دوافع الحب ♥

1

البداية
وافقتي  خلاص وافقتي يا متخلفه !!! لو ما متذكره اذكرك ده عمار  الخلاك ومشى اتزوج واحده غيرك ! حتى لو ما كنتو مرتبطين ، انتي كنت معيش نفسك في وهم انو بيحبك،  ما بمعنى انو كان بعاين ليك انو كان بيحبك انتي فسرتي نظراتو ليك كدا من حبك ليهو بس هي ابدا ما كنت نظراتو نظرات حب ، لو حب على الاقل كان عرسك ،،وهسي جاي بعد سنتين  عشان شويه اختلافات مع مرتو  هند يعرسك! ،وين كان من زمان ؟؟؟؟ ما كنتي قدامو ليه جاي يعرسك هسي؟؟؟ ،،،وكمان شوفي  بجاحد عينو جاي يدبك فوق مرتو ،،،ليه مالك كان مطلقه ولا ارمله ؟؟؟؟؟؟  وبعدين وين المثاليه القديتينا بيها وقدت نعالنا معاها قال شنو انا الحاجه الما برضها في نفسي ما برضها لي غيررري ،،،وهسي مالك رضيتها  اتكلمي معاي ما تسكتي  يا  هديل ،،،،،
  لمن لقتني ساكته قعدت جنبي ،،كنته عارفه ردت فعلها دي  لانو هي الوحيده الكانت عارفه المريت بيهو  من قبل سنتين ،، وعارفه عمار بيمثل لي شنو ،،زيي زي اي واحده بتحب ولد حلتها بس الاختلاف كان وضعهم كويس شديد اي نعم وضعنا كان الحمد الله كويس بس مافي مقارنه فكنت بحاول اتجانبو في كتير من الاحيان ،،بس اتومتك  قلبي حبهُ ،،يمكن عشان فيهو كل الصفات الانا دايرها ،،يعني طول على سمره ناعمه على رجوله كدا ممكن اقول اب جيك بس على مستوى عالي،،،، كان كل امنياتي متمحوره حولو ،،فكان كل ما يسلم او يبتسم لي  بقول خلاص بيحبني تاني بقول لي نفسي بسم الله !!!!!  كنت بفتش لي اصغر حاجه بيعملها لي عشان اعلقها على شماعة انو بحبني، ،،، لمن يصادفني ماشه الدكان بقول لي امشي انا بجيب ليك حاجتك، ،، كان جنتل مع الناس كلها والزاد علي امي بتقول لي يابتي هسي لو عمار بقى راجلك يا بختك و يبختي بيكم والله 💕 ،،،،وهو فعلياً ما كان مكسرني براي مكسر كل بنات حلتنا ،،،، حاجه كدا جنتل،،، لسه بتذكر يوم قالو  ماشي يخطب  اليوم داك انا ما شوفت النوم بعيوني امالي كلها  انهارت قدامي،،،لو البكى ده كان بموت زول انا كان مت من البكى البكيتو، ،،،يمكن هو م غلط بس انا الكنت عايشه على امل ولا واحد في الميه ،،،اسوء شعور تكون بتحب زول من طرف واحد عارف كل تفاصيو وهو ما عارف عنك حاجه ،،،، في كل موقف بتتخيلو معاك،،،وانت مافي بالو اصلااااا، 💔،،، بتنتظر نظره منو وهو ما بيجي بتجاهك اصلاااا ،،هو في عالم وانا في عالم تاااني ،،

"حسناً دعنا نبدّل الادوار قليلاً فاصبح انا اكثر قسوةً وانت اكثر لين،،،،حتماً سوف يغلب عليك التماسك وسيهون علي التخلي ،،،فتصبح انت المنهزم وانا المنتصره، ،،"
____ عوده لي الحاضر
صحبتي زوبه قالت لي هي مشيتي وين ؟؟؟؟،،، قولته ليها  انا عارفه  بعمل شنو وافقته لانو السنتين العشتهم ما كانو هينات من بعد ما عرس هندا انا بعدته كل البعد عنو   قايله الموضوع كان ساهل ؟؟؟؟  لااا طبعا وهسي لمن جاتني الفرصه اقول ليها لاااا ؟؟؟؟ قالت لي بس يا هديل عمار بيحب مرتو ،،،قولته ليها لو كان بيحبها ما كان هسي اختلفوا ،،،قالت لي وانتي كيف ترضي  لنفسك حاجه زي دي ،،قولته ليها يا زوبه كل زول بياخد فرصتو  وهي اخدت فرصتها وجاء دوري ،،،قالت لي  وفرصتك دي ما لقيتها الا في راجل مرا؟؟؟ قولته ليها  معليش يا زوبه بس ما راجل  مرتو لانو طلقها .....
" في تصرفات نحنا بنعملها او بنتاعيش معاها علي حس انو دي الحاجه الشبهنا دي الحاجه المفروض نكون فيها "
____________________
في مكان تاني
قاعد في المكتب حقو وشغال بس عقلو بيعمل بكل الاتجاهات بداية من حياتو  والحاصل فيها و الشغل الفي راسو ،،وداخل في حرب نفسيه مع نفسو ،،، متناقض في افكارو متردد رغم الثبات الفيهو بس هو عايش بين كدا وكدا ،،، في افكار كتير هاجمتو وقال لي نفسو استعجلته  ما كان توافق علي طلب ابوك ،،، بس كمان لو ما عملنا كدا كان هسي عرست ولد خالتها الما نافع داك ،،، اها طيب انت مالك كنت من بقيت اهلها ؟،،،لاااا ما كدا بس كمان دي هديل ،،، قطع تفكيرو  السكرتيرة  الجات جاريه  ورا هند الاقتحمت  المكتب هي بتقول ليهو بالله يعني رافض انك تشوفني ؟؟؟؟؟  ابتسم ابتسامه جانبيه وقال لي السكرتيرة  ممكن تمشي ،،، اتفضلي يا هند لسه في حاجات ما قولتيها ؟؟؟؟ جات قعدت بكل اريحيه قالت ليهو ايوة  سمعت انك داير تعرس ،،،وقال ليها اها ؟؟؟؟؟؟ قالت ليهو شنو الاها  نحنا مش ح نرجع لبعض ؟؟؟؟؟ قال ليها نرجع؟؟؟ قعد يضحك ،قال ليها لو انتي اخر واحده ما ح ارجع ليك ،،،، بعد ما قال كدا وشها جاب مية لون لانو كانت عايشه علي فكره انها فترة و ح يرجع ليها وخاصه انو عقيم ،،،  اتمهدت في نفسها وقالت ليهو ايوة نرجع ولا نسيت انك عقيم ومافي واحده ترضى بيك غيري علي الاقل انا ستر وغطا ليك ،،انت متخيل في واحده ح ترضي تعرس واحد ما بيقدر يجيب ليها شفعع! ههههه تبقى  بتضحك علي نفسك ،،،ولااا ااااا الاتقدمته ليها من الشحدين ليها حق ترضي بالوضع ده ،،،،،مالك ساكت كدا شكلو السنيورته حقتك ما عارفه ،،،،،قام من مكتبو بكل هدوء عيونو ما كانت بتنذر بالخير وقعد قصادها قال ليها اطلعي بره وشكلك ده ما اشوفو قدامي،،،، دايره تتكلم بس الشرار الفي عيونو منعها ما لقت نفسها الا شايله شنطتها وطالعه ،،قبل ما تطلع قال لي صحي والنفقه الكانت داير انفقها عليك  تكرم مني، خليتها لانو والله انا ما بوزع قروشي علي الزباله على الاقل نديهم لشحدين ،،،  ابتلعت الاهانه وطلعت طوالي  كان مفتكره انو لمن تجي بأسلوب التهديد يمكن يتراجع يمكن ويمكن ، بس هي الخربت بيتها بيدها قالت لي نفسها وين تاني تلقي زي عمار والله لقيتها يا بت احمد ،،، واثناء ما بتفكر انصدمت ب زول   دايره تتشاكل معاهو عسان تفضي شويه من غصبها لقت ده  وليد اخو عمار اتمالكت نفسها و مثلت ببراعه انها بتكبي  قالت ليه وليد اسفه ،،،هند ؟؟؟ انتي بتعملي هنا شنو،،، قالت ليهو لاا مافي حاجه  وهي بتبكي بصوت زايد ،،قال ليها يا بت الناس استهدي بالله ،،،قالت ليهو لاا خلاص انا انا ماشه ،،قال ليها تمشي كدا ،،،قالت ليهو ما فرقت، ،قال ليها خلاص بوصلك ، ،،قالت ليهو لااا ما دايره اتعبك معاي ،،قال ليها مافي تعب بعدين انتي كنتي مرت اخوي، ،،مشى قدامها ،،،وهي بي وراهو  رددت مرت اخوك كان زمان هسي ليه ما ابقى مرتك؟ ،،اي نعم انت وين و عمار وين بس مالو نفس  البيت ،،،وما يبقى اسمي هند عبد الرحمن لو مخربتها عليكم كلكم ،،، اتلفت ورهو قال ليها ارح قالت ليهو طيب ،،،....
" حكايه تهدد زول عشان يرجع ليك او تحاول تستغل نقطة ضعفو ده اسلوب رخيص وبعد تعزز مكانتك اتجاه الزول التاني بتلقي نفسك نزعتها، ،،اللين يخوانا مافي الطف منو ""
____________________
في جانب بعيداً عن  الاحداث دي في حفله العرس  والناس كلها مبسوطه اسحبت رنا بكل هدوء ونادت ود عمها حسان   قال ليها مالك يا رنا حاصل معاك شنو، ،،ابتسمت وقالت ليهو لااامافي حاجه بس كنت دايره اقول ليك يعنيي، ،اها سامعك ،،بصراحه يعني يا حسان انا من زمان يعني ،،قال ليها قولي طوالي ،، بعد طريقة كلامو معاها اتشجعت وقالت ليهو بطريقه اندفاعيه وعفويه في نفس الوقت  بصراحه انا بحبك ❤،،،،  سكت مسافه بيستوعب البتقول  اخد نفس وهي اتوترت  قال ليها شنو يا رنا  انا اكبر منك وانتي بالنسبه لي صغيره او ممكن اقول ليك اختي الصغيره  وانا ح اعمل نفسي سمعت حاجه ياريت تشيلي الفكره دي من راسك، ،،،،قال ليها ارح لانو الناس ديل منتظرننا، ،،كانت في حاله لا يعلمها إلا الله يعني حب عمرها كلو ما بيعتبرها غير اختو،، شعور الخيبه سيطر عليها كان نفسها العالم كلو يحس بشعور الانهيار الفيها  عايزه تبكي عايزه تصرخ فوق ما اخدت الخطوه  دي واعترفت ب حبها  خذلها ،،ياريت لو سمعت كلام  اختها  قالت ليها ما تعترفي ليهو ،،بس تعمل شنو حست حتى لو ما كان في نصيب بيناتهم   يمكن  تفوز بنصيب انو اعترفت ليهو كانت خطوه متهوره منها ما كسبت غير انهم لمن رجعوا  وقف قدام الناس وقال انو عايز يتقدم لبت عمتهم التانيه ،،،لو الزعل  و الخذلان كان بيقتل زول كان قتلها فوق ماهو رفضها كمان مشى اتقدم لغيرها علي الاقل  كان يصبر يومين  ،،بعديها هي طلعت طوالي ما شايفه قدامها هو كان متابعها لحدي ما طلعت  ،،،عارف نفسو  غلط بس ده انسب حل عشان تشيلو من افكارها،،،
"بنعمل حاجات بيدينا وبناذي بيها نفسنا قبل ما ناذي بيها غيرنا ،،، وزي ما بيقولو البتعملو بيديك يغلب اجاويدك """""
_____________
يا ماما عامر ده مجنون هسي  بعد ما كان معرس هند ست النسب والحسب  جاي يعرس هديل دي ياخ معقوله ،،،يابتي دي حياتو وهو حر فيها ،،،مافي حاجه اسمها يا ماما حر فيها لازم تعقليهو، ،،ما انتي بتعرفي اخوك ما بيسمع لزول ،،،طيب هسي ح تعملي شنو خلاص كدا ؟؟؟؟،،،، ايوة يا بتي طول ما هو عايزها خلاص وبعدين ما تنسي ابوك موافق عليها ،،، طيب انتي يا ماما رايك وين ما مهم ؟،،  يا علياء   من متين  وانا بدخل فيكم  ما هدي ادخلت في حياتك سمعتي لي ؟ةمشيتي عرفتي واحد  لا معروف جاي من وين ولا  تبع وين ،،قالت ليها وهي بتلوي خشمها يا ماما خلاص عايزه تعيبيني انتي كمان؟،،،،،،،، ايوة بعيبك لمن اخوانك ديل  كلهم وقفوا قصادك وقالو ليك ما تعرفي الزول ده و قربوا يكسر رقبتك عملتي شنو ،،، مش قولتي ح امشي اموت وجبتي كلام خارج بارم  وزعلتي عمار منك ،،،هسي مالك جايه تشكي من اخوك ،،،،  يا ماما ده ما موضوعنا  خلينا في اخوي ،،قالت ليها لو انتي بس ركزتي في نفسك و راجلك كان اخير ليك ،،،  دايره ترد،،، جات هاجر مرت اخوها وليد معاها بتها قالت ليها تعالي هنا يالخت ولا كأنك عايشه معانا ،،،، امها قالت ليها علياء مالك انتي ؟؟؟  ،،،تعالي يا بتي هاجر تعالي اقعدي معانا،،، قالت ليها معليش يا خالتي بس دايره اجهز الاكل لي وليد قبل ما يجي بس ممكن تمسكي لي ألين  دي قالت ليها يا بتي وبتطلبي مني كمان! جيبها طوالي دي هو انا لاقيه ألين وين ،، ادتها ليها ومشت ،،،عاينت لي بتها قالت ليها شوفي هاجر دي هسي ماشاء الله  مهتميه بنفسها وراجلها  واولادها  اتعلمي منها ،،، قالت ليها يا ماما اسكتي  ماشاء الله عليها شنو  دي  قاتله نفسها بينهم ولا كانوا ،،، قالت ليها يا علياء المفروض كدا ،،قالت ليها المفروض كدا ؟؟؟؟؟ ،،هي عاينها علي الشغالين الفي البيت بس قال شنو دايره تعمل الاكل لي راجلها براها متخلفه دي ولا شنو، ،،لكن مالو المتعود علي الشقى لو شاف  الراحه بيستخسرها علي نفسو ،،، قالت ليها اسكتي اسكتي انتي ليه كدا مافي زول عاجبك  ؟قومي  قومي يا ألين بدل نقعد في حرقة الدم دي ،،،،قالت ليها حرقة دم انا بقيت حرقة دم ،،،مشت ولا ردت ليها، ،، قامت قالت انا زاتي امشي اشوف هند عملت شنو علي اخر الزمن هديل تجي تعيش معانا ها،،،

"في ناس موهبتها انها تركز بس في حياتك يعني بدل يشوف الخراب الفي حياتهم يجوا عشان يخربوا حياتك كانهم بيقول ليك علينا وعلى اعدانا "".
يتبع
#دوافع_حب "1" 💕💕
#نون-علي
____________________
    اي واحده كانت بتقول لي ما نفسك تكتبي  روايه  احب اقول ليكم كان ما انتو وتشجيعكم  ما كان هسي  قدرت ارجع  تاني  ف والله محبات محبات ليكم كلكم 💕💕💕💕💕