(Unicode)
"ဘယ်ကနေစပြီးမီးလောင်တာရောသိပြီလား သား"
"မီးပေးထားတဲ့ အောက်ထပ်ကနေ ဝိုင်ယာရှော့ခ် ဖြစ်တယ်ကြားတယ်.အသေအပျောက် မများပေမဲ့လည်း ထိခိုက်မိသူတွေရှိတယ် အဲ့မှာ တစ်ပတ်လောက်သွားပြီးအကုန်အစအဆုံးစီစဉ်ရမယ်ထင်တယ် ဒယ်ဒီ"
"အေး ထိခိုက်တဲ့သူတွေကိုလဲ အကုန်အစအဆုံးတာဝန်ယူပေးလိုက်ပါ အလုပ်သမားဆိုပေမဲ့လည်း အသက်ရှင်ဖို့ လိုအပ်နေတဲ့သူတွေလေ"
ဒယ်ဒီရဲ့စကားကိုထောက်ခံသလို သူခေါင်းငြိမ့်လိုက်သည်။တကယ်လဲ ဒယ်ဒီပြောသလိုပင် စီစဉ်ပေးဖို့စဉ်းစားပြီးသား..မနက်ဖန်လဲ သွားဖို့ အကုန်အဆင်သင့်ဖြစ်ပေမဲ့ စိတ်ပူနေတဲ့အရာကတော့ အဆင်မပြေတဲ့အပြေ ပို၍တောင်ဆိုးဝါးနေသည်။
"ထယ်ယောင်းကို စိတ်မပူနဲ့ ဒယ်ဒီတို့လဲရှိတယ်...ယောင်းယောင်းကိုရောပဲ...အခုတော့ မင်း ထမင်းလုံးလေးကို သွားချော့လိုက်ဦး ဟားဟားဟား"
သူ့စိတ်ကိုသိသူအလားပြောပြီး ရယ်နေတာမို့ မနေတတ်စွာ ခေါင်းကုတ်မိသည်။ဘာရယ်မဟုတ် ဒီအတိုင်းစနောက်ချင်ယုံသာပြောလိုက်သည်က အတည်ကြီး ဖြစ်သွားလိမ့်မယ်မထင်။ထယ်ယောင်းနေရခက်မှာဆိုးလို့ ဒယ်ဒီတို့ကပေါ်တင်မစပေမဲ့ ကွယ်ရာမှာတော့ ထိုနာမည်ပြောင်ကိုပဲခေါ်ခေါ်နေတာ နှုတ်တောင်ကျိုးလုပြီဖြစ်သည်။
ဒယ်ဒီနဲ့စကားဖြတ်ပြီးတော့ အိပ်ခန်းထဲဝင်လာတော့ ထယ်ယောင်းမရှိ။ယောင်းယောင်းအခန်းထဲက ရယ်သံတွေကြားရတာမလို့ သူဝင်ကြည့်တော့ ကြောင်နဲ့ကြွက် ကြည့်နေသော သူ့ထမင်းလုံးနဲ့ယောင်းယောင်း။
"ယောင်းယောင်းဘာတွေကြည့်"
"Tom and Jerryဒယ်ဒယ်"
"ဒယ်ဒယ်လဲ ကြည့်မယ်ကွာ"
ဆိုဖာထောင့်ဆုံးမှာဝင်ထိုင်လိုက်ရင်း လက်ဆန့်လိုက်တော့ ထယ်ယောင်းဆံပင်အထိရောက်သွားသည်။နူးညံ့သောဆံသားအားမသိမသာထိတွေ့လိုက်တော့ သူ့အားစူးရဲရဲကြည့်ကာ ဘေးကိုတိုးသွားသည်မို့ အခုထိ စိတ်ကောက်မပြေသေးမှန်းသိသည်။
အလုပ်ကိစ္စကြောင့်နယ်ဆင်းရမယ်ဆိုတုန်းက မသိသာပေမဲ့ လီဂျွန်ဝမ်း ပါမယ်လဲဆိုရောထမင်းစခန်းကနေ ထထွက်သွားထဲက သိပါသည်။
