دوافع الحب ♥

3

#دوافع_حب3
#نون_علي

واقفه جنب الباب وشنطتي جنبي ،،قربتا اضحك يعني كنتِ متوقعه شنو يحضني ويقول لي بحبك ولا يقول لي تعالي نصلي سوا ،،هااا دي احلام ورديه لازم اصحى منها ،،ما انا الرضيت بالحاجة دي اخدت نفس قلت صبرت الكتير غلبني القليل ،، ،،،جريت شنطتي  ودخلت الغرفه الاشر لي عليها ،،اتفحصت الغرفه كويسه فعليا كدا عجبتني طلعت التوب بفتش لي علي اي جلباب او بجامه لقيت ماشاء الله صحبتي زوبه ما بتتوصى  كل جلباب اكعب من رفيقو، ،لحدي ما لقيت  بجامه  كدا تلت اربع ،،،دخلت الحمام حتى شعري غسلتو بس كدا جن🤣↖️،،، لمن جيت طالعه رفعت راسي وانا بغني مبسوطه ساي علي شنو ما عارفه  لقيت ليك عمار متكل على طرف الباب بعاين لي ،،،اتحرجت احراج  لا عرفت ادخل الحمام تاني لا لقيت توب جنبي اي هو راجلي بس ما متعوده  عليهو وكذا ،،، اصنمت ليهو في مكاني ،،،جاني قريب ومسك يدي قعدنا على طرف السرير ،،زح لي شعري بطرف يدو قال لي بصوت هامس اصلا انتي حلوة كدا ،،،، بقيت بعاين ليهو بس نظراتو كانت قويه  نزلت وعاينت لي يدي الماسكها زحيتها من سكات،، المشكله هو واصل وقرب من وشي ،، اتجمدت في مكاني مهجومه، ،، بس شكلو حس على نفسو وقام سريع  قال لي اااا نسيت زاتو جاي ليه ؟؟؟؟ طلع ما وصل جنب الباب جاني راجع قال لي كنت دايره اوريك الاكل  في المطبخ ،، بقيت بعاين ليهو بحيره  نظام ايوة الاكل مكانو المطبخ؟؟؟؟،، ضرب راسو  بيدو قال لي ياخ ،،، وطلع بعد مسافه تاني جاء يعني والله عامل الدرب ساساق مقلق ومقلقني معاهُ ،،،،  لكن المرة دي شكلو متمالك نفسو ،،قال لي طيب يا بت الناس  عارفه براك ظروف عرسنا والوضع العرسنا فيهو فلا انتي بتعرفيني ولا انا بعرفك ،،،"في قلبي قربت اقول ليهو انا بعرفك" ،،، عشان كدا خلينا فترة تعارف ممكن تقولي ،،، لمن نشوف نهايه الموضوع ده ،، لمن قال كدا قلت ليهو نهايه شنو قصدك ،،، عاين لي مسافه قال لي ما انتي بتعرفي تتكلمي ،،،، "في قلبي قربت اقول انت لسه ما شوفت الروح النكديه الجواي """،،، ما رديت ،،قال لي خليهو ده موضوع تاني هسي بخصوص شهر العسل ح نقعد في الشقه دي وبعديها ح نرجع شقتي  المع اهلي ،،،  في النهايه قال لي اعفي لي من حقك بس ربنا يعدل الحال ،،، وطلع على كدا ،،،هو قايلاني مثلا ح ازعل علي موضوع شهر العسل يا سيدي انا معاك براهو شهر عسل ،،وكل بكره بجي بالذوق ،،دايره انوم اتذكرت نظراتو لي واضح اني مأثره عليهو خطيت يديني بوشي واضحك براي زي المانصيحه .....
____________________
"رنا "
بعد ما خلصنا لبس وكويت لي يوسف وقفت جنب باب الصالون ،،،لقيتو منتظرني قلت ليهو معليش اتاخرت ،،قال لي لاا ما مشكله وعذبتك معاي ،،قلت ليهو لاااا ما بيناتنا، ،مديتو ليهو  مشيت  وقفني قال لي رنا ممكن دقيقه ،،،اتحيرت  يعني مافي حاجه بيني وبين يوسف ،،،دايره ارد جاء حسان قال ليهو لااا مافي دقايق بيناتكم ،،، اتلفتنا الاتنين ،،يوسف قال ليهو لااا بس كنت دايرها في حاجه ،،قال ليهو عندك اختك امشي شوفها ،،،  حسيت في مشاحنات حاصل ،،،قلت ليوسف ما مشكله اتفضل لو بقدر اساعدك ،،،مالحق يرد  رد حسان  مساعدة شنو انتي البتساعديها لي الغريب  وتستكرهيها على القريب ،،،، يوسف قال لي ااا خلاص يا رنا ما مشكله لي بعدين ومشى ،،حسان قال ليهو كمان في بعدين ،،؟؟؟،،  ما ردا ليهو قلت ليهو في شنو يا حسان ما شايف زول قدامك  الولد داير مني طلب مالك انت ،،، قال لي مالي انا ؟؟؟؟ انا ولد عمك يا هانم ،،، قلت ليهو يعني شنو، ؟؟؟ ابوي ؟؟؟ ،، عاين لي بنظرات قال لي انتي متين كبرتي كدا وبقيتي تردي لي ؟؟؟؟  قلت ليهو دي ما شغلتك ومشيت ،،قال لي ايوة ما شغلتي تمام تمام  ....
بعديها تم العقد وباركنا لي هديل  واضح انها كانت مبسوطه  حلوين حلوين مع بعض، ،،، بعد ما مشت هديل قلت امشي  اجيب حاجاتي من ناس الجيران   ،،،ألين قالت  لي ما  ماشه انا لحقت اقعد بهدومي لمن امشي اطلعها،،،،وسن قالت لي لو ماشه امشي  براك ،،،فعليا مشيت انا اصلا منفسنه وعلى العلي صادفتني بسمه قالت لي رنا ،،،قلت ليها نعم ؟؟ قالت لي حسان قال لي اسالك من الحاجات البحبها والبحب يعملها  ،،قلت ليها وليه تسألني انا وانا العرفني شنو ،،قال لي لااا ما هو قال لي انتي بتعرفي عن اي حاجه وخاصه انو بعتبرك اختو الصغيره ،،،سكتت والعبره خنقتني يعني حسان ده لو دايرني اموت يقول لي موتي وخلاص ،،اخدت نفسه وقلت ليها يا ستي انا ما عارفه عنو اي حاجه وهسي ما خجلانه  انتي ..انتي وهو كبار كده تجوا تسألوا شافعه او اختكم الصغيره ؟؟؟؟؟؟،، طبعا زعلت مني ،،ولا انتظرتها ترد مشيت..  الشارع كلو انبذ ما خليت زول ما نبذتو  طبعا النصيب الاعظم لحسان، ،،،  بعد ما كنت عايزه اغير هدومي واشوف لي اي عبايه تاني قلت كمان الليله اقعد بيهم ل بليل بدل يجي اليسو  و الما يسو يقول خلاص نفسنت  ،،تاني جيت راجعه اخواتي قالو لي والله عبيطه ماشه وجايه ساي ،،مقلقه كدا مالك ،،،؟؟؟  قلت ليهم لاااا ،،خالتو فاطمه قالت لي وين انتي يا بتي يوسف ده من قبيل يسال منك ،،، طبعا اخواتي رفعوا راسهم ومبحلقين فيني ،،قلت ليها ليه مالو خير يا خالتي، ،قالت لي ما بعرفو بس على العموم في حاجات دايراك توديهم لي ناس الجيران ،،قلت ليها طيب ،،قالت لي بس امشي ادخلي لي الناس  ويوسف بيشيل ليك الحاجات  ،،، تعالي اوريك،، ألين قالت لي والله ماشاءالله  ما بتاخدي نفس؟؟؟؟ وسن قالت لي ولا كأنو نحنا اخواتك تنطي من ده لي ده ،،، عاينت ليهم قلت ليهم ما ح ارد ،،مشيت لخالتو فاطمه، ،، نادت لي يوسف وشال الحاجات ،،جينا مشينا لقيت  بسمه وحسان واقفين جنب بعض ما عارفه بقول  ليها في شنو وهي  بتضحك ،،، كان نفسي اكون مكانها اكون انا الواقفه الوقفه دي معاهو ،،صدقني انا بحبك اكتر منها  ،،بس يا خساره ،، يوسف قال لي نمشي، ،قلت ليه بصوت مبحوح اي ،،،،  يوسف ما خل لي سؤال ما سألني ليهو  في النهايه قلت ليهو الأسئلة دي كلها ليه ،،قال لي بصراحة  يا رنا انتي من زمان عجباني   وما لقيت لي فرصه معاك وخاصه يعني بامانه انتي ما كنتي شايفه زول غير حسان ،،،"قلت لي نفسي كلهم ملاحظين كدا هو ما لاحظ  للحاجه دي "،،،قلت ليهو يا  يوسف انا مقدره مشاعرك اتجاهي بس كمان يعني ،،،قاطعني قال لي ما مشكله عايزه فتره نتعرف على بعض  طوالي.. ما انتي الزوله البفترو من انتظارها❤، ،،،سكت بعد كلامو ده ولو علي ابكي اصلا دموعي بقت طرف ،،يعني بالجد يوسف زول كويس بس كمان انا روحي في  حسان ،،متاكده لو حكيت لاخواتي الحصل ح يقولوا لي وافقي  ولو قلت ليهم حسان ح يقولوا لي حسان ما اشتغل بيك ولا عاملك اصلا في حساباتو  انتي مالك بيهو ،،،،
وصلنا البيت  يوسف دخل باب الصالون وانا جيت ادخل بالباب التاني لقيت زول بجرني من يدي ،،،وماشي على اتجاه العربيه قلت ليهو حسان فكني ،،بحاول افك يدي قال لي بصوت عالي نسبيا ولا كلمه ،،ركبني العربيه وجاء ركب ،،بسمه كانت واقفه قال ليها ادخلي ما تقيفي في الشارع ،،، يعني فوق ده كلو خايف عليها  ،،، دايره انزل كان خلاص ركب مسك يدي واتحرك ،،،،،
___________________
"هديل"
صحيت الصباح بدري ما من عادتي لكن والله الجوع غلاب ،، صليت ولبسته التوب فوق هدومي يا المطبخ جاك زول ،،، عاينت لغرفة عمار ،،اترتده مسافه قلت ما بكون صاحي امشي اشوف الوضع كيف وارجع ،،اتسحبت براحه فتحت الباب  الليله بس لو لقيتو  صاحي ،،مديت راسي لقيت الغرفه فاضيه ، جاني صوت بوراي  قال لي بتعملي في شنو!!!!،، نطيت نطه ،،قبلت وراي لقيتو شايل  كباية جبنه في يدو ،،قلت ليهو اااا لاااا كنت مفتكراك نايم ،،قال لي اها يعني جيتي تصحيني؟؟؟،،قلت ليهو لاااا،،،،ابتسم قال لي تعالي تعالي  اوريك المطبخ ،،، مشى قدامي اخدت نفسي هيبتو تاخد الانفاس والله ،،،، دخلنا المطبخ  كان تخطيط حلو شديد واي حاجه موجوده فيهو ،،وفي طاوله في النص قعد علي طرف  قال لي اصلا بتصحي  بدري كدا ؟؟،، قلت ليهو مرات يعني ،، قال لي ااا،، لمن لقاني متوتره قال لي بنتظرك في الصاله بره ،،،عملت لنفسي شاي بعد تفتيش عن الحاجات وطلعت  ليهو لقيت مشغل الشاشه وانتظرني قعدت قصادو ،،وعيني على الواطه ،،قال لي مش من الزوق تعملي لي معاك ،،طبعا نسيتو كلو كلو ،،عاينت لكبايه  الجبنه لقيتو لسه ما خلصها ،،قلت ليهو طيب بعد ما تخلص الجبنه بعمل ليك ،،ضحك قال لي كويس بتعرفي تردي، ،،بقيت بعاين ليهو مستغربه هو قايلاني بكماء يعني !!!،،،،، قلت ليهو في زول قال ليك ما بعرف اتكلم ،،قال لي ما محتاج زول يقول لي  لانو ما حصل شوفتك بتتكلمي  ،،في قلبي قلت ليهو ما انت ما عارف انا لمن اشوفك بحصل فيني شنو  ،،،قال لي بابتسامه نص بس زمان لمن كنتي بتتفاصحي  وعامله فيها محمد ولد ،،،هنا الشاي شرقني  وجزء  اتكشح في كرعيني وعلي العليهو حار ،،،جاني قريب قال لي يا ستار يا ستار  ،،استغليت الوضع عملت فيها انو حرقني وكذا واصلا  دموعي قراب ،،،قال لي بسم الله قومي قومي كبي فيها موية بارده ،،لمن ما اتحركت شالني طوالي وقف جنب باب الحمام قال لي كبي فيها مويه بارده بتخف لمن اجيب البرهم واجي ما خلاني اتكلم مشى ،،،المشكله ما هنا المشكله اني ما اتحرقت ولا حاجه دايره انسيهو الموضوع ،،،دخلت الحمام حبسته نفسي دق لي الباب قال لي اطلعي اعمل ليك  البرهم قلت ليهو لاا جيبو بعملو براي ،،قال لي انتي ما تطلعي عشان اشوف لو حاجه كبيره نمشي المستشفى ،،  قلت في نفسي يا وكستك يا هديل كمان داير يوديك المستشفى قلت ليهو لااا ما كبير بس مد لي البرهم ،،،قال لي طيب مداهو لي ،،  دايره اطلع اتذكرت اني نسيت التوب بره  ،،الله ،،،دق لي الباب قال لي الحصل معاك شنو ،،، قلت ليهو لاا  احسن ،،اااا ممكن تمشي غرفتك يا عمار ،،ما سمعت صوت  ،،قال لي طيب ،،،،سمعت صوت الباب فتح وقفل ،،اتنفست ، وطلعت وانا شغاله مبروكات مبروكات صدقك واتعاور  وارقص ساي ،،،ما لقيت الا زول بضحك اتلفت لقيتو واقف جنب الباب ،،واي واي يا ارض ابلعي والله قربت ابكي في مكاني من الاحراج ما عرفت اعمل شنو اتكشفت بالثابت  ،،جاني قريب وهو لسه بضحك مسكني من يدي وقعدني على الكنبه قال لي لااا بالجد انتي مبالغه كل ما بتطلعي من الحمام بتكوني مبسوطه !،، وهو لسه بضحك ،،،طبعا عيني ما قدرت ارفعها في عينو ،،رفع  وشي بيدو وقال لي ليه ده كل عشان قلت ليك محمد ولد ،،،كرفست ليهو وشي  قال لي لااا الموضوع ده داير اعتذار وباسني في جبيني ❤❤ ،،،دقات قلبي بقت عاليه شديد يعني انا كنت دايره نظره منو هسي هسي الوضع اتطور شديد  المشكله ما وقف علي كدا  نزل وباسني في خدي ،،❤ ،،،قال لي اصلا انتي حلوة كدا ،،وداير يواصل لسه ،،تلفونو اتصل ،،قلت ليهو اااا تلفونك ،،، حرك يدو في  شعري وهو لسه انفاسو فيني قال لي خليهو ،، ما عارفه شعوري  شنو بس زي الزول الما مصدق ثابت  ليهو  ،،،، لمن زهج من المتصل قال لي دقيقه خليك مكانك ،،، وطلع بعد مسافه اتفكيت من التجمد الكنت عايشاهو وبقيت اهبش في جبيني 🤣↖️ ،،، طلعت وراهو اشوف   الحصل شنو !!! سمعت بقول ليها يا  هند استهدي بالله   ما تبكي  ،،،، خطوة خطوتين لقيت نفسي رجعت غرفتي وقفلت الباب  علي ،،، ما قدرت ابكي لانو البكاء  كلو اانا كملتو  مصدومه ،، المشكله انا عارفه ده الح يحصل بس كنت بقول بعمل لنفسي اعتبار على الاقل في الشهر الاول ،،،اذا من بدايتها كدا من البدايه شايل هم هند طيب انا  ح يحصل فيني شنو، !!!!!