دوافع الحب ♥

26

#دوافع_حب26
#الاخيره
#نون_علي

وفي زول جراني على العربيه لدرجه اني وقعت ،،، دايره اصرخ  خدرني  ،،،تاني ما صحيت الا على صوت زول بقول لي  اخيرا ،، نورتي علينا ،،، استغربت انا وين  اتلفت مكان قديم و فيهو انوار خافته ،،، يديني و رجليني  مربطات، ،، زول قدامي اول مرة اشوفو ،،  قال لي المدام شخصيا شرفتينا  والله ،،، قلت ليهو انا وين !!! انت منو!! ،،، انا لسه ما مستوعبه حاجه ،،، ضحك قال لي ده ما سؤال المهم انتي عارفه انو عمار بفتش عليك ،، طبعا انا ما حبيت اصحيك  خليتك على مهلتك، ، عشان بعد ما تصحصحي اتصل بيهو ،،،انا ما فاهمه اي حاجه ،، طلع وخلاني مربطه  ،،،
_______________

من جانب عمار
جاني شغل ضروري ف انجبرت  اني امشي ،، وانا بخلص  في الشغل سريع سريع عشان ارجع لي هديل ،،،لمن جيت راجع،،،  عاينت لوليد بيتكلم  لمن قربت سمعت بقول لينا يوم ،،،، ما وقف اتكلم معاي وطلع طوالي بطريقه سريعه ،، عاينت لهند ،، قلت ليها عملتي شنو تاني، ،، طوالي بكت ،،  استغربت ،، قالت لي كلكم  مفتكرين اني انا الغلط في حين وليد هو الجاني  وقال الا يقعد معاي في الغرفه لمن رفضت،،، قال لي لينا يوم ،،، وبكت زياده ،،  وانا فعليا صدقتها ،،، قلت ليها طيب وليد غلطان ،،وانا بتفاهم معااه، ، داير امشي قالت لي عمار عليك الله اقعد معاي شويه انا بالجد خايفه ،، ابتسمت ليها باستهتار نظام انتي بينخاف عليك ،، قالت لي خلاص ما تقعد نشرب شاي في المطبخ مع بعض ،،،، اترددت قالت لي عليك الله بس مسافه الشاي  وتاني والله ما ح اطلب من حاجه ،، قلت ليها تمام بس سريع، ،، مسافه ما قعدت في  الصاله  كان جابتو، ، قلت ليها بالسرعه دي !!!!!،،ياخ ما حصلت اتصل بهديل زاتو ،، بقيت بشرب فيهو سريع سريع لمن شفت اتصال من هديل ،،اكيد ح تكون مقلقه علي ،،وضعت الكبايه، ، ما وصلت السلم حسيت نفسي  مدروخ، ، بحاول اطلع ما قدرت ،، حسيت بيدين على كتفي تاني ما شفت حاجه غير وانا علي السرير ،، وبالي مع هديل لدرجه كنت بقول هديل ،، بعديها ما صحيت الا الصباح، ،فتحت عيوني ،،وانا لسه ما واعي كويس، ، لقيت هند قدامي وهي بقميص قصير ،،، لامح التشيرت حقي واقع،، هند قالت لي صبااااحو  يا حلو ،،،  ختت يدها فيني انطلقت منها بسرعه ،، اتذكرت هديل سريع سريع ،،ما كان  عندي وقت اتفاهم ،،، وصلت الشقه وانا نفسي قايم ،، ما لقيتها ،،اتصلت تلفونها  نستو،،يا ربي مشت وين ،،،ساعه وانا  ما لاقيها بقيت في حاله لا يعلمها إلا الله ،، اتصلت ب عم احمد بس قبل ما اسالو قال لي هديل كيف ،، من السؤال عرفت انو ما معاه ،،جاني اتصال من تلفوني قلت معناها  خلاص دي هي اتفاجأت ب رقم محمد ،،، رديت قال لي وهو  بضحك ، عمار كيفك اشتقنا والله ،،،،، قلت ليهو انا ما فاضي ليك ،، قال لي اااا ما لقيت المدام ،،  كيف ح تلقاها و هي قدامي !!!!،، اتخشبت في مكاني ،،كيف يعني هديل قدامو !!!،،  ، قال لي اتهجمت صح ، ،، زمان قلت ليك انا لمن اضرب زول بضربو ضرب بحيث ما يقوم تاني، ، قلت ليهو محمد اوعك  اوعك من هديل لو عندك عداوة  خليها معاي قال لي ما هي اصلا معاك بس ما فيها حاجه لو زوجتك شرفتنا يومين  كدا ،، وقفل الخط ،،،حسيت بشعور كعب وقتها حسيت انو هديل ح تروح مني بعد ما لقيتها، ، انا لسه ما اعترفت ليها ،، اا لسه ما وريتها  ب الفي قلبي ليها ،،،اتصلت بحازم قلت ليهو بصوت معصب انا مش زمان قلت ليك اعمل مراقبه لمحمد ،،، حازم قال لي بسم الله مالك يا عمار ،، قلت ليهو ما تقول لي مالك !! مرتي مخطوفه وانا ما عارف مكانها  وين ،، ولا بقول ح تقعد معاه يومين عارف يعني شنو يومين ،،، قال لي محمد خطفها !!!!!! دقيقه دقيقه برجع ليك ،،،  قفل الخط بعد دقيقه رجع لي  قال لي انا بعتذر والله يا عمار  الراجل فعلا مراقبو ما كنت مفتكر دي مرتك ،،، قلت ليهو  المهم هي وين هسي !!! قال لي في ......
قلت ليهو تمام ،، قال لي ما تمشي براك الزول ده مسلح، ، قلت ليهو لاا بالجد خفت ،،، قال لي عمار ما تتهور  انتظرني ،، قفلت الخط ونزلت بسرعه ،، امي قالت لي مالك ،،،!!!،، ما رديت ،، بس سمعت هند بتقول ليها هديل طلعت من البيت ،،، ما ركزت وطلعت طوالي حازم دايرني اقعد انتظرو   شكلو دايرني   احصلها جنازه ،، مفتكر الموضوع ساهل علي اخلي مرتي مع راجل غريب وانا قاعد هنا ،،،وصلت المكان بسرعه قياسيه  وانا قلبي في يدي ،، دخلت ،،اسحب براحه براحه ما عارف هي وين بالضبط ،، بس كل ما ادخل اكتر كل ما الحراسه مشددة  اكتر ،،،في قلبي قلت بدل كميه القروش المصروفه دي لو فتح ليهو مشروع ما كان اخير،،،قربت اصل للغرفه الفيها هديل، ،، في واحد ركز ،، بعديها بدت مرحله من الاشتباكات مع الرجال  بس الوقف الاشتباك محمد هو موقف هديل قدامي و السكينه في رقبتها  قال لي يا تستسلم يا اما اقرأ عل روح مرتك الفاتحه،،، هديت من اعصابي ،، لاني كنت بضرب فيهم،  فضل لي اتنين بس وانتهي منهم بس وصل في اللحظه الغلط، ،،،، محمد قال لي ممتاز جيت براك تشهد علي حالة وانا بغتصب مرتك قدامك ولا تقدر تعمل لي حاجه ،،، اظن مافي اكعب من كدا ،، انا كنت عايز اعمل كدا و ارسلو فيديو ليك و اخلي الرجال ديل زاتهم ينبسطوا معاي ،، بس ما شاء الله عرفت مكاني سريع ،،وعاين لي الحراس الواقعين في الواطه مدروخين، بس طلعوا شويه بهايم ،،، انا عقلي مجمع كان في نقطه معين نقطه قبل ما تتدمر هديل ح تتدمرني انا ...،، قلت ليهو عشان اخر الزمن انت جبتها هنا كيف ؟؟؟؟ ضحك قال لي صحي ما وريتك،  ،،، عملت ليك جاسوسه في بيتك ،، بت شغاله عندك ما عارفه اسمها بس ماشاءالله  مخلصه في عملها اخبارك اول ب اول ،،، ده طبعا غير مرتك  هند الجات اتفقت معاي ،،، طق اتذكرت هند قبيل لمن قالت هديل طلعت عرفت كيف هي ،،،!!!! ،،بعديها قال  لي هند دي كنت داير لي طريقه معاها بس لحظي السمح سمعت الخدامه بتتكلم معاي ،،،بعديها اتصلت بي واتفقت معاي ،، غريبب  صح ،،، بس نعمل شنو النفوس لمن تبقى وسخان  العمار بجي كيف !!!!!،،،ما خلاني افكر  واشر على الراجلين  ،،بسرعه مسكو يديني وربطوهم ،، انابقول ليهو ح تندم  ،،،ح تندم يا محمد ،،،قال تهديد تهديد...

من جهة هديل لمن سمعت اصوات برا حسيت انو ده عمار، ،،كنت بصرخ ب اسمو بحيث يسمعني ،، جاء محمد و لون وشو مخطوف عرفت انو عمار قدر عليهم ،،، بسرعه فك لي يديني و رجولي قال لي قدامي قدامي ،،،  بعديها الاحداث بالنسبه كانت صعبه ،،، حتى هند العملتوو ،،ما كنت متوقعه  اتفاق بيناتهم ،،، يعني مخصوص  عملت الدراما دي عشان اشوفها  واطلع من البيت ،،وتجي تقول لعمار  طلعت براها ،،، بس محمد ما صبر و اتصل بعمار  ،، غرورو صور ليهو انو كدا قدر ليهو وفعليا ،،، ده الحصل ....
_______________