Finger ||Completed||

- 16 -

လပေါင်းများစွာ ပရိုဂျူဆာတွေရဲ့ ကြိုးစားမှုအောက် ဒီဇင်ဘာလရဲ့ ပထမဆုံးသော တနင်္ဂနွေနေ့မှာ "Change the Sky" ဇာတ်လမ်းတွဲကို ထုတ်လွှင့်ခဲ့တယ်။

ဒီဇာတ်လမ်းတွဲ ချောချောမွေ့မွေ့ ပြနိုင်ဖို့အတွက် လုကျယ်နဲ့ ရှောင်းကျန့်တို့နှစ်ယောက်လုံး အများကြီး ကြိုးစားခဲ့ကြတယ်။

သူတို့လက်ထဲ ရောက်လာတဲ့ ဇာတ်လမ်းတွဲကို ၅ ကြိမ်တိတိ revision ပြန်လိုက်ရပြီး ပရိုဂျူဆာတွေနဲ့ စကားအများကြီး ပြောလိုက်ရတယ်။ နားလည်မှု အပြည့်အဝရစေဖို့အတွက်ဆိုတော့ သောက်တာစားတာလေးတွေလည်း ပါတာပေါ့။

ဒါဟာ သူပါဝင်ခဲ့တဲ့ ပထမဆုံးသော post-production ဖြစ်ပြီး "Change the Sky" ကို review လုပ်ပြီးတဲ့နောက်မှာတော့‌ အောင်အောင်မြင်မြင် ထုတ်လွှင့်နိုင်ခဲ့တယ်။ ဒါဟာ ပြီးခဲ့တဲ့ ၆ လအတွင်း ရှောင်းကျန့်အတွက် အကောင်းဆုံးသော သတင်းပဲ။

ထုတ်လွှင့်ပြီးတဲ့နောက်မှာ ဘယ်လောက်တောင် တဖွဖွပြောဖို့ ထိုက်တန်လဲ၊ ဘယ်လောက်တောင် နာမည်ကြီးသွားလဲဆိုရင် ဒရာမာဟာ အဓိက TV station, အင်တာနက်ပလက်ဖောင်းရဲ့ အရေးကြီးဆုံးနေရာမှာ ပြသခွင့် ရသွားခဲ့တယ်။ ဒါဟာ post production အသင်းက အောင်မြင်သွားတယ်ဆိုတဲ့သဘောပေါ့။

ဖြန့်ဖြူးရေးပိုင်းကို ပါဝင်စီမံဖူးပြီးမှသာ ရှောင်းကျန့်ဟာ ဒါရိုက်တာနဲ့ သရုပ်ဆောင်တွေကြား ဒီ "Change the Sky" ဇာတ်လမ်းတွဲရဲ့အောင်မြင်မှုက ဘယ်သူ့အပေါ် ပိုသက်ရောက်လဲဆိုတာ နားလည်တော့တယ်။ နေရာအပိုဆောင်းလွှင့်ထုတ်မှုတွေအတွက် ကုမ္ပဏီဘက်က ငွေများများစားစား ရတာမျိုး မရှိဘူး။

လုကျယ်အရင်ပြောထားခဲ့တဲ့စကားတွေအရ TV ဒရာမာဇာတ်လမ်းတွဲကို ရောင်းချတယ်ဆိုတာ ကိုယ့်သမီးကို မင်္ဂလာဆောင်ပေးလိုက်သလိုပဲတဲ့။ သူမအတွက် သူမခင်ပွန်းအိမ်မှာ အဆင်ပြေနေတယ်ဆိုရင်တော့ ကောင်းတာပေါ့။ ခင်ပွန်းသည်အိမ်မှာ အဆင်မပြေလို့ဆိုပြီး မိဘအိမ် ပြန်ပို့ပေးလို့ ရတာမျိုး မဟုတ်ဘူးမလား။

ဒီပူးပေါင်းဆောင်ရွက်မှုအပြီးမှာ လုကျယ်ဟာ ခိုင်မာတဲ့ဆုံးဖြတ်ချက်တခုချလိုက်တယ်။ သူ ရှောင်းကျန့်ရဲ့ လုပ်နိုင်စွမ်းကို အသိအမှတ်ပြုတယ်။ သူတို့နှစ်ယောက်သာ လက်တွဲလုပ်ရင် အကောင်းဆုံးခိုင်မာတဲ့ Team တခုဖြစ်သွားမှာပဲ။ ရှောင်းကျန့်ကိုယ်တိုင်လည်း ဒီပွဲမှာ ကောင်းကောင်းတိုက်နိုင်ခဲ့တယ်လို့ ခံစားလိုက်ရတယ်။