Uni
အခန်း (၃၅၆) အစီအစဉ်
တာအိုဆရာယွိက ခွန်စန်းတောင်နှင့် ပတ်သက်သည့် အသေးစိတ် အချက်အလက်များကို ကျောက်စိမ်း စာလိပ်တွင် ရေးသားကာ ဆန်းလျန်ဆီသို့ ပို့ပေးလိုက်လေသည်။တစ်ချိန်တုန်းက တာအိုဆရာယွိသည် ခွန်စန်းတောင်သို့ ဝင်ရောက်သည့် လျှို့ဝှက် ဆက်သွယ်မှု လမ်းကြောင်းတစ်ခုကို မထင်မှတ်ဘဲ တွေ့ရှိခဲ့လေသည်။ သို့သော် ခွန်စန်းတောင် ဆိုသည်က အလွန် အစွမ်းထက်သည့် ထူးဆန်းသော သူများနှင့် ပြည့်နှက်နေသည့် နေရာတစ်ခု ဖြစ်လေသည်။ သူ၏ ကျင့်စဉ်လမ်း အဆင့်ဖြင့်ပင် ထိုနေရာသို့ တစ်ယောက်တည်း ဝင်ရောက်သွား၍ မဖြစ်နိုင်ပေ။
အစပိုုင်းတွင် သူက ထိုအကြောင်းကို မည်သူ့ကိုမှ ပြောမပြခဲ့ပေ။ သို့သော် နောက်ပိုင်းတွင်တော့ သူ၏ တပည့်များ အားလုံးကို ထိုအကြောင်းကို လက်ဆင့်ကမ်း ပြောပြခဲ့လေသည်။ ယခုတော့ ထိုလျှို့ဝှက်ချက်ကို သူ၏ တပည့်အကျိုးအတွက် ရည်ရွယ်ကာ ဂိုဏ်းချုပ်ကို ပြောပြလိုက်ပြီ ဖြစ်လေသည်။
ဆန်းလျန်သည် တာအို ဆရာယွိရေးသားပေးသည့် ကျောက်စိမ်းစာလိပ်ကို ထိုက်ဝေ့ထိုင် ခန်းမဆောင် ဒုတိယထပ်တွင် သိမ်းဆည်း ထားလိုက်လေသည်။ သူ့အနေဖြင့် ခွန်စန်းတောင်သို့ ချက်ချင်း သွားရန်မှာ မဖြစ်နိုင်သေးပေ။ သူ့အတွက် အခြားသောလုပ်စရာ ကိစ္စများရှိနေသေးသည်။
ပထမကိစ္စမှာ ချိုးရှီကို တာအို အရည်အချင်း စစ်ပြိုင်ပွဲတွင် ပါဝင်ခွင့်ပေးသင့် မပေးသင့် ဆိုသည့်ကိစ္စပင် ဖြစ်လေသည်။ ချိုးရှီသည် ဟိုင်သန်းအဆင့်ကို ပုံပြောင်း အဆင့်ရှစ်ဆင့်ဖြင့် တက်ရောက်ပြီးခဲ့ပြီ ဖြစ်သည့်အတွက် ချင်းရွှမ် နတ်တံခါး၏ ဆရာသခင် တစ်ပါးအရာပင် ရောက်နေပြီ ဖြစ်လေသည်။ ချိုးရှီအနေဖြင့် ဆရာသခင် တစ်ပါးအဖြစ် အရည်အချင်း မပြည့်မီသေးလျှင်လည်း ရှင်သန်စေခြင်း ကျောင်းတော်တွင် ကူးချိုင်ဝေ့ကို ကူညီကာ တာအို တရားဟောပြောမှုများ ပြုလုပ်ပေးရန် စေလွှတ်နိုင်မည် ဖြစ်သည်။
နောက်ဆုံးတွင်တော့ ဆန်းလျန်သည် ချိုးရှီကို တာအို အရည်အချင်း စစ်ပြိုင်ပွဲတွင် ပါဝင်ခွင့်ပြုရန် ဆုံးဖြတ် လိုက်လေသည်။ တာအိုအရည်အချင်း စစ်ပြိုင်ပွဲတွင် ကျောက်စစ်မင်ကို အနိုင်ရနိုင်သူမှာ ချိုးရှီသာလျှင် ရှိလေသည်။ ချိုးရှီကိုသာ ရှုံးနိမ့်ခဲ့ပါက ကျောက်စစ်မင် အနေဖြင့် မာန်ကျသွားဖွယ်ရာ ရှိလေသည်။ သို့သော် သူ့အနေဖြင့် အရှုံး၏ ထိုးနက်မှုကို ကြံ့ကြံ့ခံနိုင်မည်ဟု ဆန်းလျန်က မျှော်လင့် ထားလေသည်။
YOU ARE READING
ချင်းရွှမ်လမ်းစဥ် ဆရာသခင် (Part 2) (Myanmar Translation)
FantasyZawgyi + Unicode Daoist Master of Qing Xuan မူရင္းေရးသားသူ - Zhong Yuan Wu Bai ဘာသာျပန္ဆိုသူ - ဇင္ေျပ Total episodes - 1024 Daoist Master of Qing Xuan မူရင်းရေးသားသူ - Zhong Yuan Wu Bai ဘာသာပြန်ဆိုသူ - ဇင်ပြေ Total episodes - 1024