Finger ||Completed||

- 09 -

Update လုပ်ပြီးမှ inline comment မရှိတဲ့နေရာတွေမှာ စာတွေ၊ သတ်ပုံ‌တွေကို ပြန်ပြင်တာမို့ update ပြီး နောက်တနာရီလောက်ကြာမှ လာဖတ်ပေးကြပါနော်။ နောက်အပိုင်းတွေလည်း အဲ့လိုပဲ၊ update ပြီး တနာရီလောက်ကြာမှ လာဖတ်ပေးကြပါ ခေးတို့။

အရင်အပိုင်းတွေမှာလည်း Unicode only စာပြန်ပြင်ထားတာတွေရှိလို့ ပြန်ဖတ်ပေးကြပါဦး။ ♥️

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°

စာချုပ်မှာလက်မှတ်ထိုးပြီးတာနဲ့ ကုမ္ပဏီက ပြန်လာခဲ့တယ်။ ရှောင်းကျန့် ဝမ်ရိပေါ်ဆီကို ဝီချက်စာ ပို့လိုက်တယ်။

[ကုမ္ပဏီမှာ သူဌေးသစ် ရောက်လာတယ်။ ငါ့စာချုပ်ကို အသစ်ထပ်ချုပ်လိုက်ပြီ။ နောက်လကျရင် "Change the Sky" ကို မင်းသားနံပါတ် ၂ နေရာကနေ ရိုက်ရမယ်။]

ပြန်စာမလာခင် ရှောင်းကျန့် နောက်ထပ်စာတစောင် ထပ်ပို့လိုက်တယ်။

[ဒီနေ့ည အိမ်ကို စောစောပြန်လာလို့ ရလား? အလုပ်သစ်ရတဲ့အတွက် အောင်ပွဲကျင်းပကြမယ်လေ။]

ရှောင်းကျန့်က ကားကို လမ်းဘေးမှာ ရပ်ထားတာဖြစ်တယ်။ သူ့ဖုန်းကို ဖွင့်လို့ South American အသားစစ်စစ် အမဲသားဆိုင်ကို ရွေးလိုက်တယ်။ Boston ကျောက်ပုဇွန်နဲ့အတူ နောက်ထပ် ဟင်းရွက်ကြော်တချို့ပါ အိမ်လာပို့ဖို့ မှာလိုက်တယ်။ ပြီးတာနဲ့ သူသိတဲ့ ဝိုင်အရောင်းဆိုင်ကိုသွားပြီး ဈေးကြီးဝိုင်အရက်သွားဝယ်တယ်။

"Louis Jadot" က ဝယ်ရခက်တယ်။ ပြီးတော့ ဝိုင်အရောင်းဆိုင်ဟာ လူပြတ်တဲ့နေရာမှာဖြစ်တယ်။ Napoleonic ကာလကနေ စတင်လာခဲ့တဲ့ စပျစ်နွယ်တွေဟာ နှစ်တိုင်း ဝိုင်ပုလင်းပေါင်းရာကျော်ကို ထုတ်လုပ်တယ်။

ဝါတာလူးစစ်ပွဲမတိုက်ခင်မှာ နပိုလီယံဟာ ဒီဝိုင်ကို သောက်ခဲ့ရဲ့လား သူ မသိဘူး။ ဘာပဲပြောပြော ရှောင်းကျန့်နဲ့ ဝမ်ရိပေါ်ဟာ ချစ်သူများနေ့မှာ ဒီဝိုင်ကို သောက်ပြီး ဝါတာလူးစစ်ပွဲကို ကြုံတွေ့ခဲ့ရတယ်။

တကယ်တော့ ရှောင်းကျန့်စိတ်ထဲမှာ နည်းနည်းစိတ်လှုပ်ရှားနေတယ်။ ဒါပေမဲ့ လဲကျတဲ့နေရာကနေ ပြန်ထရမယ်ဆိုတဲ့စိတ်က သူ့မှာ ရှိနေတယ်။