دوافع الحب ♥

10

#دوافع_حب10
#نون_علي

من جانب هديل

عمار لمن قال طالع كنت عايزه اسالو ماشي وين وكذا ،،بس هو سبقني وقال طالع مشوار ،،، انتظرتو لحدي ما جا اول ما سمعت صوت الباب جريت جري رقدته  عملت فيها نايمه والمرة دي  بالجد حاولته احافظ علي انفاسي بحيث اكون عاديه ما زي المرة الفاتت ،،، حسيت بيهو دخل الحمام ،،بعديها جا وقف جنبي بقدر الامكان اتماسكت ،، حاولت ابين اني نايمه   ،،بس علي منو ،،لمن جا مشى يدو علي كتفي اتوترت  توتر ،،،بس برضو  عملت نايمه ،، اول ما جراني عليهو قربت اجري ،،، هو مسكني زياده قال لي  الصباح رباح وبنتافهم، ،، بعديها  هديت ما كان عندي طاقه زاتو اعاند  ،،وأعاند علي  شنو زول ما عايزني في حياتو الومٌ علي شنو؟؟؟؟ زيي و زي هند فترة وبتعدي ،،،،الصباح قمت من الاذان  ،،اتفكيت من عمار براحه ،،بس ما قمت كويس جراني تاني انا علي حس انو نايم ،،قال لي هو مغمض عيونه ونعسان، ،،ماشه وين  الواطه لسه ما اصبحت،،، قلت ليهو  ااا ماشه الحمام !!! ،،فتح عينو اليمين واترفع الحاجب اوتومتك، ،قال لي طيب ،،، هو بمشي يدو علي وشي ،،، قمت طوالي دخلت الحمام  مسافه ما استحميت واتوضيت، ،لقيتو منتظرني جنب الباب ،،قال لي اتاخرتي كدا ليه ،،،قلت ليهو لاا اخدت حمام، ،،قال لي اااااا ،،،، قال لي ح تصلي!! قلت ليهو اي ،،قال لي انتظرني نصلي سوا ،،، فعليا انتظرتو  ،،بعديها صلينا ،،في النهايه قبل علي وشربك يدينو في يديني قال لي انا عارف في اسأله كتيره في راسك بس لازم تعرفي  اني بعتبرك اكتر من زوجه ،،،فعشان كدا عايز اقول ليك نقطه مهمه ،،،،سكت مسااافه  لدرجه قلقته لي قلقو قلت خلاص ح يقول لي نطلق ،،، جاتني مية فكره في راسي ،،وهو لسه ساكت ،،،لمن غلبني الصبر قلت ليهو واصل !!!! قال لي خليها المساء هسي داير اقول ليك انا ح انزل شغل بعد كدا،،،،اتحيرت فيهو يعني الموضوع صعب لدرجه دي ،، كل مرة ياجل فيهو خايف كدا ليه !!! في النهايه هزيت ليهو راسي ،،، قمت ،،طلعت التوب ونسيت نفسي لابسه جلباب مع الركبه ،،،شايفه نظراتو لي بس ما  اهتميت ورقدته في السرير، ،،هو جاء ورقد جنبي بس المرة دي لفتني عليهو  وشي بقى مقابل وش ،،، عاين لي بنظرات خلتني اقول ليهو لااا اراديا انت نازل شغل ،،، قال لي انتي قايلني بفتر يا ستي انا بزيد حيويه  ❤❤❤

________________
من جانب رنا
بعد ما ماما حبستني  جاتني بعد مسافه شالت تلفوني وطلعت ،،،ما سألتها ولا اتكلمت معاها بس كانت دموعي بتنزل بصمت،،لسه كلامها  بيتردد في راسي ،،لمن قالت لي حسان "لو اخر زول ما بعرسها ليك"،،،طيب ليه انا عملت شنو، ،،كلهم  شايفني غلطانه ،،غلطته في شنو ؟؟؟،،، هو وقت ما كان خاطب اهتمامي كان اتجاهه لاني قمت لقيت نفسي مهتميه بيهو في الصغيره قبل الكبيره ،،وناس بيتنا ما كان عندهم اعتراض   علي الحاجه دي ،،،  هسي اول ما عرفت انو خطب  بعدتا، ،،،، عشان ما اثر علي نفسي خليت ليهم البيت وقعدته في بيت عمي احمد ،،ليه ما غلطهم ليه ما قالوا ليهم الزوله دي بتبعد منكم خلوها ، ليه ما قال ليهم وقت انتو دايرين بعض دايرين منها شنو، ، ان شاء الله  تقع في النار،، خليكم انتو في حالكم ؟؟؟؟؟؟،،، طيب وقت هم متعاطفين  علي بسمه ليه ما اتعاطفوا معاي ليه وقت كانت بتطعني بالكلام ما كان في زول بيقول ليها غلطي ؟؟؟؟؟؟،، وقت ما وافقت علي خطوبة حسان ليه مافي زول لامها؟؟؟ معقوله ما عارفين اني عايزه  معقوله ما كان ظاهر علي ؟؟؟  حتى لو قالوا ده خيارو  خلاص ما يميزو بيناتنا، ،، ما يقعدوا يشوفوها الصح وانا الغلط ؟؟؟؟ ،،، انا والله ما جريت وراهم ،،، حسان ده زاتو الجاني ما انا، ،،هسي لمن يحاسبوا الغلطان اشيل الغلط كلو علي ،،؟؟؟ مفروض التلاته نتغلط  ،،،مع اني ما جيت علي حقها لاني كنت متحسسه  من جانبها حتى  قلت لي حسان احزم قرارك، ،،،، بس خلاص اي حاجه انتهت ،،، يومين انا محبوسه  اخواتي ماما ما خلتهم يدخلوا لي ،،،بس بيدخلو لي الكلام، ،، ويطلعوا طوالي ،،،مرات يحنسوني  اكل ،،، بس ما كنت قادره ،،، لاني ما عارفه الحصل شنو، ،، يوم الين جاتني بالأكل  قالت الزعل والبكى ما ح يجيب حل مع امي ولو مفتكره كدا امي  ح تشفق عليك اكد ليك انتي الخسرانه،،قالت لي شوفي شكلك بقى عامل كيف عليك الله اكلي ،،،،  ما رديت علي كلامها بس قلت ليها امي الحصل معاها شنو، ،، سكتت،،قلت ليها ألين؟؟؟ قالت لي بصراحه بسمه جات هنا ووو..حكت لي الحصل كل لحدي ما قالت ليها الدم ما ببقى مويه،،، قلت ليها ما بررتي لي  ماما موقفي ؟؟؟؟؟ قلت ليها يا رنا ماما شايله موقف مننا كلنا ،،،، سكت مسافه ،،قلت ليها اطلعي بره ،،،، قلت لي رنا؟؟؟،،، صرخته قلت ليها طلعي طلعي بره ما دايره اشوف زول فيكم ،،،، طلعت قالت لي ماتنسي تاكلي ،،، الحاجه السمحه انها بعد ما طلعت غفلت الباب بالمفتاح ،،،ضحكت ،،وما تميت ضحكتي بكيت ،،،،  يعني ماما اتخذت موقف حازم ضدي من غير ما تسمعني!!!!! اتهمتني بالخيانه في حين انا ما جيت ليهم هم الجواني، ،،علي الاقل انا بتها تشوف انا عملت كدا ليه وعشان شنو ،،،تفهمني  ،، حتي لو غلطانه تغلطني  مش تحبسني  من غير ما تسمع مني ،،، سمعت من الغريب غلبها تسمع مني ؟؟؟؟ طيب ليه؟؟؟ مش انا بتها ؟؟ مش تكون واثقه اكتر  وتعرف البيحصل قبل ما تعاقب ؟؟؟؟؟ خلتني يومين في الغرفه محبوسه ولا جاتني بالغلط قالت التشوف حالتي ،،،بكيت بكيت بحرقه حسيت كلهم ضدي كلهم انا براي مافي زول معاي ،،، شعور الوحده البقى مصاحبني ،،، الاربعه حيط البقت قصادي ،،، يعني انا متاكده  لو مته مافي زول ح يبكي علي ،،،،ضميت نفسي علي وانا نفسي اصرخ نفسي اسمع العالم كل صوتي ،،، جواي شعور مؤلم،،،حسيت اني مخزوله؛؛ بعديها بقيت اشوف طشاش طشاش ،، دقيقه دقيقتين، ،، ما حسيت بي اي حاجه حتى جسمي بقى تقيل  علي ،،،،وراسي لافي لدرجه ما شوفت تاني غير الضلام ،،سامعه من بعيد بابا يصرخ  بيقول ليها حابسه البت ليه يا سوسن ،،،؟؟؟؟،، انا يومين ما شوفتها وانتي حابساها، ،افتحي الباب ده سريع، ،،،  تاني ما حسيت الا بيدين بترفعني بتلبسني في عبايه ،،و بابا بيصرخ بيقول ليها مرتاحه كدا خلاص اها ح تروح مننا بسببك، ،،، تاني جاتني اصوات بتبكي ،،، و اصوات بتصرخ بجمل ما مفهومه، ،تاني شوفت من بعيد حسان ،،،وبعديها ما حسيت بحاجه ......