Uni
အခန်း (၃၃၂) တိမ်ခိုးတိမ်ငွေ့များ
ကျောက်စစ်မင်သည် အရှုံးနှင့် စတင် ရင်ဆိုင်ရလေတော့သည်။
ဆန်းလျန်က ကျောက်စစ်မင်ကို သူ့အရှိန်နှင့်သူ လွှတ်ထား ပေးလိုက်လေသည်။ နောက်ဆုံးတွင်တော့ ဆန်းလျန်က တာအိုကျမ်းစာပိုဒ် တစ်ခုကို ကျောက်စစ်မင် သတိရအောင် လှုံ့ဆော် ပေးလိုက်လေသည်။
"ယောကျ်ားလေးကဲ့သို့ သိမြင်ပြီး မိန်းကလေးကဲ့သို့ တည်ငြိမ်သူသည် ကမ္ဘာမြေ၏ အမြစ် ဖြစ်လာမည်"
ဆိုသည့် တာအိုကျမ်းပိုဒ်ပင် ဖြစ်လေသည်။
ယေကျ်ားလေးဆိုသည်မှာ တန်ခိုးစွမ်းအားကို ရည်ညွှန်းခြင်း ဖြစ်ပြီး မိန်းကလေး ဆိုသည်မှာ တည်ငြိမ်ခြင်းနှင့် မိမိကိုယ်ကို နှိမ့်ချခြင်းကို ရည်ညွှန်းလေသည်။ တန်ခိုးစွမ်းအား မြင့်မားသည့်တိုင် မာန ထောင်လွှားခြင်း မရှိဘဲ မိမိကိုယ်ကို နှိမ့်ချတတ်သူသည် လောကတွင် အောင်မြင်သူ တစ်ယောက် ဖြစ်လာမည် ဆိုသည့် အဓိပ္ပာယ်ပင် ဖြစ်လေသည်။
ထိုတာအို ကျမ်းစာသည် လူတိုင်းနှင့်တော့ မသင့်တော်ပေ။ သို့သော် အလွန်မာန ကြီးလွန်းသည့် ကျောက်စစ်မင်နှင့်တော့ သင့်တော် လေသည်။ ကျောက်စစ်မင်သာ မာနကြီးသူ တစ်ယောက် မဟုတ်လျှင် သူ၏ ကျင့်စဉ် လမ်းသည် ယခုထက်ပိုပြီး အဆင့် တက်လာမည်မှာ အမှန်ပင် ဖြစ်လေသည်။
ထိုမာန တရားခံနေပါက ကျောက်စစ်မင်သည် ဟိုင်သန်းအဆင့်ကို ပုံပြောင်း အဆင့် ခုနစ်ဆင့်ထက် ပိုနိုင်မည် မဟုတ်ပေ။
ဆန်းလျန်သည် တပည့်များကို စောင့်ကြည့် လေ့လာနေရင်း စကြဝဠာနှင့် တစ်သားတည်း ကျနေခဲ့လေသည်။ မဟာတာအို လမ်းစဉ်သည် အမြဲတမ်း တည်ရှိနေသည့် အရာတစ်ခုဖြစ်သည့်တိုင် သိရှိနားလည်ရန် မလွယ်ကူနိုင်ခဲ့ပေ။ ဆန်းလျန်သည တာအို နည်းစနစ်များကို အာရုံစိုက် နိုင်မှုကြောင့်သာ စကြဝဠာတွင် တိုးတက်လာမှုကို အနည်းငယ် ခံစားခဲ့ရလေသည်။
ထိုသို့ဖြင့် အချိန်နှစ်နှစ်ခန့် ကြာမြင့်သွားခဲ့လေသည်။
YOU ARE READING
ချင်းရွှမ်လမ်းစဥ် ဆရာသခင် (Part 2) (Myanmar Translation)
FantasyZawgyi + Unicode Daoist Master of Qing Xuan မူရင္းေရးသားသူ - Zhong Yuan Wu Bai ဘာသာျပန္ဆိုသူ - ဇင္ေျပ Total episodes - 1024 Daoist Master of Qing Xuan မူရင်းရေးသားသူ - Zhong Yuan Wu Bai ဘာသာပြန်ဆိုသူ - ဇင်ပြေ Total episodes - 1024
