها ..لتكمل ..
عهد
يكن لو أنا مقدرتش اكمل معاك  هتعمل ايه؟ هتجبرنى  .....

-لينظر إلى الأسفل ويتنفس بألم  وبعدها ينظر لها ..
يكن
هستناكى ..
عهد
ياعنى ايه؟
يكن
ياعنى يابت عمى هستناكى العمر كله ...هستنى لغاية ما جرحك يطيب ...هستناكى لغاية ما تاخدى تارك منى ...هستناكى لغاية ما وجعك يخف خالص ....
-لتنظر له وتبتسم ابتسامة رقيقة وتتنهد ..
عهد
بس قبل دا كله فيه انك لازم توافق ..
يكن
على ايه ؟
عهد
على اللى هتسمعوا دلوقتى وساعتها احب اسمع قرارك انت عايز تكمل ولا لا ...
يكن بتسرع
مش عايز اسمع حاجة ..وحتى لو سمعت برضوا أنا شاريكى ...
عهد بوجع
وانا مش هرضى غير لما تسمع ....وبعدها تقرر عاوزنى ولا لا ...لأن قرارك هو اللى هيجاوب قلبى قبل  عقلى ...
-لينظر هو لها ويتاكد كل التأكيد أن الذى سوف يسمعه لن يعجبه وسوف يوجعه.....